قلــــــــب فـــــــــاضي [الأرشيف] - منتديات شقاوي التجريبية

محمد سعد

06-02-2021, 06:51 PM

بنفضل نجري جوا سباق
وناس تيجي وناس تمشي
ومين فارق ومين اشتاق
ومين ارتاح ولا تعبشي
وتاخدنا الدنيا ف متاهه
و تنسانا وننساها
ونسهي احنا ونتلاهي
و تفضل اه تمطوحنا
لحد ما نلقي ارواحنا
جايه علشان تروحنا
ونبقي احنا من الاموات
وتنسانا كل الحاجات
وتصبح قصصنا حكايات
وننام احنا ولا نفوقشي
بقلمي #محمدسعد

محمد سعد

06-02-2021, 07:24 PM

LBrjIwkp5Bg

Ma vie, Aïcha, si tu m'aimes

محمد سعد

06-02-2021, 07:51 PM

يُحكى أن روحاً توكلتْ على ربها فنامت مبتسمة .. تصبحون على ما تتمنون ♡

محمد سعد

06-03-2021, 06:17 AM

MqoANESQ4cQ

هدووووووووووووووء

محمد سعد

06-03-2021, 06:32 AM

مشروع قصيده ان شاء الله
بحاول اكملها

اخر ساعه في شهر ديسمبر
السنه اللي فاتت
كنت متبت فيها جدا
بس هي سابت
كنت كل حاجه فعلا
وهي برضو كانت
نسيت كل حاجه بينا
من اول لما اتقابلنا
نسيت كل حاجه بيننا
كل حاجه ماتت

#السنه اللي فاتت بقلمي

محمد سعد

06-03-2021, 07:12 AM

8zNf4sOO_mg

محمد سعد

06-03-2021, 09:09 AM

من كتر ما كان طبعك هادي
والناس بتعاملك ببرود
واتعودت تقول لا عادي
وبتقبل كل المرفوض
ويدوسو اكتر علي روحك
وكل ما تبني يهدو طموحك
ف بتسكت وتداري جروحك
وتخلي وشك مفرود
#محمدسعد

محمد سعد

06-04-2021, 09:57 AM

FH8nayT2UG4

الاغنيه الاقرب ليا

محمد سعد

06-05-2021, 09:59 PM

صبـــآح يــوم جــديــد
لآ آحد يدري مآذا بهـٍ من آحدآث
ولكن يرآودني احســاسـ بـالشجــنــ
آعرفـ آن يـومـي مليـء بـالاحـداث الـمـعـتـمـه
مجرد شـــعور ولـــكنهـُ آقربـــ إلـيــ آالحقيقهــ
فدائما ودوما " تــآتي الريــآح بمــآ لا تــشــتهــي السُفٌنٌ "
ولــكنـ ساحــاول تجـــاهل بعض موجآآات الريآآح هـذهـ
وسآتقبل بعضها لــيسيـــر قـــاربي

محمد سعد

06-05-2021, 10:21 PM

O3bXMaMH5e8

اسمعوا دي
و تصبحوا علي خير

محمد سعد

06-07-2021, 05:28 AM

كترت ف شرب الشاي
علشان تصبح نساي
وفر تعبك علشان
كل اللي سابك مش جاي
وطبعا الجاي هيرحل
ف انت لا تشيل ولا تزعل
وسيب اللي هيحصل يحصل
من غير لا ليه ولا ازاي
‫#‏محمدسعد‬

محمد سعد

06-07-2021, 08:37 AM

982

احيانا الوقت بيسرقنا
و نتوه جوه زحام الدنيا
بنفكر ياما في اللي فارقنا
و احنا ما جينا في باله لثانيه
مع ان العمر بيسبقنا
وبكره ارواحنا تكون فانيه

# وليده اللحظه
#من وحي الصوره
#محمد سعد

محمد سعد

06-08-2021, 02:32 PM

wrXBW0UBAu8

محمد سعد

06-08-2021, 10:01 PM

تصبحوا علي خير

AgDIqlmj3Wo

محمد سعد

06-09-2021, 08:48 AM

اللي اتفارق من الناس
ف الفرقه ماتأمنلوش
واللي بيتباع ببلاش
الدنيا ماتلزمهوش
الناس اللي آمنتلها
من كل الدنيا بحالها
مستني تاني ايه منها
لما يبيعوا فيك بقروش
دول كانوا ميت فل وعشره
الدهب اتحول قشره
وازاي بتهون العشره
وسابونا وماستنوش
#محمدسعد

محمد سعد

06-09-2021, 09:40 AM

الناس اشكال وانواع
وبيجروا جوا سباق
والنفس راحات وطباع
والرك علي الاخلاق
وزماننا ده ياما اتباع
وانضربت بيه امثال
#محمدسعد

محمد سعد

06-10-2021, 05:36 AM

ارسميني جوه روحك
ضحكه يمكن اتسعد
ارسميلي من طموحك
يمكن وشي يتفرد
ارسميلي ضحكه صافره
اقوي بيها ع الظروف
كل حاجه بيا كافره
وعيني مش قادره تشوف
اسنديني بكلمه حلوه
طمنيني ف عز خوف
غني ليا اي غنوه
جايز الفرحه تتولد
‫#‏محمدسعد‬

محمد سعد

06-10-2021, 07:37 AM

ده الزرع من بعدك د`بل
و الارض زادت جفا
لا انا لاقي غيرك بدل
ولا حضن بيبيع الدفا
ضاع الحنان والوفا
لما انقطع وصلك
هو انتي حبك اختفي
ولا مفيش شيئ واصلك
ياخوفي لاطلع انخدعت
و حبك ده يطلع مبتذل
اوعاكي تفتكريني ضعت
ده انا مت اصلا من زمن
انا لو بايدي كنت بعت
لو كانوا زادوا ف التمن
قابليني بقي لو يوم نفعت
طول ما انا مش شايفك وطن
لما انتي ناويه تودعي
ليه سيبتيني ف فصلك
ابكي عليا ودمعي
يا طيبه في اصلك
#محمدسعد

محمد سعد

06-11-2021, 10:11 AM

شباك عصاري بيشبه السيما
شغّل حنيني والحنين رغّاي ...
غمّضت عيني مَلو تلقيمة
شُفتك بتيجي تسكّريلي الشاي ....

للشاعر نبيل عبد الحميد

محمد سعد

06-11-2021, 10:13 AM

-nZrR4QwZBY

محمد سعد

06-12-2021, 10:11 AM

انا في كام سنه كده ف حياتي
محتاج اني اعملها كت
وارميها بره عن حسباتي
علشان ف الفتره دي انا اتلخبطت
كام مره فيها الحظ عاندني
ولا كان في حد بيسندني
كام مره الموجه جت تبعدني
وانا بغرق وبعيد اوي ع الشط
انا في كام سنه كده ف حياتي
فعلا مت انا فيها واحبطت
#محمدسعد

محمد سعد

06-12-2021, 10:15 AM

1176

محمد سعد

06-13-2021, 10:43 AM

كلميني اكتر عن هجرك
والبعد من غير اسباب
وازاي لسايا انا فاكرك
وازاي ف عمرك انا سراب
ضميني ف حضن مخيلتك
وافتكريني دقيقه من ليلتك
جايز اكون انا محتاجلك
داوي ف الجرح اللي اتساب
#محمدسعد

محمد سعد

06-14-2021, 05:24 AM

mhmd-saad/j5vrebkbiybl

محمد سعد

06-14-2021, 05:31 AM

JvU4CXVmtNw

افضل فيلم و انسب اغنيه
العمر بيجري :(
#الحمدلله

محمد سعد

06-14-2021, 07:32 AM

1350

نفسي في ساعه واحده ارجع اقعدها في المكان ده
كل معاني الهدوء و النقاء و صفاء الذهن و الراحه النفسيه
بلدي وحشتني اوي
# تصويري

محمد سعد

06-16-2021, 05:36 AM

1434

مستوحاه من الصوره

ارسميني جوه روحك
ضحكه يمكن اتسعد
ارسميلي من طموحك
يمكن فرحتي تتولد
ارسميلي ضحكه صافره
اقوي بيها ع الظروف
كل حاجه بيا كافره
وعيني مش قادره تشوف
ضهري انحني من المعافره
وبيكي يمكن يتفرد
اسنديني بكلمه حلوه
طمنيني ف عز خوف
غني ليا اي غنوه
من غير وجع
من غير كسوف
هونيلي حاجه صعبه
جايز وجعي يتهمد
ايوه اقفي جمب مني
شيلي من الهم اللي عني
انا فعلا محتاجلك لاني
محتاج ااني اتسند

محمد سعد

08-11-2021, 06:29 AM

ومشيت في كل الطرق
ملقتش حد
سايبني لوحدي اتحرق
بالرغم ان الجو برد
افراحي ديما بتتسرق
واملي سابني وراح غرق
عيني ع العمر اللي مرء
وانا لسه شاب

محمد سعد

08-19-2021, 01:37 PM

الزرعه لو يوم مالت
محتاجه جمبها
وكل الحالات قالت
بان الصحاب سند
وانا جنبي ناس شالت
عن ضهري حمل جبال
#محمد سعد

محمد سعد

08-23-2021, 09:42 AM

QUwxKWT6m7U

من أفضل اغاني تايلور

محمد سعد

09-13-2021, 10:01 AM

كل اللي قالوا حبوك
بيجملوا ف السرد
في ناس بتزرع شوك
جوا جناين الورد
يرموا كتير من قول
ويزوروا في أصول
و إن قل المحصول
جابوا العيبه من الارض

محمد سعد

09-19-2021, 04:23 AM

اللي أبشع من الوباء
تلقي ف اصحابك كمبن
اسوء انواع البلاء
الصحاب الغدارين

#محمد سعد

محمد سعد

10-17-2021, 09:31 AM

الليل ممشيش ليه مالسما
والنهار ملهوش عنين
والليالي ليه عندنا
مبقاش فيها طعم الحنين
ليه كل حاجه اتغيرت
لما انتوا قررتوا البعاد
وازاي نقسي قلبنا
وازاي هنقدر ع العناد
حنوا علينا ربما
نحتاجلكم كمان يومين
لا مش عايشين انما
بقينا شبه ميتين
#محمدسعد

محمد سعد

10-19-2021, 01:49 PM

وعِشْ خالياً فالحُبّ راحتُهُ عَناً
وأَوّلُهُ سُقْمٌ وآخرُهُ قَتْلُ

محمد سعد

10-19-2021, 01:53 PM

ديما هتلقي كتير
من كل حاجه اتنين
وهتلاقي ف المشاوير
ديما معاك طريقين
شوف ده بيوصل فين
وده بيوصل فين
عد الخطاوي زين
وخد بالك من العد
#محمدسعد

محمد سعد

10-19-2021, 01:59 PM

بتكتب بايدك
شهاده غياب
لقلبك وروحك
بسبب العذاب
بتضحك دقيقه
وتزعل سنين
وتفضل فـ ضيقه
بسبب الانين
وروحك بتغرق
فـ جو السكات
وفكرك بيحرق
فـ كل اللي فات
وطول ما انت عايش
فـ وجع الزكريات
هتفضل حياتك
وطبعك حزين

محمد سعد

12-08-2021, 01:21 PM

كل اللي قالك مش هسيبك
هو اللي ساب
مين اللي قال ان الحبايب
بيهونوا وجع العذاب
كل اللي رايح واللي سايب
مش كان قال ايه بيطمنك
دلوقتي تفتكر اللي غايب
الفكر ييجي يجننك
حتي اللي طلعوا للسما
ماستأذنوش
قالوا الوداع بيهدنا
وبرضو مشيوا ماودعوش
دول حتي قفلوا ع اللقا
ميت الف باب
فاوعي تصدق الذمن
لو حتي حلفوا 100 يمين
اهم سابوك جوا الشجن
و هما عاشوا و مرتاحين
‫#‏محمدسعد‬

محمد سعد

12-08-2021, 05:46 PM

لسه بتقدر تلقي حيله
تهرب بيها من السؤال
الحاجات المستحيله
عندك لسه مش محال ؟!

#محمدسعد

محمد سعد

12-20-2021, 03:36 AM

5dYcZkWxUmw

محمد محيي لسه بيثبت انه من التوب 5 اللي ف مصر

محمد سعد

01-13-2022, 11:57 AM

انا جبت الشركة النهارده لقيتهم كلهم عندهم كورونا
و مفيش غيري انا و شويه صغيرين
و الاعداد النهارده ٥٥٠٠ ف المملكه
فا الناس تاخد بالها عشان شكلنا داخلين علي ايام ما يعلم بيها غير ربنا

محمد سعد

01-13-2022, 12:08 PM

كبرنا لدرجه اننا قد قتل الشغف بداخلنا
اصبحنا نبحث عن السكون
كبرنا لدرجه اننا لم نعد نبحث عن اصحاب جدد
او حتي نعد صله ما انقطع
لم يعد يهمنا من مات و من ولد
من رحل و من بقي
حاله من اللامبالاه
هل هو شعور الشتاء الحزين
ام اننا بداخلنا شتاء لن ينتهي

محمد سعد

01-13-2022, 11:54 PM

و الابنودي لما قال
حبيبتى .. كل ما بنسى
تفكرنى الحاجات بيكى
أئنك تدمعك عينى
كأنى مش بغنيكى

محمد سعد

01-17-2022, 04:07 PM

بقالي ١٤ سنه و اكتر بسمع التراك ده و مملتش منه

Listen to عمر خيرت - الارهابى by Ahmed Gado on #SoundCloud
https://soundcloud.app.goo.gl/KAnbh

محمد سعد

02-01-2022, 12:12 PM

وحاولنا في مكاننا نعافر
دورنا علي حلمنا .. فاكر؟!
وملقناش قلنا نسافر
و خدتنا الدنيا ف دوامه

وحلفنا من بعد الغيبه
نرجع عشان بعدنا خيبه
الدنيا دي حاجه غريبه
مجتش مره علي هوانا
# محمد سعد

محمد سعد

02-05-2022, 09:37 PM

S5cyDQLW5pg

محمد سعد

02-19-2022, 03:05 PM

2252722528

كورنيش الدمام 💙
بتربطني بيه علاقة حب قوية جدا لدرجه ان جالي اوفرز لشغل بس بره الدمام و رفضت بسببه يمكن و لحبي الشديد للدمام و الخبر
روحوا الدمام يا جماعه
الشرقية بشكل عام منطقة جميله جدا

محمد سعد

03-02-2022, 10:11 PM

بلا حرب بلا قرف
طبق سلطة فواكة
و مسلسل حديث الصباح و المساء
و نموف اون ع الذكريات

ندى الورد

04-01-2022, 08:52 PM

28020
رمضان مبارك يامحمد

محمد سعد

05-12-2022, 03:07 PM

كل اللي قالوا حبوك
بيجملوا ف السرد
في ناس بتزرع شوك
جوا جناين الورد
يرموا كتير من قول
ويزوروا في أصول
و إن قل المحصول
جابوا العيبه من الارض

# محمد سعد

محمد سعد

10-17-2022, 09:52 PM

كان ياما كان الحب مالي بيتنا
ومدفينا الحنان، مدفينا الحنان
زارنا الزمان سرق منا فرحتنا
والراحة والأمان، والراحة والأمان
😢 😢 😢

محمد سعد

10-18-2022, 06:10 PM

و قولتلها و حشتيني
و قلبي من غيرك موجوع
غيابك طال يا نور عيني
وصالك لسه ليه مقطوع
هتحني امته و تجيني
وترجع روحي من تاني
ده وجعي جروحي و أنيني
ما يتلخصشي ف اغاني
#بقلمي
#محمدسعد

محمد سعد

10-23-2022, 07:12 PM

45457

احيانا الوقت بيسرقنا
و نتوه جوه زحام الدنيا
بنفكر ياما في اللي فارقنا
و احنا ما جينا في باله لثانيه
مع ان العمر بيسبقنا
وبكره ارواحنا تكون فانيه

#من وحي الصوره
#محمد سعد

محمد سعد

10-23-2022, 07:43 PM

والميزه في قلبك انه كتوم
و انه كمان برضو بيستحمل
ومعيش روحك ف البدروم
و ﻻ عمرك قولت انا مستتقل
حمل اﻻيام والدنيا ف يوم
مع ان الدنيا بتسبهبل
واملنا بقي اسمه المرحوم
والحاضر دبح المستقبل
#محمدسعد

محمد سعد

10-24-2022, 03:48 PM

محمد سعد

10-29-2023, 03:06 PM

كل اللي قالوا حبوك

بيجملوا ف السرد

في ناس بتزرع شوك

جوا جناين الورد

يرموا كتير من قول

ويزوروا في أصول

و إن قل المحصول

جابوا العيبه من الارض

ديما هتلقي كتير

من كل حاجه اتنين

وهتلاقي ف المشاوير

ديما معاك طريقين

شوف ده بيوصل فين

وده بيوصل فين

عد الخطاوي زين

وخد بالك من العد

ورا كل باب موجود

أسياد و برضو عبيد

تلقي قلوب مالسود

تلقي قلوب مالبيض

افرز وشوف أعوان

جدعان من الأحرار

ما تتوهش في الالوان

لا يخونك المشوار

بعض الصحاب جنه

والبعض أصبح نار

إستهدي و استني

و اختار صاحب هيسد

اختار و نقي شريك

لك مطلق الحرية

وأوعي الصحاب ال Fake

دول ف الطريق غِية

لو تلقي حد شاريك

تلقي اللي باع 100

صاحبك يساند فيك

وقت الهزار و الجد

#محمدسعد
بقلمي

محمد سعد

10-29-2023, 08:50 PM

حبيبتى .. كل ما بنسى
تفكرنى الحاجات بيكى
أئنك تدمعك عينى
كأنى مش بغنيكى

محمد سعد

10-30-2023, 10:43 PM

"أشدّ أنواع الغُربة، أن تطرق باباً كنت تملك مفتاحه."

محمد سعد

10-31-2023, 03:38 PM

98416

😍 😍 😍

اخيا المطر حن علينا و نزل في الدمام
اهلا بالشتويه
😍 😍 😍

محمد سعد

10-31-2023, 03:41 PM

مبحبش شرب القهوة
انا بس بحب الشاي
معذرةً جيت علي سهوة
معذرةً لو رغاي
انا يمكن محتاج دعوةً
يمكن تعدلي الجاي
#محمدسعد

محمد سعد

10-31-2023, 04:16 PM

كل اللي قالك مش هسيبك
هو اللي ساب
مين اللي قال ان الحبايب
بيهونوا وجع العذاب
كل اللي رايح واللي سايب
مش كان قال ايه بيطمنك
دلوقتي تفتكر اللي غايب
البعد ييجي يجننك
حتي اللي طلعوا للسما
ماستأذنوش
قالوا الوداع بيهدنا
وبرضو مشيوا ماودعوش
دول حتي قفلوا ع اللقا
ميت الف باب
فاوعي تصدق الزمن
لو حتي حلفوا 100 يمين
اهم سابوك جوا الشجن
و هما اللي ماتوا ومرتاحين
‫#‏محمدسعد‬
#بقلمي

محمد سعد

10-31-2023, 04:18 PM

ارحميني يادنيا حبه
طلعيني مالرحايا
موتيني ان كنتي حابه
اكتبيني مالضحايا
بس وحياتك سيبيني
اعرف ايه هي الحكايه
#‏محمدسعد
#بقلمي

محمد سعد

10-31-2023, 04:40 PM

yRk_H-s5sHI

محمد سعد

11-04-2023, 09:01 PM

انشروا علي فيسكوا حداد
وكام جمله وعيشوا ف الدور
ونزلوا كام صوره جداد
وارسموا شهدا ع السور
مين خد حق واحد مات
ده احنا اللي علينا الدور
#فلسطين
#محمدسعد

محمد سعد

11-04-2023, 09:02 PM

اللون الداكن ف البن
جايز بيإن
علشان ده بيشبه احزانك
وزيك بيحن
والفنجان قلبك وخيالك
القهوه دي حلم
اللون الغامق الداكن
علي حرف المج
اللي ف ايديك
بيعبر عن حزن وساكن
جواك والدنيا
اللي حواليك
ولذلك حبك للقهوه
كان جواك
اصلا بالفطره
وشيئ مخلوق فيك
#محمدسعد

محمد سعد

11-05-2023, 03:35 PM

و انا لوحدي و سواد ليلي
و كوني لوحدي اه يا ويلي
فا لو كنت اهمك يوم
كفايه بس تدعيلي

محمد سعد

11-05-2023, 03:40 PM

K61L1XEMEbA

محمد سعد

11-05-2023, 04:10 PM

GP7zpdwo3Xo

ندى الورد

09-09-2024, 08:39 AM

🎀🍀اللهم توج صباح من اعزهم بذكرك وعافهم واعف عنهم بفضلك...

اللهم كن لهم حبيبا ولدعائهم مجيبا....

واجعل لهم من رحمتك وكرمك حظا ونصيباً ووفقهم لماتحب وترضى.

وأسمعني عنهم ما به النفس ترضى ...

ولا تنسيهم ذكرك سرا ولا جهرا ....

وأبلغهم سلاما يفوح مسكا وعطرا ...أسعد الله صباحكم بكل خير🎀🍀اينك فقدناك