الموضوع
:
رواية بنت بمدرسه عيال اغنياء/للكاتبة ماري جو
عرض مشاركة واحدة
05-29-2023, 05:06 AM
المشاركة
35
روفي
كبار الشخصيات
تاريخ التسجيل :
Jun 2021
رقم العضوية :
119
المشاركات:
31,824
السلام عليكم ورحمه الله وبركاته
.
.
البارت الواحد والثلاثون بنت بمدرسه عيال اغنياء
.
.
~ايــــامــــي~
.
.
(ضيقت عيوني) جدتي تبتسم وعماتي ومعهم عمومي..يضحكون اشكالهم تجيب السعاده قربت اشوفهم وش عليه يضحكون قربت لهم اشوف وكل مااقرب اشوف ملامحهم تتغير
جدتي تبكي وعمتي.. وعمتي ماسكتني وتبكي ..عمومي ليه يبكون ..(ضيقت عيوني اشوفهم زين).. انا لييه ملامح وجهي كيذا…
حمد عامر مهند وسالم وعيال عمومي وش فيهم متجمعين علي ..صوت يبكي(التفتت اشوف صاحب الصوت).. مافي احد ليه ظلام وين جدتي وين عمومي عماتي وينكم.. ركضت اقوى ماعندي التفتت ادورهم مافيي احد؟!!!
ظلام بكل مكان اصوات تبكي واصوات سيارات ..
نزلت راسي اشوف شي يمشي تحتي .. انحنيت المس هذا الشي
هذا..
هذا..
دم!!!
ايدي امتلت دم.. واصوات البكاء كثيره..
فتحت عيوني بسرعه وانا اللهث.. كان حلم
تنهدت براحه..
حسيت باصابع حنونه ودافيه تلامس خدي التفتت اشوف من صاحب الاصابع
راشد بابتسامه حنونه/قمتي
قامت زينب وملامح بارده تعدلت بالجلسه وناظرته بنظرات بارده
زينب/راشد
راشد بحنيه/عيوني
زينب ناظرت عيونه وبكل برود/سالت نفسي كثير من عشر سنوات وانا اسال نفسي
راشد/…..
زينب بملامح بارده/ليه انا مامتت معاهم؟!!
راشد بابتسامه حنونه/استغفرالله هذا بيد الله
زينب وخرت عيونها عنه وبنفس الملامح وبصوت يخلو من المشاعر/هم ماتوا وتركوني ..(ناظرته).. وشلون انا مااتذكر شي وشلون انا نجيت وهم لا؟
راشد/الله اعلم (يحاول يضيع الموضوع) اسمعي روحي شوفيهم حاولوا يقومونك بس عجزوا عنك هم تحت عند البحيره
زينب/كم الساعه
راشد يتنهد/5:11
قامت زينب اخذت ملابس ودخلت الحمام.
راشد جلس وهو يتنفس بقووه كانت علامات الخوف القلق والتوتر على وجهه مايدري وشلون اخفى تعابير وجهه عنها
طلع برا الغرفه واتصال على شخص!!
طلعت زينب وهي تجفف شعرها بالمنشفه الصغيره ناظرت الغرفه ماشافت راشد.. استغربت منه طلع ولا علمها
لبست زينب بلوزه سودا باكمام طويله ووسيعه شوي تغطي مبارز جسمها وبنطرون اسود وبوت (جزمه) اسود ولبست ساعتها
ناظرت المرايه سرحت بشكلها كان شعرها حوسه شوي بس مااهتمت له وشافت شكل ملابسها كلها اسود باسود مع ان خلود شرت لها ملابس كثير ملونه احمر واصفر واخضر وازرق وقليل من الاسود اخذت نفس وبعدين طلعت ..
وهي تمشي بالممرات كانت تتلفتت يمين ويسار تشوف الشباب يمشون ويضحكون منه القاعد يذاكر ومنه اللي قاعد يلعب بلوت ويلعبون اللعاب ثانيه واللي كان ساهي واللي كان يمشي ويصدم بالشباب
ضحكت بداخلها وهي تشوف حالتهم .. طلعت من السكن كانت الشمس تختفي وبرا السكان مليييااااان الشباب الللي طالعين.. حست زينب بداخلها بالخوف 3000 ومادري كم وانا البنت الوحيده اجل لو يدرون ان فيه بنت بالمدرس وش بيسوون… اخذت تفكر وتتخيل هزت راسها يمين ويسار تبعد الافكار عن راسها قربت لنهر شافتهم شافت شاكالهم.. ضحكت بداخلها وشلون فهد يتحرش فيهم واحد ووشلون شكل فارس وهو يهاوشه وخالد اللي ماسكينه حمد وتركي عشان مايضرب فهد وسامي اللي وينه ووين الشباب كان بعالم ثاني واحمد وفيصل وباسل اللي كانوا يشجعون خالد يقوم يضرب فهد وهم فاطسين ضحك عليه ورائد اللي كان يلعب بالجوال... ماقدرت تخبي الابتسامه ابتسمت وصارت تضحك عليهم من بعيد اشكالهم وشكل الغروب كان معطيهم شكل فني طلعت الجوال وصورتهم وحارصت انها تبين ملامح وجييهم .. شافت البحيره كانت طووويله وكبيره واشجار الغابه الصغيره يتراقصها الرياح الخفيفه وجميع انواع الطيور كانت تمر من خلال الغابه والبجع الابيض اللي ملي البحيره كان بوسط البحير معطيه شكل خيال.. تنهدت زينب ومشت قربت لمهم وقعدت كان يناظرونها
زينب بابتسامه/السلام عليكم
الشباب لفوا عنها وكانوا ساكتين
عرفت وش فيهم .. كانوا زعلانين عليها ماتعودا عليها كيذا صح انه كان اسبوعين ونص عرفتهم بس مااعتادو على شكلها كانت بس تضحك تبتسم لهم وتشارك معهم وتنصحهم كانت هي اللي محركتهم والحين الاكتيئاب طغى على وجهه ماصارت تضحك معهم ولا تشاركهم ولا تبتسم معهم تغيرت بالنسبه لهم
زينب بابتسامه/زعلانين
الشباب كانوا معطينها ظهرهم وساكتين
زينب وهي تقوم وتضحك/طيب بروح اشوف اوسامي
كلهم التفتوا لها وكانوا معقدين حواجبهم حتى فهد اللي كانت تخبي عنه شي كان معهم
زينب وهي تضحك/مايصلح لكم هاالوجهه
الشباب/………………………
تنهدت وقامت/طيب برجع لسكان وانام
سامي وهو معقد حواجبه/اجلس نبي نسالك
زينب قعدت وهي تبتسم
تركي تعدل بجلسته وعطاها ظهره/انا زعلان عليك
زينب وهي تضحك/شفيه الحلو زعلان
تركي ماعطاها وجهه لانه يدري انها كانت تستهبل
فهد يتنهد/تغيرت وش فيك
زينب بابتسامه/انا نفسي مادري والله
احمد/تركي شافك وانت تحضن راشد صراحه ماتوقعتك من ذا النوع من الشباب
زينب مطيره عيونها بااحمد
فارس وهو يتجاهلالنظر بعيونها/اي والله صدمه يوم درينا انك من ذا النوع
حمد/وغير كيذا انت بس متجاهلنا ماصدقنا مته ترجع ابتسامتك تغيرت احوالك بسرعه من بعد مانادك ياسر
زينب بحزن/ايه انا احب راشد وانا اموت عليه هو عمري وقلبي وحياتي ااه بس لو اصير بنت مااقدر اشوفه مع غيري حبيته من اول نظره معليش ماتوقعتكم انكم بتدرون بس انا وراشد راح نسافر لبريطانيا عشان نتزوج (الشباب مطيرين عيونهم حتى فهد) وبعد راح اسوي عمليه تحويل الجنس(استغفرالله) عشان مايمل مني اسف يالشباب هذا انتم عرفتوا سري ورجاا لا تقولوون لاحد وبعد.. بنسافر الشهر هذا (تسوي نفسها تبكي) وانا احبه مووت كلمته وقال انه موافق هو بعد حبني وطاير فيني وبعد(سوت نفسها مستحيه) سوينا اشيا ثانيه غيرهت
الشباب كانوا مطيرين عيونهم ومو مصدقين اللي يسمعون كانت صدمه حتى سامي ورائد انصدموا
زينب بخجل/تساعدونا؟
الشباب للحين منصدمين وعجزوا يقولون شي
زينب بخجل/هاه وش قلتوا
الشباب مطيرين عيونهم/…………………
ماقدرت تصبر وضحكت ضحك ومن قوت الضحك انسدحت وهي حاطه يديها فوق راسها وهي تتذكر اشكالهم بلاهم مايعرفون وش يصير لها راشد .. عقدوا حاوجبهم وهم يشوفونها تضحك ومنسدحه بعد
قامت وهي تضحك/صدقتوا؟
الشباب للحين منصدمين/…………………
زينب وهي تضحك/ترا امزح معاكم
الشباب بصوت واحد وبعصبيه/هذا شي ينمزح فيييه
امتلا اصواتهم لاخر السكن
وهي رجعت تضحك اكثر من اول وكل ماشافت اشكالهم وهم معاصبين تضحك اكثر من قببل حتى انها حست انها بتموت بمكانها
الشباب كانوا ودهم يقومون ويخنقونها
زينب رجعت قعدت وهي ماسكه نفسها/راشد ولد عمي
طيرو عيونهم مرا ثانيه كل شوي تصدمهم بشي
وهي رجعت تضحك مرا ثانيه
وبعد لاحظت من الضحك وقفها صوت الجوال قامت بسرعه وطلعت الجوال
لاحظت تاملت الرقم .. ارتسمت بوجهه الابتسامه عرفت رقمه على طول ردت
…../حبيبي
زينب بابتسامه شاقه وجهه/عيونه
…..بحنان/اخبارك
زينب تتنهد/طيب وانت
…..معقد حواجبه/ليه تردين علي بصفه المذكر
زينب بابتسامه/جالس انا والشباب
…..يتنهد/اهاا قومي من عندهم
ناظرتهم وهم مستغربين تغير حالها
زينب بابتسامه/اعذروني
قامت من عندهم وراحت بعيد شوي
…/قمتي
زينب بابتسامه/ايه عموري
عامر معقد حواجبه/عموري بعينك اصغر عيالك انا عموري
جلست وهي تضحك عليه كانت عارفه انه مايحب احد يناديه عموري وخصوصا هي لانها كانت تقولها بدلع
ومستفزه فيها دايم تضحك عليه كل ماقلت له يعصب علي ويقعد يهاوشني ويعطيني محاظره محترمه ليه اناديه بعموري هو اكبري مني ولازم احترم عمره
عامر بصوت حزين/سمعت انك تعبانه
زينب بابتسامه/لا ماني تعبانه مرت فتره وخلصت
عامر والحزن طغى صوته/الكوابيس رجعت لك
زينب وهي تهز براسها (ب ايه)
عرف عامر ردها
عامر وهي خانقته العبره/ليه قلتي لراشد انك تبين تموتين
زينب تنهدت وبنفس الابتسامه/ماكنت اقصدها ولا تخيل اموت ولا اشوفك معرس اوووف بنجلط
عامر وغصب يبتسم/بتشوفيني واشوفك عروس حلوه وتنزفين بعرسك واشوف واشو .. ..
عرفت انه خنقته العبره وراح يبكي عامر مع انه كان له هيبته الا انه كان حساس بتجاه زينب
زينب بابتسامه/ماجبت لي الالماني حلو من هناك
عامر يضحك/الا جبت لك
زينب وهي رافعه حاجب ومنزله الثانيه/وين هو ماشفته معك
عامر وهو معقد حواجبه/مير(لاكن) اللي عندك اجمل مشاءالله
التفت تشوفهم كانت عارفه قصده شافتهم جالسين ويسولفون
زينب بابتسامه/شفتهم
عامر/ايه شفتهم من بعيد مشاءالله كل واحد احلا من الثاني
زينب تضحك/ايه مشاءالله
عامر/زينب
زينب/هلا
تغير نبرت صوته لصوت شخص جاد/انتبهي لا تطيحين لا تعطين اي احد قلبك انتبهي ياقلبي
زينب بابتسامه/لا ياعامر مو انا اللي احب انا لو بحب كان حبيت اخوك حمد وبعدين وش جاب هالطاري
عامر بنفس النبره/قلوب البشر تتغير قلوب البشر تنخطف بي لحظه انتي راح تحبين
زينب/لا ماعليك قلبي محاوطه الثلج من بعد موتتهم الله يرحمهم
عامر يحاول يضيع الموضوع/مشتاق لك
زينب/تعال مسموح الزيارات
عامر/بجي بالمسابقه التنكريه والحفل السنوي لمدرستكم
زينب معقده حواجبها/هاه؟؟
عامر/ماتدرين ان هالمدرسه كل سنه يسوون حفل سنوي ومسابقه تنكريه
زينب بمتفاجاه/لا والله توي ادري
عامر/اجل دامك توك تدرين انا راح اجي قبل ارجع الالمانيه
زينب بحنيه وشوق/ماجاء معك
عامر فهم قصدهاا/لاه ماجاء يقول لو شفتها مارح ارجع
زينب بابتسامه/سلم عليه قول له ان زينب مشتاققه لك وودها تكلمك
عامر/تدرين لو اقول له وش سويتي كان رجع وهو يركض والله يقوم يذبحنا
زينب تضحك/ادري فيه هنوي عشان. كيذا لا تقول له شي
عامر/اكيد مجنون انا اقول له
زينب بتعبير حزينه/اخباره؟
عامر عرف من تقصد/مادري والله وش اقول لك حمد قلب ماعاد صار مثل قبل انتي اختفيتي فجاءه قلب العالم تحت فوق ومالقاك
زينب خانقته العبره/انا مشتاقه له
عامر يتنهد/انتي مجنونه
زينب بحزن/ابي ااسمع صوته
عامر/لو يدري انك قصيتي شعرك ورحتي لمدرسه عيال راح يقوم علينا الارض والسماء تدرين للحين يدورك
زينب بحرن/خليه يفهم انا مارح اقدر اتزوج وحد اعتبرته اخوي من اول ماانولدت لدنيا
عامر بحزن/مين اللي قالك روحي لمدرسه وقصي شعرك
زينب تتنهد/خلود عمتي
عامر خانقته العبره/تدرين ان عمتي ليل ونهار تبكي كل ماشافت صورتك تضرب نفسها وتسب نفسها لانها خلتك تروحين عمتي ندمانه وكل يوم تقول خلوها ترجع انا ظلمتها هذي امانه برقبتي حتى انها .. .. ..
زينب معقده حواجبها/انها ايش؟؟
عامر يرقع لها/حتى انها كانت بتقول لحمد
زينب تنهدت/كم يوم وراح يمل ويتزوج وانا راح ارجع واتزوج بي واحد يجيني
عامر بضيق/ترمين نفسك هالرميه عشان مايتزوجك
زينب/……………………………
عامر بضيق/تدرين لو بيدي كان رجعتك وقلت لحمد بس انا محترم رغبتك واكبر دليل قصيتي شعرك اللي كان رمز لامك انا للحين محترمها بس لو طاح الفاس براس وش بتسوين
زينب من دون اي مشاعر/راح اختفى من الوجود
عامر بقهر وضيق/ترا بزعل عليك
زينب/اسفه بس هذا الصدق
عامر بضيق وقهر/طيب طيب مع سلامه
وسكر الخط
رجعت لها الضيقه اكثر من قبل ..
ليه ماهم فاهميني ليه مايحسون فيني مايدرون وش قاعده امر فيه عشان حمد .. .. ايه صح انا احب حمد واحترمه واعتبره اهلي كلهم بس مااتزوجه وشلون اتزوج حمد ليه ماهم يسحون ليش مايقدرون يعني لو دخلت مدرسة عيال وشلون بيكشفوني وبعدين
وبعدين..
وبعدين..
حست بالعبره تخنقها تنهدت وغمضت عيونها وهي تتنفس بسرعه طاحت بالارض وهي حاطه ايديها فوق عينها ومغمضه
غرقت بالافكار .. افكار تجيبها وافكار توديها
……… ……… .……… .…………
عند عامر
عامر جلس وهو يتنهد
… بابتسامه/وش فيك
عامر بضيقه/اكيد ضاق خلقها مني ياليتني ماسمعتها هالكلام
…بابتسامه/ولييه انت صادق وهي غلطانه كان جت لمنا وتخبت عندنا انت معك كل الحق انك تعتابها
عامر بتفس الضيق/انت يعني ماتعرفها هي خلين بس ارجع اكلمها
…/لا خلك بس تستاهل انقهرت يوم عرفت انها قصة شعرها خلها بكيفها
عامر قام من مكانه ورما نفسه بالسرير
عامر/اسالتني عنك
…/هههه وش قالت
عامر/تقول ماجا معك
…بابتسامه مكر/وش قلت لها
عامر وهو يلتفت له/قلت لها انك للجين بالالمانيا
…بنفس الابتسامه/ايه زين خليني افجاءها
عامر بقلق خفيف/لا شافتك بمدرستها راح تجيها سكته قلبيه خلي عنك لعب الاطفال هذا
…يتنهد/اذا ماكنت معها مارح ارتاح قلبي بيصير معها وبعدين هي بنت بالحالها وشلون اخليها آخخ لو كنت موجود ماكنت خليتها تسوي اللي في بالها
عامر/ومتى بتنقل
..وهو ياخذ السوط ويلوح فيه ويضربه بالارض ويضحك/بعد شهر ونص
عامر/الله يعينها
...يضحك/متحمس اشوف شكلها
تنهد عامر وتركه بكيفه
… ..…… . …… . …… … .… ..… ..…. .
وهي مغمضه عيونهاحست بانفاس الفانيله
فتحت عيونها بشوي شوي وشافته واقف ويناظرها
ابتسمت
زينب/يووه نسيت اجيكم
فارس معقد حواجبه/قوم لي ساعه اناديك
رفعت زينب ايدها .. تبي يقومها
مسك ايدها وقومها بسرعه ..
تلفتت يمين ويسار ماشافتهم
زينب بتسال/وينهم ماشوفهم
فارس يتنهد/فيصل وسامي بالمجلس الطلابه عنده شغل
وباسل عنده النادي
وخالد راح لناديه عنده انشطه
ونفس الحال مع الباقي
زينب/وانت
فارس/انا بعد ساعه
زينب وفارس وهم يمشون/يعني النادي ماهو بنفس التوقيت
فارس/لا يمكن فيصل وسامي مايجون الا بكره
زينب بصدمه/وشوو وليه بكراا
فارس/مجلس مضغوط هالايام
زينب/وليه
فارس/لانه قرب الحفل السنوي لمدرسه عاد بيضبطون ويجبون ويحطون للحفل
زينب/اهاا الله يعينهم والباقي
فارس يتنهد/مادري متى ماخلصوا بس نادر مايجون لبكرا
زينب/اهاا
اسكتوا الاثنين
زينب حست بالخجل من فارس هذي اول مرا من جت المدرسه تكلمت معه بالحالهم كنت دايم مع فهد او خالد .. كانت تدور موضوع عشان يروح هالصمت والارتباك اللي كانت فيه
فارس كان يراقب حركاته ويضحك بخفيف كان عارف انه متوتر ومرتبك
فارس بابتسامه/ماتبي شي من السوبر ماركت ..(بقاله-دكان)..
زينب بنفس ابتسامته/ايه ابي
دخلوا وكل واحد فيهم تفرق يشرون اللي يبون
وبعد دقايق خلصوا
فارس اللي طارت عيونه من زينب
فارس بصدمه/وش هذا
زينب بغباء/هاه وشو
فارس للحين الصدمه ماراحت/شاري السوبر ماركت كلها
زينب بضحكه غبيه/هيهههيهيه
زينب شرت
كرتونين اندومي و كرتونين كود رد.. (مشروب طاقه).. وكرتونين كولا واربع كياس كبار من الفيشارات وست كراتين الشوكولاته المنوعه من الجلكسي
فارس معقد حواجبه
زينب ترمش/وشو عادي دايم كيذا ماهي اول مرا اشري كيذا
فارس حط اغراضه عند المحاسب اللي كانت عباره عن
ببسي وفيشار وجلكسيين وجركل وماء كبير
اخذ اغراض زينب ورجعهن
زينب معقده حواجبها/لييه رجعتهم
فارس قرب منها وعصبيه قليله/اذا كنت جوعان انا موجود اطبخ لك ولشباب وبعدين الاندومي كثرته غلط بتمرض
زينب بوجه عابس/انا ابي اندومي
فارس ب ابتسامه/اذا ماكنت موجود اشري لك كيس واحد او علبه وحده وكل بس دايم اندومي لللااا
زينب وهي تهز راسها بجابيه ب معنى انها موافقه
تنهد فارس وشال الاغراض عن زينب ..
ومن بعد ما طلعوا من السوبر توجهوا لسكن .. تبي تساله عن شباب دايم تسمع عنهم بس ولا مرا شافتهم ..
زينب/احم فارس
فارس بملامح هاديه/هلا
زينب/اول ماجيت المدرسه سمعت عن الامراء الثلاث .. ه
ماقدرت تكمل لانها لاحظت تغير ملامحه الهاديه .. اللي ملامح جادمه ومعقد حواجبه ..
وقف وهو يناظرها!! ..
زينب ورسوم البراءه واضحه بوجهه/....................
تنهد وكمل مشيه ..
فارس بصوت صارم/من وين سمعت عنهم
زينب وهي تحط اصبعه على راسها وتحركه .. كانت اشبهه بحركه طفوليه بريئه/اول ماسمعت عنهم من ياس
قاطعها/اهاا ياسر وشلته ......... (سكت شوي)...... طيب عادي اطلب منك طلب
زينب وهي تميل راسها ليمين بطفوليه/وشو
فارس بصوت مليان جديه/لا تجيب ذكرهم عند الشباب وخصيصا فههدد
زينب والفضول تملكها/طيب .. بس لييه
فارس يتنهد/لانه واحد فيهم يصير اخ…
قطع عليهم اتصال جوال فارس
وقف فارس وزينب عند باب السكن واخذ جواله وشاف المتصل
فارس ب ابتسامه/اهلا وعليكم السلام
…./ترا لنا ساعه وحنا ننتظرك
فارس بضحكه/طيب طيب الحين اجيي
سكرا وناظر زينب
فارس/الشباب ينادوني عندي نشاط اليوم
زينب بتفهم/طيبب هات الاغراض وروح لا تتاخر
فارس بمزح و بضحكه بانت غمازاته/هههههه ليه بتشتاق لي
زينب ضربته بخفه على كتفه ومدت بوز/لا بس عشان تشوف اني انتبه لك ..(وغمزت له)..
فارس عطاها الاغراض وهو يضحك/طيب
اخذت الاغراض وقبل ماتدخل/شوف اناربحط اغراضك عندي انت تعال خذها بعدين
فارس وهو يمشي ومعطيها ظهره/طيب
راح هو وهي دخلت السكن والاغراض اللي شايلتها ثقيله عليها وكل شوي تشيل غرض عن الارض اللي تطيح منها واخيرا وصلت لمصعد ..
واقفه تنتظر ينزل لها … نزل وانفتح الباب
بس كان فيه خمس شباب تعطيهم بثالث ثانوي بما ان شكلهم مايوحي انهم صغارين وباين انهم كبارين وخصوصا اجسادهم تشببه لحد ما اجساد مصارعين .. لانهم كانوا لابسين بناطرين وبلايز بارزه عضلاتهم وطولهم الشامخ.. بلعت ريقها ..
تنهدت ودخلت وفيه كميه قليله من الخوف بقلبه ..
عطو الشباب لزينب مساحه عشان تقدر توقف ..
دخلت ولصقت بجدار المصعد ..
وكل شوي يطيح منها غرض وتشيله .. اخر شي طاح منها كرتون ..
من دون شعور وبعصبيه ممزوجه ببراءه/اففففففففف ياااربيييه انننننن!!!
الشباب من دون شعور ضحكوا عليها من عصبيتها الطفولييه .. انحرجت هي منهم ونزلت راسها وهي للحين معصبه ..
سكتوا التفت واحد منهم وشال الكرتون وهو مبتسم وباين انه يبي يضحك بس ساكت عشان مايحرجه ..
بصوت جهوري وشموخ/جيب نص الاغراض اشيلهم عنك وانت شيل الباقي
اعطته نص الاغراض يشيلهم .. ماصدقت احد يساعدها لان من جد كان الاغراض كثيره ..
استحت منه وبان الاحمرار بخدودها ..
لكن سرعاً ماختفاء الخجل .. واجذبتها المحادثه اللي دارت بينهم ..
1يتنهد/المدير وياسر يقهرون لييه يحطونهم امراء المدرسه قسم مايستاهلون
2بهدوء/خلاص حنا مالنا شغل بكيفهم هم
3بقهر/انت ماشفت وشلون رعد كلم الاستاذ بقلة آدب
4/خلاص مثل ماقال طارق حنا مالنا شغل هم بكيفم
3بسخريه/هه!! بس لانهم بالمرتبه الاوله بالمدرسه وحكتهم اللي كانها حكمه وجمالهم اللي كانهم بنات عينوهم امراء خيير
5 بهدوء/خلاص بعدين
3/انا مو شفقان الا على فهد المسكين مدري وشلون متحمل اخوه لو عندي كان شربت من دمه مصدق انه امير اخخخ!!
1معقد حواجبه/هم طيبين بس انت وهذوك اللي تستفزوهم تستاهلون اللي يجيكم
3بعصبيه/حنا ما استفزناهم ماشفت وشلون آدم يناظرنا كاننا حشرات عنده ولا ذياب اللي يتكلم من بغرور كانه مالك العالم ولا قله الادب مع رعد ومن حقنا اننا نساعد الاستاذ ولا؟؟
5/خلاص مثل ما قال مشاري انتم البادين و انتم مستفزينهم وخلوكم في حالكم احسن بما انهم امراء ف يقدروا يطالعوكم من المدرسه ماتدري منهو آدم خلي هالسنه تعدي على خير مابقا الا نص سنه ونتخرج
2 معقد حواجبه/وليه انت خايف منهم يعني
5/لا ماني خايف ولا شي ولا الود ودي اشيلهم من مناصبهم بس الحكمه تقول خلينا بعيدين عنهم
تنهدوا كلهم واسكتوا .. وكل هذا زينب سمعتهم .. عرفت ان الامراء ماهم مثل ماتوقعت توقعتهم متواضعين بس طلعوا العكس! .. انقطع حبل افكارها شاب3 وهو مبتسم ويكلمها/اجل انت اللي دخلت فصلنا هههه
زينب مفهيه/هاه
1 التفت له/اي والله وانا اقول وين شفتك اثره انت اللي دخلت فصلنا وقطعت شرح الاستاذ ققلت منهو ذا الجري اثره انت
زينب بخجل/كنت ادور على مجلس الطلابه
كلهم/اهاا
بذاك الوقت انفتح الباب المصعد وطلعت ..
اخذت الكرتون من الشاب .. شكرته من كل قلب صادق .. تسكر الباب وهي راحت تدخل باب سكنها .. وسكرت الباب حطت الاغراض ورمت نفسها على السرير .. تنهدت قامت من السرير اللي
.. ..………… … ..… ..……
بذيك اللحظه يوم تسكر باب المصعد
3/لاحظتوا
2/ايه بس يمكن شي ثاني
4/مادري بس مالنا دخل حنا
1يصرف الموضوع/وش رايكم بكرا ناخذ اجازه
الشباب/ااييه يالليييت
التفت 4 اللي 5/وش رايك انت
5/…………
تنهد 4 وقال/خلاص بحاول بكرا ناخذ اجازه يوم واحد
الشباب وهم فرحانين ياخذون اجازه معدا 5/طيييب
… . .……… .…… . ..…… … ..
عند زينب
قامت من السرير فتحت الدولاب واخذت ملابس جديده
راحت الحمام* وانتم بكرامه* افتحت صنبور الماء يعبي البانيوم وحطت صابون اللي يسوي الفقاقيع براحه زهر الجوري ..
افصخت بلوززتها وشالت الشاش الابيض اللي مغطي صدرها وباقي الملابس ..
دخلت رجليننهاا بالماء الدافي .. وكان البانيوم نصه مليان ..
وفجــــــــاااااااهةة
^
^
^
انفتحح باب الحمام!!!!!
.
.
ومن هنا حبايبي نوقف ونكمل بالبارت القادم اتمنه انه نال اعجابكم وحسن راضاكم بما اني مانزلت ل3 اسابيع وهذا البارت مكون من ثلاث بارتات ونص ..
وبصراحه ماعاد صرت اشوف تعليقات حلوه مثل قبل طبعا بعضهم مو مقصرين . وغير هذا ماشوف توقعاتكم واقتراحاتكم ولا تشجيع
اتمنى ان تساعدوني شوي بالتعليقاتكم ودعموكم لي
^^^
وهابي هابي ماااري .. :$
دمتم بخير .. â™،
رد مع اقتباس