الموضوع
:
رواية بنت بمدرسه عيال اغنياء/للكاتبة ماري جو
عرض مشاركة واحدة
10-29-2023, 07:16 AM
المشاركة
120
روفي
كبار الشخصيات
تاريخ التسجيل :
Jun 2021
رقم العضوية :
119
المشاركات:
31,824
مئة واثنين بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[الــتــنمر]
.
.
اعتذر على الاخطا الاملائيه ×__×
.
.
كان واقف وراها ويناظرها بعيون ضيقه حزينه مليانه ألم.
كانت قاعده وتلعب ب لعبتها الي كانت اخر هديه تجيبها لها امها.
ضم شفايفه لبعضها وهو يغمض عيونه بحزن.
:زينب.
نادها بصوت هادي مخفي حزنه.
وقفت عن اللعب والتفت براسها ل شخص الكبير الي نادها بصوت حزين.
ناظرت الاشخاص الي كانوا جنبه وبعدها ناظرته.
ابتسم ف قال: سكرتي الحلوه.
قامت من على الارض وتقدمت له بخطوات متثاقله بطيئه.
وقفت قدامه وارفعت راسها تناظره.
جلس على ركبته والثانيه ثاناها قال ب ابتسامه:سكرتي تحب بابا؟.
امأت براسها ب ابتسامه ف قال:يعني سكرتي راح تسمع كلامي؟.
ناظرت الاربع الاشخاص الي كانوا ورا ابوها وناظرت ابوها هي تدري وش راح يطلبون منها وتدري ان ابوها مجبور وعشان تهون عليه.
امأت براسها بالموافقه.
:حسين مافيها شي كلها عدسه وخلصنا.
قال الثاني بتذمر من اخوه الكبير.
:هذا شي راح يدمرها نفسيا ف عشان كذا لازم نخفيه عن الناس ولا راح يشوفوها بنظره غريبه.
قال الاول بعد ما اعطى لثاني نظره معاتبه.
بعدها عم الصمت بالارجاء ف قال الثالث ب ابتسامه وهو يناظرها:زينب تبين تصيرين حلوه؟.
:اي مثل فزاع.
قرب لها وحضنها بقوه وهو يقول:حلوتي انتي اميره الاميرات انا حلو انتي ملكه الحلوين.
لفت ايديها الصغيره حول رقبته وهي تضحك لانه بدا يدغدها.
:زينب تعالي.
ابعدت عن فزاع تقدمت ل ابوها.
:حبيبتي الكلام الي راح اقوله اكيد ما تفهمينه بس احفظيه ولا كبرتي راح تفهمين.
غمض عيونه وتنهد وبعدها طلع علبه صغيره من جيبه وناظر زينب وقال:انا احبك مهما كان شكلك سوا كنتي تبكين دم او............ عايلتك يعرفون سببك بس الناس ماتعرف والحاقدين راح ينهشون عضمك انتي صغيره واي كلمه تاثر فيك ولا انا مجبور افسر لناس سبب. .............. انا ماسوي كذا لاني خايف منك او خجلان منك انا اسوي هذا كله عشانك لا كبرتي راح تفهمين قصدي.
ابعد نظره عنها وهو يرجع شعره لورا.
نزل عيونه للعلبه الصغيره وفتحها وقال وهو يناظرها/سكرتي لا صرتي مستعده تواجهين الناس بشكلك شيلهم لاصرتي مستعده تسمعين كلماتهم ونظراتهم شيلهم اذا كنتي راح تنجرحين منهم خليهم ولا تشليهم لا لقيتي حب حياتك واشخاص يستاهلونك وريهم ولا تخجلين.
مسح وجهه بيده ورجع ناظرها وكمل/هذا راح يكون سرنا الصغير سر عايله النازك.
ضمها بقوه وهو يضم شفايفه لبعض ويغمض عيونه معبر عن ألمه الكبير.
:سامحي بابا الضعيف.
بعدها حست بدموع على رقبتها دموع دافئه .
#..
لحظات قصيره تذكرت هالمشهد الغريب بعمري ال10 سنوات عرفت كل الوجوهه الي كانت واقفه معه الاربع اشخاص عرفتهم مع انهم كانوا بعيدين الا اني عرفتهم ثلاث من عمامي وواحد كان ولد خالي والي كان
فزاع.
اتذكر الاحسايس الي حسيت فيها يوم شفتهم واتذكر كلماتهم بس وجه وحد كان مشوهه بذكرياتي كان صعب علي اتذكر الملامح والشي الي تذكرته دموعه والي كانت تطيح على رقبتي وهو ضامني وهيئة جسمه الكبير وصوته الباكي الممزوج بالحزن.
بعض الاحيان تجيني هالذكره لا بكيت بكل عيوني الثنتين.
اكثر شي اشتاق له.
اشوف شكله
واحس ب لمساته الي كانت بذكرياتي مثل الهواء.
اه بجديه.
وشلون بتصير نهايتي؟.
..#
-
-
كانت يده ترتجف وهو يتصل عليهم ودموعه معلقه برموشه.
خايف.
قلق.
مرعوب.
متألم.
رجع عيونه لذاك الجسم المتمدد على السرير.
عيونه رفضت توقف عن ذرف الدموع كل الثنتين تبكي بلون يختلف مع انه كان مغمى عليه الا انهم كانوا يذرفون دون ما يوقفون وبشكل قوي كانه صنبور ماء من كل نواحي كانت تذرف الدموع.
وهذاك الوجه المتورد الجميل شحب وصار ابيض بشكل مرعب.
وهذا خلا كل ذره من جسمه يرتجف ويصرخ بخوف من المنظر الغريب.
رجع نظره للجوال ويده ترتجف..
..#
كانت جالسه على الارض ضامه رجلينها لصدرها ومنزله راسها ليدينها.
ب الظلام.
والهدوء.
صوت واحد ينسمع
وهو
صوت الدموع الي كانت ترتطم بالارض.
وقفت قدامها ونزلت راسها لها بعيون بارده قاسيه.
-ليش تبكين؟.
ارفعت راسها لها وقالت وعيونها تبكي/احساس غريب يخليني ابكي.
مدت يدها ف امسكت يدها ووقفت ناظرتها بدموعها ف قالت شبيهتها.
-زينب.
ابتسمت ابتسامه خفيفه وهي تقول-تبيني انسيك هالاحساس؟.
مدت يدها وحطتها على خدها وهي تضيق عيونها بحزن وتقول-تبيني........
..#
وبنفس اللحظه.
صرخ فزاع على مهند وهو يقول/طلعهم.
كانوا واقفين يناظرون متوسعين العيون وشاحبين من المنظر الي كان قدامهم.
اما مهند كان بعالم الثاني عالم يحتله الخوف والرعب و الحزن.
بشوفة اخته وهي بذيك الحاله.
كان يبي يتحرك بس مو قادر كان يبي يبعد عيونه عنها بس مو قادر كان يبي يطلعهم بس ماقدر.
رجلينه تصنمت بمكانها من الخوف من ذاك المشهد.
فهد دار عليهم وبدا يدفهم واحد واحد لجهه الباب.
تركي رغم قوته وصلابته الا ولو مره يخاف ب هالشكل.
الشباب كانوا بنفس حالة مهند.
خالد كان يتقطع من الوجع بشوفة توأم روحه وهو بهذي الحاله.
لو كان الامر بيده كان اخذ كل اوجعه وحطها فيه ولا شاف حبيبه مريض بهالشكل.
فهد سكر الباب واول مسكر.فزاع قرب لمهند والكمه على خده خلته يرجع للواقع.
وبسرعه مسك راسها وفزاع فتح عينها الي تدمع دم بقوه.
..#
- تبيني انسيك.
ناظرتها وكملت-الي شفتيه؟
وقفت زينب وقالت وهي تأمى براسها بالموافقه.
-مارح تندمين ولا راح تذكرين هالاحساس ولا راح تذكرين شي عن الماضي.
قربت لها وضمتها بقوه وهي تقول-راح احميك.
غمضت زينب عيونها وهي تبكي بصمت..
مستعده تنسى
حتى لو كلفها تنسى نفسها
المهم انها ما تتذكر الألم.
-
-
#بعد ثلاث ايام
ب هالايام كل شي رجع لطبيعته زينب والباقي ارجعوا لمدرسه بعد ما ودع باسل امه وابوه واخوانه وخطيبته المحبوبه.
طبيعي؟؟؟.
لا خطا كو كل شي طبيعي بالنسبه لشباب.
وخصوصا باسل.
مستحيل باسل ينسى القشعريره الي احتلت كامل جسمه والصدمه بعد ما قامت زينب وهي تبتسم.
سالها باسل وهو يبتسم/خوفتني عليك.
ابتسمت زينب ف قال بعد مده/هذيك اللوحه خلتك ب هالحاله.
كان يتكلم بقلق ف ناظرها وكمل/وش الي شفت فيها عشان تبكي لهدرج.ه.
ناظر بستغراب بعد ماشاف زياد يناظره بستغراب ف قال زياد وهو يبتسم
/باسل اي للوحه تتكلم عنها؟ شكلك حلمت فيني وخلطت بين الواقع والحلم.
حس ب احد ينغزه من ورا ف اللتفت وهو يحس بقشعريره.
عقد حواجبه بعد ماشاف مهند وراه ويناظره.
ابعد نظره عنه وقام وهو يبتسم بتوتر ويقول/بروح اشوف ابوي.
اسرع بخطواته وهو يطلع من الغرفه.
ومن ذاك اليوم فضل انه يسكت عن الي شافه وعن سبب انهيار زياد رغم الفضؤل الا انه خلاه بوقت ثاني بوقت يصيرون لحاله هو ومهند.
اكيد مهند ماخلا باسل لحاله وكل ما شافه يساله عن سبب انهيار زياد الا انه فضل السكوت وعدم البوح لان احساسه غريب خلاه يسكت.
ومستحيل ينسى مظرات فزاع الي كانت راح تاكله نظره واحده من فزاع خلت كل جسمه يرتجف.
باسل لقى عذر وهو /لقيته طايح بالارض.
هذا كان افضل عذر
واما عن ذيك اللوحه ماكان مهتم فيها قبل بس شي بسيط جذبه له هاللوحه وهو ملامح المرأه الحزينه ومع مرور الوقت نساها.
بذاك الوقت كان يحاول يتذكر من وين جاب ابوه هاللوحه مع ان كان عمره9 سنوات ل اولومره يشوف اللوحه.
فقد الامل ف نسى..
وهذا كان احسن شي يسويه باسل انه ينسر ويتناسى.
ل مصلحته ومصلحة هذاك الشخص.
...
/احطها هنا؟.
/لالا على اليمين شوي.
/ايوه كذا زين.
علقتها على الجدار وبعدها انزلت من السلم وقالت/جميل انكم قاعدين تجددون اثاث النادي.
/اي بما اننا كسبنا الكثير من مهاجران المدرسه صار فيه ميزانيه زياده.
ولما اقول ان كل شي رجع لطبيعته ف نعم رجع لطبيعته بالنسبه لزينب الي اول ما ارجعت من بيت باسل حتى بدت بشغلها والي هو خدمتها للمدرسه لاسبوعين.
وهذا كان عقابها لانها غطت على عبدالله.
زينب الحين بنادي الرسم تساعد اعضاء النادي والرئيس على ترتيب اثاثهم الجديد
/ايه والحين اذا ممكن.
مدت له الورقه وهي تبتسم ف اخذها حط ثلاث نقاط وملاحظه عنها وتوقيعه.
اخذت الورقه وابتسمت له واطلعت.
طقطقت اصابعها وحركت راسها حتى اسمعت صوت طقطقه بعدها تنهدت بتعب وهي تمر على نادي الحيوانات .
وقفت قدام البوابه الكبيره والي مكتوب عليها بالانجليزي{Animal Club} تنهدت بتعب وافتحت الباب واول شي شافته.
اسد يركض ب اتجاهها.
افتحت عيونها على وسعها بصدمه ولا قدرت تتحرك وقفت بمكانها وهي تشوف الشعر البني السعلي يتطاير مع الهواء والشحوم تتقافز مع كل حركه يسويها كانت عيونه مفتوحه على اخرها وهو يناظر فريسته قدامه.
تنهدت ب استسلام وهي تغمض عيونها.
وقبل لا تسكرها بالكامل شافت شخص يوقف قدامها.
/جوليان.
قال بصوت مرح وهو يفتح يديه برحبة صدر.
#زيــنب.
وبسرعه شفت الاسد يقفز عليه.
انا فعلا مو ناقصني اشوف احشاء تتطاير.
بس
تفاجأت وانا اشوف
الاسد وهو يضمه ويلعق وجه هذاك الشخص بحماس.
بعدها شفت ثلاث اشخاص يركضون ب اتجاهه الاسد وبعدها وقفوا قدام هذاك الشخص وهم يضحكون
/اول ماشافك افلتنا وراح يركض لك عجزنا نمسكه.
قال الاول ف قال الشخص الي قدامي/اكيد شاف ابوه وجاء المهم ليه مخلينه برا القفص راح يرعب طلابنا.
/نمشيه.
قال الثاني ف تنهد وناظر الاسد وقال ب ابتسامه وهو يلمس راسه ويمسح عليها/انتبهوا له وبعد شوي طلعوا لبؤة خلوها تتمشى وعطو القرود الاكل ولا تنسون تروشون الكلاب ووين باقي الاعضاء ليه ما اشوفهم؟.
وبعدها بدوا يتكلمون.
وانا هنا مزهريه.
وبعد مده .
التفت علي شخص الي كان واقف قدامي وقال ب ابتسامه/ايوه معليش نسيتك المهم.
اللتف بجسمه كامل ووقف بعتدال وقال ب ابتسامه وهو يمد يده/انا رئيس النادي.
/زياد خادم المدرسه لمده اسبوعين.
قلت بدون ما اسلم عليه.
رفع حاجب وهو يناظر يده الممدوده لسلام ف قلت قبل لا يعتبرني وقحه
/اسف بس ما اسلم على يد ملحوسه بلسان اسد.
(ملحوسه يعني لعق )).
نزل يده ف قلت بسرعه/غسل يدك وراح اسلم عليك.
تدرون حتى لو كانت يده مغموسه بالمجاري راح امد يدي واسلم بس مدري ليه حسيت ان مو لازم اسلم.
ليه
مادري.
ابتسم لي وقال/مع انك لابس قفاز طيب ما علينا.
مشى لجهه الاقفاس وهو يقول/انا طلبتك لان اعضاء ناديي بعضهم تعبانين وفيه نقص بالاشخاص المساعدين ف انت راح تاخذ مكانهم وراح تنضف وتطعم وتحمم حيوانتي.
فعلا.؟
قلت وانا اوقف/انت تطلب شغل اكثر من وقتي وهذا يعني انك راح تعبي لي سبع خانات من ورقتي.
وقف وناظرني وقال/مستعد املي الورقه كلها بس بشرط انك تسويه كل لحالك.
شهقت وانا اناظر النادي من حولي للمعلوميه النادي كان برا المدرسه وتحديدا ببداية الغابه بس من الجهه الثانيه.
رجعت نظري له وقلت/مستحيل كل هذا لحا.
قاطعني وهو يقول/انا ما كملت كلامي..اربع قفوص وثلاث حيوانات ونص ساحه تنظفها شفت بسيطه وشغل خفيف).
اه يارب الصبر بس خليني اخلص وراح انتقم منهم كلهم.
وقفت ب اعتدال وانحنيت بخفيف وقلت جملتي/yes ma loder.
ادري ادري ادري شي يضحك ادري بس خليني اخلص وكل شي بوقته.
هذا شي مهم بشغلي وان ما سويته راح يزيد علي الايام.
سالت/وشو الاقفاص الي راح انظفها؟.
/قفس دب قطبي وقفس للاسود وقفس لغوريلا وقفص للفهود.
/حلو كلهم حيوانات مفترسه.
ضحك وهو يقول/لا كلهم حيوانات مروضه يحبون البشر.
/ريحتني.
بعدها قال وهو يكمل مشي/الحيوانات الي راح تنظفها كلاب روسيه وثلاث لبؤات و اسدين.
انا راح اموت قبل لا اللمسهم).
/ادوات التنظيف بالمخزن من هنا.
...
#بعد خمس ساعات.
طلعت من الباب وانا اطقطق كتفي ماصدق اني خلصت ب هالساعه كان المفروض بالكثير ساعين ونصف او ثلاث ساعات.
والحمدالله ماعنيت مع الحيوانات كانوا هادين بشكل غريب بس الشي الوحيد الي طلعت منه هو يدي الي انجرحت من لبؤة لاني بالغلط دست على ذيلها ف اخدشت يدي.
شكل الجرح يبي له تعقيم وخياط لانه كبير وعميق.
ورئيس النادي حط لي سبع نقاط اضافيه تعبيرا عن اسفه للي صار لي.
المهم اني خلصت وهذا اهم شي.
والحين هذا انا متوجه للسكن لان ساعات شغلي خلصت.
اعتقد اني راح اخذ الطريق الثاني للغابه.
وفعلا اخذت الطريق الثاني الي وديني مكان ماكنت اخذ لي غفوه اشتقت للهذاك المكام من زمان عنه.
راح اخذها فرصه واقعد هناك لنص ساعه وارجع لسكن.
قلبت عيوني بنزعاج بعد ما سمعت صوت الجوال الصغير الخاص بالشغل يرن ف رفعته وعلى طول رديت
ب/نعم اهلين انا زياد خادم المدرسه ل اسبوعين وش طلبك؟.
/كلماتك تضحك.
ابتسمت وانا اقول/شي لازم اقوله ولا مارح اخلص بسرعه.
/عرفتني؟.
قلت وانا ابتسم ب اتساع/وهل يخفي القمر؟.
وكملت وانا للحين امشي بطريقي ب اتجاه مكاني الخاص/اوسامي.
اوسامي/حلو ما نسيتني المهم وش رايك بالشغل؟.
تنهدت وانا اقول/متعببب.
/وش بتسوي لو انك عامل او موظف بالمحلات المدرسه ).
اكيد مارح اقعد ولا ثانيه راح اهرب اهم شي ما اتحمل مسؤليه الشغل.
قلت وانا اوقف/راح اهرب.
ضحك بخفه وهو يقول/اجابه صريحه المهم بما انك تشتغل وش رايك تاخذ عني شغلي الي هو بعد يومين لاني بصير مشغول ومالقيت غيرك فاضي.
وانا اقول ليه متصل علي
عشان مصلحه.
اصلا عادي.
/وين راشد ليه ما ياخذ شغلك انا الي عندي يكفي.
قال/راشد مشغول مافي غيرك المهم شغلك بيصير بسيط ماهو بذاك الشي الصعب.
/والي هو؟.
/تنظف سكن الامراء.
ماحسيت بنفسي الا وانا اسكر الخط بوجهه تلقائيا يدي تحركت وسكرت الخط.
هذولا اخر ناس ابي اشوفهم ولو ممكن مابي حتى يمرون من عندي لو صدفه سبحان الله كارهه هالناس مدري ليه.
لالا لحظه انا تذكرت ليه.
قالوا كلام وقح عني وسمعتهم بالحضيض.
اخر ناس ابي اسوي لهم شي او احتك معهم.
وقفت وناظرت الجوال الي يتصل ف تنهدت وانا افتح الخط واقول/اسف.
/صدمتني ليه سكرته.
قلت وانا ابلع ريقي/لاني ماحب هالناس ولا وابي اسوي لهم شي انا اسف اوسامي بس راح اسوي لك كل شي الا هالشي.
قال وهو يتنهد/ماعليك هم من نوع الي يحتقرون الناس الي اقل منهم شأن حتى لو كنت ابن وزير اذا ماصرت الملك او امير راح يعتبرونك اقل من رتبة صرصور.
كلام مثل هذا يخليني اعصب.
قلت بنزعاج/حتى ولو مثل هذولي مابي اقرب منهم.
/خلاص راح اخليك تجي لسكنهم بوقت يصير الكل طالع من السكن طيب.
تاافت بنزعاج وانا امشي واقول/طيب تاكد ان الكل مو.
قاطع كلامي صوت غريب من ورا الاشجار ق عقدت حواجبي وانا اقول/اذا ماكان فيه احد موجود بروح يلا معسلامه.
سكرت الخط وانت اوقف وادخل الجوال بجيب جاكيتي الاسود كملت مشي وانا مستعده للي راح اشوفه مجهزه نفسي داخليا وخارجيا لدفاع.
مع كل خطوه كان الصوت يقرب اكثر من قبل
وقفت قدام الشجره والي كان من الجهه الثانيه الصوت.
الحين الساعه7:30م اتمنى يكون عصفور مثلا
مشيت بخطوات بطيئة وانا احط احتمالات كثيره ل هالصوت. ف مثلا
شخص يشخر.
شخص يغني؟.
او
شخص مغتصب؟
او شي خارق عن الطبيعه!!.
اتمنى يكون اول شي او ثاني شي على الاقل.
لكن
لكن
كان شي مختلف هالمره.
هالمره كان شي ماتوقعته.
شي ماتوقعت يصير ب هالمدرسه يمكن مدارس ثانيه بس مدرستنا؟ مستحيل.
فجأه تذكرت قانون الغابه الي
{القوي ياكل الضعيف} .
مدري ليه تذكرت هالقانون يمكن بسبب دموع هالشخص او يمكن دمه او يمكن وجهه المتورم من الضرب او يمكن صوته الباكي.
توسعت عيوني وانا اشوف شخص متكي على الشجره ضام رجلينه لصدره وحاط راسه على ايدينه يبكي بصوت خافت.
اول ما حس بحركتي رفع راسه بخوف وبعدها تفاجأت بتورم وجهه والكدمات الي حول يده.
والي فجأني اكثر.
الحروق الي على يده والي كنت اشبه ب اثار حروق سجاير.
كان فمه ينزف دم ونص ثوبه مشقق.
فعلا؟.
مدرستي تصير فيه حالات.
تعرفون وش يمسى نوع هالحاله؟.
ايوه صحيح.
التنمر.
مدرسه مثل مدرستي يكون فيها تنمر؟مستحيل يمكن يمكن طاح من على الشجره؟
مستحيل يكون تنمر مستحيل.
اوجعتني نظراته الخايفه.
اوجعتني دموعه.
اوجعتني حالته.
جلست بالارض قدامه وطلعت مناديل ومديت يدي امسح جانب فمه من الدم الي رفض يوقف
/جمال مثل جمال عيونك حرام تبكي.
قلت وانا اكمل مسح
يوجعني شوفة دموع الرجال يوجعني شوفة دموع واحد يحتاج المساعده واحد يحتاج احد يسانده .
كملت/يمكن ما تدري بس انا خادم المدرسه واقدر البي لك اي شي اي طلب تتمناه اسويه لك اطلب وتمنى ويم التنفيذ.
بعدها
بعدها.
مسك يدي وقال
يشهقه قويه وبكاء
/ساعدني.
حسيت بشراره بداخل قلبي تشتعل وشي يتحرر من داخلي
ف ابتسمت ابتسامه واسعه وانا اقول/yes me loder.
#الرأويه.
تذكرون كلامي
عن زينب انها ماتظهر وجهها الثاني الا اذا شافت احد من اللي تحبه متأذي او مساء له او ان شافت واحد متعذب او شخص يطلب المساعده.
نعم ياساده الوجه الثاني ظهر وبقوه.
.
زينب مستعده تقاتل اي شخص مقابل شخص يطلب مساعدتها
زينب مستعده تضحي بنفسها مقابل شخص شافته العائله
زينب مستعده تحكم حكم الاعدام على شخص مقابل العائله.
زينب دايما مستعده.
-
-
#بعد يوم الساعه4:30م.
#زينب.
اول مره ادري ان في مدرستي طلاب منحه خاصه وعددهم بالمدرسه تسعين من3013 طالب.
(للي مايعرفون وش معنى طالب منحه خاصه يعني طلاب تخرجوا بنسبه 97% ف تقبلهم المدرسه ك منحه خاصه ويكونوا من عوائل متوسطه الحال او فقيره و بمدرسة زينب يكون الاكل والشرب مجانا والتعليم مجانا واغراض خصوصيه مجانا.)
لكن مو كل شي يكون مثل ما كنا نتوقع هذولي بسبب هالشي صارو متعرضين لتنمر من قبل طلاب اغنياء.
وليه؟
لانهم فقراء ولانهم اقل منهم مستوى.
هذا الشي يخليني اعصب.
ويخليني اعيد لهم تربيتهم من جديد.
هذاك الطالب من الصف الاول وبمنحه خاصه يتنمرون عليه طالب من السنه الثالثه.
وهذولي المفروض يصيرون القدوه له.
..
قطع حبل افكاري صوت فارس وهو يقومني ف قلت وانا ابعد الغطا عن وجهي/قمت.
/يلا بسرعه اللبس وتعال اجلس معنا.
قال وهو يرفسني ف قمت بسرعه وتوجهت لدورة المياه..
وبعد ساعه ونص
لبست ملابس الخادم وطلعت من دورة المياه اخذت قفازاتي ولبستهن اخذت شالي وطلعت من الغرفه توجهت لصاله وشفتهم قاعدين ومهند جالس على الجوال شارد وفهد نفس الشي اما الباقي كانوا جالسين على التلفزيون يناظرون فلم.
ناظرتهم للاحظات وبعدها مشيت ب اتجاه باب السكن وفتحته.
/وين رايح؟.
سالوني كلهم ف التفت لهم وقلت ب ابتسامه/عندي شغل.
رجعت نظري لباب وقلت قبل لا يتكلمون ولا اطلع/فارس.
#الرأوي.
همهم لها ك اجابه
/لا تنتظرني على الغداء.
بملامح غريبه مبتسمه قالت له واطلعت وسكرت الباب.
عقدوا حواجبهم ب استغراب ف قام مهند بهدوء وراح فتح باب السكن وقبل لا يسكره سال فارس بتسغراب/وين رايح انت بعد؟.
التفت عليه مهند وهو يبتسم ب اتساع ويقول/الاسعاف.
توسعت عيونهم ب استغراب وقليلا من القلق ف كمل مهند وهو يطلع/بتصل على الاسعاف لان راح يصير فيه جرحه.
وقبل لا يسكره قال وهو يبتسم/لا تنتظرني على الغدا انا راح اتاخر.
وبعدها سكر الباب.
-
-
اوقفت بنص الغابه وبجنب هذاك الطالب تنمر عليه.
اوقفت بمكانها بهدوء حتى اسمعت اصوات خطوات لناس كثيره تقترب منها وبعدها بثواني.
شافت 10اشخاص واقفيت قدامها حاملين عصا ومضرب .
كان واقف قدامهم طالب كبير بالشكل تلفت يمين ويسار وبعدها ناظر زينب من تحت لفوق وناظر الطالب الي كان واقف جنب زينب.
قال بصوت ساخر/وين الشخص الي بيجي يادبنا؟وين الي تقول عنه.
كان يرتجف جنب زينب بخوف ف رفع يده ب اتجاه زينب واول ماشاف الشخص الي اشر عليه حتى بدا يضحك بقوه ويمسح دموعه الوهميه.
/توقعت شخص ضخم بس طلع طالب مخ* *ث انت دايم تدهشني والحين.
ناظرهم بنظرات حاده/مين يبي يضرب اولا؟.
عقد حواجبه بستغراب بعد ماحس ان زينب قالت شي بس ما اسمعه ف قال بصوت عالي/وش تقول انت علي صوتك فوق ما شكلك مخ**ث صوتك انعم من الناعم.
ارفعت عيونها له وقالت بهدوء/اعتذر وراح اسامحك.
توسعت عيونهم بتفاجأ بعد ما اسمعوا كلامه ف بدوا يضحكون بقوه متفاجين من جراته.
قال واحد منهم وهو يضحك/انت شكلك مجنون او طالب جديد ماتعرف شي عننا ان.
قاطع كلامه زينب وهي تقول ببرود/مايهمني من تكونون اعتذروا وراح اسامحكم.
عم الصمت لمده يستوعبون الي يسمعون لكن
بعدها
انفجروا من الضحك على كلامة زينب الجاده.
/انت تستفزني ف عشان كذا راح اعيد اخليك كيس ملاكمه افضي فيه كل سلبياتي.
طقطق رقبته واصابعه وقال ب ابتسامه ساخره/قرب .
قلبت زينب عيونها. طقطقت رقبتها واصابعها ومددت ايدينها وقالت وهي تشيل عنها القفازات ب
/يقولون ان اول من يبدا يخسر .
ناظرته وقالت ب ابتسامه/انا راح اغير هالكلام.
/تذكروا ان عطيتكم فرصه تعتذرون لا تلومني بعدين.
عطت قفازاتها لشخص الي كان واقف جنبها وقالت له/انتبه لهم مابي فارس يهاوشني لاني وسخته بدمهم راح يحرمني من الكوكيز الي راح يسوي اليوم.
للاحظات حس هذاك الطالب المتنمر عليه بتانيب الضمير والخوف على زينب لان جسمها كان صغير ونحيف وخاف اكثر بعد ماشاف اعداد الشباب الي جو مع هذاك السافل.
كان راح يمنعها بس سكت بعد ماشاف ابتسامتها ونظراته.
-انتبهي لا تتحمسين وتموتينهم هذولي بالاخير اولاد لشخصيات مهمه.
ناظرت زينب فوق جذع الشجره مكان ماكانت جالسه عليها وهمها ب فستانها الابيض تهز رجلينها وابتسامه بارده على وجهها
/لا تخافين انا بس راح اكسر ثلاث اضلاع وثلاث اصابع مارح ازود اكثر من كذا.
-اوكيه المهم لا توسخين ملابسك ولا تتحمسين وتخليهم معاقين طول حياتهم او ميتين.
ابتسمت زينب ببرود وهي تناظرها وتقول/انتي راقبيني.
رجعت نظرها لشباب وقالت/والحين مين ابدا فيه اول؟.
نهااااية الباااارت .
رد مع اقتباس