الموضوع
:
تعلم اللغة الهولندية ..!!
عرض مشاركة واحدة
06-06-2022, 04:45 PM
المشاركة
784
سيناا
كبار الشخصيات
تاريخ التسجيل :
Oct 2021
رقم العضوية :
263
المشاركات:
32,752
مرة بالشغل دار هاد الحوار القصير بيني وبين المدير تبعي:
Hij: Hey Adam weet je wat? ik zou een goede moslim zijn.
Ik : hoezo?
Hij : ik drink niet, ik rook niet en ik maak geen slippertjes.
Ik : als jij toch zo’n mens bent ,tuurlijk zal jij een goede moslim zijn.
الترجمة:
بتعرف شو ادم؟ والله بجوز كون انا مسلم منيح.
شلون؟
انا لا بشرب كحول ولا بدخن ولا بخون مرتي.
اذا انت عنجد هيك شخص اكيد رح تكون مسلم منيح.
هلق منجي عالمغزى من هاد الحوار:
احد استخدامات “zouden” هي في حالة عدم اليقين وهاد يلي انزكر بالجملة الاولى:
Ik zou een goede moslim zijn.
واحد استخدامات “zullen” هي انك تكون متاكد من شي وهاد يلي انزكر بالجملة الاخيرة:
Tuurlijk zal jij een goede moslim zijn.
هو ماكان متاكد انو اذا ما بيشرب ومابيدخن وما بيخون مرتو انو هيك رح يكون مسلم منيح لانو ما بيعرف كتير عن الثقافة الاسلامية لهيك استخدم "zou”
وانا لاني بعرف انو الشي يلي ذكرو هو من صفات المسلم المنيح وبحكم انو انا ابن هي الثقافة لهيك استخدمت "zal”.
ملاحظة: انا اتعمدت نزللكون هدول الاستخدامين سوا ضمن هاد الحوار البسيط لانن عكس بعض تماما وبشوف انو من الافضل يندرسوا سوا.
ملاحظة٢: اي شي بكتبلكون ياه هون اعتبروه عبارة عن اضافة او اكسسوار عم تزينوا فيه الشي يلي بالاساس انتوا بتعرفوه.
انا اخواتي ماعم ادعي اني خاتم اللغة الهولندية انا مجرد طالب لهي اللغة متلي متلكون وعم عاني نفس معاناتكون لكن عم اعمل جهدي انو ساعدكون ضمن حدود امكانياتي.
Fijn weekend 👋
رد مع اقتباس