[COLOR=rgb(44, 130, 201)][SIZE=15px]
جدي مات
جدي مات
وخد معاه كل الحجات
خد معاه طعم الكلام
وسابلنا مر السكات
اصل لما جدي مات
مبقاش فيه اي حكايات
تنحكي وقت السمر
ولا بقي في طعم ل سهر
والخير خلاص افتقر
وبيتباع ف المحلات

إييييه ,,,
راحت فين ايام زمان
ايام ما كانت البيبان
تبات الليل متفتحه
والخلق جايه ومرَوَّحه
والبيوت نايمه فـ امان
ايام لو كان البرد يكتر
عن الدفي
تلقي القلوب متحدفه
احضانها تحوي ف الشتا
أي واحد كان بردان
فين ايام ماكانت العيال
تندهلي علشان انزل العب
ولو كنا نعمل الغلط
او نحدف حد بالزلط
كان عمي الحج يضرب
فنلم حاجاتنا ونهرب
من سكات
فين ايام ماكانت البنات
تلاقي لونها ينخطف
وتداري كده وتتكسف
وتعدي علي طول من سكات


ده انا لما جدي مات
نسيوه قوام قوام
وتاه اسمه ف وسط الكلام
والحديت بقي ليه وكام
والحروف دخلت مزاد
والكلام بقي ب الفلوس
والاجسام سابت النفوس
والمعاني ف القاموس
مبقتش ف قلوب العباد
وابقي اسال عنها الولاد
فينك يا ايام جدي بس
ده البعيد مبقاش يحس
والايمان ف القلب خس
والخير خلاص اهو مات
بالظبط زي ما جدي مات

#محمدسعد[/SIZE][/COLOR]

المشاركة الأصلية كتبت بواسطة _JOUD, post: 11647 الله يرحمه ريرحم جميع اموات المسلمين يعطيك العافية اخوي ...

المشاركة الأصلية كتبت بواسطة هنادي بنت عبدالله, post: 11649 ‏لا يذهب ألم ⁧‫الفقد‬⁩ حتى وأن مرت الأيام .. ولكن أجر الصابرين عظيم ، اللهم ارحم من عز علينا فراقهم ، اللهم ارحمهم واغفر لهم واجمعنا بهم في جنتك واغفر لجميع موتانا وموتى المسلمين سلم نبض قلبك 🌷 🌷 🌷

المشاركة الأصلية كتبت بواسطة نسمات بريئة, post: 11659 ربي يرحمه و يغفر له ، الفقد شي صعب و جربته، جدي من أغلى الناس الي فقدتهم جدي كان سبب لفرحتي كان سبب لضحكتي كان بكلمة يفرحني و حضنه كان يدفيني ، كانت الدنيا تنور لما يزورنا كان قلبي يرفرف لما ازوره و القاه ينتظرنا، كنت اقوله ياخذني الحديقة من و اني طفلة و يا ما اخذني أخذني لعبني يا ما عانى و رغم كل شي كان يبتسملي هو الي كان يناديني بالسكر و يمدحني و لما أطلع الأولى في المدرسة يهديني ، مرت سنتان و لكن جرح الفقد لا يطيب بل يزداد ألما و وجعا و ينزف دما جما ربط الله على قلوبكم و الهمكم الصبر و السلوان

المشاركة الأصلية كتبت بواسطة اميرة بهدوئي, post: 11662 [SIZE=22px]الله يرحمه ويرحم جميع اموات المسلمين يعطيك العافية اخي[/SIZE]