انفاس في سطور

[عابر السبيل]

ياقاطف الاثمار بالخد منك اثمار
ولون الشفق يا غالي الخد من لونك

مرّيت ودي بس اسلّم بدربي مار
واقول كيف الحال ياحلو وشلونك

وحطيت في صفح التعابير لك دينار
كله على شانك وتكرم لي اعيونك

ياكم احطك لحن في حافل الاوتار
وحلو الصبايا وسط لحني يشيلونك

الله ياخد ن كما حفلة الازهار
كل الذي جوا لك من الشوق يغلونك

حطيت في قلبي على ثومته مسمار
وعقبه غديت اهواك بالدرب مجنونك


عابر السبيل

[ندى الورد]

الله الله على جمال حرفك وسلاسته

عابر عبرت بقلوبنا فنشرت فيها عطر فرنسي فخم اشكرك لتلك الكلمات الندية الجميلة ودي ووردي لك 🌹

[عابر السبيل]

وقفت ودي بس امسيك بالخير
وباقي السوالف يا رفيقي سلامات

سلام ياللي كل وجهه تعابير
مقسومة(ن) مابين بسمه ودمعات

كم ذا بكى من دمعتك نايح الطير
ولوحات حزني منك تبكي بلمسات

عند الشجى يا كم طاحت دنانير
من عين منهو يعشقك انت بالذات

اللي مشى لك في ظلام الدياجير
كن يلتهم ليلن تماوج بظلمات

عينه على شطن يجي له مسايير
شط(ن) علاماته مع الليل شمعات

جيته ودمعي فوق خدي محادير
وتحير في صدري من الشوق كلمات

يا صاحبي لك في خفوقي مزامير
يجي لها في ظلمة الدرب شيلات

بليا سبب جينا ولا به معاذير
والا انت خابر في الخوافيق نسمات

من شن بقلبي جيت امسيك بالخير
وباقي السوالف يا رفيقي سلامات

عابر السبيــــــ(محمد الحربي)ــــل

[أموي وأفتخر]

الله عليك
احب هءا النمط من الشعر
تابع تألقك

[عابر السبيل]

راااىع

شكرا لك على كل ماقلتي وافتخر بتواجدي هنا مع اناس احبهم وادين بالانتماء لهم

[عابر السبيل]

الله عليك
احب هءا النمط من الشعر
تابع تألقك

مرحبا بك ونورت المدونه لعلي اقدم ما يحبه الجميع ويرقى لذائقتهم

[عابر السبيل]

الله الله
تسلم شاااعرنا الرائع

اشكرك ولا يسعني الا ان اسأل الله ان يوفقني في تقديم ماتحبون

[عابر السبيل]

خطرن يصب الزين من خدها طيب
وعين ن من الانعاس صارت صريعة

وشفايفن حمرن رقاق ومراطيب
لاهي على ضيقن ولا هي شنيعة

والوجه صبحن طار صوبه يعاسيب
والورد في وجهه تفتّق ربيعه

ورموشها دقاق ن طوال ومهاذيب
وفي العين سر ن ليتها لي تذيعه

وخشمن على الخدين عالي المراقيب
ياهي لمجنون الضماير فجيعه

كن الذهب في شعرها له ملاهيب
تشري فوادي نوب ونوبن تبيعه

ياكثر ناس ن يطلبونه مطاليب
واكثر قلوبن من سببها وجيعه

من وين ماشفته فلا به عذاريب
يطيعها زينن وهي ماتطيعه

ياسلسبيل ن منيتي م المشاريب
او حلو عنّاب القلوب المجيعه

مالوم لو والف معا مثلها الذيب
يهوى مواصلها وكب القطيعه

حاق الغلا في كفّها له مقاضيب
يولع بها زينن وهي له وليعه

ينوّخ جمال الكون عنده مراكيب
تصهر جمال الكون فيها وتميعه

ملت على الشرق هو والمغاريب
وضاق الشمال ابها وجنوب البقيعه

اربع جهاتي كلها له معازيب
سهل ووعر والمرتفع والوضيعة

اشب من شانه مع اليوم واشيب
وصدري لها شقّ ن ولا له رقيعه

تمشي تكب الزين قدمه تكابيب
لاهي على ريث ن ولا هي سريعة

تشبه لغيم ن غيّب الشمس تغييب
يضفي لها ظلن غريب الطبيعة

يامستحيل ن بين بعد ن وتقريب
اشقيتني بين العطا والمنيعة

يحضر معك عقلي على الحب ويغيب
ولا سد رمق الجوع منكم ضريعة


عابر السبيل

[عابر السبيل]

يا حلو ياللي بالضماير توسّط
يا محرمن هتن المدامع تجِفِّي

يا جاعل(ن) دنياي شيل(ن) معا حط
متى على الله لوعتي بك تِكفّي

الموت يوم انّك تمشَّى على الشط
تمشي وكفك يمسكه غير كفّي

حسيت روحي م الجواشن تِمَعَّط
والقلب م اللوعات دلّى يِرفِّي

هامت حروفي م العمى لك تخبَّط
والخاطر اللي كان يمَّك يشفّي

كنّي على درب الحزن ماسك(ن) خط
في ساعة (ن) زانت لراع التشفّي

شروى سجينن بالظليمة تورَّط
وفي كف سجَّانن وعيّا يعِفِّي

قد له كثير ايام بالنوم ما غط
زاده حفاف وبالغثا مستحفي

أشربتني كاس(ن) به الموت الارقط
خليتني عقب العقل مستخفّي

واودعت بي حزنن بجوفي تصلقط
مره يضيّعني ومره يضُفّي

يا سن ياللي بالاباهم تِقَرَّط
عضوضك بقلبي دمّها مذرهفّي

أو كن قلبي بالمخاطر يْلَعَّط
خفوقه كما طار(ن) بكف(ن) يِدِفّي

ريحة حروقه فوق نار(ن) تشلوَط
بين الاضالع ينشوي ومتخفي.


بقلم : عابر السبيل

[عابر السبيل]

كم يعتصرني بعض الاحيان طاريك
وكم تختطفني م التبسّام ذكراك

سبحان رب ن بينهم حيل حاليك
ياللي مع الانفاس ياحلو مجراك

لو انت ليلي عشت الايام ساريك
وياكم يطيب لواله القلب مسراك

ياكم اوقّف بالمواعد محاريك
وياكم يروح الوقت للي يتحراك

شالت هبوب الوقت رسمك واثاريك
وكم اكتبك ياصاحب القرط واقراك

باقي بسطري تايه ن من مواريك
كن الزمن يحفر لذكرك ووراك

عرفت عقبك فخ الليال وشرابيك
مستور قلب وفعل الايام عرّاك


عابر السبيل

[عابر السبيل]

لا تنشد ('http://forum.khleeg.com/164861.html')المجروح ('http://forum.khleeg.com/164861.html')من ويش تبكي ؟
خله ترا ما فيه يا حلو يكفيه

لولا هموم الصدر ما كان يشكي
ولا جاد دمعن فوق الاوجان يبكيه

قالو تفرَّج قلت يمكن وبلكي
وراح العمر ما بين يمكن وبلكيه

يا ضيقة (ن) بالصدر يكفيك تكِّي
شوفي لغيري م الملا ثم تكيه

مثل القبر ضك(ن)معا ضيق ضنكي
ومليت من ضك الحساير وضنكيه

لا به يقينن واقضبه مثل شكي
ايقنت انا مره برمحن تشكِّيه

قلبي كما الدينار في كف سكّي
وش كثر دينارن بكفك تسكيه؟

عمر الزقاره راح مزِّ(ن) ومكّي
وعمري زقاره بين اشافيك مكّيه

لي عبره تمسك ولا لي تفكي
يا ماسك العبرات للقلب فكيه

كنك كتبت اليوم بالكف صكي
وصكي ورا بابن بياسك تصكيه

ضيفك بقلبي جالسن ومتركّي
وابغضت ضيفك من مواجع مراكيه

لي ناطقن بالليل حلو التحكي
ويروي لك القصه مع الليل حاكيه

لا يا هزيل الطيف مشيه توكِّي
شيب بعيني مشيته مع توكّيه

عابر السبيل

[عابر السبيل]

كـريــم يـــا بــــرقٍ شـعـوقــه تــعــروج
كـسَـر ظــلام اللـيـل شـاعــق عـروجــه


مـن بارقـه حــط الفيـافـي كـمـا الـمـرج
ذوب الـذهـب يسـطـع بمظـلـم مـروجــه


الـبــلّ تـــرزم والـدبــش لــــه تــمــاوج
منـهـن خـلـوجٍ قـــد لـهــا وقـــم حـجــه


ولــي خـلــوجٍ تـخـلـج الـقـلـب بالـخـلِـج
انـتــي وأنـــا كـلــن خــلاجــه يـخـلـجـه


وحمام ياللي ممرح(ن) ويش ذا الهزج
وش ذكّــــرك هــــزجٍ بـلـيــلٍ تـهـزجــه


صرمـت لـي ضلـعٍ واحيـيـت بــي لـعـج
ضاقـت شواجـن مهجـتـي مــن لعـوجـه


اكـسّـر العـبـرات فـــي خـافــي الـمـهـج
يـشـبـه لـمــوجٍ الـيــا تـلاطــم بـمـوجــه


يـتـلّــهــا قـــلــــبٍ بـــدمــــه تـــضــــرّج
يــا عـونـة الله مــن شـنـايـع ضـروجــه


يـا شـارب دمــعٍ ودمــي عـلـى الـمـزج
تـدعـي علـيـك مــن القـوافـي زعـوجـه


حـبــك بقـلـبـي بـانــيٍ شـاهــر الــبــرج
واصـوغ انـا القيفـان مـن راس بـرجـه


ســلام يــا عـيــنٍ حـلاهــا مـــع الـغـنـج
يـــا زيـــن عـيــنٍ زيّــنــه زود غـنـجــه


اذا سمعـت اسمـه معـا طــارف الـهـرج
يـــــــرج قــلــبـــي راج روجٍ يـــرجِــــه


وإن زال زولـه جـلّ الاضــلاع لــه لــج
لـجــة سـوانــي شـربــة الـــزرع لـجــه


إليـا مـشـى كــن فــي عيـونـي تـمـروج
كـــن الـســراب بـنـاظـري راج روجـــه


يــا مبـسـمٍ زاهــي ثـمــانٍ كـمــا الـثـلـج
يــا رمــح عـنَـانٍ فــرى الـقـلـب خـجــه


يـا عنـق ريـمٍ عـاودت عـقـب مــا هــج
تـبـى الهجـيـج وعــاودت عـقـب هـجـه


مـتـى عـلـى الله عـســر الايـــام يـفــرج
ونلقى مـع اللـي تشتهـي النفـس سجّـه


وارتــاح مـــن ســـوّاج هـــمٍ يـتـسـاوج
ويــمـــوت عـــــلاَجٍ بـقـلـبــي يـعـلـجــه


تسـرق عيونـي نـظـرةٍ فـيـه الــى ســج
احـيـا بـهـا مــن قـبـل مــا يـثـور عـجِـه


عـلـيــك قـلـبــي كـــــل يـــــوم يـتـبـعَــج
تـبـعــاج بــيــتٍ بــعَــج الــعــج فـلــجــه


كـنــي يـتـيـمٍ فـــي الـمـسـاجـد تــحــوَج
مـــا ادري شـمــالٍ او جـنــوبٍ يــوجِــه


عـلـيـك دمـعــي كــــل ســــاع يـتـزعــج
تـزعـاج وبــلٍ خـضَـب الـقــاع زعـجــه


أســــود ثـلـيــلٍ فــــوق وجــــهٍ مـبـلَــج
وبــالــج صــبــاح روع الـلـيــل بـلـجــه


إليـا ذكـرت رمــوس عـصـر لـنـا ادلــج
ابـكــي زمـانــن يـاكــل الـــروح دلـجــه


مطيتي الهوجـاس والشـوق لـي سـرج
آصـــل بـهــا ديــــارٍ بـعـيــدات فــرجــه
عابر السبيل

[عابر السبيل]

كلّ ن نهار العيد عيده تهنّاه
وانا نهار العيد عيدي نحيبي

مرحوم ياحبن قديمن دفنّاه
عز الله اني عقبكم بان عيبي

كم هاجسن لك بالمفارق شكيناه
ياخذك وقتن مالك الله يجيبي

عليك قلبي يابسات ن حناياه
وانا على لاماك اقنب قنيبي

ان ابتسم ذبح المعنّى ثناياه
واليا لحظ جنِّك سهومن تصيبي

لو ينعرض هرجه على الطير غناه
وانا اشهد انه علتي والطبيبي

لا باغي(ن) غيره بخيره وحسناه
ولا نايم(ن) ليلن وهو لي طليبي
لا واعلى مسكة يميني بيمناه
وارقد هني وخابر انه نصيبي

ينلاع قلبي له وروحي تمناه
باسباب هجره صرت كني مشيبي
لو ينشرى قربه بالاموال جبناه
وارخصت من شانه بعيد وقريبي

لي روعة(ن) لامن حنا ذكرناه
بين العظم والجلد تدبي دبيبي

عجز البخت يبني لنا ما حلمناه
وحظي من الاقدار جرحن عطيبي
غدى ضميري له قصورن مبنّاة
وفي عالم التذكار امري غريبي

قبل امس وسط السوق يمشي وشفناه
ماكن كنته في المواضي حبيبي

ياحيف ياللي بالقصايد رسمناه
بيتي من الاشجان لحنه طريبي

سارت بنا الايام دربن مشيناه
والعمر كمّل مابقى الا سريبي

هذا الكلام اللي م الافواه قلناه
والله على صدق الملافظ رقيبي


عابر السبيل

[عابر السبيل]

ياللي حضنت بناعم الكف خديك
تشرق بها بسمه تلظ الخوافي

لون البنفسج يالغلا تايهة ن فيك
وخلفك شفق شمس ن تبيها عوافي

شفت الخيال مسنّد ن خلف كفيك
كف ن بذبح الخل شبره بيافي

ياسي مع الرجوى تلاهث بحديّك
يبين ياسي فيك والعشم خافي

ياخادم القنديل شبيك لبيك
حي ن سراجك والعتم منك طافي

لا يامدى شوفن يوقّف بحديك
سوداء الكواحل والمراميش ضافي

كنّه سرابن بين عيني وعينيك
واموت ظميانن بحد الاشافي

سحبة هدبها مثل لاسك وردنيك
ظله جحيم وشوكها موت حافي

يا ابجد الحرفين صرنا نشاكيك
ويخلط رزين العقل فينا خفافي

يبكي النجم لا جيت ودي اناجيك
دمعه شعاعن حط ليلي شظافي

ياشق في قلبي على الله مرافيك
وان ما رفاك الله فلا فيه رافي


عابر السبيل

[عابر السبيل]

صحيت من نومي على نور شمسي
واثره بشاير وجهها واحسبه شمس

ثابت غلاهم مثل كفّي وخمسي
وقل لي وش كفوفن خلت منهن الخمس

لاكاتب حروفن ولا فيك لمسي
خسمة حواس ن ضيعت حسة اللمس

كني ضرير (ن) بدّل الشوف طمسي
وش فايدة عين الى شوفها طمس

اشبه لميّت ودعوا وسط رمسي
حي ن وميّت وسط الازوال لك رمس

لامصبحن صبحن ولا امسيت ممسي
في عالم الاحباب ماشفت لي جنس

تفرح قبال الناس وبالقلب عمسي
لابارك الله فرحة ن غالها العمس

كنك سليم ن والوجع فيك غمسي
طعونن مع التذكار تزداد في غمس

والقلب بن ن فوق نارن تحمسي
وسمر ن حدا المحماس يذكي لها الحمس

ضجيج ماضينا تخالط بهمسي
غريب ياماض ن مضى بس لك همس

خذيت انا ادروسي لباكر من امسي
خيرن لباكر درسي اليوم يا امس


عابر السبيل

[عابر السبيل]

إيه ايه ياللي كنها فص محار
من غليها سمَّوه من غالي الدان

مجلوبة(ن) بالكف من موت بحّار
حطَّه على لوحن على الموج م الزان

سليلة الامواج يا بنت الاخطار
يازين زينك لو دهر عصرنا شان

حارت على لونك بصيرات وابصار
من زود زينك واصفك راح عميان

كم مات في سعرك من التبر دينار
زنقيل دينارك مشى اليوم طفران

تشبه زليل الماء على راس مسمار
صغير مطراقه على وجه سندان

تكفّ وتبصر فيك عَميَات الانظار
في قلب من شافك تِشيدين عِمدان

صرتي نجيَّ الورد معشوقه ازهار
دمع الزهر في صفحة الدان ودَّان

اوقيّة الاحساس يا زوج قنطار
او تولة العنبر معا ريح مكنان

حطيت ريشن في فوادي ولك طار
بدَّل معاليق العنا بجوز جنحان

خليتي طيفن مع الريح سيَّار
وفي لوحة الاشعار ريشه وفنان

فوق السحاب العين للدان مسبار
ورزين عقلي عضتني فيه بجنان

يا صاحبي تنصاك م السطر الاشعار
تموت بك قيفان وتحياك قيفان

يوم اللحن روحن حيا منه مزمار
عود القصب غنَّاك ياحلو بالحان

كم تنتحر في لحن الالحان الاوتار
اليا رجح لحنن بلحنن بميزان

ومسيرها تصبح سواليف واخبار
تذكار دانن بين سجنن وسجان


عابر السبيل

[عابر السبيل]

(نجمة الماي)

يا نجمة (ن) تِعْكَس على صفحة الماي
ومع نفحة النسمة تراقص وتجري

واليا سكن ماها تجي منية شفاي
اصير انا فوق(ن) وهي تصير حدري

مره تصير فراش ومرة لي غطاي
وحبيت نجم(ن) في دجا الليل يسري

بعثرت انا الميعاد في خوض يمناي
ثم صار نجمي بالملايين سحري

ابكيك بالبسمة واباسمك ببكاي
غيرت بي حال(ن) وانا كنت ما دري

اخطيك باعذارك واماشيك بخطاي
سمعت انا عذرك ولا سمعت عذري

ياكم ليل(ن) راح ما ارتحت بغفاي
وبيحت لنجوم السماء خافي امري

اغنيك في نوحي واناجيك بغناي
حيرت انا في حزة النوح قمري

ياعلة بالروح ما شفتي دواي
مر(ن) حلاك وسكرك صار مري

اشوف انا اقصاكم تقارب مع ادناي
مفضوح الاقصى وداني السر سري

اطلبك يا يأس(ن) ترافق مع مناي
يوم اختلط مع صاحي العقل هذري

طالع وناظر في مكانك بحنياي
وطالع لبستان الزهر تحت سدري

كتبت انا اسماءك وشطّبت اسماي
وتلقى حروفك اشرقت جوف صدري

يا اخر الدنيا متى صرت مبداي
عمرك بدا بي وانتهى فيك عمري

اربع حروفك يالغلا همسة الناي
سكر(ن) لفكري وغولها غول خمري

يا غصن ورد(ن) توّجه وردة الشاي
اخضر رطيبك وايبس الهجر خضري

بقلم : عابر السبيل

[عابر السبيل]

ياكم يجفاك الذي ماجفيته
وكم يكرهك من كنت يومن تحبه

وياخذك من بعض العرب من عطيته
وكم مادحن مدحه يجي فيك سبه

الله ياعمرن بحبك قضيته
اهدر سواخن دمعة اللي يصبه

الله ياللي ب الجميلة نويته
كم شب في قلبي بحبه مشبه

في سويدا القلب شيدت بيته
وصكيتها ياصاح قفلن وضبّه

واليوم ياوقتن بشوقي حييته
اليوم لادارن ولا به مربّه

واصل طريقن بالمحازن مشيته
ووهم ن خلقته يا ابلج العين كبّه

مسير ياشاعر عيشته بس صيته
يشبه لجوعانن والعشا من مهبه

دواك هومعييك اوّك عييته
ياتايهن يبحث مع الناس طبه

عابر السبيل

[عابر السبيل]

فكرت ف المقسوم من حظ غيري
ما فيه حيله لا بغى الله يتمّه

من اولن كنك على الغصن طيري
واليوم ورد الغصن غيري يشمه

وش جبت لي يا لايج(ن) في نظيري
سم الذي قد جبت بالاسم سمّه

واليوم حاير والمحاجر تحيري
تنقط على خدي دموعي والمّه

شفت الاصابع وانكسر لي ضميري
يا دبلة الاصباع صرتي مطمّه

طول النفس واصبح بصدري قصيري
وصدري يضيق وفتَّقه كبر همه

مبروك يا راع الزهر والحريري
مبروك ملكة غالي(ن) مستتمه

فرشت لي م الحزن فرشن وثيري
واصيب بعض العقل واخطي واخمّه

اليوم حبي مثل حب الضريري
جفت عيونه والضماير مجمّه

يا نفس سيري با شهب الوقت سيري
مع شاعرن يكتب على السطر دمه

مهموم همه صار عنده سريري
يوم الليالي ما رعت فيه ذمه

بقلم : عابر السبيل

[عابر السبيل]

أسود على ابيض صارخ الحسن حسنك
يا متوِّج(ن) ليل(ن) على وجه(ن) اصبحْ

ياجامع الضدين في جنان سجنك
اسعد سجينين(ن) وثالثهن املحْ

انا اذكر الله فاخر الزين رِدنك
الله يفكْك من عيون المشَفَّحْ

يا شادن(ن) م الريم واحلو شدنك
يا حلو شعر(ن) م الهواء ثار يلفحْ

يا لابس المحزم على هضم بطنك
نحيل خصر(ن) عيَّره وافي اكشحْ

يا ناعم(ن) انعم من القطن قطنك
تلعب على موج(ن) لشوفك ترنَّحْ

أظرف خفيف(ن)في الموازين وزنك
تمشي على الماء ما تعلَّمْت تسبحْ

أعذب ربابه هي تناغيم لَحْنِك
تشنّفْ لحونك مسمع(ن) فيك يفرحْ

لويسمع البلبل هوازيج رطنك
غنى كلامك ساري الليل ما امرحْ

هو انت إنس(ن) اوتزاويل جِنِّك
أو انت طيف(ن) في عيوني تَلَمَّحْ

يا خالط(ن) شَهْدِك على ذوب سمنك
في مبسم(ن) ورده على الخد فتَّحْ

يا ليِّن(ن)م الغصن تفخر بْلدْنِك
فوقك من القمري هَزُوج(ن) تِمَرْجَحْ


من هو عصر قلبي على ازهار غصنِك
دمّي على زهورك بالالوان يرشحْ

ما ادري الهواء يهوى مفاتين فَتْنِكْ
والا سحرت الريح وجاتك تَنَفَّحْ

قامت تنفس م الشذايا بوجْنِكْ
جنون(ن) على ريحة ورود (ن) تِفَوَّحْ

باسبابها ميلك يسارك ويَمْنِك
سلام غصن(ن) مع هواء الريح شرْشَحْ

أشنع حروب(ن) ف الميادين هَدْنِكْ
يا مازح مزوح(ن) خفيفاتها ارْزَحْ

تمْطِر حصى(ن) من رايح المزن مزنك
بروقك رماح(ن) في السراجيف تَرْمَحْ

شفت الصحاري تايهات(ن) بمدنك
في فيّ ظلك واسع البيد تمرح

يا مخلّي(ن)تحت المحيطات سفنك
بحرك على غارق سفينتك يطفح

ما شفت انا من واسن العين وسنك
غضيض طرف ومرمش العين يجرح

ارهف اصم من المساميع اذنك
ابكم وهرجك م التفاصيح افصح

اشوف صمتك ف المناجاة حصنك
اغلطت صحَّي وغالطك يالحلا صح

خليت قلبي من لوايعك يَضْنِكْ
وخد(ن) من هتون المدامع تِقَرَّحْ

رميت انا باكي القوافي بحضْنِكْ
شفهن وناظر بالقوافي تِصَفَّحْ

خذهن ترا هن من مواليد حزنك
أجداث قاف(ن) باحمر الدم تنضحْ

وما ظنتي تكرم بيوتي بصحْنِكْ
يا اكرم بخيل(ن) كرمتك وافي الشَّحْ.


بقلم : عابر السبيل

[عابر السبيل]

في عتمة التذكار ياحلو شمعات
ومع كل شمعة يالغلا منك ليله

شمعات نارت في دهاليز عتمات
وكل(ن) للاخرى يا رفيقي خليله

تجاورن في الزين بالوصف جارات
وحلو اللحن للشمع انا صرت اشيله

يا للي لوى لي باصبعه خمس خصلات
يا خمس خصلات الغلا لي فضيله

ارشها عطرن من اكمام وردات
شي(ن) تجيبه زهرة الزنجبيله

من غليها تسوى من التبر نيرات
ما دامها خصلات وافي الجديله

يا جامع البسمات مع حر دمعات
دمعات حزنك يا الغلا ويش هي له

لايا ذهب عصرن من الوقت مامات
تلقى لفكر الصب مليون حيله

يا كم يهيج القلب مع ريح هبّات
لا قام ريح الصبح ريشه يشيله

اشوفني بك مثل معدم سلامات
يطرد كريه الهم وغصبن يجي له

عليك اسطر من عنا القلب كلمات
من عامي (ن) ضيع بحبك دليله

نثر(ن) تباكى لباكي القاف وابيات
دمع القوافي جاري (ن) لك مسيله

ما باقي (ن) يا صاحبي غير تفتات
راح اكثر ه واليوم قل ب حصيله


عابر السبيـــــ(محمد الحربي)ـــل

[عابر السبيل]

جلل ظلام الليل روس المبادي
من ظلمته روس المبادي غدت سود

ثم ابتدى ليلي وحضّر سهادي
وغنى سهر ليلي على الناي والعود

لا ياغريب الروح لا وين غادي ؟؟؟
كنيك معا ليل التهاميم موعود

ماناح من لابّاسة الريش شادي
من فوق غصنن لاعبه هادي النود

الا ويبدي لك من الدمع حادي
وهم ن يتك النفس بالصدر مرجود

يامسيلن من رهف الاحساس وادي
سيلك ترادم قض في دربه اسدود

يامتيّه ن م الضاد بالقاف ضادي
وش لك بخل ن من سواياك مضهود

يامنيتي دنياك فيها عوادي
تغيّب لخل ن عقبما كان موجود

يا ابيض الذكرى بعالم سوادي
الحال والله بين شاهد ومشهود

اسكب بوسط البيت صارخ ودادي
وصارخ ودادي عاد م الولف مردود

يوم المطايا قاف فوقه شدادي
بيوتن خلت يا صاح من كل منقود

حبري لها ياحلو من عين كادي
مع دم معلوقن معا حبرها زود

يوم ان كل ن م المواليف جادي
ولا لك الله شفت يا منيتي جود

عابر السبيل

[عابر السبيل]

لحظة تذكِّر عندها القلب ينهار
ثم تنقسم روحي من الفقد نصفين

بالعين دمعي والجوا يشتعل نار
نارن بجوفي والبحر صار بالعين

ياليت ندري وش يجيبن الاقدار
ودارن حوتكم يا غلا القلب في وين؟

انشدك عن خدن به الورد وازهار؟
هل هو على خبري ذهول المجانين؟

خدن خلط لي زنبق الزين وانوار
توي عرفت الخد يصبح بساتين

باقي كلامك يشبه اللحن واوتار؟
يا مهدي الفنان زين التفانين

باقي على دربك من الضيق محتار
ويا كم سين(ن) يالغلا يتبعه سين

قل لي عن عيونن بها السر واجهار؟
يا كم كتبت ابها بقلبي دواين

جفت لك عيونن وانا عندي امطار
خدين منها يا غلاتي غريقين

بالجو عيني ما لقت غيرك اقمار
تصفى السما لك ساعة انك تجلّين

الله يا سحرن سحر كل الابصار
نور القمر لك يا غلايه فساتين

واليوم قلبي ياكله منك ما صار
ليتك على الذكرى لمثلي تحنين

غديت طيرن يلهجك فوق الاشجار
يا سامعي ليتك لصوتي تردين

يشوقني لك فوحة البن وابهار
واحن لك ما حن قلبي تحانين

بالوقت كني لك مع الفقد سنمار
اللي انقتل يا صاح من فعله الزين

ياسلوتي لو كنت في مبعد الدار
سلوات طفلن لج حوله بزارين

كم اشتري لك يا رفيقي م الاعذار
كن الخطا مني ولا انتيب تخطين

سطور حبن تكتب اليوم ب اغبار
ابهت بها وقتي ولا فيه تلوين

واليوم انا الهث راجي(ن)منك الاخبار
وش سوت الايام ووش هو تسوين؟

بالليل عندي لك ثقلين زوار
والعين منها للمدامع مواعين

للحين تضحك لك مزاهير الانهار؟
والا انت مثلي توفي الدين بالدين؟

من بيننا تضفي التواعيس الاستار
والزين عقبك ياغلا القلب جا شين

القبر يشقى به من الناس قبّار
لزوم يحضر به بعيد المعزين

اغليت كف(ن) زان في شوفه اسوار
وعنقن زهى من نايف التبر قرطين

واليوم كني صورة(ن) سجنها اجدار
تلعب بها من ظلم ليلي شياطين

يا كم سد(ن) في مناجاك ينهار
ما انحاز كف(ن) من كفوف الموازين

الله يا غصنن تمرجح بالاثمار
ويا عين كم يشقيك منهو تشوفين

يا كم قلبي للحزن فيك يختار
عاش التعاسه في ديار السعيدين

يشبه لعازف ينفخ الليل مزمار
كنه يغني بين جمع المصلين

اتلى كلامي يا نحيلات الاخصار
خصرن نحيلن يضهدنِّه عظيمين

قولي التذكر عنده القلب ينهار
يوم انقسم روحه من الفقد نصفين.


عابر السبيـــــ(محمد الحربي)ــل

[LioN KinG]

قصيدة رائعة يعطيك ألف عافية

[عابر السبيل]

ليت الليالي تعتـذر من المحبيـن
ويعتذر عصر الشقا من ضحاياه

وياليت منهو قد تمنيت هالحيـن
اليا فقد شوفي بيـوم(ن) تمنـاه

عليه اصلـح باكيـات التفانيـن
وما ناح من بيت (ن) عليهم كتبناه

ياغصن وردن غار منه الرياحين
يامخجل السوسن بزينه وحلياه

ياناعم الاطراف يا منتهى الزين
لا يابعد قلبن تنثر دماياه

عابر السبيل

[عابر السبيل]

ما كان لك دربن على ابواب قلبي
لكن معك لمغولق القلب مفتاح

يا ساحري وانته بشرقي وغربي
قلبي معك طيرن لفح لك بالاجناح

تناسبت عكسن بعيدك وقربي
وفصلت لي من نار ردني مع وشاح

تقول يا فارع قوامن وحربي
خلى المدينه يم نجده والاسياح

عقبك عمار القلب يا صاح خربي
وافراح عمري لك تبدل بالاتراح

خليتني حزنن تباكى المثل بي
والا سرابن باوسط البيد سرساح
عابر السبيل

[عابر السبيل]

فكرت ف المقسوم من حظ غيري
ما فيه حيله لا بغى الله يتمّه

من اولن كنك على الغصن طيري
واليوم ورد الغصن غيري يشمه

وش جبت لي يا لايج(ن) في نظيري
سم الذي قد جبت بالاسم سمّه

واليوم حاير والمحاجر تحيري
تنقط على خدي دموعي والمّه

شفت الاصابع وانكسر لي ضميري
يا دبلة الاصباع صرتي مطمّه

طول النفس واصبح بصدري قصيري
وصدري يضيق وفتَّقه كبر همه

مبروك يا راع الزهر والحريري
مبروك ملكة غالي(ن) مستتمه

فرشت لي م الحزن فرشن وثيري
واصيب بعض العقل واخطي واخمّه

اليوم حبي مثل حب الضريري
جفت عيونه والضماير مجمّه

يا نفس سيري با شهب الوقت سيري
مع شاعرن يكتب على السطر دمه

مهموم همه صار عنده سريري
يوم الليالي ما رعت فيه ذمه

بقلم : عابر السبيل

[عابر السبيل]

ياقف على حد الشفق م الغلا عود
يلوّح يودعني ب ردنه مساها

هيفا المخاصر تجمع البيض والسود
بيض المقابل والليالي قفاها

سحر الجدايل لا تلاعب مع النود
تبصر به عيونن وتنسى عماها

تحط في قلبي على النار بارود
ينسى المصلي سجدته من سهاها


عابر السبيل

[عابر السبيل]

يا معطي(ن) موج البحر منك نظرات
كنك تحرّى لك غرايب سفينك

يلاعب لشعرك م الهواء لفح مرات
يخفيك شعرك نوب ونوبن يبينك

ميامن القذله تخالط ويسرات
ويضوح في اللفحات صافي جبينك

يا مهدين للبحر زين ومسرات
قام يتفكر في جمالك وزينك

صيري كما عطرن سقط منه قطرات
تبقى على قلبي وتبقى سنينك

ينجن لك عطرن ترك حلو زهرات
يلازم لطيفك دبلة(ن) في يمينك

تلقى عبيره بين اياديك زفرات
يملا لك الشاطي على شان عينك

عابر السبيل

[عابر السبيل]

لا يا سنين العمر من عاد باهديك؟
غير السطور اللي بوقتي يتيمات

اغرب سنينن يلهج القلب ماضيك
واحلاك وقفاتن معا ماضين فات

يجري على قلبي من الحب واديك
وانتي غريباتن واحب الغريبات

للحين باقن في خدودي مجاريك
دموعن جرت راحت بحب المتاهات

ما عاد نلقى من البواقي بواقيك
كنتي ثقيلاتن وصرتي خفيفات

يا كم تحسّف بك بواكي اماقيك
لا يا بطياتن وصرتي سريعات

قال الحزن لك حولِّي ثم با عطيك
ومن ساع حوّلتي اهو قال لك هات

عابر السبيل

[عابر السبيل]

سلام يا وردن على طور سينا
مضى الزمان وزاهي الورد بك حي

اوه اوه يا قاس(ن) على نوع لينا
طويتني يا صاح طي(ن) على طي

يا كم بعنا م الغلا واشترينا
ولا بقى من ربحنا يالغلا شي

[عابر السبيل]

خيال زينن في يده فاخر الورد
ما ادري يشم الورد وإلا يشمه

من شفِّته ريح(ن) يخم الجوا سرد
يا شفة(ن) كنك تناظر لدمه

توت الشفايف خلفها يرقد البرد
ساحر جمالن ما رعى اليوم ذِمّه

تقدر تحط الورد والشف في طرد
والكل منهن عاطر الريح كمّه

اللي على عرش الهوى جالسن فرد
يشتتني افرادن واعاود والمّه


عابر السبيل

[عابر السبيل]

كم شدني لك تالي الليل طاري
او ريح طيبن فاح في محفل الناس

ياكم يجري لك على الخد جاري
وياكم شربنا م العجيبات من كاس

اهذي على نجمن مع الليل ساري
لا دك بي من واهس الفكر هوجاس

يا جنتي وانته مساعير ناري
يا قصة(ن) صارت على القلب وسواس


عابر السبيل

[عابر السبيل]

شريدة الايام باقي لها انفاس
تقبل وتقفي كل ماعنّ هاجوس

مره تغوص بعالمي مثل غملاس
ومرة لها حد(ن) كما شفرة الموس

تجمع لنا ذيل المواضي مع الراس
يا كثر ما شفنا من الاذيال والروس

تخلط لنا صفر المعادن مع الماس
شي سليم وبعضها ينخره سوس

تضحك وهي تحفر لنا لحد الارماس
مره لها داس(ن)ونوبات له دوس

تملا لها من زاعف السم بالكاس
تشهد على موت الضحايا لها كوس

دنيا تخبط الناس في وصف عرماس
متخالف فيها المواتم مع عرُوس

يا لادن غصونن تهاوى ونسناس
تعيش حلم وتالي الحلم كابوس

يا مثل هيفاء طاري العود ميّاس
ترفل بثوب الزين في وصف طاووس

يا ريح مي الورد يا نفح الاحساس
مجناه مرج(ن) في تضاريس طوروس

ناعم بنان(ن) يجرحه لمسة اللاس
وعينن لها رمشن وقف مثل حاروس

ان قلت حرّاس(ن) فهن مثل حراس
وان قلت نِعَّاسن فهن جزم ناعوس

يمشي غضيض الطرف مع جملة الناس
ويلس قلبك من نواعيسه لسوس

عابر السبيل

[عابر السبيل]

باقي بقايا العطر بآخر رساله
يشبه لذكرى ن دقت ابواب قلبي

م الصاحب اللي شد قلبي وشاله
ولهيت عن قلبي ادوّر ل طبّي

مامع حبيبك يالغلا الا ظلاله
ونار ن على الاضلاع دايم تشبي

ارتاع لا هبت صليفن شماله
وان جاء هواكم قلت ياريح هبّي

أغليك ما اغلى صاحب المال ماله
وكم قلت ياعين الشقا اليوم صبي

عابر السبيل

[عابر السبيل]

يامعلقن حرفي على غض الانهاد
مليتني غيره على اول حروفي


عطيت حرفي منك حلوات الاوساد
شي(ن) تحبه م الملامس كفوفي

عندي معك بالحب ياحلو ميعاد
وانا على الاسفار يا كثر طوفي

علمتني بالليل ياحلو الاسهاد
ظاميك انا وانته عجايب رشوفي

في وصف مثلك تعجز الصاد والضاد
ويعمى على سطري من الوصف شوفي

صار القلم بالسطر سرداد مرداد
وانته مع الاحلام غالي ضيوفي

أهواك انا ياجامعن كل الاضداد
ويموت في شوفك مع الشوف خوفي

صرته شرابي ياضنيني مع الزاد
وانسى على شانك عجايب ظروفي

لك في خفوقي ياغلا الروح مقعاد
وعيني سبب فرقاك دوما(ن)ذروفي

خليتني شاعر غريبن باالانشاد
وانا على فقدك كثير الحسوفي

هي قصة بالفكر ياحلو تنعاد
قصة غرامن تذبحه لي صروفي

ينقص لنا وصلن والابعاد يزداد
ينقص وهمي ياكل اليوم جوفي


عابر السبيل

[عابر السبيل]

سلام يا سرن ب هالعين مدفون
وشي ن تخبى خلف توت الشفايف

القاتل اللي يذبح الناس بالهون
راعي ثمان ن بالمباسم رهايف

كم يختفي في حضرتك زاهي اللون
طيفن على كيف المضامير كايف

انا اشهد انك م الحلى حيل مشحون
حملك ثقيل وحمل غيرك خفايف

عابر السبيل

[عابر السبيل]

في خلسة من زمان جست حول ديار كانت لي ولك ,لم يعد هناك منها سوى بقايا كانت في سفور وايتمت الحضور
هل افلست من غدى بكاء على امسي ؟؟
مالي ارتحل وقتي لك واجوب السطور بك ؟لما اتسول الكلمات ولماذا اوقد شموع من الذكرى لك في مكان لم يعد به سوى صورة معلقة كهل الزمان واقفر ولا تزال الابتسامة بتلك الصور تقاوم الليل وتضيء المكان تلوك الريح المكان ويزدريه الزمان ولكن يبقى ثمينا انها واحتي في هجير النوى وضجيج الذكرى
زوايا خلت من الشموع وصرير الابواب الذي يخطرني بخلو المكان فأكاد اسمع الصمت في صلج من حزن وديدن من شوق ترفعه نجاد الفرح وتهوي به وهاد الاحزان
خلى المكان وهلك الشمعدان يجوس النور حينا ويختفي فأراني على الجدار الوح واختفي بين جيئة وروح , اعوج رقاب المطايا لمكان واهدر قلبي لزمانك .
تنظر في داخلي ولم يبقى سوى فتات من ماض اقتات به ,
سأظل اجوب سردك واحتفظ ببقايا وردك .
سيأتي يوما وألحق بك فاحسن استقبالي واكرم وفادتي



عابر السبيل

[عابر السبيل]

صح منطوقكك شاعرنا

صح بدنك وصح حالك وفالك شكرا لك

[عابر السبيل]

لون الكرز شف ن تطابق على شف
من بينها قلبن يرشه بالالوان

يموت وقت الصد والشف ماجف
شفّين فيها للمواليف عنوان

من فوقها ومن تحتها الورد ينلف
يا شفتينن وردها صار تيجان

ياقلب ياللي كنك الدف بالكف
ويجاوبك قلبن رجف مثل طيران

عابر السبيل

[عابر السبيل]

يسعد مسا اللي له هروجن ثمينات
تحشم حروفن له ولو كان غايب

يعطيني الابيات واقول له هات
بيوته توالد جوف قلبي عجايب

اصفها بالدرب وتضوي بشمعات
شمعات في دربن مشوا به حبايب

عابر السبيل

[عابر السبيل]

دموع الزهر عطرن على وقت الاصباح
ونسم الصبا يهدي الندى فوق خدك

الله يا عطرن مع الصبح فوّاح
تسحر بجزر وياخذ القلب مدك

ومن زود زينك تاكل الجو بارياح
ومن هو يوقف في الطريق ويردك ؟؟؟؟

عابر السبيل

[عابر السبيل]

قالت لي احبك


قالت لي احبك , ومضت وبقيت انا على انقاض تلك الكلمة اروي بها صحارى الفهم العذري
,كانت تلك اول مرة.
,خرجت من صمتي على صوت مغنٍ يلاحق انفاس الناي ,ولأول مرة اجد صوته فصيحا يفهمه قلبي.

تلك الصغيرة الكبيرة , تصدقت على قلب فقير بأحبك فهل كانت صدقة أم أنها رشوة الأسر.؟
تمتطي صهوة الفكر وتداعب صفوة البكر,لها من البتول ما يخونه القول
ولها من الغول ما لا تدركه الخمر
ولها من القصر من لا يراه البصر
ولها من الطول صفائح الافول
ضفائرها سوداء كليل الشتاء عندما يطرد القمر, واطراف الجدائل كأنها سكب عليها التبر , فهل اطارف الجدائل شروق تحت الظلام ,؟ او ظلام جثى تحته الشروق ؟
صوتها كدنانير سقطت من كيس بخيل لم يسمع صوتها قط لكثرة ما اكتنزها وكتم انفاسها لكي لا يعلم الغير بها.
كسلا العيون رائجة الرمش, لها من النعام الريش, ولها من الحوَر حياء الشمس في شفق ليلة كليله .
,نقطة سوداء في فلك ابيض تجتال بين رمشيها تشكو واسع الجفن
من ضيق في تشكي رقيق الزمته الجفون السكون.

ثم توالت احبك مع الايام وقلت سأعتاد على كلمة أسمعها ولكن كنت شغوفا الفؤاد واله الوله لسماعها كل مرة فلم تكن اذني تسمعها بكل سمعها بل سمعها قلبي وراقص شعور الانتماء لصاحبة الكلمة .
, كانها هديل في عِظم الصهيل , وكأنه بوح في بحة النوح, أو انه حفيف في ورق التوت داعبه نسيم الصبا مع تفتق النور في يوم جديد.
أسرت بما سمعت وطاب لي الأسر من الآسر لست أدري رابحا كنت او خاسر وما الفرق ؟سيان يقوله القلب كن معها ذاك هو المهم.
فقلت له ماذا عن قادم الأيام وما أعددته للحياة من رؤى؟
قال: أي رؤى وأي حياة ؟
قلت له, فقال مقاطعا هي الحياة وهي الرؤى .هل أوافقه على ما قال؟ هو قلبي وانا املك الأقدام واستطيع ان اذهب عن هذا الأسر الذي إستمراه وقبل به .
فرفضته ماسخا نفسي في عصيانه .
لم أكن أدري من سيربح الجولة ولكن كان حدسي يقلقني بأن شئ سيكون
شيئا غريبا لم أدرجه في قواميسي ولا في نواميسي.



وصفاء غار من الصفاء ولجمه حمرة التوت في تطابق على درٍ نضيد فإن ابتسمت كانت كفلق صبح أشع من نافذة على البحر, وان أطبقت كانت كمن وضع وردة حمراء على شمعة توهجت ثم خبت .
تلك هي صاحبة أحبك , اين المفر؟ هل اخذ قلبي إلى صوامع العباد؟أو إلى مشارح النقَاد ؟, او إلى عصر الخلاء وقل الوفاء ؟
من هو قلبي ليقول لي كن كذا واكون ؟, هل هي ابواب السجون ؟,او مراتع الجنون؟
أو هي خمائل المجون ؟
, اتراها احلام سطرتها الأقلام, أوحتها دواعي الهيام
أو تجربة مستهام ظلله من العشق الغمام, فأمطر وأغدق, وأرعد وابرق .؟
هل هذا ما افكر به لوحدي؟ أم ان صاحبة الكلمة تعانق الوسائد من السهاد ولها مثل ما لي من مصائب الفؤاد ؟
أم انا صاحب الواد ونجي الوداد؟
,أم انه سراب ترقرق في يباب ,الحقه لاهثا ولا ادركه؟ هل شربه الغراب ؟أو استدعاه السحاب ؟
لا ادري كيف أصفُّ لها السطور تطايرت الحروف من الحبور, وخلت من القرائح الدور.
في كل صباح يصبح البصر المباح ,ويلعق كل ذي صب جراح, في يوم جديد له نصيبه من اتراح وافراح.
يا صاحبة الكلمة السحرية. ليست عصا فتلمس, وليست عقدة نفث فيها ساحر ,
ولا طلسم في لوح كاهن .
كلمة كبيرة من قلب صغيرة لها سمو أميرة .
كلامها الشعر بدون قوافي وله لحن أغن حافل بالشجن.
يا صاحبة الوسن ,هل تكوني سكن ام تكوني كفن او تكوني لمن ؟
لقد جعلتها حربا شعواء بيني وبين قلبي .
تلك كانت بدايتي بداية بلهاء لست ادري لماذا لم ارحل ولكنني بالاخيرفعلت.



عابر السبـــــــيل

[عابر السبيل]

خذني على الاوتار يرحم لي ابوك
وشلني على الالحان نوب وحطني

عابر

[عابر السبيل]

بين الحنايا عش وفي داخله طير
إلى ضوى ليلي تخافق بالاجناح

طيرن له ألحانن شبيه العصافير
لا ارتاح في صدري ولا انيب مرتاح

يكض بي من حاميات الزوافير
لهن بصدري جية ن مثل مرواح

عابر السبيل

[عابر السبيل]

عسى السحاب اليا تهشّم حقوقه
كنّه يوزع بالوطا له دنانير

ثم كسّر العتمه تلاعج بروقه
ورعده يطق الطار ويرقع على الزير

يسقيك ياطيفن برا الكبد شوقه
سقي الظمايا لا تلافت على البير

يا راحلن يفقده جاره وسوقه
احفيت انا بالبحث عنكم مداوير

مثل الذي شب الجرب وسط نوقه
من عقب ربحه صار بيعه مخاسير

كم راح من مجهم عليها شفوقه
عطت لها دربن عطنّه مغاتير

عابر السبيل

[عابر السبيل]

لك صاحبن في شط الاحزان مهذار
يزايم دموعن غثته بالمراميش

صموت مايحكي وهو جد ثرثار
ومعشش ن حزنه بقلبه تعاشيش

يبيع ما بين اللواعج والاسرار
تحس باصواته بحاح وخرافيش

قالوا الغرق يا صاحبي عذر بحّار
عذرن ينوهش قلب خلك تناهيش

عابر السبيل

[عابر السبيل]

يسلم بنان اللي خضب لك كفوفك
وتسلم كفوفن زينت لون حنّا

وسلام يا ثغرن تواهج صفوفك
رهاف ن سكنها الموت منا ومنا

يا حظ عينن يا رفيقي تشوفك
ولا تاتي الدنيا على ما تمنّا

كم ذا حفظنا م المحبه حروفك
وايام ماكنته معانا وكنّا

واليوم هجسي يالضماير يحوفك
وقلبن بحبك يا غلاتي تعنا

ياليت ما بالجوف يسكن بجوفك
ونشوف وصل ن منك يومن وصلنا


عابر السبيل

[عابر السبيل]

يامنير قل لي من بقا لي على الدار؟؟
أو هي خرابن يسكنه ناعق البوم ؟؟؟

ياكم ماترمي الهواء فوقها غبار
وياكم يبكي ماضي العصر لي يوم

يدفن عجاج الوقت بجدارها اسرار
ويبكي عليها م السما ها مل غيوم

بترابها اسوارن وبقلبي لها اسوار
يسجن بها من حاسر الحزن واهموم

دارن سكن به زاهي الخد وانوار
يومه على خده ورودن ويشموم

والطير ماجانا من الدار باخبار
وتبيعها افكاري من البعد وتسوم

قلبي كما المسحور في راس مسبار
يبيع عمره بس تاصل له اعلوم


عابر السبيل

[عابر السبيل]

كم ذا يلومك من تمنيت يرضيك
ويا كم يرضيك اللي تمنيت لومه

وياكم من نومك غثيثن يصحّيك
في ساعة ن ودك من الغط نومه

الله ياللي كل حرفي يناديك
كم استلف م الورد فاخر كمومه

بالود ودي كان اقف واحييك
وانشدك عن حبي واخر علومه

من عاشرك ما اظن يومن يخليك
والله يلوم اللي بحبك يلومه

عابر السبيل

[عابر السبيل]

القى السعاده في بقايا رسايل
ياكل عليها الوقت نوبن ويشرب

ابري بها في مهجتي لك غلايل
وارقص لها ياصاحبي نوب واطرب

عابر السبيل

[عابر السبيل]

على بقايا الليل تحلى السواليف
تشبه حزين اللحن مع نغمة الناي

كم تقترب بالليل روس المواليف
ولمحات عينن تسحر القلب باغضاي

سلام ياثغرن لذيذ المراشيف
شف ن بها موتي معا حلو محياي

ياليت وقت الشر جاء لي على الكيف
ولحقت يا ساحر الشف ب مناي

عابر السبيل

[عابر السبيل]

من مبلغ اللي كنها البدر لا تم
تخفي نجوم الليل لامن بانت

لا بنت خال ن لي ولاهي ظنا عم
ونفسي بها من ماضي العام عانت

حطت على قلبي من النار ميسم
ياليتها من قاسي الصد لانت

عابر السبيل

[عابر السبيل]

جيت آآتلمّس في الدهاليز طيفك
ووقتن تلاشى من مكاني ومكانك

ورثت من وقتك جرودن خريفك
وفقدت من غصن الهواء حلو بانك

ظني اشوفك بس كني كفيفك
امحل زماني مع تلاشي زمانك

كم هو ثقيلن في فوادي خفيفك
وياحر نارن في غياهب جنانك

ياليت تكرم من عنا لك وضيفك
وادوج ماشي ظامي من حنانك

امضيت فيني ماضين الحد سيفك
وانا حسبت اني لاجي ن في امانك

هاوي الربيع اللي لقى منك صيفك
وقته تلاشى من مكاني ومكانك

عابر السبيل

[عابر السبيل]

رة مرجعية ('https://arabfrst.com/xn/posts/241241/bookmark')
#756 ('https://arabfrst.com/xn/threads/%D8%B3%D8%AC%D9%84-%D8%AD%D8%B6%D9%88%D8%B1%D9%83-%D8%A8%D8%A8%D9%8A%D8%AA-%D8%B4%D8%B9%D8%B1-%D8%B9%D9%84%D9%89-%D8%B0%D9%88%D9%82%D9%83.687/post-241241')

خذي سلامي يا هبوب النسايم
صوب الديار اللي بوجه المدينه

مايسلم الانسان من لوم لايم
وكم تخون الصب شوفه بعينه

يفداك يامشعل بقلبي ضرايم
ياجمل هديه في خوالي سنينه

ياليتني طيرن يجول الحوايم
يفرج هموم تاكله والغبينه

كني معك لوحن على الموج عايم
لوحن تمنى يوم شوف السفينه

عابر السبيل

تعليق ('https://arabfrst.com/xn/posts/241241/')

[عابر السبيل]

لبّى المسا اللي حايلك ثم جابك
ولبى صباحن ضم مثلك وشرواك

ياشاربن ريقن مسكك شرابك
الله ياريقن ثمينن ب مشراك

كن القمر ياصاحبي قد درا بك
وخلى لك الليلة وانته ب مسراك

عابر السبيل

[عابر السبيل]

لبّى المسا اللي حايلك ثم جابك
ولبى صباحن ضم مثلك وشرواك

ياشاربن ريقن مسكك شرابك
الله ياريقن ثمينن ب مشراك

كن القمر ياصاحبي قد درا بك
وخلى لك الليلة وانته ب مسراك

عابر السبيل

[عابر السبيل]

ذكرتهم والغصن طاوع مع الريح
شكله معا حف الهواء صار مطواع

يقرب لعيني بعض الاحيان وايشيح
يكيلني مد ن مع النود والصاع

ياما بصب الحب هم ن وتباريح
متعددن بالكيف ياصاح وانواع

ياكم ضاقت م الفيافي فواسيح
تضوق بي من عقب رحبه مع اوساع

ياماشي بالدرب وتقوم واتطيح
تشرب من الاعيان هامل م الادماع

عابر السبيل

[عابر السبيل]

سقها على دربن مشوه المجانين
هي تالية حب ن يخلف العقل بجنون

من جاب مثلك في دروب المفاتين
واصبحت منهم ماشي الدرب مفتون

عابر

[عابر السبيل]

باقي من التذكار خصلة جديله
فيها بقايا العطر من ريح خلي

خفّك بكفي وبالخوافق ثقيله
ونقطة ظلامن يجتمع فيه شملي

عايشت انا همك بحطه وشيله
وهم ن يباريني كما وصف ظلي

اذكر ظلامن فوق ردفك ثليله
كم يجمعه م الزين وردن وفلي

عابر السبيل

[عابر السبيل]

لا يارصيف الياس جوك المجاريح
كم موقفن عندك صعيبن بحسمه؟

انشدك عن حي ن ذبحني ب تلميح
حي ن تعرفه بس ماقلت لاسمه

اللي معاليق الحشا له مجاويح
اللي حفر وسط المضاليع رسمه

عابر السبيل

[عابر السبيل]

لا يا يباب البيد يا ملعب الريح
شعوف الهواء تاخذ مع البيد مشوار

واغصان قلبي تقترب ثم (ن) اتشيح
في وسط جوفي جاء لها اقبال وادبار

عابر السبيل

[عابر السبيل]

صدوا وصدينا وكل على فال
يالله عسى طيب المقابيل فالك

وانا على شطات الايام حمّال
وعطني فناجيل الغثا من دلالك

وان قيل عمّال ن على الدرب بطّال
ماترضي المخلوق من حر مالك

ياكم عدلن ساطي الوقت به مال
ولا بد يحكيي به غريبن حكى لك

واليوم ياترف الحشا نايف الجال
احفر لي ألحاد ن على حد جالك

عابر السبيل

[عابر السبيل]

يا مظلم القذله لى بسمة الصبح
خليت للسهره مع الجيد قيمة

تصبح مخاسيري معا شوفتك ربح
لو المدامع من حسايرك ديمة

عابر السبيل

[عابر السبيل]

تيه ن مماشيها شموخ التمشييى
اهنف هنوفن لابسه حالي الزين

مشي السحابه بس مافيه رشّي
اظرف خفيف وما اثقله بالموازين

تشوفها عيني وقلبي يهشّي
وان التفت لجّت حنايا الضلاعين

عابر السبيل

[عابر السبيل]

يسعد مسا اللي له هروجن ثمينات
تحشم حروفن له ولو كان غايب

يعطيني الابيات واقول له هات
بيوته توالد جوف قلبي عجايب

اصفها بالدرب وتضوي بشمعات
شمعات في دربن مشوا به حبايب

عابر السبيل

[عابر السبيل]

دموع الزهر عطرن على وقت الاصباح
ونسم الصبا يهدي الندى فوق خدك

الله يا عطرن مع الصبح فوّاح
تسحر بجزر وياخذ القلب مدك

ومن زود زينك تاكل الجو بارياح
ومن هو يوقف في الطريق ويردك ؟؟؟؟

عابر السبيل

[عابر السبيل]

غديت انا واياه شرقي وغربي
فيها القمر يلهث ورا مطلع الشمس

منها اختلط سلمي معا نار حربي
وعشر الهقواي يارفيقي غدت خمس

اليا التقوا يصبح كسوفن بدربي
تلقى كسوف الشمس والبدر له همس

ويسكت حمام ن فوق الاغصان طربي
وتلامس الاشجان للاحساسها لمس

ياطير ياللي طايرن خلف سربي
وش هو جرى للشمس والبدر في امس

عابر السبيل

[عابر السبيل]

يامنير قل للي طرف عينها ريش
باقي قليل ويلفح الجنح عينه

وش لك بحب ن في المظامي معاطيش
بحال ن كلا شينه من الحر زينه

او مثل من حطو بكفه كلابيش
متفرش ن ظلم ن ولحفه غبينه

او مثل من دوّر على لقمة العيش
على عتب باب ن وهم طاردينه

عابر السبيل

[عابر السبيل]

ياحلو قهويني من الصبر فنجال
ماعاد في دلال الشقا كود صبري

وانا على الميزان قيراط مثقال
ولا يازن الميزان ياكود حبري

ياصاحبي شفني كما كنز الامثال
راحت بي ايامك وانا كنت مادري

عابر السبيل

[عابر السبيل]

لون الكرز شف ن تطابق على شف
من بينها قلبن يرشه بالالوان

يموت وقت الصد والشف ماجف
شفّين فيها للمواليف عنوان

من فوقها ومن تحتها الورد ينلف
يا شفتينن وردها صار تيجان

ياقلب ياللي كنك الدف بالكف
ويجاوبك قلبن رجف مثل طيران

عابر السبيل

[عابر السبيل]

العقل يعقل بك مره ويهذريك
ثقيل عقلي صار عقبك خفايف

ياساحر الكلمة كلامك يغنيك
ويا حظ حرفن من الذيذ الشفايف

عابر السبيل

[عابر السبيل]

المركب اللي سار يبغي المواني
يرميه موجن م البلاوي على موج

يغط مع موجن من بعد باني
كن الكفن ياموج م المي منسوج

ماقدّر المولى على الخلق كاني
وياكم عسرن بين الايام مفروج

مذكور بالخيرات حي ن زواني
وعينن بها سحرن من الرمش واغنوج

اللي كتبني بالهوى ثم طواني
عدل الليالي عقبها شكلها عوج

عابر السبيل

[عابر السبيل]

ادركت هاك اليوم ماعاد اشوفك
ياتالي النظرات يالله عسى خير

بالود ودي كان اللامس كفوفك
واعطيك من قلبي كافخن كنه الطير

كم اختفى طيب السلام معروفك
وايست انا ياحلو بعض المسايير

الله يا شف ن كن العسل من رشوفك
وارياح ريقن تعطي الريح تعطير

راح العمر مابين امنك وخوفك
وانا كتاب الحب واسطر تساطير

ياليت ما بالجوف يسكن بجوفك
والقى حروفن ترسم الحس تعبير


عابر السبيل

[عابر السبيل]

ياغاية ن حفي القدم في مماشيك
تشبه سرابن يشربنّه طيوره

العالم الله غربتي في مواطيك
وقتن علينا يالحلا زاد جوره

انشدك انا لا من مشى الدرب حافيك
يتبع له اشواقن بجوفه تزوره

من شربك لشربك بدرب الشرابيك
وقلبه من اللوعات شلّع لزوره

هو انت بالهقوة لمن هو هقا بيك
والا انت لك طورن يخالف ل طوره؟؟؟؟؟؟؟؟

غديت مثل الليل شرك لساريك
جاورت في دربه حيايا حفوره

يامستحيلن ممكنن وسط اشافيك
شوفه يولّد في المكايين ثوره

عابر السبيل

[عابر السبيل]

قال الذي لا من بغى البيت جابه
يغرف محيط القاف يا سبعة بحور

حتى بوسع البيد تلقى سرابه
وتلقى له ابيوتن معا شقة النور

سيف الشعر مغمد بداخل جراب
وان كان سليته تناثر له اسطور

انا عنا القيفان واغرق شعابه
تلقى مع الشعار لي بالفخر دور

واليا وصفت اللي جميلن جنابه
لو كان قرد ن صار من جملة الحور


عابر السبيل

[عابر السبيل]

مهبول من يطرد مواضيه يا منير
مافات مات ولا يرده تمني

دنيا تدور بنا كما دورة السير
تبكي لنا يومن ويومن تغنّي

تحير ف الدنيا عيون المسابير
مارتاح فيها انس ن ولا ارتاح جني

اليا ذكرت ارموس عصري تذاكير
اهمل دموعن من النواظر همنّي

عابر السبيل

[عابر السبيل]

يارابعات الهجس واشيب عيني
من وين لي نومن ليا من حضرتي ؟؟؟؟

حل السهر يسراي وانتي يميني
بصبّي عيني ياهجوسي سكنتي

واشوف نومي حالقن مايجيني
يهحل لذيذ النوم لا من سمنتي

عابر السبيل

[عابر السبيل]

تقول شايب هاك عكاز عودي
وغني على شاني لعابر قصيده

وصيري سحابن ثار لاجله رعودي
وردي لي ايامن بعمري جديدة

ياساحر النجلاء وعينيك سودي
لا يا مهاة ن في الفيافي فريده

جودي على اليوم بالوصل جودي
ثم بدلي تعس الليالي سعيدة

يازارع الباقات حول الخدودي
نفسي سبب فرقاك صارت شريده

حليتني عبد ن لمطال وعودي
اشطب لك الميعاد وارجع واعيده

لا يابعد من راح م اغلى جدودي
تنهار بك رجوى واعوّد واشيده

ينباح لك خافي دفين السدودي
ليا لج طير الرند لحن اتغريده


عابر السبيل

[عابر السبيل]

عسى العوض في مقبلات الليالي
والا الذي قد راح ماعاد ينعاد

ياللي تفنن رسم زولك خيالي
ياجامعن في حلو زولك لك اضداد

فرقاك مادارت بيومن ببالي
يقطعك يا دربن جلس فيه حسّاد

كم يخسر الخافق من الناس غالي
وكم عقب نوم الليل سهرن مع اسهاد


عابر السبيل

[عابر السبيل]

هنيّ خبلن طافي العقل هلباج
همّه ببطنه لين كرشه ملاها

طبلن يدندن وسط الاسواق هرّاج
ما ميّز الايام ولاعه غثاها

لإمّه سريرن فاخر الفرش والعاج
ورزقه عليها وزاد بطنه قراها

ماهوب مثل اللي للايام مسهاج
كم ليلة ن غدراء بهيمن سراها

ياكم وطى ناب ن من الداب منعاج
كبود الفيافي من اللوايع فراها

عابر السبيل

[عابر السبيل]

إليا استتم البدر في ليل الاشجان
كن الحصى بالبيد ولّع به اشموع

اذكر رفيقن هذّ من قلبه افنان
يهدي لي ابياتن تشاهر بها النوع

لعب ن لها حلوات الاخصار بانواع
طرق البني اللي يبيعن لنا اللوع

من بينهن شيماء كما راك الاغصان
تلوي لها عود ن ويصبح لها طوع

وليل ن تتلّه يخلف العقل ب جنان
تلمس لها صخر ن من اللمس ويموع

تلفح لها شعرن على الجيد ب اوزان
شعرن تتلّه باشمخ الراس مجموع

تشبه لحور ن صورته صورة انسان
تشبع بصر من حولها وتذبحه جوع


عابر السبيل

[عابر السبيل]

مشيت من عنده خيالن بلا روح
واحس عينه تلحق الزول مقفي

اسمع له انهوتن تخالط مع النوح
واحس بالحسرات تمشي ب صفي

امشي وكني بالبحر طافي اللوح
ترمي به الامواج في كل شفي

والا كما الريشه على كف لافوح
ولا طالت ارض ولا تمشي ب خفّي

وامسيت م الحسفات ياحلو مذبوح
امشي على غير القدا مستخفي

عابر السبيل

[عابر السبيل]

لك يالذي تجمع بياضن على السود
نجل ن تقرّب للمعنا مماته

واشرّها لامن تنقّض لك جعود
صاحبك لا شافه قطع لك صلاته

سود ن على سودن كما الظل مرجود
ولمعة جعوده زوّدت من حلاته

ابصرت في كفي ولا شفت به فود
مفتون بك يا وقت والوقت فاته

مسير زين وشين يرعى به الدود
وكم حالب ن ماذاق من حلب شاته

ياكم في دنياك طارد ومطرود
وياكم شمل ن دهرنا هو شتاته

عابر السبيل

[عابر السبيل]

يكتب بريش الطير والطير قد مات
ولا بقى م الطير ياكود ريشه

للطير كلماتن وللزين كلمات
وكلماتهم لي ياغلا الكون عيشه

ياحلو ياللي خذت م الليل نجمات
مديت يدك للنجم من دريشه

سلبت من كوني نجوم ومجرات
وما سر نجمات العنا كثر جيشه

بالله تفضل غن لي سحر الابيات
ودقدق عظامي وحط قلبي جريشه

بالمثل كني طير والطير قد مات
ولا بقى م الطير ياكود ريشه

عابر السبيل

[عابر السبيل]

قسمة حظوظ الناس شاقي ومرتاح
وين انت ياحظي من القسمتيني ؟؟؟

اذكر جمالن فات في ماضين راح
عليه انا مابين زينن وشيني

اشكيك يا رمشن مع الناس ذبّاح
ومافيه عدلن بين رمشك وبيني

فصّلت لي ثوبن من الحزن ووشاح
واشقيت ياحلو اللما نوم عيني

مع طلعة الاصباح ياحلو بوّاح
تبيعني الحسرات ثم تشتريني

عابر السبيل

[عابر السبيل]

يهيج بي التذكار مع نسمة الليل
واسرح مع الطاري على متن هاجوس

واعبر على الماضي ووقت التعاليل
وقتن يقطعني كما ماضي الموس

رعى الله رمش ن للنواعس مظاليل
تحيا بها نفس ن وتزهق بها انفوس

ياحظ كحلن خطها با املس الميل
وياحظ ميل ن باملس الكف ملموس


عابر السبيل

[عابر السبيل]

وحي المشاعر تكتبه روس الاقلام
بغا يطير الحرف وبالسطر مسجون

وصارت تواهج كنها خفق الاعلام
ليا هبت الغربي معاها يلوحون

إطلق عنان القاف بالحس حوام
تلقاه عين اللي مع القاف مفتون

واليا لفى ليلن تماوج به اظلام
يفرح به السامر مع اللي يغنون

ويمر عامن قد خلى قبله اعوام
البيت حي وصاحب البيت مدفون

عابر السبيل

[عابر السبيل]

هاله من اسراب الهواجس تجيني
مثل السحاب اليا غطى ساطع الشمس

هاجوس خيّم بين عينك وعيني
ثم انعمى شوفي ولا عاد به لمس

بعد انعدم م الحس بك حستيني
وشمي وسمعي والتذوق غدن خمس

ثم عشت في جو ن مع الهايميني
ياهي حياة ن كنها مظلم الرمس

صدك على اليسرى وحبك يميني
واربع جهاتي صرخها عندكم همس

ضجت لك الاشواق حاضر حنيني
وامال يومي في تواريخكم امس


عابر السبيل

[عابر السبيل]

وين انت ياللي تجمع النور لاسمك
خليت نجم الليل يسهر بلا نور

لا يا نحيل ن تطوي الكف جسمك
تشبه لغصنن اثقله حملة ازهور

احلى نسيمن ياخذ القلب نسمك
زغلل سراب البيد لك شاهدن زور

ياللي على بيتي من القاف وسمك
حالي فوافي البيت من حولك تدور

عابر السبيل

[عابر السبيل]

من شاف لي خل (ن) سحر زاهي الورد
كفّه ورود وصافي الخد بوكيه

يخلط بياض وحمرة الورد عسجد
يشبه لشمس ن وسط الاشفاق تبكيه

وشموخ عنقن بالهواء راح منمد
متعلي ن صدرن تزمه ملاكيه

ياكم طيرن فوق الاغصان غرّد
مرجح لها من حلو الالحان راكيه

روحي سبب فرقاه تسجن وتجلد
واحكي على ورده م الاحزان شاكيه

ياحيف عمرن راح باخذه مع الرد
والى قضى هالعمر ماحدن بباكيه

عابر السبيل

[عابر السبيل]

حطيت عيني للقلم محبر ادواه
اروي بها راس القلم واكتب البيت

اكتب همومي يالعيون المعنّاه
عساك تقرا باكي البيت يا شيت

احساس ينقط م الضلوع المحناه
شي ن يفتت خافق القلب تفتيت

لو هو قراه الطير يالغصن غناه
تسمع جميل الريش غرّد رغاريت

عابر السبيل

[عابر السبيل]

نويت انا اهدي لك من القاف بيتين
لو انته اغلى من جميع الهدايا

وش حيلتي بك غير حلو التفانين؟؟؟
بيوتن على كفّك تهامل بكايا

كانت بصدري من محاني الضلاعين
ياويش سوّت بي عشانك سوايا

عن حب غيرك يالغلا صابني عين
ولا شفت غيرك م الخلايق دوايا

هو انت تذكر صاحب البيت يا زين؟؟
إللي غدى جوفه بحبك شلايا

عابر السبيل

[عابر السبيل]

كم اتسلف من مواضيك صورة
والبسمة اللي تنسي الهم واحزان

كم احدثت في فاجع القلب ثوره
وياكم فيها من جميلات الالوان

جار الزمان واخلف الوقت طوره
وصارت سواليف الغلا في خبر كان

ياليت ياقلبي تسمع النصح شوره
ماكان كنا مضرب الحكي بازمان

الله ياللي يسحر القلب نوره
ورثت لي صورة تبسّم لجدران

عابر السبيل

[عابر السبيل]

لا والله اللي غابت الشمس يا منير
باقي شفقها واقفن دون ظلماه

بالخير يا ليل الهوى والتعابير
ليلن يموت الصبح من عقب محياه

غشى الشجر ياصاح صمت العصافير
وكل ن يغني يارفيقي ل ليلاه

على الورق ياحلو نكتب دنانير
طويل ليل وزايد الطول مسراه

تلمع نجومه مثل نور الفنانير
وعلى يمينه طلعة البدر تبراه

ديدن حياة ن تلحق السير بالسير
وياكم حرفن ينمحي قبل تقراه

سلام مني يحمله سابح الطير
م الشاعر اللي يمينه مثل يسراه

عابر السبيل

[عابر السبيل]

يلومني قلبي وانا بعد الومه
ينحي على اللوم واللوم ناصيه

من طاوعك ياقلب شقق هدومه
يعصى علي وبعد انا اليوم عاصيه

ما خبرة ان الحر يترك سلومه
حتى ولو وقته على الكود قاصيه

عابر السبيل

[عابر السبيل]

الصمت في بعضات الاحيان كلمات
افصح من الهذر الذي جاك بلسان

وافصح من اللي قلت م العين دمعات
وشوفة عيونن من وراء هتن هتان

واحلاهن اشراق المباسم ببسمات
تبسم ودمعه فوق الاوجان ودان

خليط حزن وفرح ونورن وعتمات
فيها الفرح ياكل بقايا من احزان

يجيك من حلوات الاحساس خمات
سحرن يشوق الروح عتم الاحيان

عابر السبيل

[عابر السبيل]

ماعاد لي في فعل الايام حيله
ظهر المجن اليوم ياحلو مقلوب

كم آتلمّس في الليالي وسيله
واصبح كما صفر ن مع الصفر مضروب

يسعد مساك الله عين الكحيلة
كنك فنارن في دجا الليل مشبوب

يامعطي الظلما بعض لون الجديلة
ورمش ن ظليلن من على الخد مسحوب

لوحة جمالن ما لقته الخميلة
ياكم لها في واهي القلب ملعوب

يبقى زمانن جاب رجله وخيله
وكاس الفراق اللي من الصد مشروب

عابر السبيل

[عابر السبيل]

باجاذبك ياليل سولاف واعلوم
وان قلت غني باترنم واغني

الكل منها يادجا الليل مهموم
وماحولي انسي ن ولاشفت جني

ياكم يموت بظلمة الحبس مظلوم
وكم هاجس بالراس عندي يعني

يشمل ظلامك واسع البحر وانجوم
ويشمل ظلامك شاقي ن ومتهنّي

عابر السبيل

[عابر السبيل]

مريت عند الباب والباب مصكوك
ونامت هبوب الريح باعتاب بابك

ياباب رد الصوت للي يمرّوك
ليته يرد الصوت حضرة جنابك

ياباب قلبي له ايام مفروك
ظميان واشرب م لوامع سرابك

كم ذا يلوف القلب في حين طروك
الكل يدري بي ولا احدن درى بك

العقل كنه به من المس مشروك
ليت الذي ودّاك ياحلو جابك

عابر السبيل

[عابر السبيل]

ياملاعب الاوتار يا دقيّق العود
يامجنن الالحان يا ساحر النوت

كني معك في تالي الوقت مقرود
يصارع حياة ن لا حياة ن ولا موت

حطيتني مثل الذي يركب النود
وتجري به الارياح مايدرك الصوت

الله ياخد ن به الزهر وورود
ذبحتني مابين الالحاظ واسكوت

كن الحبل بالجوف ياحلو مشدود
والوصل كنه بيننا صار مبتوت

بيني وبينك وافي الوعد واعهود
وقلبن على الاضلاع ياحلو مفتوت

عابر السبيل

[عابر السبيل]

يا مبدد الظلما على صبح الارداف
توّي عرفت الليل ينبع من النور

النور والظلما معك مثل ميلاف
كل الحلا بك يا انجل العين له دور

عابر السبيل

[عابر السبيل]

يامل قلبن غيره فعل الايام
في كل يومن من ضنا الوقت مفجوع

عيني على طيرن مع الصبح حوّام
لاهمته فرقا ولا همه اللوع

بغيت انا اكتب بس ماحولي اقلام
كن القلم يشكي الظما واقشر الجوع

في كل صبحن تشعف القلب بانسام
وانا اتسول لك من الشعر موضوع

ياصاحبي شح الوصل لو بالاحلام
كن الوصل بالحلم ياحلو ممنوع

عابر السبيل

[عابر السبيل]

كم امتلاء لك دفتري م الاماني
عندي دواويين الدهر امنيات

شتتني ما بين لحن واغاني
والعمر كله ياغلايه اغنيات

مرت سنيني فيك مثل الثواني
وصارت سنين هالثواني وحيات

يابارد هاجسه قد كواني
لانين حي بك ولا من ممات

عابر السبيل

[عابر السبيل]

سلام ياشعر ن مع الريح مطواع
تلعب به الارياح من كل ملفاح

اليا مشى خصره مع المشي ينماع
تموت وتحيا في مماشيه الارواح

يشبه سرابن في الصحاصيح لمّاع
كم ظامي ن يهلك مع البيد مشفاح

عابر السبيل

[عابر السبيل]

خطيب غصنن يسحر الورد صوته
حط الغصن منبر لحلو القصايد

يامعلّم الالحان في سطر نوته
ترقص على لحنك هديب الجرايد

ياللي لبس م الريش فروه وكوته
ومحرّمن نومه وحلو الوسايد

كنّه يوصّي الطير من قبل موته
من فوق غصنن مع هواء الصبح نايد

عابر السبيل

[عابر السبيل]

اكتبك ثم امحاك وارجع واعيده
كل ما اجتمع عندي الورق رحت اناجيك

الشوق فيني والهواجس تزيده
وعينن تمنّت من زمانن تلاقيك

قديمة الاشواق ترجع جديدة
رصيد حب ن من ليالن تطرّيك

مسير وعد الوقت يصبح وعيده
ولا عاد تلقى واحدن حيل يغليك

عابر السبيل

[عابر السبيل]

مسيك بالخيرات بيت شعفني
تغلي الديار الل هويت ه لاهلها

اشبه لحرفن والدهر قد شطبني
واصبحت انا ياصاح مضرب مثلها

اللي مسحني يومه اول كتبني
وراعي سواليفن كنه جهلها

انشدك عن وعدن بلهفن فتني
وش قالت الايام ووش هو عملها

راحت عصافيرن ببيتك تغنّي
واقفر غصونن كان سحرن ميلها

قربني حروف ن ثم ابعدتني
ياشين شف لي من حروفك بدلها

عابر السبيل

[عابر السبيل]

قالت من انت وقلت انا تايه البيد
ضايع فوادن مثل حرفن كتبته

قالت ترى قبل امس ياصاحبي عيد
وثوبك جديدن مير ماقط لبسته

قلت اسمع العالم تعايد تراديد
شكله تعدى العيد ولا لحظته

ياكم عيدن عيّدوه السعاعيد
من دون شوفك مرني ما نشدته

غديت انا واياك عبدن معه سيد
اغلاك يومن وانت بالرخص بعته

مسيرها تصبح على القرب تبعيد
واصير انا لك مثل حرفن كتبته

عابر السبيل

[عابر السبيل]

ابديت من ليلك صباح ن له اشراق
عجيب ياليلن جثى الصبح دونه

افداك يا كف ن كما طرق الاوراق
صافي غضيضن يسحر القلب لونه

خليتني ياصاحب الشوق شوّاق
عرفت منك الشوق واقسى فنونه

حسايفن عقب المواصيل ب افراق
والعاشق اللي هرجته في عيونه

عابر السبيل

[عابر السبيل]

ياسدرة الوادي على الله مشاكيك
يهيضني حرفن بجذعك كتبته

من عاد عقبه بالتسلي يحاكيك ؟
الله يا زولن بجنبك رسمته

اضحكك ياغصن الغلا مر وابكيك
مابين حاضرنا وماضيك شتّه

ارجي عسى الله م المروايح يسقيك
ويرد لي حرفن اليا من نشدته

عابر السبيل

[عابر السبيل]

ياطول هاك الليل وما اكثر ظلامه
ضاعت خطاوي الليل في بحر ظلماه

بسمة شموعك في الغداري سلامه
يكتب بصيص النور في وجهك اسماه

امنولن في كوّتك لي حمامه
وعينن تشوف وحالك الظلمة اعماه

باقي من اثار الليالي علامه
ويجي الظلام بتالي الليل يمحاه

عابر السبيل

[عابر السبيل]

الله يا عطرن ملا الصفح واظروف
يشيل من ليلي طروق الرتابه

افداك يا شعرن على الكتف منسوف
اجيه ظامي وارتشف من سرابه

من عاد يروى ظامي القلب مصروف ؟
الشاعر اللي من سرابك شرابه

عابر السبيل

[عابر السبيل]

ياصاحب الوردة من ورود خدك
لجّت شوارع حينا من شذى الريح

باعتاب بابي حطها الطير بعدك
وانا خزنت الورد بين الجوانيح

اغلى ورود الكون م الورد وردك
يامهدي الفرحة بثوب التباريح

عابر السبيل

[عابر السبيل]

عيدك مبارك ثم عيدك مبارك
لو انني من غير شوفك تعيدت

ابعد زمان الشح عني مزارك
وانا نها ر العيد عنك تنشدت

يمكن يلاقي الشف يومن مزارك
ياللي على كل المعالق تسيدت

عابر السبيل

[عابر السبيل]

ياناوي المرواح بالله بيتين
خذها على دربك لخلي وداعه

ياكاسب الطولات عندك شتيتين
والكل منهم نازح البعد لاعه

العالم الله عيشتي بين مع بين
م البعد شبعانن ووصلي مجاعه


عابر السبيل

[عابر السبيل]

تسمع خطاوي ماشي ن جاك حافي
والليل يا كل الغلا ضاع ماشيه

ماقل دل وواضح الهرج كافي
وهدية ن لك شالها بين رمشيه

مسير ماضي الوقت حظ السوافي
ومكتوب حب ن شالني في حواشيه

عابر السبيل

[عابر السبيل]

احد ن يحاكي بالليالي وساده
واحد ن ينوم ومالي النوم جفنيه

عمر ن يقسّم بالسعد والنكاده
وين السعد ياصافي الخد عطنيه

عابر السبيل

[عابر السبيل]

إقدم وولّع بالقوافي لك انوار
شب القصايد وآتدفّا على القاف

ياباقة الابيات يا قطف شعّار
فيها شواريد المثل جات ميلاف

مابين مليّم ن ودرهم ودينار
تشري غليظ البيت ويصير شفّاف

صارت كما البوكية من مجمع ازهار
ودارت قوافي الشعر من حولها اطياف

عابر السبيل

[عابر السبيل]

توّي عرفت انك تنفس مع الناي
ياشادي الانفاس لك طولة العمر

انفاس عذب اقبال مع حلو الاقفاي
كنك سقيت الطير من صوتك الخمر

ياحالي الاوصاف يا زهرة الشاي
لا انته من البيضان ولا انته من السمر

يادقيّق الاخصار مزّعته احشاي
ياطوق مسباحن وسيعن على ظمر

ياجامع اقصاي مع داني ادناي
فرشته الليله لقلبي من الجمر

عابر السبيل

[عابر السبيل]

ياعازفن عمري على نغمة الناي
دونك حياتي يالغلا غنها لي

عابر السبيل

[عابر السبيل]

لك كل شوقي ياجميل البشاير
ياللي جمعت الملح كله والانوار

قد لي سنين امشي على الدرب ساير
يموت لك مشوار ويحياك مشوار


عابر السبيل

[عابر السبيل]

شدوا رحلهم واعطوا الدرب يا منير
وقام يتقطع خافقي في قفاهم

كنّه يبتّر خافقي له بواتير
ونظير عينن مالك الله نساهم


عابر السبيل

[عابر السبيل]

ياللي عليك الحور تاكل شفاها
ياعود ورد وخالط العود ليني

يوم انت ترقص مع هبايب هواها
لزمت انا قلبي معا كفتيني

حفيف ريحن لحّنت لك غناها
وقلبي وروحي لك غدن طبلتيني

همومي معا ليلي وقلبي عشاها
ياصاحب النقطة غدت نقطتيني

كم تفقد نجومي بصبحك سماها
غرايبن هامت على وجهتيني

عابر السبيل

[عابر السبيل]

حفظت انا م الليل كاس ن عشانك
تلقى نجومي ساكنه داخل الكاس

ثم حط في وسط كاسي بنانك
وتصبح نجومي دبلة ن لك م الالماس

عابر السبيل

[عابر السبيل]

كتّامة الاهات يا شمعة الدار
بالنور تصرخ ثم تسمعك عيني

ياحلوة ن حطت على تاجها نار
ترقص بها نارن على راس زيني

عابر السبيل

[عابر السبيل]

تذكّر يا رهيف الحس
وعودن كنت تعطيها

تلاشت مع شعاع الشمس
وخالي الكف تاليها

حسايف يالعيون النعس
بحر والرمش شاطيها

حياتي من بقايا الامس
مواضي بس احييها

تلامس للخوافق لمس
وعيني هل صافيها

عابر السبيل

[عابر السبيل]

وش بس ابوصف فيك وش بس اخلّي
يا ملمحن يطمس جميع الملامح

نور البدر بالجو صار متجلي
ولا بيّنت شمسك تبين المفاضح

ماشفت انا شي ن عليك متعلي
ياكود تاج ن م الحلا منك ناضح

عابر السبيل

[عابر السبيل]

يرحمك يا وقتن من اعمارنا ضاع
ماعاد ندري وين حتى مكانه

خليتني يا وقت م الصب ملتاع
والشاعر اللي ضاع حالي زمانه

شاهدت انا من لوعتك كم وانواع
حتى القلم ضيّع بفعلك بيانه

عابر السبيل

[عابر السبيل]

يا سندرلا الزين تضحك مراياك
وش عرّف الفاظك لصافي المرايا ؟؟؟؟

تعدّ في وقت المسا لك مزاياك
بالليل لك ميزة وصبحك مزايا

وتحشد برمش العين زاحف سراياك
عينك لها افواج ن وخدك سرايا

لا ياظلام الليل تطمس عراياك
يوم ان من حولك جثو لك عرايا

يامالي ن في كل جوي زواياك
وش عاد باق ن مانملا م الزوايا؟؟

ماشافت عيوني بغيرك حلاياك
يا مسلّفن حلو الصبايا حلايا


عابر السبيل

[عابر السبيل]

ثكلى الحروف وارملة بيت الاشعار
تحيا مع الالحان بالبيت واتموت

ياكلمة ن لك رقوة ن عقب محدار
في حنجر الشاعر عجز يخرجك صوت

في نوط قلبي ثابته مثل مسمار
في وسط حرفن راح بالقلب منحوت

وجدي على بوحك فلا شك محتار
وصدري من الحيرة غدى مثل تابوت

لا ياهديل الورق في غصن الازهار
ياطيب حظك بحت ماكان مكبوت


عابر السبيل

[عابر السبيل]

انشدك ياللي عندك اشتات قلبي
يغيب عني ويجتمع مع جنابك

يامعطي الاصفار حاصل لضربي
ياهو يحيّرني غرايب حسابك

سالم سلامك لي غدى اليوم حربي
يموت من حربك شريد ن لجا بك

ألغيت لي شرقي وتيّهت غربي
واربع جهاتي كلها في جرابك

يامضيّّعن من تحت الاقدام دربي
ألهث طريدن خلف مبعد سرابك

عابر السبيل

[عابر السبيل]

غريب دار (ن) جال وسط المدينة
جال النظر فيها ولا به معازيب

متفرش الغربه ولحفه ونينه
شروى عليلن ما لقى له تطابيب

يشيل في كيسه مواضي سنينه
وحاضر زمانه مالقى به تراحيب

يشبه لمن ضيّع مع الناس دينه
اللي خلط دينه بخرط وتلاعيب


عابر السبيل

[عابر السبيل]

لا يا يباب البيد يا ملعب الريح
شعوف الهواء تاخذ مع البيد مشوار

واغصان قلبي تقترب ثم ن تشيح
في وسط جوفي جا لها اقبال وادبار

ياخارطة خل ن على بعد امشيح
بيني وبينك نجم ليل مع اقمار

ياكم تشفّق شوفها لك مشافيح
في عتم ليلن تسحر عيون سمّار

عابر السبيل

[عابر السبيل]

وش هو بقى على الطلل يا رفيقي ؟؟
ودربن لقطهم طلعة الشمس وينه؟؟

ياغشوة ن بالقلب ليتك تفيقي
وكم تشقي الانسان بالحب عينه

وكم واسع ن م الهم يصبح بضيقي
وكم يخسر الانسان زهرة سنينه

ولّيت با بيتن يجي في طريقي
من حبهم حبيت لبنه وطينه

عابر السبيل

[عابر السبيل]

يسري بي الهاجوس وجهة ديارك
كني مع الطاري على صهوة الريح

سلام ياللي يشعفنّي ديارك
ياريح عطرن مشت به لوافيح

يازين صبحن جلله لي سمارك
بعض المشاعر ماتبي زود توضيح

كني مع الاقدار كاذب خيارك
امشي واجمّع في مساري تباريح

اصعب مسارن قد مشيته مسارك
امشي كما الهالك على الدرب واطيح

في نياط القلب يسكن شرارك
منكم عرفنا سكة ن للمجاريح

ليته يصادف في المساري مدارك
ياحلوة فيها من الحور تلميح

او ليتني ياصاحب الزين جارك
ياللي لها جد ن في غموضة تمازيح


عابر السبيل

[عابر السبيل]

بالله ترفّق وانتظرني ثواني
ودي بكلمة في عجالة طريقك

مضى زمانن منك انا كنت اعاني
ودي اعرفك بالوهم او حقيقك

هل هو زواك اللي بحبك زواني ؟؟
هل كنت انا يومن بدربك صديقك؟؟

ياكم ذيبن في ليل حبك عواني
وكم اتمنى م السوالف رقيقك

الله يا رهف الهوى بالثماني
في مبسمن كن العسل كان ريقك

كم افقدك لامن ليلي ضواني
واكتبك حرفن في جبينك عقيقك

عابر السبيل

[عابر السبيل]

مسّيك بالخيرات يا ناعس الطيف

ياشبه عطرن ساكنن في المناديل



ياساكتن تهواك بوح وسواليف

نامت عيون الليل يا باخس الكيل



حظي سهر عينن سهرها سواريف

وهزيل قلبن واني الحول والحيل



يامحيي ن روحي كما تحيي الريف

زهورن تهازع من على ضفة النيل



يابو ثمانن في المباسم مراهيف

ياساحرن عقّال حبك مهابيل



لا وا حسايف يالغلا والف ياحيف

عصرن مضى ما يجي بالمقابيل



تمسي على الخيرات ياناعس الطيف

ياشبه عطرن ساكنن بالمناديل



عابر السبيل

[عابر السبيل]

هو انت تسمع بالغلس من يناديك؟
النازح اللي من البعيدة حكى لك

فريسة ن ياحلو الاعيان يهذيك
كنه جوابن ما يعرفه سؤالك

ياصاحب الفنجال منهو يقهويك
قامت تبرا منك حتى دلالك

ياميت ن م الهجر منهو بحييك؟
جف القلم واسهر يالهواوي لحالك

كن القلم لك يارفيقي يعزيك
في ميت القيفان حرفك بكى لك

اجلس ونادي عسى الخل يوحيك
جرّب يمين السطر والا شمالك

عابر السبيل

[عابر السبيل]

كم يعشق الانسان من هو يشوفه
وانا عشقته دون سمعن ولا شوف

كن العطر بالشفايف رشوفه
ماقد سمعت العطر بالشف مرشوف

كم آتلمّس بالقوافي وصوفه
وكم يتعب الواصف على وصف موصوف

عابر السبيل

[عابر السبيل]

يتبعك يانجم الحلا جملة اعيون
واشقى عيون الليل ياحلو عيني

لك عين شاعر بالغوى صار مفتون
يبين بالصدات مر ويبيني

اتلى الخبر به م الشغف يتبع النون
بيّح لها بالود خافي الكنيني

ياكم بيتن فاخر الطرق موزون
حطه على الاسطار عبد ن رهيني

كله لعينك يافخر كل مزيون
في ساعة ن دندن لها بك دنيني


عابر السبيل

[عابر السبيل]

عابر سبيل وظل الاشجار قد شح
حافي القدم ممشاه دايم على الشوك

سلام لك مادام الارياح تلفح
والا سلامن مع حمام ن تعدّوك


اقول ياللي كنّك البدر الاشقح
نجوم الفضا م السحر يابدر داروك

ياشبه غصنن م المثامير يرجح
قام يتهزّع كلما النود هزوك

عابر السبيل

[عابر السبيل]

كم ذا سألني واله القلب وينك
ودي اجاوب بس مامن اجابه

مرت سنينن ماتحليت عينك
وقلب يذوب من البلاوي صبابه

وين انت مني يا هدية سنينك
وين انت م اللي دمع عينه شرابه؟؟

عابر السبيل

[عابر السبيل]

عز الله اكدر عقبكم صفو جوّي
ودمي على الاسطار لاجلك دواوين

اشرب فناجيل العنا عند ضوّي
واصلى على شانك من النار ضوّين

ياكثر ليتي والعسى وانت لوّي
وتمشي بي الايام مادري على وين

عابر السبيل

[عابر السبيل]

الله حسيب اللي تعدى مع السوق
يمر من جنبي سواة السحابه

ياصاحبي والله يذبحني الشوق
وتضفي على وجهي رسوم الكآبه

مايجتمع ياحلو بارد ومحروق
وجيه الفرح والحزن مابه تشابه

لك صاحبن كنه من الحزن مسروق
والقلب كنه في نياب الذيابه

لا ياشبيه الشمس في ساعة اشروق
اضفيت في طبعي عجيب الغرابه

عابر السبيل

[عابر السبيل]

يافاتق ن جرحن تزاعج به الدم
ينقط على سطر القصيدة وريدي

طغى على حبرن من الدم عندم
يقطعك يا ذهنن بسطري شريدي

ياناقط الجرحين ياوافر الجم
ودي توقف بس ماصار بيدي

اشوف انا حزني وفرحي تصادم
من بينهن بيتن على السطر شيدي

عابر السبيل

[عابر السبيل]

لا يا مسا الخيرات يا بهجة الليل
خيرن مساكي يالعيون الكسوله

كم آتمتع بالشعر والتماثيل
واخذ مع الاوصاف بالشعر جوله

يازين عطرن تحتضنه المناديل
منديل كفك صار م العطر توله

يابو رموشن فوق خدك مظاليل
رمشن جليد الموت وسطه وحوله

عابر السبيل

[عابر السبيل]

احلى فساتينك اديم ن بجلدك
سبحان من فصّل من الجلد فستان

زهر الحلا ينبت على غصن رندك
بينك وبين الغير ياحلو شتان

عابر السبيل

[عابر السبيل]

لا وين رايح بالمسا يا اشقر الطير
هو ذا طرب والا بزايد تعنّي؟؟

امسيت في خير ن وانا امسيت في غير
وابهام كفي يشتكي عض سني

ياليت لي جنحن ويغني عن السير
وافلخ بكبد الجو واتبع مضني

عابر السبيل

[عابر السبيل]

كن اللهب باطراف ليل الجدايل
ذوب الذهب لا بان في مطلع الشمس

ورمش ن على حلو ن من الخد مايل
لا طايله شوفن ولا طايله لمس

ذبحت ياحلو اللما لي وسايل
وعمستني ياحلو عمسن على عمس

عابر السبيل

[عابر السبيل]

اليوم انا فاتح من الحزن دكان
وابيع م احزاني على الناس بالكوم

يا شاري الدمعات باهديك ودّان
ويا باغي التهمام عندي لك اهموم

وعندي على رف الشقا كوم الاشجان
وعندي لك من الضيم ماحس مضيوم

عابر السبيل

[عابر السبيل]

عيني على طيفن على كف غيمة
يخلط بياض الثلج مع حمرة الورد

اللي بنى في خافق القلب خيمة
برده لنا نارن وناره لنا برد

اللي جعل م الصد في الحب شيمة
صده بغصن الروح يجرد لها جرد

عابر السبيل

[عابر السبيل]

ليت الحروف بشوفته ساعفتني
وركبّت انا له من التلاهيف كلمه

لهفات قلبي عندها ضيعتني
ثم تهت انا مابين حربه وسلمه

عابر السبيل

[عابر السبيل]

بهّرت انا لك م المعاميل دلّه
ياوي دلّة ماحلا وصفها دلال

تطبخ على جمر الهواجس بمله
ماها من دموع المحاجير زلاّل

وبهارها شوقن بقلبي يعلّه
إقرب تفضل خذ لك اليوم فنجال

عابر السبيل

[عابر السبيل]

ياحي هاك العين يا فهيد حيّاه
وبسمة خجل ومن الحيا تاخذ الروح

ياليت عمري يا رفيقي بلاماه
واخلط لها نوح على الحاني البوح

احتار انا مابين ليمه ولمياه
وهو كما لغزن ولا هوب مشروح

عابر السبيل

[عابر السبيل]

باقي بقايا العطر بآخر رساله
يشبه لذكرى ن دقت ابواب قلبي

م الصاحب اللي شد قلبي وشاله
ولهيت عن قلبي ادوّر ل طبّي

مامع حبيبك يالغلا الا ظلاله
ونار ن على الاضلاع دايم تشبي

ارتاع لا هبت صليفن شماله
وان جاء هواكم قلت ياريح هبّي

أغليك ما اغلى صاحب المال ماله
وكم قلت ياعين الشقا اليوم صبي

عابر السبيل

[عابر السبيل]

يحقد عليك اللي لفظ لك (احبك)
دقق على الكلمة وتعرف حبيبك

بعض السقم ما ينفعه طب طبك
لا صار سقم الحال جابه طبيبك

معقول من حبك بمره يسبك؟
يقطعك يا دنيا (ن) كثيرن غريبك

عابر السبيل

[عابر السبيل]

ياشريد الدرب قل من هلك ؟؟؟؟
تمشي وكنك ماكلن طول السنين

وش هو بزادن مشربك مع ماكلك
ناوي المرواح ياغنا قلبي ل وين؟؟؟

ياضعيفن وسط دربه وش سلك؟
مالقى في الدرب صاحبن له يعين

ياكم حي ن في طريقك قد هلك
تسمع لماضي الوقت من اجله ونين

يايمن الدرب اهذبك انا ام اشملك
امعنك مشي ن ام على الدرب استكين؟

كن الجفا بالدرب ياصاحي ملك
ماشين يسراك مرّات ويمين

ياطاوي الاقفار ودي اسألك ؟
يرحم ابوك وكل من هم حاضرين

لا لفى ليلن بظلماته حلك .
وش يجي بالقلب من وهج الحنين؟؟

عابر السبيل

[عابر السبيل]

يقطفك يا ورد الغلا معجبن فيك
من زود حبك يذبحك واحد اغلاك

وتصير تحفة في جمال الشبابيك
ويغليك ياورد الحلا كل شبّاك

والعالم الله خافقي حيل غاويك
معذور يا قلبن غلا ورده اغواك

تشبه لقافن يسحرني قوافيك
ياكم اجوعك ياحلا الورد واظماك

عابر السبيل

[عابر السبيل]

غنيتني يالحن الاحزان مسحوب
ثم شالني صدك عليها هجيني

او هو بكاني ساعة غيابه غروب
واحيا شديد الشوق صبحن يبيني

او كلهن مع بعضهن حاصل ضروب
مضروبة (ن) اضعافها في سنيني
عابر السبيل

[عابر السبيل]

واحدن دواته بالقوافي وريده
واحدن على شوف المواليف ظامي

يانايحن غنى براس الجريده
كنك تبدد في المظامي عظامي

يامفضفض العبرات وسط القصيده
تمطر لك عيونن بليّا غمامي

نار الصبابه بالهوامل تزيده
ويظهر مع الابيات ما كان كامي

عابر السبيل

[عابر السبيل]

كن الذي قد راح ماهوب عايد
والممكنات اللي غدن مستحيلات

ياهيناتن واصبحن م الكوايد
سهلات كانن واصبحن لي صعيبات

باسبابهن واصبحت زوج القصايد
غريب يطرق لك بيوتن غريبات

صارن لي فراش ن وصارن وسايد
واخذ بهن في ليل الاحزان غفوات

قديمة الابيات صارت جدايد
لا ياقديماتن وصارن جديدات

عابر السبيل

[عابر السبيل]

يوم الهروب اسهل دروب السلامه
اخترت انا الصعبه ويالله على خير

كم ميتن قد مات خوف الملامه
جزر السباع وينهبه قاشع الطير

وكم واحدن موته يجي من كلامه
يذوق من هرجه رهيف ا لبواتير

عابر السبيل

[عابر السبيل]

ياكم اسامح من البهاذيل الجروح
مغفور ذنبك يالجروح القديمة

كم اسطر م القصايد فيك بوح
وعينن على فرقاك دايم كريمة

تالي السفينه في بحارك غدى لوح
مكتوب فيها لي جروحن أليمة

عابر السبيل

[عابر السبيل]

روس النخل تعصف بها هايج الريح
تشبه هنوفن تلفح الشعر امواج

يقوم حظك م البهاذيل وايطيح
لا طالعت رمشن على الخد مغناج

في دربها تلقى صريع المجاريح
ذبح المعنّى حطته مثل منهاج

عابر السبيل

[عابر السبيل]

من وين لك عطرن دفن ريح هالبيت ؟
ومن وين لك نورن طمس لي ظلامي

ياشبه طيفن فتت القلب تفتيت
من عقبكم يازين مادري اش علامي

لا انيب حي م المخاليق والميت
فعلك غريبن لا حلال وحرامي

من شن بقلبي في حراويك مريت
ثم قمت ابلّغ م الشفاقه سلامي

عابر السبيل

[عابر السبيل]

هي كلمة ن طاحت من اشفاف مزيون
اربع حروفن قالها واسحرتني

حتى السراب اصبح له اشكال مع لون
وغروب شمسن في الغروب فتنتني

عابر السبيل

[عابر السبيل]

سلام يا طيفن تجلّى على النور
اللي لها بالغيم بيتن وديرة

نجومن على صدرك كما الدر منثور
يواصل بها الساري بدربك مسيرة

كم ذا بنيته فيي فوادي لك الدور
متخالط الاحساس شره وخيرة

مني هديه طرد شعرن مع ازهور
ومني تحايا ن لك لشوفك وفيره

عابر السبيل

[عابر السبيل]

وقفت اناظر باقي ن من بقاياه
طرحه وعطر وخصله من جديله

وغديت كني شي من عارض اشياه
وقلبن خرشني بالصدر من جفيله

الريح ريحه والجدايل من اتلاه
ومن كان مثلي اه واعزتي له

كم ميتن فيني على الريح محياه
ولاعاد في كفي لقلبي وسيله

شطبت انا اسمي واكتب الدوم باسماه
من فوق جذعن صار مثل الهبيله

اجيه انا باليوم والحلو ماجاه
وحرفن بدمعي كل يومن غسيله


عابر السبيل

[عابر السبيل]

الكل غير وطلتك بينهم غير
ياللي بشاير طلتك حفلة انوار

ماياسعك بالشعر ياصاح تعبير
عجزت تجيبك بالتواصيف الاشعار

مريت ودي بس امسيك بالخير
ماناح في روس المشاجير الاطيار

عابر السبيل

[عابر السبيل]

كم يكرهك من كان يومن يحبك
وكم ذا يحبك من كرهته وتجفاه

وكم تخفي الايام بالوقت طبّك
وكم ناقلن يمشي وداه برداه

عابر السبيل

[عابر السبيل]

كنك رداء الليل يغرق للابحار
نام البحر ياليل من لمسة ايديك

اغمضت ياليل الهوى نور الانوار
كن النجوم الساهر ة لك مماليك

عابر

[عابر السبيل]

الف ن صباح الخير والف ن مسا ن لك
والاف مابين المسا والصباحي

قطر الندى يعشق م الحلايا ل فلّك
وعطر ن طلوع الشمس بالصبح فاحي

اي والله انك باقي ن في محلك
والشوق فيني دايم الدوم صاحي

صرت اقتنع بك والبسيطه وكلك
ياشبه صبح ن في الفيافي وشاحي

لو كنت عميانن ف قلبي يدلك
لو انته اكبر ماجرى من جراحي

هو انت تدري من فرى قلب خلك ؟؟؟؟
في يوم قلبي كاتم السر باحي


عابر السبيل

[عابر السبيل]

بالله قل لي كم تبيع الفناجيل
وانا علي البن والطيب وبهار

والا فعطني من حلى التوت بالميل
من مبسمن نلقى به الثلج والنار

سلام مني يالعيون الذوابيل
عينن بها لي م الاماني والاسرار

عابر السبيل

[عابر السبيل]

جينا على خير ومشينا على الخير
عسى السعاده ياغلاتي نصيبك

وقفت اناظر في سطور الدنانير
واصبحت اناظر م الغرايب غريبك

تبقى بقلبي لك طويل المشاوير
ياليتني بماض ن مضى لي حبيبك

عابر

[عابر السبيل]

وش سوت الايام ياساحر اليوم؟؟
قبل امس كنا ياحبيبي رفاقه

ورثت عقبك لوعة الهجر واهموم
والكل منا صار شوفه شفاقه

شوف الرسايل حط بالقلب معلوم
سلام يا راعي الكفوف الرقاقه

كم مات في ظلمة الحبس مظلوم
وما ساقت الايام بالحبس ساقه

صرت اتسول عقبكم لذة النوم
عقب الهوى جانا من الوقت فاقه

عابر السبيل

[عابر السبيل]

يكون في علم الجفا والتصاديد
بايبس على عود الامل وانطر الغيث

لا صار وادي الحب يجري مخاديد
تشرب له طيورن وتسبح براغيث

لا يومها باصبر واجر التناهيد
واحدث احلامي بغيثك تحاديث

وان مت في غصني ولا لي مواليد
اشعار قلبي كلها لك مواريث

عابر السبيل

[عابر السبيل]

كم واحدن تهواه من غير شوفه
الاذن مثل العين تعشق لها احيان

توسوس سلاسيلن بحالي كفوفه
وخلاخله تعطى مع المشي الحان

عابر السبيل

[عابر السبيل]

رفيف برقن بالمناشي يرفّي
ينماج عن ضوحه بهيم الظلامي

مثل الامل في صاحبن لك يشفّي
يقطع قراريص النوى بالكلامي

ياراعي الاشجان وين متخفّي؟؟؟
جاك السلام ولا ترد السلامي

تفنى المطايا بين حافر وخفّي
ماتت على دربك جياع وظوامي

عابر السبيل

[عابر السبيل]

كني بها في مرقد الليل دافي
غض الانامل تكتب الحس مخلوط

جديلها من فوق الامتان ضافي
قلبي عليها كنه اليوم ممعوط

هافي المخاصر والمراديف وافي
ينزع لها قلبي ولو كان مربوط

عابر السبيل

[عابر السبيل]

قطر الذهب ينقط من اهداب خلي
ويسقا بها وردن على الخد فتّح

ظل الذهب كلل لوردن وفلّي
واصبح على اطرافه من التبر يرشح

بالخير يا تبرن تحدّر يهلّي
ورقيق كف ن من على الخد يمسح

عابر السبيل

[عابر السبيل]

خبت زوايا البيت يانور هالدار
كن مانخلق في بيتنا ضحكة النور

سلام ياللي كنها حفلة انوار
وريحن تزوج وردها ريحة ازهور

كن الفراش يهوجس اليوم بازهار
او هو فراشن بالحلى صار مسحور

عابر السبيل

[عابر السبيل]

ياصاحبي فوق الزهر حط دينار
وانا باغني لك حزينات الابيات

من حلوها تبقى مع الليل سمّار
تفنى الليالي وحلو الابيات حيّات

الشعر والشاعر كما شمعة الدار
يلقى بها الساهر مع الليل لذات

ياشمعة ن ترقص على راسها النار
تحيي ليال الحب وتموت بسكات

عابر السبيل

[عابر السبيل]

هو انت تذكر فارع الطول عابر ؟؟؟؟
الشاعر اللي ساكنن في قصيده

يسكن بجنبه للقوافي محابر
يهوى القوافي والقوافي تريده

كنه غريبن جاك من عهد غابر
رحال وقتن من عهودن بعيده

غريب خلّى في سطوره منابر
كل ما انهدم منبر يعود ويشيده

عابر السبيل

[عابر السبيل]

أسألك يا كاسن بقى فيك باقي
تاليك يشبه لي من الوقت ذكرى

من كنت يا كاس الشقا امس ساقي؟
يوم انت ف يمناه ومره بيسرى

أمس التلاقي وصبح يومك فراقي
ليت التلاقي بالدنانير يشرى

قلم: عابر السبيل

[عابر السبيل]

عهودن نساها الوقت ياحلو الاعيان
وياقن لها في رف قلبي بقايا

يسفى عليها رمل ريحك والازمان
لكن بتالي الليل تحكي حكايا

يجي لها طعمن مع الليل والوان
وتصبح تجرّ لقصتي بك سرايا

مابين مفتونن بحبك وفتّان
ياهي تسوى في فوادي سوايا


عابر السبيل

[عابر السبيل]

كم حافظن للسر والسر باحه
ولا ياسعه ثوبك وضافي ردونك

لا صار قلبك للتلاهيف ساحه
تشبه لنجمن والتلاهيف كونك
عابر السبيل

[عابر السبيل]

يا داري انك منيتي وانت شفي
ياليتني يا ناعم الكف لك شف

اصفق عليك من التحاسير كفي
يا ما صفقت الكف يا صاح بالكف

طاري عليك القلب والرجف دفي
يهواك طاري والحق الدف بالدف

باموت راجي هاملي لك يجفي
كن النظير محرمن دمعه الجف
عابر السبيل

[عابر السبيل]

كل (ن) شرا عطرن على شان عيده
يا ويش عطرن باشتري لاجل عيدي؟

بالخير يا ساكن ديارن بعيده
انته قريبي بس تبقى بعيدي

خليتني حس ن بوسط القصيده
يا كم يبكي لاجل عينك قصيدي

تدمع عيون اللي قرا لي شهيده
والخافق اللي مات لاجل شهيدي

ينقص هناي وشوفتي لك تزيده
وحب العرب ينقص وحبك يزيدي

قديمة جروحي تعانق جديده
ولبست انا جرحن ب عيدي جديدي


عابر السبيل

[عابر السبيل]

يا ذابح الوردة وهي تذرف الطيب
تنثر بقايا العطر في كف ذبّاح

دم الورود بكف ضده مراطيب
وتزهق له انفاسن بها العطر فواح

عابر السبيل

[عابر السبيل]

قبلة فراشة تنسحر في هوى النور
كن الفراشة تعشق الموت بالنار

وانا اكتبك سطرن من الحس منثور
مابين نثر ن واغلب الحين با شعار

سلام ياللي به تلاميح م الحور
مرت ليالي ماسمعنا منكم اخبار

يافتنة الاعيان يا زينة الدور
يهواك منهو يسكن الدار وديار

عابر السبيل

[عابر السبيل]

بيحت يا قلب العنا سد راعيك
وصارت حروفن تلفظ الروح باسطار

واليوم اشوفك بيناتن مواريك
يصهرك من حب المخاليق صهّار

تشبه لشمعة نورت جو ضاويك
تذبل ف ماتمها على فرح سمار

عابر السبيل

[عابر السبيل]

ياحلو ياللي بالضماير توسّط
متى على الله لوعتي بك تكفّي

ياجاعلن دنياي شيلن على حط
ودي عيوني م الغثا بك تجفي

الموت يوم إنك تمشى على شط
تمش وكفك يمسكه غير كفي

حسيت قلبي م الضماير تمعّط
والخافق اللي صوبكم مستشفي

هامت حروفي م العمى لك تخبّط
والخافق اللي كن وده يستخفّي

كني على درب الحزن ماسك ن خط
ودنيا بمثلي دايمن بي تلفّي

عابر السبيل

[عابر السبيل]

امسي معك حي ن ويومي معك ميت
والميت يا خلي عدته الملامه

وش فيك ياحي ن تغذّى على ليت
ياعاشقن كف ن زهى حلو شامه

مفضوح سري لو بالابيات خبّيت
قصة فوادن سامه البعد سامه

مكتوب لم الشمل ياتيه تشتيت
وعامر فوادن صار عقبك هدامه

عابر السبيل

[عابر السبيل]

وقفت انا للحزن يومن دعاني
واخذت انا واياه بالدرب صورة

وين انت ياغلى هدايا زماني
يامحدثن م الشوق بالقلب ثوره

كم يحرم الانسان بعض الاماني
لادارت الايام بالعمر دوره

عابر السبيل

[عابر السبيل]

تبقى جميلن بين الصبايا وفتّان
ياسارقن يغليك منهو سرقته

الله يا نص ن كتبته بالافنان
مذكور بالخيرات حرفن كتبته

عابر السبيل

[عابر السبيل]

ينشدني اللي شافني فارغ الجوف
لاتنشد المحزون مافيه كافيه

سنين مرّت شاقي ن فيك مكلوف
قلبي شقوقن ضحك الاحلام ترفيه

نظرات ساهم من بلاويك مصروف
وكم يخذل المصروف نفحات راقيه

عابر السبيل

[عابر السبيل]

ينشدني اللي شافني فارغ الجوف
لاتنشد المحزون مافيه كافيه

سنين مرّت شاقي ن فيك مكلوف
قلبي شقوقن ضحك الاحلام ترفيه

نظرات ساهم من بلاويك مصروف
وكم يخذل المصروف نفحات راقيه

عابر السبيل

[عابر السبيل]

عسى زمانن رحل بك يجيبك
والا يوديني على اعتاب بابك

كم انتهي بك عندما ابتدي بك
وطردت في دربي لوامع سرابك

عابر السبيل

[عابر السبيل]

كم ذا يبيعك من تمنيت يشريك
وكم يشتريك اللي نويته تبيعه

وكم ذا جميلن مات من شان يحييك
وتعيش عقبه يالضنا والفجيعة

عابر السبيل

[عابر السبيل]

اللي يوافي بالمودات وافه
ومن جنّبك خله ولو زعلت امك

لا خير في ودن يجي بالكلافه
تدفع ظما قلبك ولا هوب يمك


عابر السبيل

[عابر السبيل]

المستعان الله يا نحيّل العود
شكلي خسرتك والخلايف على الله

بغيتها جودن ولا حزت انا جود
وكم واحدن يبغي الغلا ماحصل له

عابر السبيل

[عابر السبيل]

نسيت ا نا وش لون شكل الوسايد
اقفر بها عهدن تولى له اعوام

لو ما انت غالي ما طرقت القصايد
واحفيت في سطري عشانك لي اقلام

عابر السبيل

[عابر السبيل]

مره في مقهى مفتوح في خارج المملكةرأيت رجلا عجوز يمشي بين الطاولات ويبيع الورد وكان وردا جميلا جدا فكانت الفتيات تهافت عليه وتشتري منه وكان بالكاد ان يلتفت فقد كان محدب الظهر طاعنا في السن عليه علامات البؤس والعوز ,وكان الشبان يشترون منه لفتياتهم والفتيات لفتيانهن ,جال في فكري هل اشترى هذا العجوز يوما ورد لمحبته او لمن احب ؟ ياللزمان من شئ غريب من يدري فقد يكون اشترى وردا وهو شاب واليوم يبيعه وهو عجوز
هنا طرت لي هذه الابيات ادعكم واياها بدينار من حس .
يبيع ورد ومحدبن كنه القوس
وحلو الصبايا تشتري منه ورده

يا صاحبي فعل الزمن كنه الموس
الفعل فعله و المواضي بحده

انشدك يا عودن جلس جنب طاووس
تاخذ من وردك بكفن تمده

دنياك يا عود الشق كلها حوس
ما خذت م لدنيا لزومن ترده

و اليوم اشوفك محدبن كنك القوس
و حلو الصبايا تشتري منك ورده

عابر السبيل

[عابر السبيل]

خفيف ظل ن كنه الريش سيّار
تتل ردنن م الحلا يسلب الناس

مثل الفراشة لابغت حلو الازهار
رفيفها يجلب مع الصحوة انعاس

من شانها حسي مع القاف دينار
دينار يرجح في الموازين بالماس

عابر السبيل

[عابر السبيل]

انت الذي صكيت لي باب الاشواق
وقطعت حبل ن م الرجاء كان بيدي

وباقي بقايا حس في صفح الاوراق
اجول فيها الشوف مره واعيدي

صارت كما شمس ن على قبر الاشفاق
اضفى عليها الليل وعد ووعيدي

لمح التذكر شابهه لمع برّاق
برق ن يلوع لداميات الوريدي

عابر السبيل

[عابر السبيل]

دارت بنا الايام حولن على حول
بالعام صوم ومثله اليوم صوم

دنيا ن تزف الهول ياصاح بالهول
طبايع الدنيا على دايم الدوم

كم صايمن بالعام ماداله الدول
العام حي وحاضر اليوم مرحوم

حنا كماسربن م الاطيار له جول
يجتال في جو السماء يدرج الحوم

سهوم المنايا تلحق الفعل بالقول
كم واحدن غصنه من الموت مصروم

عابر السبيل

[عابر السبيل]

لاعاد تكثر يارفيقي مشاريه
مافيه من يسوى الحسايف ومشروه

عودت نفسك في دروب المكاريه
افطرت مكروه وتعشيت مكروه

امنولن تسعد على ذكر طاريه
واليوم تعسك ليا هم بالسواليف طروه

بالخير ياللي عاتم الليل ساريه
ماظنهم ليلك على الدرب يسروه

اول حرف الغلا في العشم به وقاريه
ولا عاد لك حرفن على السطر يقروه

صارت يبابن ما بقا الا مواريه
يذكر لبابك من تعداك مرّوه

كن انتهى بك م الحراوي حراويه
مثل القمر بالصبح ما قد تحروه

كم ذا يبيعك واحدن كنت شاريه
وغيرك مع العذروب بالعرض يشروه

لا تامل ان الريح تلفح ذواريه
مثلك هباء ن بالذواري ويذروه

لاخير في خل ن يبين زواريه
ومثلك حشيمن والغريبات يزروه

مسير حالك بالسواليف تدريه
ومها تخفّي فالمخاليق يدروه

عابر السبيل

[عابر السبيل]

على طويل الدرب يا مبعد الشوح
خل الهزيله للوجيه الهزيلة

عينك على نجمن مع الليل له لوح
مصباح ليلن ما بغا له فتيله

من بعد زوله يلحق الضوح بالضوح
يشبه لقلبن بين الاضلاع جفيله

كم يبتسم في بعض الاحيان مجروح
لا صار ماله في التهاميم حيله

واليا ضفا ليله خلط بوحه النوح
ياكم بيتن في الليالي يشيله

عابر السبيل

[عابر السبيل]

ياقلب وش ظنك بمن هويته؟؟؟
ودي تفكر في صروف المخاليق

كم تكتب اللي كان يومن محيته
اللي يحدك في الليالي على الضيق

سلام يا بيتن تعبت وبنيته
صرته كما شملن تعرض لتفريق

اخر ليال الشر معهم حييته
وودع لهم ن طوق القلب تطويق

عابر السبيل

[عابر السبيل]

على جناح اللحن شلني اغاني
وشنف مسامع هالجبل تالي الليل

اصبحت عقبك نبع يزخر اماني
نبعن حياته يارفيقي مواويل

إن هب شام الريح والا اليماني
اصبح خيالن حطه الريح ويشيل

كم ذا ضحكني فيك يومن بكاني
دموعن ورثها لك رهيف المناديل

حطيت في عيني بحزنك سواني
وكم بعت دمعي لاجل عينك فناجيل

ليته زواك اللي بعصري زواني
وكم للدهر يا صاحب الوزن من كيل ؟؟؟

عابر السبيل

[عابر السبيل]

ذكرى ن تزن بخاطري كل ليلة
ضيفن على الحاضر يجي ماضي احساس

بعيد لكن خافقي له دليله
احيان همس وبعض الاحيان وسواس

ياشيخ عيني من حزونك كليله
ياكل بصدري حامي النهت انفاس

المستعان الله راعي الجديله
حرير موجن كنه الخز واللاس

عابر السبيل

[عابر السبيل]

يازحمة همومي عطي الدرب لانفاس
ودي معا هالضيق في تل ونّه

ونة عليلن قد شكا م الدهر باس
ونّات قلبه مثل فرض ن وسنّه

الله يا دمعن كما فصد الالماس
وقلبن كما طارن بكف ن يدنه

زينك كما تاج ن شعاعه على الراس
تعطي جمالك زود من غير منّه

يفداك من يمشي على القاع م الناس
يحل في حلك على الارض جنه

عابر السبيل

[عابر السبيل]

يا عين كفي هاملك واستريني






يا شينها لاصرت سر(ن) ومفضوح


عبره تمر وعبرة(ن) تحتريني






تشبه لثوب (ن) بين الاردان مشروح


يا بايعي وظنيت انا تشتريني






وامشي على دربك ولا ماش مصلوح


اظماك انا يا صاحبن ترتويني






وحظي معك ما بين نوحن معا بوح


لي لوعة (ن) من هجركم تعتريني






مثيل ضو(ن) تعتري يابس اللوح


عابر السبيل

[عابر السبيل]

يمكن يجي يومن تدوّر رفيقك
وتلقى مكانه خالي ن م الملامح

تحتار من واسعن صار ضيقك
ويفجعك شوق بين الاضلاع جامح

فاتت عليك من الوسيعة طريقك
ووقت توده صلح قلب و تسامح

تفيق في ساعة ن ما تفيقك
ساعات فيها ما تطول المطامح

عابر

[عابر السبيل]

سلام يا بيتن من الحي خالي
سلام لو ما انته ترد السلامي

اجيك ادّور م السنين الخوالي
ولا تسألي يادار وش هو علامي ؟

انا سؤالك ثم انتي سؤالي
وانا نهارك يومي صرتي ظلامي

ياكم اصفف في وجارك دلالي
وكم هاضني بك من لحون الحمامي

لك منزل في خافقي حيل عالي
وياكم اجمع لاجل عينك كلامي

عصف الجنوب اللي تشابه شمالي
تلعب على الابواب من كم عامي

وحشة ظلامك تختفي به جمالي
وكم تطمس القمرا فلول الغمامي

تبقين نقصن مالقى للكمالي
عقب الذي عينه في لحظها سهامي

عابر السبيل

[عابر السبيل]

يافلان خل السر في القبر مدفون
وانا على اسرارك من القلب اعزيك

ياقلب ياللي لاعبك حد مسنون
ونفس الكلام اللي يجيبك يوديك

مادري هبيل الوقت ولا انت مجنون
متحيرن من بين بايع وشاريك

ياعاشق الاصباح بالصبح مفتون
واليوم اشوفك تنفتن من غداريك

من بين كل اللي يجون ويروحون
الله بلاك ب واحدن هو عزاريك

عابر السبيل

[عابر السبيل]

كم تطفي اطيافك على شان طيفك
وتسكر الشباك وتغمض عيونك

وتقول يا طيفن شقاني حفيفك
مصحوب خير ودوّر اللي يبونك

ثم يختلط بردك معا حر صيفك
وتحفر وتدفن في المقابر شجونك

ياكم ضحّى م الموالف وليفك
واليوم دورك تشتبك مع جنونك

يادهر تاكلنا على كيف كيفك
تخوننا ولا شفت انا من يخونك

عابر السبيل

[عابر السبيل]

بهّرت انا لك م الاحاسيس دلّه
أقرب وجرب ياحلا الكون فنجال

ياصاحبي همك جلسنا ب ظله
من كبر همك يارفيقي له اظلال

ادريي بصدرك مستديرات علّه
واهدي لك السلوى ولقلبك وتعلال

ياعطيك دربن بس ليتك تدله
نبع التسلى في تواليه منهال

الخير ودي لك بدقه وجله
يجرح لقلبي دمعة ن منك تنهال

هي عادة الدنيا تسوق المذله
مقسومة ن مابين بنت ن ورجّال

عابر السبيل

[عابر السبيل]

سيري على مرهوص الاقدام سيري
فوق الوعر وامشي على شايك الشوك

يانفس ياللي حار فيك اتعبيري
ممشاك ب احوك ن على حامي احّوك

امشي وادوّر فوق الاغصان طيري
وقلبي عليه ب قاسي الصخر مفروك

اشر حب ن صار حب الضريري
يضحك عليك اللي مع الدرب مرّوك

عابر السبيل

[عابر السبيل]

ياطول هالشارع ويا قل ماشيه
تسهر مصابيحه معه كل ليلة

الناس نامت وانا من صواحيه
وكل ن يعاتب بالمصدّه خليله

احيان يلقى هامل القلب ماضيه
واحيان بيته في الشوارع يشيله

واحيان يبكي من زمانه خواليه
وعصرن تولّى مايجي فيه حيله

ياكم افل القلب حيران واطويه
باق ن بقلبي لك م اللواعج فتيله

يموت بعض الليل والموت نحيي
والتايه اللي ضاع لاجلك دليله

خيم ظلامك والمصابيح تتضويه
وترعاه عينن م السهر له كليله

ضاعت خطاوي الليل من رجل ماشيه
ولا لي على لاماك فرد الوسيله

الله ياللي اضحكه ثم ن ابكيه
ماعن في بالك رفيقن تجي له

لو انت بيتن راح عمري واغنيه
ولو انت حرفي صار سطري خميلة

كم افقدك لا من عطى الليل تاليه
ويجلب علي الهم رجله وخيله

يكتب فوادي والاحاسيس تمليه
حرفن واطفي م اللواهب مليله

الله ياخدن لادن الطل يسقيه
وعينن هدبها فوقهنه ظليله

لو هو يجي بالسوق والله لاشريه
يدفع بها المفتون جل الحصيله

مير البلاء ماعاد ندري باراضيه
وديارها وشم ن والهبايب تشيله

رسوم المباني حرف والذواري بتمحيه
تشيلها هب الهبوب ب شليله

يدمدم لها رعدن والمسايل جواريه
وريح الندى بن ن تنفس ب هيله

بعض المباني شاهدات ن سواريه
تحكي زمانن ما جرى لي مثيله

عابر السبيل

[عابر السبيل]

نصف القمر بالبيت ونصفن على الباب
قسمت نورك ياغلا الكون نصفين

وطرف البنان اللي سلب مني ألباب
اخفى اليسار وبان منه الميامين

بابن لغاوي القلب يشبه لمحراب
محراب ما يمم تجاهه مصلين

ياكستناء اللون من تحت جلباب
اسألك انا ياكيف تجمع للونين

طيور الهوى عندك تخلت عن اسراب
خلو لي الهجرة وصاروا مقيمين

خليت عيني لك على الخد ميزاب
للدمع ياحلو اللما فيه دربين

انا معك حرفن يعيشك بلا كتاب
مناه يومن سطر وسط الدواوين


عابر السبيل

[عابر السبيل]

قالت من انت ؟وقلت ضيفن على الباب
جاه الظلام ولا لقى له معازيب

انا بان طلبته حبة ن قال ما اناب
وانا ان طلبته ضمة ن قال ما انيب

ونجلن اليا لجلج بها عذب الانياب
اصبح كما جني تواجه مع الذيب

[عابر السبيل]

راحت سواليفي معك مثل تذكار
وكم ذا ذبحني التذكر لماضيك

الله ياللي كنها ريح الازهار
تفرح نسيم الصبح لعاطر شواذيك

ياصاح ياللي كنها حفلة انوار
يهرب ظلام الليل حضرة خطاويك

كم يمشي المفتون بالعمر مشوار
وكم ذا يشيله للهوى لك طواريك

يمكن يجي يومن يجي الدار زوّار
يازاير الاحباب من هو يحييك ؟

عابر السبيل

[عابر السبيل]

شرب ن على غير ا لظما به مغثة
ونومن على نومن شقا كل محتار

يمضي شبابه مثل لوحن وعثه
الزول زوله واللبب منه منهار

سلام ياللي له جديل وكثه
تاخذ بها الارياح روحه ومشوار

روحي سببها م التهاميم رثه
والصدر به نارن تسولف على نار

عابر السبيل

[عابر السبيل]

اليوم نور الصبح من خد خلي
هالة خجل في وسطها شارق الشمس

فقدت من نوره خيالي وظلي
واحس نوره شوف او المسه لمس

قام يتفتّق وسط الاكمام فلّي
وريح الصبا تهمس على مسمعي همس

لا يابعد عيني وياكل من لي
صاحت لك اشجانن شكت حامي الحمس

عابر السبيل

[عابر السبيل]

يموت صوتي ماوصل لك ولا الشوف
يا انته قريب وابعد الناس مني

عن غير شخصك عامي الشوف مكفوف
بالوصف كني عاشق ن زول جني

اقطع عليك الهجس طوفن على طوف
وابكي ومثلك يارفيقي يغنّي

ياشيت قلبي عن غلا الغير مصروف
وانت الذي لي في الهواجس تعنّي

كني معك حرفن من السطر محذوف
حرفن لباقي السطر يبكي ويحنّي

طويل ظلك مع صلا النار محفوف
كني معك فوق الهماليل كنّي

عابر السبيل

[عابر السبيل]

صارت كما حلمن صحى منه راعيه
ومن الحسايف تنثر الدمع عينه

يازين حلمن راح وياحلو طاريه
وفي عالم الواقع تلاشت سنينه

طويل ظلك يلحقه لي مشاريه
وكم اتلفّت الحق الحلم وينه

الله يابحرن غدت لي موانيه
وابي المدينه بس مامن مدينه

عابر السبيل

[عابر السبيل]

خلف الشفق يا صاحبي مدفن اشواق
لاغاب شمسه ينتهي موت شوفي

تحيا لي اشوقن معا موت الاشراق
وتموت في وقت الاصباح الشروقي

وقلبن من السكرات ياصاح مافاق
ولا به رجاء انه م الصباية يفوقي

احس حبه بين الانواط ينساق
الله يا حب ن بجوفي يسوقي

كم امضي الاوقات واجم مع اطراق
وكم ذا يضيع بدرب حبك طروقي

عابر السبيل

[عابر السبيل]

انشدك يا ظل ن على القاع باقي
ياطويل الظل مين انت ظله ؟؟

ينعاج ظلك في حدود السواقي
وينبت على ظلك من العطر فّله

مشيت لك من نازح الدار شاقي
وجمعت لك من زهر الاشواق سلّه

الله ياراع الخدود النواقي
كنك صباح الخير في ساع طلّه

عابر السبيل

[عابر السبيل]

تهيج بي ذكراك مع لحن الاوتار
او نفحة من عطر او ريحة الجو

كم يعتصرني عبرة منك بازفار
مقسوم قبلي بين ليتي معا لو

كن الزمن يرمي على القصة غبار
وتشب في قلبي من الشوق لك ضو

كم من مكان وصلته ضرب مشوار
ذكرى مكانن به زمانن تلاقو

عابر السبيل

[عابر السبيل]

ما ابيك تذكر وش جرى ماضي ن راح
ماصار صار ولا مع الوقت حيله

مسيرها عطرن مع الشوق فواح
او سحر بيتن يعجب الروح شيله

يسيح دمعن بعض الاحيان سوّاح
مع كثرها ياحلو يا هي قليله

صارت كما مزن ن نثر ماه وانزاح
بروقه بوسط الغيم صارت فتيله

خابر ك من بين الجميلات لمّاح
ياللي مع الحلوات مثلك فضيله

عابر السبيل

[عابر السبيل]

كم يقتسمني تالي الليل طاريك
واطرق لك المسمع ولا اوحيت لك صوت

ليل الشقا ياكم تجيني مساريك
ومسراك ياليل الالم كنه الموت

كم جيت ماشي واتلمّس حراويك
لو كان حبل الوصل ياحلو مبتوت

شي ن يصير اليا لفتني طواريك
اطرق لك المسمع ولا اوحيت لك صوت

عابر سبيل

[عابر السبيل]

مسيك بالخيرات يا تحفة الليل
خيرن مساك وخير مثله صباحك

من بينهن ياصاحبي مثل قنديل
حطيت نورك يا رفيقي وشاحك

عابر السبيل

[عابر السبيل]

تدوي بي الالحان في عالمن غير
فيه الصدى بعضن من ايام حبك

رنين يشبه في فوادي دنانير
لو كان ماباقي الا قليلك وصبك

اتوه بك ما بين ركم الدياجير
عليل وانشد م المداوين طبك

اجمّع النغمات وادفع فواتير
ياليت ما بالقلب يصبح ب قلبك

عابر السبيل

[عابر السبيل]

ياهل ترى مروا عليك المسايير
بيومن وانا عن موعد الحب غايب

عرفت عقبك دلجة السير بالسير
لو كان قلبي من غثا الغير طايب

مريت ودي شم بعض المزاهير
زهرن عطوره يشتريها الحبايب

في عالم الاحباب لحني تواتير
شبابها احيان م الصد شايب

عابر السبيل

[عابر السبيل]

هو انت تذكر فارع الطول عابر ؟
مسك الاديم اللي سكن لك قصيده

عيونه مع الابيات تصبح محابر
بيته مع الحلوات قصر ن يشيده

خيال شاعر من زمان الغوابر
تغنيه قمري ن براس الجريده

عابر السبيل

[عابر السبيل]

الله يا ردنن قصيرن على الزين
تلوحه الارياح مره وترخيه

ينثر جماله من يسار وميامين
ياخذ جماله من فوادي ويعطيه

اليا عبر قلبي ب كف الشياطين
وانا كما حرفن بسطرك تخطيه

الله ياجامع قاسي الطبع واللين
راح العمر ما بين يمكن وبلكيه

عابر السبيل

[عابر السبيل]

ياحلو وادعني ترا الربع ماشين
مقسوم انا مابين شوفك وفرقاك

على المدينه ماشي الربع ناوين
وجدي على شوفك ووجدي بلاماك

مضى على شوفك من العمر عامين
واكتب على دربي من الشوق اسماك

الليل عقبك في ظلامه ظلامين
واموتك احيانن مع الليل واحياك

عابر السبيل

[عابر السبيل]

يسلم اللي كلما قلت لبيه
تقول يا محمد تلبي ب مكه

لبيك يا حلو الللما والف شبيه
عرفت عقبك م القسا الف سكه

عابر السبيل

[عابر السبيل]

ألف ن صباح الخير والف ن مسا ن لك
والاف ما بين المسا والصباحي

عابر السبيل

[عابر السبيل]

عطني سهر عينك وتصبح على خير
خل السهر لي وانت نوم العوافي

عابر

[عابر السبيل]

إسهر لحالك يا حبيب القوافي
واخطب تزوج م القوافي حليله

في مرقد الابيات ضافي ودافي
وان طال ليلك فالقوافي طويله

ابوح فيها لاعج ن كان خافي
اما يجيك الشوق والا تجي له

عابر السبيل

[بابلي الهوى]

39922

[عابر السبيل]

صفحات ماضي في دفاتر سنيني
واصير تذكارن ينادي ل تذكار

واعيش زيني بالليالي وشيني
يمرني عمري على شكل اسطار

ياعابر التذكار رمح الرديني
وش عاد باقي بالليالي م الاسرار ؟؟

ياليت منهو باعني يشتريني
واعطيه من صرف المشاعر ب دينار

ياحلوة الاعيان هل تذكريني
فريد قلبن يشتهر بين الاشعار

ياعين كفّي دمعتك واستريني
واخذي معي في ماضي العمر مشوار

لاتفضحي وينباح منّك كنيني
مادامنا زوّار نقطف لنا ازهار

عشقت انا الانوار بعز ن يهيني
واليوم مابه في المصابيح انوار

طالعت يسرى الجنب واخرى يميني
فاضي اليمين ومثله اليوم ب ايسار

الله وكيلك صار ضيفي حنيني
ولا عاد جانا ياحلا منكم اخبار

عابر السبيل

[عابر السبيل]

كنه يطّير من فوادي عصافير
جنحانها تضرب على مش جوفي

لا يا نياط القلب زفي تعابير
وياعين كفي م النظر لا تشوفي

مشكاي لله يا جميل الغنادير
اهريت قطن القلب واهريت صوفي

كم فيي لحون الليل لاجلك تواتير
وكم تضرب الحسرات منها كفوفي

كتبت لاجلك م المثايل دنانير
فيها رقيق الحس ياخذ ويوفي

بالله قل لي في المدينه غنادير
من بينهن يا صاحب الحب سوفي

ياما كتبت القاف لاجله تساطير
في ليلة ن فيها الصبابة تحوفي

تشبه لنجم ن ضاح بالليل تنوير
نجوم المجره من وراها صفوفي

عابر السبيل

[عابر السبيل]

يادروب الحب قل من هلك
ومنهم اللي بالمقابر ساكنين

كم اسيرن فيك من اول ملك
وكم يعز الوقت حينن ثم يهين

ويش تعداد النجم في مدارك يافلك؟
وكم نجومن في مدارك تايهين

وقفت حاير بس ودي اسألك
دروب المحبه ياغلا تودي لوين؟

يارث الانوار ليلن به حلك
كن نور العمر تاكله السنين

عابر السبيل

[عابر السبيل]

على خرير الماي حفلة عصافير
وتايه سحابن تخدعه هبة الريح

وفراش ياللي تلثم الزهر واتطير
الجو كله ياحلى العمر تسبيح

وانا على الاسطار واكتب تعابير
وعيني على غصنن تهزه ملافيح

وقلبي على لحنن يهل المعابير
ودمعن على خدن جرى له تسافيح

ياحظ طيرن لاعب الجو تشهير
يقبل على عيني مع الجو وايشيح

يجهش فوادي كن وسطه مزامير
ويصبح خيالي واسع ن فيه تفسيح

عابر السبيل

[عابر السبيل]

ياساحر البسمه بالله قل لي
منهو زرع خدك بوردن وعنّاب؟

من حط جوري الورد في جنب فلي ؟
ووش سر وجهن عليه الحلا ذاب ؟

ليش انته اسبابن لرحلي وحلي ؟
ليش انته اسبابي ووش هن الاسباب

اسكنتي يا صاحبي وسط ظلي
وغديت من حر الصبابات محراب

عابر السبيل

[عابر السبيل]

لعلع حمام الغصن بالغصن طربان
ومن حولها منهو بصوته يطاربها

وانا فوادي بين مخلب وجنحان
وعينن على خدي تبدد سواربها

يبيعني لحنن وابيعه بالالحان
الين شمس اليوم تاصل لمغربها

لا لا جراك الله مني بالاحسان
عيني من اسبابك منامي محاربها

كن اللحن ياشادي الطير بالوان
شنفت اذني وطاب لاجلك مشاربها

عابر السبيل