سمَاء صافية

[سماء]

31731

Hi
مدونة خفيفة على قلبي، طبعًا محد
يدري عنها سواي ~

معكم سماء، ودي أكتب و أكتب وأكتب بس
عن أي شيء يخطر ببالي 3>

ـــــ

[سماء]

31732
فيه أفلام كثيرة تمر من قدامي،
وأحسها تناديني اتركي المذاكرة وتعالي تابعينا..

أنا عارفة إنها تبي توقعني بالفخ و أصير أندم
بالاختبار بس مغرية مرة ودي أفتحهم
كلهم بشاشات كثيرة و أتابعهم مرة وحدة..
لا.. أحس بيوترني بتابعهم حبة حبة.

يمكن أتابع الحين فيلم ويوم أصحى
أكمل مذاكرة بس يا خوفي الدكتور
يرسل لنا شيء جديد نسويه،
بس كله يهون قدام أفلامي~

ـــــ

[سماء]

31733

قال متابعة فيلم قال..
مب قادرة أخرج من المنتدى والحين جاني
النوم، ذي شكلها نتائج أن باقي لي اختبار واحد
بعد بكرا وإجازة قصيرة حلوة، ويي شلت هم
وش أعمل بالإجازة؟

يمكن بجرب كوفي القطط، وبدور لي لعبة
جديدة للـ PC، وباقي الإجازة بقرأ كتبي و أتابع أفلامي
ومسلسلاتي 3>

أحس بالراحة الحين ~

ـــــ

[جنة المنتدى]

ياهلا ومليون مرحبا
بأجمل سما
سنتابع بصمت همساتك
ونعيش بحب مع تغريداتك
نورتي اسرتك وأخواتك
صباح الورد

٠٠

[سماء]

ستجدينا هنا نسامر قلمك الانيق ولكن بصمت
فانثري مشاعرك همسك هنا باحساس 🌹

شكرًا هدوء وجنة على الترحيب ~

[ندى الورد]

31772



هلا فيك سماء اسمك جميل

[سماء]

31808

هاي ~
جيت أسولف هنا شوي قبل ما أرجع
أكمل مذاكرتي لآخر اختبار..

لاحظت أغلبكم حاب اسم سماء
مثل حبي له، وهذا الشيء فرحني تدرون ليه؟
لأن أغلب الناس يلي مرّوا علي بحياتي
قالوا اسمك غلط وغير مسلم..
حاولت أفهمهم أن الشيخ قال اسمي صحيح
لأن مافيه عبادة لغير الله ولا فيها
معنى بذيء.

بس ما اقتنعوا لذا تركتهم، يوم شفت
بالمنتدى ذا كم شخص قال اسمك
حلو خليتوني ابتسم 3>
ممتنة لكم ~

خل أحكيلكم كيف سموني " سماء"
مب " سما" بل " سماء" بالهمزة 3>
^ واضح أبي أهرب من المذاكرة.

المهم أمي و أبوي تزوجوا عن حب،
وقبل الزواج يقولون أن أبوي
يحب السحب ومنظرها، وأمي تحب القمر
والنجوم، فصار كل ما أبوي يشوف
القمر يرسل لأمي طالعي نافذتك القمر
واضح اليوم، ونفس الشيء مع أمي
كل ما شافت السحب مليانة رسلت لأبوي ~

المهم بعد الزواج كانوا يهاوشون
كثير أمي تبي أول بنت اسمها قمر، وأبوي
يبيها سحاب، كل واحد داري ليه الثاني
يبي ذا الاسم بس اثنينهم عناد يبون
الإسم يلي يبونه هم، لين أبوي عصب قال:
ياخي نحن وش يلي خلانا نحب أشياء
الكواكب والقمر و السماء؟..

وأمي لاحظت قالت: السماء؟!
أبوي ما فهم: سماء؟
بعدها اتفقوا على اسم سماء لأن
السماء يجمع بين الأشياء يلي يحبونها مع
بعض؛ فيه السحاب يلي يحبها أبوي، والقمر والنجوم
يلي تحبها أمي 3>

طبعًا ذا كله غير الإشارات يلي من حولهم،
رواية أبوي المفضلة كان اسمها: ماء السماء.
وعباية أمي يلي تحبها وترتاح فيها
كان لونها سماوي... وغيرها أشياء كثيرة
من حولهم كأنها تقول: بنتكم بيكون
اسمها سماء.. سماء.. سماء 3>

بعدها جيت أنا الابنة الأولى باسم
أكثر الأمور يلي يحبونها أمي و أبوي، وأحسني
فرحانة بهذا الاسم ~

ـــــ

[سماء]

جيت زعلانة!
تابعت فيلم عن بنت دلوعة مرة و تحب
اللون الوردي والموضة و الأزياء، تبي
تصير طبيبة، لكن مافي أي أحد
ياخذها بجدية لأنها حرفيًا
" تعيش بعالمها الوردي"

بالرغم انها أثبتت جدارتها في أكثر من
عملية و ذكية مرة في اتخاذ القرار
لكن لأنها: جميلة و مهتمة بالموضة و بشكلها
الجميل و الأنثوي، محد أخذها
بجدية، وحتى يلي أخذوها بجدية يطلعون منافقين
وبس عشانها حلوة يبون يتقربون منها..

بالرغم إنه تمثيل و قصة خيالية لكني
زعلت كيف فيه ناس كثيرة تشوف المرأة
مجرد شكل، حتى لو أظهرت ذكاءها
وقدراتها ما زالوا بيشوفونها
كشكل جميل فقط..
تقريبًا المرأة تقدر تسوي أي
شيء، وايي العاطفة تساعدها على
الوصول للشيء يلي تبغاه، غير
ذكاءها ويلي تعرف وين تستخدمه بالضبط!..

نظرة أن المرأة ما تقدر تسوي شيء
وهي مجرد شكل جميل ما اتوقع بتنقرض أبدًا،
عاد فيه ناس كثر لسه عندها ذا
الاعتقاد، لكن لو هي بغت شيء بتجيبه..
بس هي ما تبي وجع رأس فتترك
الأمور بالطريقة يلي هي تريحها.

هفف طلعت انززعاجي من الفيلم،
بروح للفيلم الثاني ~
بذاكر اختباري بآخر يوم هه!

ـــــ

[سماء]

اليوم آخر اختبار لي وجبت فيه
العيد، بس عادي تخلصت من الهموم..
أظن اليوم بآخذ إجازة من كل شيء وأعوض
أيامي السابقة أو أشتري لي كيكة
للاحتفال.

[سماء]

صداع صداع صداع!
وش الصباح ذا يلي أول ما صحيت
جاني صداع حاد؟!..
يمكن إنه تأثير ما بعد الاختبارات؟..
وفوق كل ذا.. جوالي أنكسرت شاشته وماقدر
أستعمله نهائي يا أصلحه يا أشتري واحد جديد.

على أي حال عندي خطط كثيرة للمنتدى ~
بس أصلح جوالي برجع ثاني وابدأ خططي إن شاء الله.

صباح الخير يا أعزائي"