منتديات شقاوي التجريبية - عرض مشاركة واحدة

01-13-2023, 11:31 PM

المشاركة 62

الـتـوق

نــزاري الحــرف



ملف مرفق 53811

قل للمليحه لاتجي الناس وعيون الغفير
اتراقب الوضع بخفا لاجيت ولا جيتها

يالله تلهمني الصبر وتعدي الفتره بخير
وشلون مالمحها ولا أقرب طوارف بيتها

ونا الأسير بحبها لو كنت بأرض الله أسير
مبطي ونا ماني معي بالضبط من حبيتها

اهديتها العمر برضا من دون لاشاور شوير
وهدتني البسمه كذا كل ماضحكت وأوحيتها

الجادل اللي بعدها اعلنت تحديد المصير
تسري لها اشواقي طرب وأطرب اذا سريتها

الناعمه ساس الغنج يالي نهت سوق الحرير
الطاغيه بكل الفتن لاتلومني لاأغليتها

يالي حكاويها شعر وشهو الفرزدق مع جرير
لاعادت الهرجه علي ياعنك مامليتها

وياللي شذاها لاعرضت مسكٍ وسافربه عبير
لامر بالنسمه علي أفرح اذا ضميتها

آخذ شفيق ابلا زفير ابلا زفير ابلا زفير
ماودي اترك عطرها وأهيم لاكنيتها

اجمل متاهات العمر من أوله لين الاخير
دايم تشتتني ونا مدمن على تشتيتها

ماهانت بالحضه علي وسابق الموعد وطير
اخاف يمنعني الزحام ويفوتني توقيتها

واليوم من بعد الوصل صار الذي خايف يصير
ماقدر اجيها اولاتجي مجبور لو خليتها

هايم وهي مثلي لابانت تباشير البشير
واليل عيا ينتهي ياليتني وياليتها

ياكن بضلوعي جمر وطراف جسمي زمهرير
مافيه جرَه للحزن بحشاي ماجريتها

الله يعاقب هالزمن والوقت وعيون الغفير
وناسٍ علينا استلعنت الله يخرب بيتها

االشاعر :فيصل العدواني

رد مع اقتباس