الموضوع: كانت أيام وعدت 📚
عرض مشاركة واحدة
قديم 06-28-2024, 01:50 AM
المشاركة 2
الصورة الرمزية بياع الورد 🌹
بياع الورد 🌹
Junior Member
  • غير متواجد
Post
"حسيبك للزمن لاعتاب ولا ندم"

سنة 1962 الست اتحفتنا باغنية استثنائية و هي "حسيبك للزمن " .. ليه اغنية مميزة ؟
لان الست في الاغنية دي وصلت لاعلى درجات النضج و القوة كـ " امرأة ، الست هنا تخطت مرحلة " حيرت قلبي معاك " و " ياظالمني " و قالتله بكل حزم " حسيبك للزمن لا عتاب و لا شجن " ، نقطة و من اول السطر ، مش بس كدا لأ ده انت " تشكي مش حسأل عليك ، تبكى مش حرحم عينيك " و بكل ثقة و دلال قالت : " يوم من الأيام حتحتاج عطف قلبي يوم ، يوم من الأيام حتتلهف لقربي "
و ضيف للقايمة يا سيدي : " الزمن حيدوقك في البعد ناري ، الزمن هو اللي حيخلص لي تاري " ، لانها شافت ان " كله حترده الليالي عليك بدالي "
و بتوصل للكوبلية الاقســى في تاريخها و تقوله بكل قوة و جبروت :
" بكرة تتمنانى أحاسبك أو ألومك أو أعاتبك ، مش ححاسبك مش حعاتبك ، لأ ده انا كفاية إني سيبتك للزمن " !
ملف مرفق 128493