[IMG alt="شعر سوداني اجمل اشعار سودانية جمييلة رووعة"]https://upload.3dlat.com/uploads/3dlat.com_04_18_3bf0_8946d3cf8d871.jpg[/IMG]


ماقدرت اوادعك وهسه ليك مشتاق .. بعدك الأيام قاسيه مابتنطاق .. ماعندها اي مذاق


طرينا مشوار العصاري..
و رعشة الورد البلالي
البريد داير يداري..
والقلوب كايسة المحنة

كيف نلوم عصفور حِنيّن..
مرة بيقاسي الرياح..
مرة تلقاهو بيغني ..
فوق فريعو مع الصباح..
مرة في وادي المحنة..
و مرة في ابعد بطاح..
طاوي حريتو في جناحو..
عمرو ما ملَّ الرواح

باهي طلعة.. ما ليك نظير..
الزهر في خديك نضير
طيف خيالك صار لي سمير..
بحنانك أنا مستجير

سال من شعرها الذهب/ ابو امنة حامد
سال من شعرها الذهب.. فتدلى وما انسكب
كلما عبثت به نسمة.. ماج واضطرب
النسيمات والخصل.. فى عناق وفى غزل
نسجت حوله القبل. موكبا يغزل الطرب
فيه من سمرة الأصيل.. شعرها المذهب الجميل
ثغرها اليانع البليل.. كرزة حفّها العنب
يا حبيبى ... أكلما قلبىّ المغرم احتمى
بك وانزاح ملهما.. عاد كأسا بلا حبب
فاره.. مترف.. لدن.. فنن.. لا.. و لا فنن
هزنى الوجد والشجن.. فى الهوى قلبى إغترب
رقص الورد والزهر.. مهرجانا على النهر
سال فى الشط وانهمر.. عطره الحلو.. وانسرب
أى غصن إذا انثنى.. فيه تحتفل الدّنا
والثريات والسّنا.. غير بدرى إذا احتجب
عشت فى الحب منتهى التيه .. ولكن بلا انتهاء
تائه .. ذاهل النّهى.. شفّنى الوجد والطرب
إن تكن أنت لم تزل.. يوم بدر المنى اكتمل
نحن شلناك فى المقل.. وقعدنا على اللّهب



كل الحبايب بزعلوا/ عبدالوهاب هلاوي
كل الحبايب بزعلوا.. يا حبيبي لكن ما كده
شوف كم زمن و انا يا جميل..
حولك بفاوض المستحيل..
في ظروف غريبة معقدة
كل الحبايب بزعلوا.. حبيبي لكن ما كده
ناديت هواك بأعلى صوت..
ما لقيت معاك غير السكوت
دمعات تجي.. ودمعات تفوت..
والحلوة بينا مسهدة
كل الحبايب بزعلوا حبيبي لكن ما كده
ممكن اكون غلطان معاك..
في كلمة جات من غير قصد
حساس وحاتك يا ملاك..
يا رقة الندى والورد
و الحلوة بينا مسهدة
وكل الحبايب بزعلوا.. يا حبيبي لكن ما كده