الموضوع
:
مـلاذ/ بقلمي
عرض مشاركة واحدة
09-05-2021, 03:39 AM
المشاركة
3
لحن الوفا
Junior Member
تاريخ التسجيل :
May 2021
رقم العضوية :
19
المشاركات:
976
[COLOR=rgb(0, 0, 0)]
السلام عليكم ورحمة الله وبركاته
لا تخلو روايتي تلهيكم عن الصلاة والعبادات
ما احلل النقل دون ذكر اسمي
ملاذ ♪ { البارت الأول }
كل شخص فينا يحتاج لملاذ
ينسى فيه احزانه وهمومه
ويلقى فيه الحب وغيومه
ملاذ يبعده عن كل غمومه
وانا لقيت هالشي فيك
حبيتك اكثر من نفسي
لكن ...تغير كل شي
عطيتك من قلبي اللي ما عطيته لأحد قبلك
حبيتك حب ما يمحيه الزمان لو مهما كان
عطيتك من كل الوفا والحنان
وما لقيت منك غير الصدي والإهان
حاولت أبعد عنك كل شي يذوب ابتسامتك ويمحيها وعطيتني من الجروح إللي تكفيني لا مر العمر بكل الأزمان
سمعت آهاتي وتلذذت فيها
ومن معاناتي رسمت لك سعادة ما تنسى معانيها...
آههه بس
لو ترجع ايامي
وما غلطت غلطتي
ولا ضعفت قدام عاطفتي
اكرهك.. لأنك سلبت مني اغلى ممتلكاتي
لكن مقدر أقول شي
الغلط منك ومني
لكني كنت صغيرة ومو فاهمة شي
وانت الكبير الواعي.. ليه تسويها فيني؟
وش سويت لك؟ بـ إيش أذيتك؟
الله يسامحني ويسامحك..
هبّت نسمة هواء باردة ونزلت معها قطرات المطر على وجهها الطفولي
شوق برجاء / يمه والله ما امرض خليني امشي تحت المطر شوي بس
مزيد بطنازة / اخر مرة قلتي هالكلام تلطعتي بالمستشفى اسبوع أقول ادخلي وانتي ساكتة
شوق / ياخي مالك دخل أنا اكلم امي " ورجعت تناظر امها ببراءة " يمه اخر مرة
ام ماجد تنهدت وبـ إستسلام / إذا صار لك شي مالي دخل
شوق بدت تنط من الفرحة / هييي أحب المطر
جت اختها وصقعتها بكتفها بقوة وطاحت بالارض المبلولة
شوق بصوت باكي / يمه شوفي بنتك
ام ماجد / سارة ليه تسوين كذا بأختك؟ وانتي بعد منتي بزرة يلا قدامي دخلو داخل
دخلت شوق وهي تتحلطم وتتوعد على سارة وتوجهت مباشرةً لغرفتها المشتركة مع سارة
بعدما نشفت شعرها دخلت عليها سارة
سارة وهي تقلد شوق / يمه شوفي بنتك ههههههه دلووعة
شوق بغرور متصنع وهي تلعب بشعرها / وحضرتك غيرانة
سارة رفعت حاجبها بـ إستنكار / الله وأكبر مالقيت اغار الا منك يالجوكر
شوق / هاهاها ماغيرك الجوكر .. الا وينهم القوم؟
سارة وهي تجلس على السرير وتفتح جوالها / البنات بغرفة اميره وقمر والعيال بغرفة مزيد ومروان
شوق / من كثرهم بس .. يلا أنا رايحة عند اخوانك طفشانة وانتي واضح ماعندك ماعند جدتي
سارة / يكون افضل وسكري الباب وراكِ
طلعت شوق من غرفتها وهي سافهه كلام سارة ودخلت غرفة اخوانها بطريقتها الخاصة
مزيد أخترع / هيي داعش انتي؟
مروان بعصبية / الواحد يطق الباب ويستأذن مو يداهم على طول
ماجد ببتسامة / شعندك من بلاوي ؟
شوق ابتسمت بوجه ماجد / هذي الناس الي تفهم مو المساطيل مثلكم ... جيت ابيكم تفزعو لي
مروان بعجلة / اخلصي
شوق بعربجية / يشيخ والله اتكلم بكيفي اذلف انت بوجهك
مروان عطاها نظره ناريه
شوق بدلع / والله مو انا هذا الجني حقي
مزيد فطس ضحك / هههههههههه تحولت لـ بسه" قطوة" مدعوسة ههههه
ماجد / اسكت انت وياه ويلا شوقي قولي شفيك؟
شوق وهي تدلع بعيونها / بطلع السوق مع صديقاتي وابيكم تقنعون امي وابوي
مزيد رفع حاجبه / وانتي منجدك تتوقعين اننا بنوافق؟
شوق / ياخي ما بطلع مع شخص غريب بروح مع ريمو ونوروه خوات صديقك القرد
ماجد ضحك / ههههههه هالحين ناصر قرد؟
شوق ببتسامة / يب قرد مقرود شارد ومشرود ههههه
مروان بنص ابتسامة / من وين جايبة هالطلاسم؟
شوق وهي تجلس عند ماجد على السرير / والله من اخته دائم تكون هالكلام
مزيد ببتسامة خبيثة / اهااااا
شوق بتهديد / وربي لو قلتله فضايحك كلها عند ابوي
مزيد ببتسامة ساخرة / هه وش الفضايح الي عندك؟
قامت شوق بحماس وهمست بأذنه ورجعت مكانها والابتسامة ماليه وجهها
مزيد بقهر / الله يلعـ*** كيف عرفتي؟
شوق وهي تعدل جاكيتها / احم احم اتوقع انك نسيت.. امس جوالك كان معي
مزيد ورمى عليها المخده / وانتي تفتشين جوالات الناس
المخدة جت بوجه شوق وعصبت ورمتها عليه / ايوا بكيفي جوال اخوي
مروان قام وبعصبية / خير انت وياها اعقلو لأعلقكم بالمروحة
شوق بروقان / يالبيه اصلا حلم حياتي احد يعلقني بالمروحة
مزيد / اففف توها كانت معصبة
شوق ضحكت / هههههه قول ما شاء الله الحين تصكني بعين واموت
ماجد / الا تعالي مو ضروري تروحين معاهم بكرا باخذ إجازة من الدوام ونروح مع بعض
شوق / لا تتعب نفسك هما كذا ولا كذا بيروحون وبالمرة اروح معاهم واتسلى بعد
مزيد / خلها تروح وأنا بعد بروح معاهم
شوق / انت انثبر بالبيت
مزيد رفع حاجبه اليسار / مو المفروض تكون هذي جُملتي؟
مروان / إن راح مزيد تروحين أو مافي طلعة من البيت
شوق بعناد / مابي مالي دخل مجودي شوفهم
ماجد / يا بنت الحلال خله يروح معاكم واكيد فهد بيكون موجود
شوق / بنروح نتسوق حنا البنات شدخل العيال
مزيد / والله لنا دخل خواتنا ما نتركهم وحدهم
شوق / يرحم لي امك أسكت بنروح مكان خاص للبنات ومافيه عيال اذا خلصنا دقينا عليكم وترجعونا
مزيد / مافي أماكن خاصة للبنات كله مختلط
شوق بإصرار / إلا في
مزيد بنفس الإصرار / مافي يبنت
شوق / مكان الملابس الـ*** حق الرجال مثلاً
العيال كلهم تفشلو.. مزيد رمى عليها مخدة وماجد دفها من السرير وهو كاتم ضحكته واما مروان صرخ عليها وطلعها من الغرفة
شوق / هي هي خير معزة عند اهلك تجري كذا
مروان معصب ومنحرج / عدلي كلامك بالاول
شوق / والله شدخلني هو الي يقول مافي مكان خاص للبنات يستاهل ما جاه
اميره وقمر طلعو من غرفتهم / وش عندكم ؟؟
شوق بمرحها المعتاد / نرقص 💃
قمر تخصرت / بدوووني يا خاينين
اميره تمثل الزعل / اصلا محد يحبنا اهئ
مروان بأمر / خذو اختكم وتقلعو عن وجهي " وراح "
اميره وهي تدخل الغرفة / نفسية وربي يقول خذو اختكم وهو الي يروح
شوق وراها / والله مو رايح بعيد طالع على اخته
قمر تغمز لأميره / اي والله طالع عليكِ يالشوكة هههههه
شوق / شوكة تنحشر بخشمك قولي امين
قمر / انقلعي
دخلو الغرفة ولقو بوجههم بدرية
شوق لبدرية / وأنا كل ما شفتك تكونين جالسة تطفحي ارحمي الأكل يا بنت الناس
بدرية وهي تاكل من الشبس / شدخلك خليني اكل بكرا لما أموت مين ياكل
شوق / أنا موجودة اكفي واوفي ههههه*ه
بدرية / تخسين تاكلين من شبساتي
شوق / سم الهاري ببطنك
اميره / وين سوسرة ما جت معك؟
شوق / منطقة بالغرفة ينقال تذاكر
قمر / بروح اناديها واجي
شوق / روحة بلا رده إن شاء الله هههههه امزح استغفر الله
{ خلونا نتعرف على عائلة أبو ماجد }
عبدالله " أبو ماجد " 49 سنة رجل أعمال كبير بالمملكة مهمل تجاه عياله شوي لكنه طيب وحنون ويحبهم وخصوصا بناته ضياء قلبه مريض القلب وعنده الربو
منال " أم ماجد " 47 سنة ربة منزل مثالية انسانة متواضعة وتحترم الكل طيبة وحنونة لأبعد درجة ربت عيالها احسن تربية وعندها الربو
ماجد اكبر العيال وعمره 29 سنة يشتغل مع ابوه بالشركة شخص متواضع مرح وحنون وعنده الكثير والكثير من الغموض وكتوم
مروان الولد الثاني عمره 27 سنة عصبي لأبعد درجة ومع ذلك قلبه طيب لكن صعب التعامل معه قليل الكلام وكثير السرحان
اميره البنت الكبيرة عمرها 25 سنة طيبة دمها خفيف وعلى نياتها خريجة طب الاسنان
قمر البنت الثانية عمرها 23 طيبة مرحة ومرجوجة حنونة وعلى نياتها تدرس ادارة أعمال الكورس الأخير
سارة 22 سنة عنيده و دافوره غامضة وحنونة وكتوومه جداً تدرس الشريعة
مزيد أصغر الأولاد عمره 20 سنة حنون و مرح اهبل يحب الطقطقة ومغازلجي لأبعد الحدود يدرس الهندسة الكورس الثاني
شوق عمرها 19 سنة هبله ومرجوجة عربجية وكتومه اول سنة بالجامعة
بدرية العنقود الصغير عمرها 17 سنة حنونة مرحه وحساسة جداً وهي بالمرحلة الثانوية الثانية
نروح لمكان بعيد
قال ناصر بعصبية وهو يلحق اخته بالصالة / نوير يالخسيسه هاتي جوالي
نور وهي تضحك وتنط من كنب للثاني / ههههههه ياخي بس بشوف تكلم مين
ناصر ولسه معصب / وربي اجلدك هاتي بسرعة
نور وهي تشوف الشاشة / تكلم بنت يا تبن
ناصر سحب الجوال / لا وربي لو سحبتي جوالي مرة ثانية اكسر يدك
نور جلست عالكنب ولا كأنها مسوية شي / يمه خوفتني.. تراني عارفة كل شي واذا مديت يدك العلوم عند الوزارة المالية يا قلبي
ناصر جلس بقهر / انقلعي بس الواحد يندم يوم يقولك شي
نور تضحك / هههههه تستاهل عشان ما تفكر تزعلني
ناصر بنص ابتسامة / والله لو ابي ذبحتس ولا احد درا عنتس
نور تصفق / والله وطلع اخوي قصيمي وأنا مدري
ناصر ارخى ظهره عالكنب / على بالتس الناس مثلتس ما ينعرف لهم حجازين او نجدين
نور وهي تحط رجل على رجل / والله كيفي أي لهجة عجبتني أخذت كلماتها لقاموس كلماتي الجميلة
ناصر / جميلة بعينتس الي يشوفها يظنها شعوذة ههههههه
نور / طبيعي لأنتس مشعوذ والعياذة بالله منتس يالغالي
ناصر ضحك / هههههه ما يليق عليتس القصيمي
نور قلبت وجهها عنه بطفش / تاركة اللياقة لك استاذ نصير
دخلت بروحها المرحة / هااي
ناصر ابتسم / يهلا بأختي الغالية ريومه منورة الصالة والله
ريما ببتسامة / هلا وغلا نورك يالغالي
نور عفست وجهها / عشتو
ريما بمرح / لا متنا ههههه
ناصر ببتسامة / هذي الناس السنعة .. ريومه حبيبتي جيبي لي عصير
ريما كشت عليه / مالت عليك وأنا أقول ليش كل ذا المدح طلع مو لله
ناصر / قلبي انتي يلا بسرعة عطشان
ريما قلبت عيونها وراحت المطبخ
ناصر يبي يستفز نور / فديتتهااا اختي الصغيرة تسمع الكلام مو مثل بعض الناس
نور ابتسمت / جعل ما يخدمك غيرها قول امين
ناصر قلب وجهه ولا قال شي
﴿ خلونا نتعرف على عائلة ناصر ﴾
الأب " راشد " متوفي من خمس سنين
الأم " لطيفة " عمرها 45 سنة انسانة حنونة ومحترمة تحب عيالها ومعوضتهم عن ابوهم وتلبي كل طلباتهم
سندس البنت الكبيرة عمرها 25 سنة طيبة القلب اعقل وحدة بالرواية و متزوجة من سنة
ناصر الولد الكبير عمره 20 سنة الإبن البار والأخ الحنون عصبي في بعض الأحيان لكن بطبيعته مرح ويحب الإستهبال والوناسة يحب يكون غامض والناس تكتشف شخصيته يدرس الهندسة مع مزيد بنفس الجامعة
نور عمرها 19 سنة النسخة الثانية من شوق وهما صديقات مقربات جداً
ريما العنقود الصغير عمرها 15 سنة حبوبه وخفيفة دم مرحة وتحب ترسم الإبتسامة على وجوه الي حولها اخر سنة بالمتوسط
كانو جالسين والهدوء يحتل الاجواء وفجأة سمعو صوت صراخ جاي من المطبخ......
نوقف هنا ونكمل بالبارت الجاي
اتمنى يكون البارت نال إعجابكم صحيح انه قصير شوي لكن حبيت اعرف رأيكم في افكاري وطريقة سردي
انتظر ارآئكم وتوقعاتكم
اختكم / نور لحن الوفا او نور القمر
[/COLOR]
رد مع اقتباس