الموضوع: واحة الشعر و الشعراء (مساحةأدبية)
عرض مشاركة واحدة
قديم 01-16-2023, 04:41 AM
المشاركة 7
الصورة الرمزية الـتـوق
الـتـوق
نــزاري الحــرف
  • غير متواجد
Post

ملف مرفق 54028


شَوْفِتِكْ تِحْيِيْ الْعِرُوْق التَّالْفِهْ
فِيْ جِفَافْ الْعِمْر كَنِّكْ صِبْح عِيْد

جِيْتِنِيْ .. وِظْرُوْفنا مِتْخَالْفِهْ
وِابْتِدَتْ لَحْظَاتْ مِنْ عِمْرٍ سَعِيْد

مَعْك رُوْحِيْ بِالْغَلا مِتْوَالْفِهْ
وْ لِكْ تِفِزّ بْشَوْق نَبْضَاتْ الْوِرِيْد

وْكِلّ مَا مَرَّتْ عَلَيْنَا سَالْفِهْ
نِضْحَكْ وْنَذْكِرْ تِفَاصِيْل وْنِعِيْد

كَنْ قِوَافِيْ الشِّعر قَبْلِكْ حَالْفِهْ
مَا تِغَنِّيْ حِبّ بَابْيَاتْ الْقِصِيْد

وْ كِلّ لَحْظَاتْ السِّنِيْن السَّالْفِهْ
مَاتَتْ .. وْعَاشَتْ مَعِكْ عِمْرٍ جِدِيْد

يِسْتِقِرّ الْقَلْب بِاللَّى يَالْفِهْ
وْ فِيْ وِصَالِكْ نَالْ قَلْبِيْ مَا يِرِيْد

وِالْمَحَبّهْ لَوْ تَرَاهَا كَالْفِهْ
بِالْوِفَا تِبْقَى لِكْ الْعِمْر الْمِدِيْد

وْشَوْفِتِكْ أحْيَتْ عِرُوْقِيْ التَّالْفِهْ
وْ صِبْح وَصْلِكْ كَنِّهْ إلاَّ صِبْح عيد

الشاعرةمريم النَّقْبي🌹