الموضوع: روح يتيمة /بقلم مملكة الصمت
عرض مشاركة واحدة
قديم 05-15-2022, 01:35 AM
المشاركة 18
الصورة الرمزية زهرة الاوركيد
زهرة الاوركيد
Junior Member
  • غير متواجد
Post
بارت 3






جالس خالد في غرفته تعبان من كل الناس كل شي يطعن فيه فهد وغيبته الغريبة عنه
ابوه من بعد الي عرفوه عن تيم
رجع للذكرى لذاك اليوم بعد ما راح فهد ثاني يوم كان جاي يزور اخوه وهو فيه لهفة
تراك اخوي وان ما رضيت
دمي يحن بعدك مت
يا اخوي ابيك عون ليت
ليت تحس فيني لي ان احتجت سندت

يمشي ورجوله ودها تراكض فيه
مشى للطابق الي يسكن فيه اخوه ما نام وهو يفكر فحالة اخوه
شاف زوجة ابوه واقفة ودموعها تصب تجري بسرعه وهي كانها ضايعة ومشتته مرة تضرب نفسها مرة تبكي ومرة تضحك
في حالة هستيرية
مشى وهو متقدم وخايف منها لكن استغرب انها ما كانت معاه ولا شافته اصلا مشى غرفة اخوه وهو يسمع صوت صراخ عالي
شاف من النافذة الزجاجية اخوه وهو معصب وعيونه حمر ويدينه شابكها بقووة وضاغك على اسنانه بقوة وابوه والممرضات يحاولون يهدون فيه
للان هو في حالة صدمة وش فيه تيم كذا حالته
وزوجة ابوه ليه كذا تبكي
وابوه وهو يحاول ما يفلته لكن دموعه تتطافر من عيونه وكانه شلال حاول يكتم شهقاته وهو يحاول يحضن ولده يهدي فيه
لكن مافي فايدة
لين جات الممرضة وهي ماخذة ابره واعطتها تيم هنا تيم شوي شوي بدا يهدا ويفقد الوعي
كان منظر مبكي خالد دموعه ما حس فيها تجري على خدوده
يا ناس حد يقولي ايش فيه اخوووي
ابو خالد شال تيم ووداه السرير
وبعدها جلس بالكرسي الي جنب السرير وحط راسه تحت يدينه وهو يبكي بقوة
هلي يدموع تراه غالي
عزيز قلبي ماله يلوي
لواه المرض ليته فيني يابوي

دخل خالد عند ابوه وحط يده على كتفه يحسسه بالامان
ابو خالد رفع راسه بشويش وناظر بخالد مسح دموعه وحط يدينه برسالة محتاج احظنك
حظنه خالد وحاول يحسسه بالامان
رجع ابو خالد يبكي بقوة وهو يزيد بحظنه لولده: اوعدني يا خالد
خالد وهو ما يدري ايش السالفة: على ايش
ابو خالد من بين دموعه: اخوك يا خالد اوعدني ما تتركه
خالد وهو يحس بالمسؤلية: وعد يبة ومن غير وعد تراه اخوي يشهد ربي اني اعزه
ابو خالد: ان جار عليك زمانك وتركتك اخوك لا تتركه
خالد وطعنه جديده ليه انا الكل تركني ومحد فكر فيني هالكثر رخيص عندكم
خالد وقلبه تعبان خلاص:يبة وش فيه تيم ليه كذا حالته
ابو خالد بتنهيدة من قلب: يا ولدي اخوك بسبب الضربة الي جاته صار معه حالة صرع
خالد ما يعرف وش معناها لكن من حالة تيم باين انها صعبه
الله يشافيك يا اخوي
شاف زوجة ابوه داخلة وهي مترددة بدخلتها
شافت تيم نايم ولا كانه الي قبل شوي ملامح هادئة وطفوليه
قربت ودموعها تنزل جلست جنبه الزمت يده ورفعتها شمتها وهي تشاهق وباستها وبعده مسحت فيها خدها :يا حبيب قلبي انت يا نظر عيني وخلها وينك يا ابوي ليه كذا تسوي يقولون فيك صرع
ليته جاني ولا جاك ليت عيني ما تشوفك كذا

يمكن هم يكذبون علي من بين شهقاتها الحروف تطلع متقطعة: أأي... أأيه... اكيييييد انهم يكذبون
قوم وانا اوديك مستشفى احسن من هذول
وبدأت تشاهق بصوت عالي
ابو خالد والمنظر ابكاه
اما خالد خارت قواه
قرر يطلع يبكي برا جلس في الحديقة وجلس وراسه سنده على رجوله وهو يبكي بقوة
وينك يمة وينك
تعبت يمة وانا اناديك
كسروني يا يمة وينك
تعبت وانا ادور من يداريني
يبكي بشده وشهقاته تتعالى في المكان بعضهم واقف وهو يبكي للموقف بعضهم انكسر خاطرهم

كان جالس يتمشى شاف ناس متجمعه فات بينهم يشوف ايش في
انصدم هذا خالد من ملابسه نفسها ما يغيرها هي قطعتين بس
جا جلس عنده وهزه بشويش
وبصوت خائف :خالد وش فيك خالد
خالد رفع نظره شاف فهد ارتمى بحظنه بقوة وهو يبكي
فهد والمنظر ادمى قلبه اه يمنور لو تشوفين ولدك كنتي بتذبحينهم
اخ مني حسبي الله علي ليه تركته ليه بدأ يبكي ليه تركه وليه ترك منور اخ يقلبي يكفيك جفى اعزازك كلهم مكسورين وانت تتفرج
ناظر الناس كلهم ما زالو يناظرون الموقف اشر لهم يروحون
بعد ما مشى الكل وهو جلس يمسح على راس خالد ويحظنه ويطبطب عليه
بعد ما هدا خالد: خالد يولدي ايش فيك
خالد وكلمة ولدي ذكرته بالغاليه نزلت دموعه بصمت
فهد: خلود قولي ايش فيك
خالد مسح دموعه دموعه ما تفيد: اخوي تيم غمض عيونه بأسى معه صرع
ما ادري وش معنى صرع لكن باين انه شي مو زين
خالد ودموعه تنزل بقوة ضغط على شفايفه بقوة: ليتك تشوف حالته يعمري تحزن تقطع قلبي وانا اشوفه كذا
فهد هو عارف الحالة: اعرف يا خالد وشايف الله يشفيه
انت هدي ماهو بزين تسوي بحالك كذا
خالد بغموض : ليت كل شي بالقول نقدر نسويه بسهوله
فهد قرر ما يتركه: خالد قوم معي
خالد وهو تعبان وبصوت مهزوز: مو قادر اسوي شي بارجع البيت
فهد بتصميم :ادري لانك تعبان قوم معي
خالد قام ومشى وراه وهو تايه

———————————————— ———————————————



نروح لبيت فخم في وسط المدينه يعبر عن رثاء اهل المنزل عكس منازل خالد وابوه وعكس منزل غلا


نايمة في غرفتها اللي يشوفها يجزم انها غرفه شبابيه
كل شي فيها اسود
وبما انه الدنيا صيف التكييف باررررد الي يفوت لها يتجمد
دخلت امها وهي تصحي فيها وتتكلم عليها
:سوير قومي اشوف وش انتي من بنت
صرخت بصوت عالي وهي معصبة :سويرررررر. اقول قومي يمال العمى
سارة وهي تفرك عيونها بسبب الضوء الي تسلل لغرفتها
:يمة شفيك حلمانه فيني شي
امها بيأس :يا شين الحلم الي بتكونين فيه
ساره بغمزة بطرف عيونها: وش الحلم الجميل عندك اجل وبغمزة ثانيه اكيد ابوي
امها بغضب سرعان ما رمت الشبشب: اقول قومي يا قليلة الادب
سارة غطت نفسها عدل وما حاشها الشبشب بعد ما طمئنت انه ما جا فيها
رفعت الغطى وهي تضحك: يمة انا امس سمعته يتكلم مع وحدة يقول لها اهواك تدرين وش يعني اهواك
امها انخطف لون وجهها والغيرة اكلتها: وش تقولين انتي
جلست جنبها: سوير تكلمي مين كان يكلم وش اسمها
سارة وهي تضحك: يمة باسئلك سؤال وجاوبيني صدك
امها بتسائل: الحين ردي وش اسمها
سارة بقشمرة: الحين يمة في احد يبدل الثرى بالثريا وغمزة لها بضحكة رنانه
امها بلشت تستخدم يدها وتكفخ فيها :اقول استحي علي وجهك
سارة وهي ما زالت تضحك: يمة كسرتيني بناشد على المواقع يجون ينقذوني
امها بغضب: خلهم يشوفون قلة ادبك وينقذوني منك
سارة وهي تحاول تخليها تضحك: الله يهداك الحين انا قليلة ادب ما قلت شي بس سألناك منهو الي يبدلك يالثري كله فديتها يا ناس هالثرى وبدات تبوس فيها
امها وبغضب من حركتها: اقول قومي عمك بيحينا الله يستر مع ضحكك ذا بنروح وطي
سارة تحاول تطمنها: لا تخافين يمة مافي شي ان شا الله
صوت طرقات الباب خفيفة
سارة ركضت تغسل وهي تتكلم: يمة افتحي الباب بغسل واطلع ما اطول
ام سارة فتحت الباب تفاجات من وجود جود عندهم رحبت فيها
وهي مستغربه جود تطلع وجات عندنا عمرها ما دخلت بيتنا ايش فيه تنهدت والله مو مرتاحه في شي بيصير من جيت العم ذا
جود دخلت غرفه سارة وهي فرحانه واخيرا بيتحقق الي تبيه سارة تعزها كثير ما بتخليها بالساهل
طلعت ام سارة تجيب ضيافه لجود


بعد خمس دقايق خرجت من الحمام وهي متفاجاة جود عندها
ركضت عندها وهي تسلم عليها وفرحانه فيها كثير
سارة: يا هلا ومسهلا ومرحبا والف هلا بجودو حرم راكان
جود بضحكة رنانه وبغمزة وغموض: يوم لك
سارة بحسن نيه :امين غمزت لجود:شكلي ما بطول والسبة انتي
جود: والله ما اخليك
سارة مصدومة: انتي للحين تفكرين بنفس السالفة
جود: يي والله وما بتركك لو ايش
سارة بتسليك تدري ان النقاش معها عقيم :ماشي
حبت تغير السالفة سارة: وش الي جابك والله نورتينا وصدمتينا
جود بابتسامة جانبية: بتعرفين بعدين مفاجاة

سارة بتسائل: لا مفاجاتك تخوف تكلمي
جود ما تبي تخربها: كذا تستقبليني هاتي شي نشربه ووطي هل تكييف ثلجت
سارة بتذكر: اسفة والله نسيت وركضت تطفيه
جود وهي تناظر الغرفة بتعجب: يا بنت وش فيك ليه كذا لون غرفتك
سارة بضيق من السالفة: ايش فيها والله اللون يجنن
جودباستغراب: والله انك غريبة احيانا تكونين مافي انعم منك واحيانا شرسة ينخاف منك
سارة بجدية: الناس اذا ما تشوفك بالحالتين بتاكلك
جود اكثر من يعرف بذي النقطه وبياس اطلقت تنهيدة: اي والله الحمد لله على كل حال
سارة بتسال: كيف الحياية معك عساهم اركدو شوي
جود بتذكر :هههههه لا لا تخافين مركبين وضع كوبرا شرسين بزيادة
سارة بيأس: الله يهداهم الحين ابي افهم من يبغى يزعل الجمال كله والله ما عندهم سالفة
جود: علشان كذا ابيك معي تحميني وتكونين حولي
سارة بطفش: جودو ما عندك سالفة يا بتغيرين السالفة يا والله اطردك تراني مهبولة اسويها
جود بزعل: افا بس وانا اقول سارة وسارة واتعشم فيك تطرديني
سارة بقوة: جود جد اخر مرة تفتحين الموضوع لاني وبصريح العبارة طفشت ربي يشهد يا جود انك اخت واعز من الاخت بس الي تقولينه يجرحني مو علشاني علشانك
جود بضحكة جانبية: خلاص ما افتحها تامرين كليتيني ههههه
سارة تغير الموضوع: وين العصلة ماهيب معك
جود بتذكر اضحكت :هههههه شافت بندر وزوجته تحت تلزقت فيه علشان تقهر حرمته وتسوي لها حركات بعد وزوجته وجهها احمر ودها تذبحها
سارة تعرف بنت جود تحب بندر ودوم تسوي الحركات مع زوجته اضحكت وهي تتخيل المنظر: هههههههه. بنتك طالعه لابوها ابوها نسونجي وهي ولادية ههههه
جود وهي تخزها: بطنش سالفة زوجي نسونجي بس وش ولادية ذي اول مرة اسمع فيها
سارة وهي تشرح لها: الحين الي يركض ورا النسوان نسميه نسونجي والي تراكض خلف الولد قلت اكيد ولاديه مصطلع من عندي يعني ههههههه
جود تهز راسه بيأس: اخ منك بس
سمعو صوت طرقات بقوة
راحت سارة تفتح بابها تفاجات فيها تدخل وهي تتغنج وتهز بخصرها تتدلع بمشيتها ما اقدرت تتحمل الكياته ولابسة فستان احمر بعد شالتها وهي تبوس فيها وتعض خدودها بقوة وهي تبكي وتصارخ
اخذتها جود وهي معصبة :بنت وش فيك على بنتي



لمار ودموعها ما زالت على خدودها وفمها منزلته للاسفل: يمة ثوفيها. كيف تضبني (شوفيها كيف تضربني)
سارة خقت بقوة فتحت فمها وهجمت عليها تبي تاخذها:يا ناس عسل فديتها










بارت 3جزء ثاني

وصلو بيت فهد وخالد ما يدري ايش السالفة
نزلو من السيارة وهو متفاجأ بيت كبير عكس بيتهم يعني بيتهم متوسط لكن بيت فهد ما شاء الله كبير ويجنن
فهد وهو يناظر خالد واعجابه بالبيت واضح حط يده على كتف خالد بعد ما ناظره خالد عطاه فهد نظرة امان وهو يبتسم له
فهد: مانت ناوي تدخل يا خالد
خالد باحراج: يعمي والله ماني متعود ادخل بيت حد
فهد باسف: افا انا حد
خالد بتبرير: عز الله انك عم ونعم العم لكن....
قاطعه فهد: لا لكن ولا شي سم بالله وادخل تراني ما باتركك تروح
خالد بابتسامه اطمئنان: تأمر ياعم
فهد كل ما ذكر خالد كلمة عم يحز بخاطره لا يا خالد ماني بعمك ليتك تدري بس كان ما. ناظرتني اااه يالقسوة

اشر لخالد يدخل المجلس
دخل خالد وهو مذهول ذكر الله خاف يضللهم
وجلس وهو يناظر فهد يدخل وبيده بياله قهوة
خالد ابتسم :ماله داعي هالقهوة يا عم
فهد ناظرة وهو مبتسم: المجالس لها اهلها وانت من اهلها ولزم نضيفك
خالد شعر بتفاخر من كلامه: جزاك الله خير على الكلام احرجتني
فهد بمصداقية: والله اني صادق تستاهل يابوك
خالد :شكرا لك ولكرمك
دخل وهو يبحث عن الي قاله ابوه عليه ناظر بخالد وهو متفاجأ:انت الي صرعنا فيه ابوي
خالد وكانه كلمة انصرعنا رجعته لتيم ولآلمه ابتسم بحزن: ما ادري
بدر وهو يسلم على خالد بحرارة ويرحب فيه:يا هلا ومسهلا توني اقول ليه البيت منور اثاريك عندنا
فهد فاتح فمه من كذب ولده:يا ولد وش هالكذب ما صارلك دقيقة من شفته لساتك ما تعرفت عليه
بدر بزعل: افا ياذا العلم تكذبني يابوي وبمجلسك بعد
فهد بيأس: يا ولد عن الهياط وروح شوف العشى
بدر لوى فمه: الحين انت مو تعرف خالد ليه ما تخليني اعرفه انا
وبعدين انت وش كبرك مصاحب لك بزر
فهد نزع شماغه وناوي يادبه ما لحق عليه الا وهو شارد
خالد كان كاتم الضحكة من اول الشاردة خلته يضحك بقوة
فهد وهو يناظر خالد مبتسم: لو ادري بدير بيضحكك وبيسمعنا هالضحكة كان من زمان جبته. هههههه
خالد وهو خجلان: احممم اعذرني يا عم ما قذرت اكتمها
فهد ما زال مبتسم: بلعكس والله فرحتني ضحكتك ليتك دايم تضحك
خالد مبتسم: ......
دخل بدر متسلل شافه خالد ولزمته الضحكة وسكت خاف ما يقدر يصبر ويضحك وهو يتكلم
بدر وهو جالس ببداية المجلس وكان فهد جالس بالنص ويناظر خالد الي جالس حنبه
يعني ما شاف بدر

فهد وهو يلاحظ اتزان خالد عكس بدر مع انهم بنفس العمر لكن بدر تصرفاته مبزرة
فهد وهو يوجه كلامه لخالد: عز الله ان الحق يقال اني اتمناك ولدي الحين شف بدر كبرك وتصرفاته كيف
بدر بزعل: ليه يابوي بس تتكلم عني قدام ضيفنا يرضيك يا خالد
خالد وهو يهز برأسه لا
فهد وهو ناوي يروح يلزمه لزم يده خالد: يا عمي والله انها ما تسوى تراه يمزح معك وان ما مزح معك مع مين بيمزح
فهد قرر يتركه ويحترم كلام خالد خلاص يبيه يتعلم من خالد ويركد شوي
طلع يشوف الاكل

———————————————— ———————————————
اخذتها جود وهي معصبة :بنت وش فيك على بنتي
لمار ودموعها ما زالت على خدودها وفمها منزلته للاسفل: يمة ثوفيها. كيف تضبني (شوفيها كيف تضربني)
سارة خقت بقوة فتحت فمها وهجمت عليها تبي تاخذها:يا ناس عسل فديتها
جود وخرت لمار خايفة من المهبولة تسوي فيها شي:شفيك تبين تذبحين بنتي حبيبتي من لي غيرها
سارة بغمزة عين: ابوها رويكن هههههههه
جود نزلت راسها بخجل وضربت سارة بخفة: بعدي خلني اشوف خالتي ابرك
سارة اركضت وراها والزمت لمار بدون تنتبه جود ودفتها وقفلت باب الغرفة
وبدأت ترفع فيها لفوق ولمار تبكي
جود وهي تطق الباب بقوة: بنتي يالخبلة بذبحك
سارة تجاهلت كلام حود وخذت. لمار تلعب فيها تحسبها لعبه
جود سمعت صوت لمار تضحك ارتاحت ونزلت عند ام سارة



ام سارة. بعد ما خلصت الاسئلة التقليدية سألتها بشك : جود يبنتي في شي انا نا ادري فيه
جود ابتسمت تحاول تجامل وبأرتباك: لا خالتي مافي شي خير كله خير
ام سارة وقلبها ماهو مرتاح: خير ان شا الله
ابتسمت من قلب ام سارة:يشهد الله ان جيتك فرحتني كثير
جود توردت خدودها: تسلمين يخالتي والله اني بجيتي حسيت اني جيت بيت اهلي
ام سارة حطت يدها على رجول جود: وهذا بيتك متى ما بغيتي البيت لك والعتبه لنا
جود بخجل مبتسمة: ما عاش من يخليك بعتبه يا خالتي مكانك فوق الراس
ام سارة مبتسمة: عز الله انك بنت ناس اجاويد
جود: تسلمي يخالة من طيب اصلك
قطع عليهم صوت صراخ وضحك عالي
التفتو السلم وهم يشوفون لمار ومكياجها كانها وحدة كبيرة ورايحة عرس
فتحت جود فمها متفاجأة وشهقت: وش مسوية بالبنت يالخبلة
سارة مبتسمة بفخر: ولا شي بس وديتها صالوني ضبطناها شوي
جود ضربت جبهتها: حالتك صعبه يبيلك دكتور وبعدين بنتي وش فيها اسم الله عليها ما تحتاج صالون لو تفرين العالم كله ما تلاقين اجمل من بنتي.
سارة لوت فمها: الي سمعك يظن امها انجلينا جولي ووالدها براد بيت
جود بفخر: يخسون هاليهود ابوها راكان وامها جود بنت اجاويد
سارة باستهزاء: ابوها راكان وامها جود بنت اجاويد ههههههه
جود ناظرتها باستعلاء:عندك مانع بكلامي؟
سارة: اخسي امانع كلامك
جود بابتسامة: فديتك يالعزوة
ام سارة هزت راسها بيأس :ولا كانكم توكم تتهاوشون الله يعيني عليكم
جود ما زالت ابتسامتها: يا خالتي ذي الغالية كثر ما تهاوشنه كثر ما زاد حبنا لبعض
سارة تناظرها بترجي: جودو بالله عليك بنتك مو تجنن
جود هزت راسها بياس: هاتيها بعطيها لابوها ارتاحي شكلي باكل رزايل والسبة انتي
سارة شهقت بقوة: حرام عليك وش سويت انا
جود: انا ادري بزوجي يذبحني اذا حطيت مكياج شوفي بنته كيف تبينه يسكت حشى والله ما بيسكت
سارة لوت فمها: الله يعينك
ابتسمت جود للذكرى لو تدرين بس يا سارة بتذبحيني
مشت متجها لمجلس الرجال تعطيه بنته قبل لا تسوي فيها المجنونة شي وابي اخذ راحتي بالكلام معها
بعد ما خبره بندر ان زوجته تبيه راح لباب المجلس والفرحة مو سايعته واخيرا

فتحت الباب شاف جود وكيف تمسح بوجه لمار وهي مزعوجة
شافته جود وشافت الفرحة بعيونه من اول ما تزوجته ما شافت هالفرحة الحين فرحان الله يسعدك يرويكن
خذا لمار وهو يبوس فيها شم ريحة ماهي بريحة جود ابتسم بتذبحيني شي يوم بحبي لك
جود: خذ عندك لمار سارة المجنونة خربت شكلها وكل شوي تسوي عليها حركاتها خفت على لمار منها ابتسمت
راكان وهو مبتسم: زين انك جبتيها اشتقت لها
جود حست وقفتها غلط وابتسامته كذا جرحت انوثتها ليه يرويكن وش فيني ما اعجبك ولا اعجبتك ابتسمت: عن اذنك بروح

———————————————— ———————

نروح لعند غلا
جالسه تلعب وهي ترسم بطفولة
جات ندى وهي فرحانه لانها بتروح المدينة ابوها وعدها
شافت غلا ترسم تفاجأت غلا ترسم بس شخصين من المتوقع انو امها وهي
ندى بتسائل:وش تسوين
غلا بابتسامه طفولية: ارسم
ندى: من ترسمين
غلا بابتسامه كبيرة اشرت على الشخصين: هذي امي وهذي انا
ندى:ليه ما ترسمينا انا وابوي معكم
غلا وهي فرحانه: يعني تبيني معاك بنفس الرسمة ما بتمانعين ؟
ندى ابتسمت: لا خلني اشوف رسمك لنا
غلا بحماس بلشت ترسم وبعد ما خلصت اشرت لها: هذي انتي يدك بيدي وهذا ابوي
ندى بمجاملة: تجنن اشوف عطيني اشوفها عدل
غلا عطتها وهي فرحانه
ندى خذتها وهي ناوية على فكرة راحت عند ابوها تركض وهي فرحانه وتضحك :بابا شوف غلا كيف راسمتنا هههههه
ابو ندى يضحك: ليش راسمتنا كذا كاننا فزاعة
ندى: غبية ما تعرف ترسم
ابو ندى وهو يحظن ندى: اصلا محد يعرف يرسم زي اميرتي
ندى بفخر: انا اشطر وحدة بالرسم
كانت واقفة قريب منهم تسمع لكلامهم انجرحت منهم كثير
مشت متجهة للمكان الي كانت فيها ما شافت الحجرة الكبيرة قدامها ووطاحت بقوة وكان الطيحة هي الي صحتها من صدمتها بكلام ابوها هي متاكدة ان فيها شي فيها مرض امها مخبية عليها في ذاك اليوم امها ما قالت لها حاولت تتكتم على الموضوع لكن انا ماعرفت ايش في
جلست تبكي بقوة ورجولها توجعها بقوة وراسها انجرح فوق عيونها بشوي ينزل دم وهي تبكي


كانو جاهزين يروحون المدينة اركبو السيارة وتوكلو
بعد نص ساعه تفاجأو بأم ندى وهي تتلفت و تصيح :وين غلا