الموضوع
:
رواية بنت بمدرسه عيال اغنياء/للكاتبة ماري جو
عرض مشاركة واحدة
08-15-2023, 10:17 PM
المشاركة
114
روفي
كبار الشخصيات
تاريخ التسجيل :
Jun 2021
رقم العضوية :
119
المشاركات:
31,824
الثامن والتسعون بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[انــهــار]
.
.
اعتذر على الاخطا الاملائيه ×__×
.
.
"كل ما زاد امل الانسان زاد يأسه المميت"
"الانسان س يصاب باليأس عندما يتمنى ولا يحدث"
مهليل كانت كل يوم تعطي لنفسها امل ب اختها اللي كانت كارهتها.
مشاعر كانت تتمنى ان امها تحس فيها ولو بشوية اهتمام.
سديم كل يوم تتمنى لو انها ما انولدت ب هذي العائلة.
زينب كل يوم تتأمل وتتمنى ان حمد يسامحها مع ان هذا الشي مستحيل.
لكن انهار؟ انهار وش تتمنى!وش تأمل فيه؟.
..
افتحت عيونها بكسل وتزحلقت من على السرير غاصبه نفسها تقوم.
سحبت منشفتها وتوجهت للحمام وهي تتثاوب.
/اطفالي صباح الخير.
قالت وهي تضم كتابها وتحط راسها عليهم معبره عن حبها للمكتبه اللي كانت تضم انواع من الكتب العاطفيه.. ارسلت بوسه بالهواء لهم وهي تطلع من الغرفه وتقفلها.
/صباح الخير خالي.
قالت وهي تبوس راسه
ف رد عليها وهو يبتسم/صباح النور حبيبتي.
ارسلت له ابتسامة خفيفه ودارت بظهرها وراحت لم زوجة خالتها/صباح الخير خالتي.
باست راسها معبره عن احترامها.
ابتسمت لها بحنان وهي تقول لها/احلا صباح.
اتسعت ابتسامتها بمرح وراحت تجلس على الطاوله والي تضم خالها اللي على الاب توب وجنبه كوب قهوه وزوجته اللي كانت ترتب صحون الفطور.
/ساري برا.
قالت بعد ما شافتها تتلفت تدور عن بنت خالها الوحيده ف ارسلت لها بوسه بالهواء قبل لا تقوم وتروح تركض ب تنورتها الضيقه من فوق وواسعه من تحت.
زوجة خالها تنهدت ب راحه بعد ما شافتها بنشاطها المعتاد ف ناظرت زوجها وقالت وهي تقعد/مارح يجي؟.
وقف عن كتابته عن الاب توب ورفع راسه بهدوء وهزه بخفيف ب/لا هو مشغول بزوجته الثانيه.
بقهر قالت/حسبي الله عليه.
..
/صباح الخير.
قالت وهي تجلس جنب ساري بمرح ف ردت ساري بكسل/الله يرزقني نشاطك على الصبح.
انهار/امين مع اني ما اتوقع.
ناظرتها بطرف عين ف دارت بوجهها وهي تضحك
ضمتها من ورا وحطت راسها على ظهرها بكسل وهي تقول/امي مقومتني من الساعه5 الفجر عشان اساعدها بتجهيز الفطور.
انهار/ليه ما قومتوني؟.
ساري/قلت لها قالت لا خليها نايمه ترتاح.
همهمت لها وبعدها قالت/طيب يلا خلينا نقوم نفطر.
قامت انهار وهي تحاول تبعد عنها ساري اللي رافضه تفك الحضن عنها.
اجلست انهار ب اخر كرسي على اليسار وخالها جلس ب مقدمة الطاوله وزوجته ببداية الطاوله على اليمين وكرسي اضافي فاضي جنبها وعلى الجهه الثانيه ساري ببداية اليسار ونهايته انهار وباوسط المقابل لخال انهار كرسي فاضي.
قال خالها بستغراب/وين عبدالعزيز وريان؟.
/عبدالعزيز الحين يجي راح يقوم ريان.
قالت زوجة خالها وهي تسحب التوست وتدهنه بالمربى.
أما براسه بتفهم ورجع نظره على كوب قهوته.
قامت انهار وقالت بحماس/خالي خالتي صورة الصبح.
ام عبدالعزيز ابتسمت وهي تقول/ماراح تنسين.
افتحت كاميرا الجوال ورفعتها لفوق بحيث ان الكل يبان بصورتها وقالت وهي تلتف لزوجة خالها/الصور تصنع الذكريات.
قالتها ب ابتسامتها المعتاده وبعدها رجعت نظرها لكاميرا وب ابتسامه واسعه التقطت الصوره.
ارجعت للكرسي وسحبت توست كاس العصير.
اخذت قطعه صغيره من التوست وحطتها بفمها وبدت تاكلها بهدوء.
كانت راح تغص بس اسرعت بشربها للعصير..
تنهدت بداخلها بتعب بعد ما اسمعت صوته الخشن وهو يقول/صباح الخير.
والثاني قال بكسل/صباح الخير
ردوا عليهم الا هي حاولت تشغل نفسها بالاكل.
ابو عبدالعزيز/ياهلا صح النوم يا ريان ليه كل هالساعه نايمه؟.
قال وهو يفرك عيونه بكسل ويتثاوب/كنت سهران مع انهار.
كل الانظار توجهت لها الا انها ما اهتمت وناظرت ريان بفخر/المره الثانيه لا تتحداني.
قلب عيونه بملل ف قالت ام عبدالعزيز/ليه وش كنتوا سهرانين عليه؟.
ريان كان راح يتكلم الا انها اسبقته وهب رافعه راسها بفخر/كنا نلعب فيفا 2018 كسرت راسه ثلاث مرات ورفض يخليني اروح انام الا وهو فايز علي الا اني ماخليته وفزت عليه.
ريان قال وهو يقلدها باكلام بصوت مضحك/كنا نلعبانتيننيتهتنينوسم انينثنني.
ساري قالت وهي تضحك/لمتى سهرتوا؟.
انهار وريان/لساعه 4الفجر.
ساري/سهرتوا ل هلوقت ولا قومتوني معكم ياخاينين.
ريان/هذا اللي ينام بدري ولا بعد مقومه غصب .
ابو عبدالعزيز/المره الثاني قوموني معكم واكسر راسكم انتم الاثنين.
اضحكت انهاري وساري واما ريان قلب عيونه بنزعاج.
/صار عمرك 22 وللحين تلعب العاب الاطفال هذي متى تثقل انت.
قال بحده وهو يناظر ريان معقود الحواجب.
اسكتت انهار وساري وخالها ناظر عبدالعزيز وقال/خلهم يلعبون دامهم باجازه.
/ماحد خرب ريان الا هالبنت من اول ماجت لبيتنا وهي مخربه عايلتنا.
نزلت راسها وهي تبلع غصتها.
قال بغضب خفيف/هالبنت لها اسم.
تجاهل كلام ابوها وقال ل انهار/صبي لي ماء.
بوقاحه وبأمر طلب منها
مع ان الكاس والماء بعيدين عنها الا انها قامت من على كرسيها لكن سبقها ريان وهو يسحب الماء والكاس لقربها لانه كان الاقرب للماء.
ارسلت له ابتسامة شاكره وهو ردها لها واجلست على الكرسي وصبت الماء وعطته لعبدالعزيز.
ساري بنزعاج/لازم تخرب علينا هالصبح بهوشاك.
ناظرها بحده وقال/وش رايك تاكلين وانتي ساكته.
ضمت شفتها معبرها عن انزعاجها.
بعد مده من الصمت قال ب ابتسامة خبيثة/امي.
ناظرته ف قال/لقيت لي بنت الحلال.
كان متوقع ردة فعل قويه من انها منها بس عقد حواجيه مستغرب من برودها وعدم اهتمامها.
قالت بفرحه/والله من هي سعيدة الحظ.
/بنت ناس واهلها معروفين وناس طيبه و اجاويد.
ناظر بطرف عين ل انهار وكمل/كامله مكمله طيبه وشريفه ومثقفه و.وعندها اهل.
ابتسم براحع بعد ماشاف ارتجاف يدها.
الام/هذي الساعه المباركة متى تبي نروح لها؟.
ساري/مسكينه هالبنت اللي بتاخذك.
ناظرها وقال/الاطفال يبعدون على جنب.
كانت راح ترد عليه بس سبقها ابوها وهو يقول/خلاص حدد يوم وبنروح لهم ونخطب بنتهم.
/وعلى طاري الخطبه.
قالت ب ابتسامة وهي توجه نظرها ل انهار اللي كانت مشغوله بالاكل/امس اتصلت علي وحده طالبه يد انهار لولدها.
وقفت عن الاكل وناظرت زوجة خالها ب صدمة افتحت فمها تتكلم لكن غصت ف بدت تكح وهي تضرب صدرها.
ساري اسحبت كاس الماء تصب لها وريان قام من على كرسيه وتوجه لها وبدا يضرب ظهرها وخالها وزوجته يسمون عليها.
تنهدت براحه بعد ما اشربت الماء.
ريان رجع لكرسي وساري تعدلت بجلستها.
ساري/وش يشتغل؟.
/دكتور.
ساري/وش تخصصه؟.
/جراحه قلب واعصاب.
ساري/ورتك صورته؟.
/اي ورتني صورته.
ساري/حلو.
/اي.
التفت على انهار وقالت/وش رايك اخذه انا.
اضحكت انهار وهي تضرب ظهرها بخفه.
/اقول اعقلي ي بنت.
قال ابوها وهو يشرب قهوته.
ابرزت شفتها وقالت/يبا انا ابي دختور مثل انهار.
/يابنت عيب.
قال ريان وكمل/يبا انا بعد ابي دختوره.
انهار حطت يدها على فمها وبدت تضحك وتناظر ريان اللي يقلد ساري
قاطع ضحكتها سؤال خالتها وهي تقول/وش رايك ي بنتي موافقه؟.
انهار ضمت يديها تحت الطاوله وبدت تلعب باصابعها بخجل/لا خالتي ابي اكمل دراستي.
/طيب يابنتي فيه شروط تحطيها ومن بينهم تكملين دراستك واذا ماتبين نخطبك له وبعد تخرجك من الجامعه تتزوجينه.
انهار ناظرت خالتها وابتسمت ابتسامة غريبة وهي تقول/شكلك تبين الفكه مني.
عقدت حواجبها بتأنيب/لا عمرك تقولين هالكلام غلاتك ب غالة ساري وابي لك الخير مثل مابي ل بنتي وانا ربيتك بنص عمرك ياحبيبتي.
وكملت وهي تتنهد/انا ماقصد اني اجبرك بس لاني شفت تخصص الرجال من نفس تخصصك ونفس حلمك قلت اكيد راح يتناسبون مع بعض والرجال معروف وبالاخير القرار لك يابنتي اذا تبينه قولي لي واذا ماتبين ف الامر بالاول والاخير راجع لك.
"كلامها صحيح"قالت بنفسها و
للاحظات لثواني كانت راح توافق ب ابتسامة خجوله لكن..
تسارعت نبضات قلبها بخوف وتوتر انحبست انفاسها وابتسامتها تحولت ل ابتسامه متوتره.
/ل.لا خالتي انا الحين ابي اركز على دراستي والنصيب انا لاحقه عليه و.والحين اعذروني.
قالت وهي توقف بسرعه وتركض ل غرفتها.
سكرت الباب وقفلته ب انفاس متسارعه احلتت بلوزتها على الارض وطيحت تنورتها على الارض وبقت بملابسها الداخليه.
سحبت اقرب شي حاد قدامها وكان مقص صغير للخياطه.
اجلست على الارض بدموع منهمره.
"كان من الخطى اعترف له كان من اكبر ذنوبي اني اعترف له."كانت تقول بهمس وببكاء خافت وهي تجرح فخذها بالمقص.
كانت راح توافق لكن من تحت الطاوله حط يده على فخذها وضغط عليها بقوه وبنظره حاده ناظرها.
يبي يتحكم فيها يبي يذلها ويبي يعيشها بحاله نفسيه..من اكبر الاخطاء اللي سوتها انها اعترفت له بحبها النقي والصادق وهو استغل هالحب بقهرها وذلها واللعب فيها كل ما اسمحت له الفرصه رمى عليها كلام ونغزات ماحد يفهمها غيرها.
بس هذا مايعني ان تعامله قبل لا تعترف له احسن!لا كان تعامله واسلوبه معها وقح وقاسي بس مع اعترافها لحبه زاد قسوته ووقاحته معاها حتى انه بدا يتمادى بلمس اجزء من جسمها.
وعشان كذا.
كل ما لمس جسمها وحتى لو كان بالخطا تعاقب نفسها بجرح الجزء اللي لمسها فيه.
كان من الافضل لو احتفظت بمشاعرها لنفسها كان ماتعذبت.
اوقفها صوت رنين الجوال استدارت براسها وهي تدور مكان الجوال حطت المقص.
اجلست على السرير ومسكت جوالها واول ما افتحت الخط تنهدت ب احباط
/هاه وش هالتنهيده؟.
حاولت تخلي صوتها طبيعي ف ابتسمت/توقعت المطعم اتصل علي.
قالت بستغراب/الساعه8الصباح مطعم؟.
للحظات حست انها راح تضايقها ف غيرت الموضوع ب/تدرين وش سمعت.
كملت وهي تبتسم/زينب صار عندها بنت.
توسعت عيونها بصدمه/ايش.
ابعدت الجوال وحطتها على مكبر الصوت وقامت لدولابها الصغير اللي كان يحوي ادوات طبيه .. اسحبت الشاش والمعقم ولاصق طبي.
/م.متى تزوجت.
مشاعر/ماتزوجت تبنت.
وكملت وهي تضحك/تبنت بنت يونانيه وتوقعي وش صار بع.
انهار قاطعتها/اصبري انا مارح اقدر اتحمل كل هالاخبار على شوي شوي قولي لي اعطيني راحه.
بعد للاحظات انهار قالت/يلا تقدرين تقولين لي.
مشاعر/زينب اورثت بلمير كل ورثها.
اشهقت بصدمة وهي تقول/مجنونه هالبنت.
وكملت/و.وحمد وش سوا؟.
تنهدت وهي تقول/اليوم شفته وصدقيني لو انا بمكان زينب راح اموت ولا اخليه يمسكني على الاقل راح اموت بسرعه بدون ما اتعذب.
/انتي تخوفيني.
مشاعر/هذا الصدق انا خفت ومالي دخل.
بعد مده من الصمت قالت انهار بثقل انفاس وكأنها تذكرت شي/مشاعر وش بيصير لو يدري انها. انها ب هذاك المكان وش بيسوي فيها.
مشاعر/زينب ادرى بالي راح يصير.
كانت راح تتكلم بس قاطعها صوت الباب وهو يطق وصوت ساري وهي تقول
/انهار امي وابوي يبونك تحت.
انهار/مشاعر انا شوي وبتصل عليك بروح اشوف خالي وش يبي.
سكرت الخط وراحت تلبس تنورتها بعد ما لفت رجلها بالشاش وبلوزتها.
بعد ما افتحت الباب امسكت ساري يد انهار وراحت تركص فيها بين الممرات وتنزلها لتحت.
شافته جالس على الكنب بجواله ومتجاهل الباقي وبنفس الشي هي تجاهلته كليا.
انهار بعد ما اجلست ناظرت ريان اللي كان يلعب بلايستيشن حس انها تناظره ف التفت وناظرها وقال/تلعبين؟.
انهار/مصارعه؟.
هز براسه ف قامت بحماس واجلست بجنبه واخذت يد اللعبه وقبل ما تلعب ناظرت خالها وقالت/خالي انت ناديتني.
ابعد نظره عن الصحيفه وناظرها/اي حبيبتي لا تقعدين لحالك اقعدي معنا.
اتسعت ابتسامتها وهزت براسها .
ناظرت ريان وهي تقول/ان فزت عليك راح تعطيني 500.
ريان/وان فزت انا راح تخدميني ليومين.
اشقهت بتفاجأ وهي تقول/اخدمك؟خيييررر لا غيرها.
ريان/مالي دخل انتي تبين شي وانا ابي شي.
انهار/انت بكذا تخليني اكسر راسك.
ناظرها بنزعاج وهي اضحكت وتقول/يلا شغل اللعبه.
..
انهار بصراخ/لااا اصبر عطيني فرصه اهجم.
ريان وهو يبتسم ب ابتسامة واسعه/مين اللي بيكسر راسي.
ساري/انهار انتبهي بقى لك فرصه.
انهار بخوف/ريان ياوسخ عطني فرصه اهجم.
ريان/اول عمل لك راح تسوين لي كيكه وبعدين تسوين لي مساج وبعدين تطبخين لي وبفكر اخليك تروشيني وبعد..
توسعت عيونه بصدمة بعد ما صارت الشاشه سودا التلفزيون طفا.
انهار وساري وريان ناظروا المكان اللي مشبوك فيه التلفزيون ومين الشخص اللي طفاه.
/توقعتها توصيلت جوالي.
قال بلا مبلاه وهو يقوم ويرجع يجلس بمكانه ويمسك جواله.
ريان بعصبيه/عبدالعزيز انت مسويها بالقصد.
/انا مشغول لا تكلمني.
رما يد البلايستيشن بعصبيه وراح جلس بعيد عنهم واما ساري وانهار اضحكوا وهم يشوفون ريان .
بعد مده من الصمت قالت ام عبدالعزيز/قرب عرس ام عبدالله وحنا للحين ما شرينا فستان.
ساري/لا مابي اروح.
/وليه ان شاءالله.
ساري/زواجهم بالعطله وانا مابي افوت اي لحظه بالعلطه ابي اكسبها نوم.
تجاهلتها امها وناظرت انهار وقالت/انهار تبين نروح الحين.
انهار/لا خالتي بدري بقى اسبوع على زواجهم وبعدين انا عندي فستان مارح اشري.
/انتي وساري لازم اشري لكم فستان جديد.
ساري/انا مابي.
ابو عبدالعزيز/الا يابنتي لازم انتي واخوانك وانهار لازم تروحون وتشرون ملابس جديده.
عبدالعزيز/كلامه صحيح الناس عزيمنا ومن الواجب نروح وانا من الحين مجهز لي ملابس.
ريان/ان جت مشاعل انا بجي.
ساري وانهار ناظروا ريان معقودين الحواجب ف قال وهو يبتسم/انا امزح.
ساري/امي انا بروح بشرط ما نقعد كثير.
انهار/انا بروح ان راح ريان.
ريان/يعني مارح تروحين)؟.
ابو عبدالعزيز/انا اقول كلكم بتروحون وانتهى الكلام.
ريان قال وهو يمثل التعب/لا يبا انا حامل صعب حامل تروح.
توجهت الانظار له بصدمة ف ضحك عبدالعزيز وبعدها امهم
/شكلك ودك يدخل الفنجان براسك.
قال ريان وهو يبرز شفته بطفوليه/يرضيك تشوه وجه ولدك الجميل.
ساري/اي جمال كل اللي اشوفه وجه بعير.
ريان ناظر ساري وقال/بليز الحسودين لا يتكلمون.
ساري وهي تبتسم ابتسامة ساخره/انت شفت وجهك بالمرايا؟.
ريان/لا تخليني اجيب مناديل المكياج.
ساري/انا جمالي طبيعي بس شكلك حسود مني اعذرك اعذرك.
ريان/جمال طبيعي؟؟الله اكبر انا لو اشيل المكياج عن وجهك تطلعين سواقنا.
ساري/يعني انت احسن؟ انا لو اشيل شنبك طلعت اخت شغلتنا.
ريان/مينونه مينونه تغار من جمالي.
عبدالعزيز وامه كانوا يضحكون عليهم والاب كان يناظروهم ويبتسم.
كان جو عائلي لطيف ومنعش واي احد يشوفهم راح يبتسم معاهم.
لكن انهار؟.
انهار حست نفسها غلط بينهم حست نفسها شي زايد بينهم حست انها مالها داعي بينهم ف قامت وهي تكتم وتخفي حزنها وألمها ويأسها ب ابتسامة كاذبه.
ابلعت غصتها وهي تلف عنهم وتروح.
/وين رايحه ي بنتي؟.
وقفها صوت خالها الحنون وقبل ما تستدير له ارسمت ابتسامة واسعه.
/بروح اذاكر واسوي واجباتي.
عقد حواجبه ب استغراب وهو يشوف الساعه ويناظرها/تونا الساعه10 يابنتي لسه عندك وقت طويل.
انهار/الماده اللي بذاكرها صعبه يبي لها جهد.
تنهد وهو يقول/خلاص يابنتي لا خلصتي انزلي عندنا ولا تقعدين لحالك.
وكمل وهو يناظر ريان وساري/ياليت بعض الناس زيك.
ريان وساري قلبوا عيونهم على النغزه والنظره اللي ارسلها ابوهم لهم.
أمات براسها ب ابتسامه ف درات بظهرها لكن قبل هذا
شافت ابتسامته الساخره والخبيثة ونظراته المستمتعه وهو يناظرها متعذبه داخليا.
تجاهلته وكملت مشي.
..
سكرت الباب واستندت عليه وهي تغمض بقوه تمنع دموعها تنزل
/لا تبكين لا تبكين هم ما يستحقون دموعك.
.
جلست على الارض وانا لا زلت مستنده على الجدار.عاضه طرف شفتي بقوه مانعه دموعي وصوت بكاءي يطلع.
/لا تبكين مايستاهلون دموعك.
قلت وانا امسح دموعي واضم رجليني على صدري وحط راسي على يديني
aforums.graaam.com_images_statusicon_wol_error. هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 720x496.
aup.graaam.com_forums_915345_01509819973.
(للي مافهم الوضعيه) .
ياليت لو يصير عندي عائلة مثل ساري ولو على الاقل ام.
انا احسدهم.
ليه حياتي خاليه من الحب والعطف والحنان؟ليه حالي مختلفه عن حالهم ليه عندهم اهل وانا لا؟.
ليه امي وابوي تخلوا عني؟.
ليه؟.
ليه؟.
رسيل على الاقل عندها اهل مشاعر وسديم عندهم امهم زينب عندها عمتها وجدتها مشاعل عايلتها طبيعيه ورينا ورنا حالتهم احسن من حالتي.
طيب ليه امي وابوي ما ماتوا؟.
موتهم كان راح يكون عندي اهون واخف.
على انهم
يتركوني.
نبذوني.
مستحيل انسى كلام زوجة خالي عن حياتي القاسيه وكيف انهم تخلوا عني.
حتى اني سمعتهم بالصدفه لما كنت بعمر ال10سنوات.
..
حياتهم كانت كلها حب وعاطفه وبعض المشاكل البسيطه مثلهم مثل اي ناس متزوجه.
احملت فيني بعد مرور سنتين من الانتظار.
وبعد ما اولدتني.
هربت!!.
ثاني يوم هربت وبعد اسبوع وصل ل ابوي شعار عن طلب لطلاق من امي.
ابوي ما تحمل وراح طلقها وهو كرهه اليوم اللي فكر انها تزوجها.
ثلاث سنوات جلست مع ابوي وبعدها.
وبعدها.
رماني لدار الايتام.
كنت صغيره ولا افهم شي عن حياتهم.
حياتي مع ابوي كانت جافه وخاليه من العاطفه والحب.
حتى انه كان من الكرم منه يوكلني باليوم.
واحيانا يتجاهلني واقعد يوم ويومين بدون اكل.
رماني كأني قطعه من الالعاب الخربانه رماني كأني شي وانتهاء تاريخه.
رماني بكل جفا وقساوة قلب.
والادهاء من هذا كله تزوج بعد ثلاث ايام.
ونفس الشي
مع امي اللي بعد ما تطلقت تزوجت بعدها بشهر.
رموني ونبذوني بكل بساطة ولا كأني بنتهم ولا كأني قطعه من قلوبهم وكبدهم.
بعد ب ثلاث اسابيع خالي عرف مكاني وبسرعه جابني عنده لان عمومي
ارفضوني.
وكلني وشربني ودللني ودرسني وجاب لي اغراض كنت احتاجها واشياء ما احتاجها بس عشان مايخلني اناظر غيري ويخلني انسى عايلتي ك.كأني واحده من بناته.
يوم كنت صغيره اسالهم متى اشوف ابوي ومتى يجي كنت مشتاقه اشوفه واشوف وش صار معه ونفس الشي مع امي بس زوجة خالي كانت تغير الموضوع وتسالني او توديني ل امكان تلهيني عن اسالتي. وخالي.
كان يقول لي"هم مسافرين لا كبرتي راح يرجعون"
كان يقول لي بنبره حنونه ويضمني بقوه كأنه يترجاني انساهم.
كل لحظة وثانيه ودقيقه وساعه وكل يوم انتظر اني اكبر كل يوم اقوم وانا اعد الايام وكم صرت وكم كبرت.
حتى صار عمري10 سنوات.
بالصدفه سمعت زوجه خالي تقول ل اختها اللي كانت مبتعثه واللي ارجعت من سفرتها بعد سؤالها المستغرب عني.
كانت بالصدفه كانت كانت صدفه وصدمة كبيره لي.
مانكر لكم كمية الكراهيه والحقد اللي كنيته ل امي وابوي كرهتهم وكم تمنيت
لو انهم ماتوا
تمنيت لو ان السماء تنزل عليهم ب صاقعه وتضرب جسمهم وتحرقه.
لكن اللي صدمني اكثر.
انهم تزوجوا.
وكل واحد فيهم عايش حياته بسعاده.
وناسيني.
هذاك اليوم كرهت حياتي وكرهتهم هذاك اليوم بكيت كثير لدرجه اني مانمت ليومين وبقيتها بكاء.
خالي كان يسالني عن السبب ونفس الشي مع زوجه خالي اللي كانت متوتره وخايفه اني سمعت كلامهم.
كل اللي كنت اجاوبهم عليه اني تعبانه وان قلبي يوجعني.
مرضت وجتني حراره قويه لدرجه اني ماقدرت احرك جسمي.
مرت الايام وانا احاول اتناسى وتقريبا ارجعت ابتسامتي ونشاطي وهذا بعد ماصار عمري 12.
لكن
يوم من الايام.
رحت ل مكتب خالي ودخلت اجيب جوال ريان اللي نساه بهذاك الوقت كان خالي محرم علي انا وساري ندخل هالمكتب وانا دخلت على اني باخذه وبطلع بسرعه بدون مايدري.
ولكن بالصدفه سمعت اصوات خطواته المستعجله وبخوف مني تخبيت تحت السرير وانا اتمنى يطلع بسرعه.
دخل وسكر الباب بقوه حتى اني انفزعت ف حطيت يدي على فمي امنع صوت انفاسي يطلع.
بعدها سمعته وهو يضغط على ارقام التليفون وبعد لحظات سمعته يتكلم بهدوء.
ما اهتميت لكلامه ف بديت اللعب بجوال ريان .
وبعد دقايق سمعته يصرخ بكلام خلاني اتجمد بمكاني.
/انتي ما تخافين الله هذي بنتك على الاقل شوفيها.
/لا تصيرين زي ابوها عديم الضمير والاحساس البنت مشتاقه تشوف احد من عايلتها ليه انتي كارهتيها؟.
قال بغضب/اذا ماجيتي اليوم وشفتيها لا انا اخوك ولا انتي اختي.
/ابوها رفض يشوفها وانتي ترفضين لييه؟.
/لا مابي اسمعك انتي اللي اسمعيني.
/اذا ماكنتوا تبون اطفال بحياتكم ليه جبتوا هالمسكينه؟ليه خليتوها تعيش حياتها شبه يتيمة؟.
/كل يوم تسالني متى تجون وتشوفكم تدرين وش احس فيه لا كذبت عليها؟تدرين وش شعوري لا الفت لها قصص عنكم وليتها قصص حقيقه كلها كذب بكذب.
/لا انا ماحس ابدا بالثقل معاها انا احس اني فرحان اني ربيت هالبنت معي.
/تدرين ايش اتمنى انك ما تعيشين حياة حلوه وطيبه انت وهذاك الشخص اتمنى تعيشون الحياة اللي عطيتوها ل انهار اتمنى تذقون الألم اللي اسقيتوها منه.
قال هالكلام وبعدها طيح التليفون بعصبية على الارض بغضب وطلع من الغرفه وهو يسكر الباب بقوه.
عيوني حسيتها تنزف دم
حسيت بقلبي يتقطع لقطع صغيره.
طلعت من تحت السرير ومن المكتب ورحت اركض لغرفتي وبالصدفه اصدمت ب
عبدالعزيز.
رفعت راسي اناظره ودموعي رافضه توقف
كان بهذاك الوقت عمره 22 كنت دايم اتجنبه واتحاشه كنت اخاف منه لانه كان يناظرني بنظرات حاده وغاضبه ف كنت اتجنب الكلام او الاصدام معه.
كنت ابكي ودموعي رافضه توقف مهما حاولت اوقف نفسي الا اني كنت ازيد.
جلس على ركبته وطلع منديل من جيبه وبدا يمسح دموعي مع نظراته الحاده اللي ماتغيرت.
بدون ما يتكلم كان يمسح دموعي ومع كل دمعه تنزل بدالها عشره.
قام من على الارض وربت على راسي كأني جرو ك.كأنه يواسيني.
بعدها كمل مشي من دون اي كلمة.
من هذاك الوقت حبيته.
مشاعر الحب اكبرت معي بكل ثاني ويوم مع ان معاملته لي كانت جافه وقاسيه الا اني كنت احبه وحتى جاء اليوم اللي حطيت كل شجاعتي وقررت اعترف له.
كان عمري هذاك الوقت16 وكان عمره26.
وفعلا اعترفت وياليتني ماعترفت كان اكبر خاطى لي اني اعترفت له ياليت لو انقطع لساني قبل لا اعترف له.
وكان رده
/كيف تتجرئين وتعترفين لي؟
وابتسم بسخريه وهو يقول/اخر همي ارتبط ببنت تخلوا عنها اهلها.
بعدها عطاني ظهره ومشى متجاهلني.
صدمة؟ لا كانت اكبر من صدمة.
كانت اخر قطعه سليمة بقلبي تكسرت.
ماقدرت انام ولا قدرت ابكي تجمدت مشاعري واحسايسي وكرهت اليوم اللي اعترفت له.
وبسبب اعترافي.
كل ما اسمحت له الفرصه يعايرني ويستفزني ويقهرني ويذلني حتى وصل لمرحله انه يتحكم فيني ويلمس اجزاء من جسمي.
حطيت لنفسي عقاب على فعلتي وهي اني راح اجرح اي جزء يلمسه من جسمي حتى ولو كان بالخطا.
لكن
لكن
مانكر اني للحين احبه.
انا مريضه
وغبيه.
..
طلعها من شرودها صوت رنين الجوال ف قامت من مكانها وعيونها منتفخه وحمرا من الدموع.
افتحت الخط وهي تغصب نفسها على ابتسامه
/هييه ساعه اتصل ولا تردين لييه؟.
قالت لها بغضب خفيف ف اضحكت انهار وهي تقول/كنت بالغرفه الثانيه.
وكملت/وش عندها العروس متصله علي؟سديم.
سديم وهي تقلب عيونها/انا ارمله.
/موتيه وانتي للحين ما تزوجتيه.
سديم وهي تبتسم/ماعلينا وش تسوين؟.
انهار/جالسه اللعب بلايستيشن.
سديم بنزعاج/انتي للحين ما تركتي هالالعاب المهم.
وكملت ب ابتسامة/دريتي وش سوت زينب؟.
قالت وهي تضحك/اي.
.
.
.
نهاااااية البااارت .
رد مع اقتباس