منتديات شقاوي التجريبية - عرض مشاركة واحدة - سجل حضورك ببيت شعر على ذوقك

06-15-2021, 10:39 AM

المشاركة 68

الصخري g

Junior Member



روّح علي من ليل الأشواق ثلثين
وأقبل عليّ ثلثٍ طَوَا ضيقَتي طي

عقبَ الهُموم وظُلْمة اللّيل والبين
تنويرَة الهاتِف مَلت ليلتي ضَيّ

البَارِح أضوّي بِه و أدوّر على شيْن
والحينْ نُوره مَالي البيت والحيّ

حيّ اتّصالك يوم جاني على الحين
ألفا يقدّيني عن الطيش و الغيّ

يا مَرْحبا يا صُوت أشاهدَه بالعين
صوتٍ رَسَم طيفك بلوحَات عينيّ

في ذِمتِي يا سَيّد كل المَزايين
صُوتَك مِثل ما أخذتني رَدني ليّ

تنْشد عن أَحوالي وأنَا أقُول لك: زين
ما غير جُرحٍ و آخر عِلاجَه الكَيّ

أتعَبَني إن الحُب ما بيننا بين
والمُجْتَمع باقِي عَلى وَصِلنا عيّ

بس التّعب فَدوة وحنّ أجل اثنين
تعبَك يا الغَالِي مثل شُربة الميّ

يرخَصْ لك الغَالي ويهدَا لك الزّين
تؤمُر عُيوني هاك هَذي قَبِل ذي