فضفضات زجلية [الأرشيف] - منتديات شقاوي التجريبية

white wizard

09-03-2021, 05:41 PM

عمر الضعف ما كان قوة

الضعف دايما

ضعف

احلم وان كترت احلامك

شيل عن حدودها

السقف

لو همك لعب معاك الفار

أوعى تكون له

القط

يحلى كلامك لو خرج من جوه

ولو وسعت الهوة

نُط

متعيش حياتك على حرف

كل القصور اللي بنيتها

ف خيالك جيالك حتى

لو حصيرة لف

وخيوط النور اللي زحفت

على ضلامك بقيالك

افرد لها الكف

الطمع ف العشق

مش عيب

ونصيبك ف علم الغيب

واللي ابتدع من روحه كلام

لا يلام

حتى لو خرج بره الصف

white wizard

09-03-2021, 06:29 PM

قولي فقط أنكِ لا تحبيني

دعي لي كرامتي حين تقتليني

لا تقلقي فلن تفزعي

فما بقيت دماءٌ لتُنزف من شراييني

لن أتوسل منكِ رحمةً

إذا ما اعتلت ساقكِ لجبيني

فقط أخبريني...

لما أنا ؟؟؟

فقد كنتُ لكِ بستان عشق

وكنتِ أنتِ رياحيني

لقد نقشتُ حروف إسمك

بين أضلعي ..

أعطيتكِ صكاً لتملُكيني

لما أنا ؟؟!

فقط أخبريني

أُناشدكِ بخوفي عليكِ

بحرفي الذي تغنى بحبك

بعزفي بين يديكِ وترنيمي

لا ترحلي هكذا وتتركيني

لا تلجمي قلبي جمرا

أقطعي شكي في هواكِ بيقيني

قولي فقط أنك تحبيني . ...

من كتاباتي الضائعة 😢

white wizard

09-05-2021, 08:19 AM

طيب امبارح كانت تجربة حلوه بصراحة

طبعا انا بقالي كتير جدا مكتبتش ، ف طبعا استاذة ندى هانم قدرت تستفزني اني اشارك في مساجلة مع صاحبة القلم الجميل قرينة القلب اللي كمان قدرت تستفزني اكتر اني اكتب وبزخم كمان ، وكانت أمسية لطيفة بصراحة

المهم انا قلت احتفظ باللي كتبته فى المساجلة هنا ف مدونتي ، اخيرا ، سهل أن انت تكتب وتجيب تراكيب و......... الخ ، بس صعب انك تكون مختلف عندك حرف مميز لو حد قرأه ف اي مكان وزمان يعرفه ...

white wizard

09-05-2021, 08:21 AM

دعوةٌ للوصلِ
من خمرية الوجه
تشربت من النيل ملامحها
اذا بدت توارت خجلا
شمس الاصيل
احببتها وقتلني حرفا تنظمه
تركني ثملا
امشي كالمحتضر
وظلي قتيل ...

white wizard

09-05-2021, 08:24 AM

أُعلنها !
حُبّكِ يا زهرتي تجاوز حدود المنطق
يسبح بداخلي
ك طفلٍ لا يجيد العوْم
ك يائسٍ
يهرب من صخب الحياةِ
إلى سكونِ النوم
ك صعلوكٍ ينعزل عن رفقة النواصي
ليجالس كُبراء القوم
ك هجمة قطٍ على أسدٍ كسيحٍ
أعيته كثرة اللوم
ك درويش أبق من زُهدهِ
فغرق في ملذاته طيلة اليوم

white wizard

09-06-2021, 08:14 AM

حورية من شاطئ بحر

اجتاحت قلبي بالسحر

ريحها مِسك وريحان

والقد من غصنِ البان

والخدُ شقائق نعمان

وشفاهٌ لون الرُمان

لو ترضى ف حياتي المهر

white wizard

09-06-2021, 08:56 AM

كان فيه مسرحية قديمة كان فيها سعيد صالح لسه وجه جديد كان طالع مع عبد المنعم مدبولي قال جملة شهيرة تسببت في شهرته وهي أنه لابس شراب استك منه فيه 😅 لان كان زمان الشراب بيتعمل بدون استك ويتلبس عليه من فوق استك ما علينا طبعا مش دي قصتنا ،

كان بيقول ايه بقى سعيد صالح عن الأستك بتاع الشراب " أشده ويلسعني أشده ويلسعني " ف سأله مدبولي .. طيب وليه تشده ، قاله علشان يلسعني 😂😂

بالرغم أن دي قفشة كوميديه لكن دا فعلا حقيقي أحيانا احنا بنستعذب وجع معين لدرجة أنه يصير إدمان

تلاقينا نجري نحب واحنا عارفين اننا بنسبة كبيرة جدا هنتوجع لكن خلاص الوجع دا بقى زي افيون القلوب

وييجي واحد افندي حلو كدا يقولك هتحب ليه اصلا ... علشان يلسعني 🤣🤣🤣🤣

white wizard

09-06-2021, 09:39 AM

4820

عصفورٌ صغير
صغيرُ الجناح
يقومُ في سرورٍ
في اولِ الصباح
يرفرف في سماه
ويشكرُ الاله
يغدو الى الحقول
من عدسٍ و فول
يداعبُ الزهور
ويجمعُ البزور
في عُشٍ صغير
ينامُ في سرير
في عُشه امير
بريشه الحرير
وفي يومٍ حزين
بحادثٍ اليم
وقع على التراب
بأحلامٍ سراب
يئنُ ف الصياح
مكسورُ الجناح
بألمٍ مهول
ينظرُ في زهول
واكثرُ الهموم
قطٌ يزوم
يختالُ في غرور
ويضمرُ الشرور
فجاءه اليقين
بمصيرِهِ الاليم
فأغمض العيون
واسدل الجفون
فهو لم ينسى كونه
عصفورٌ صغير

السااااحر

white wizard

09-06-2021, 09:07 PM

مجنون لو اقولك
تعشقي
ولد شقي
بيفتح قلبه
لاجل انك
ترشقي

white wizard

09-08-2021, 10:47 PM

5306

وتحملُ شفاهً

صغارا غلاظ

. توزع شوقاً

يعلو السديم

شفاهٌ بلونِ

الوردِ البهيج

تُزفرُ ناراً

تُلهب بوقع

السوطُ الاليمْ

وخدٌ كصفحة

الماء العذب

شديدُ الرَوَاق

من شدة صفاه

يكاد يبينْ

طويل اسيل

حلو المزاق

كأنه الشهد

او خمر مُعتّق

طوته السنين

وجيد طويلٌ

شديد البياض

حرير الملمس

محلي بعقد

الدر الثمين

ضممتها حتي

كادت تموت

لاشفي في نفسي

شوقٍ دفين

وان ارسلتها

لهيبٌ في جسدي

وأسأل نفسي

الا تشبعين!!!!

white wizard

09-19-2021, 11:10 PM

7256

وعاوزك تكون إلي وحدي

احس بدفا انفاسك

بتدَوِب جليد خدي

تكون فارس مواويلي

وف عز العتمه أنديلي (قانديلي)

ولما ابكي تكون

يا حبيبي منديلي

ولو أعطش شفافك

تكون نيلي

ووقت الحزن تغنيلي

تكون صبحي تكون ليلي

ولو مال عليا الكون

تكوني كتفي وما تميلي

white wizard

09-24-2021, 07:29 PM

ولسه يا حبيبتي بتسألي

دا انا كونك وبراحو

شوفي كام نبضة

سابت قلبي

ولحد قلبك راحو

وف عز ليلي

شايلك حضن

سهد وسهر

فوق الرموش

ما ارتاحو

انا كونك

وفاتح ببان الهمس

مجذوب من الف امس

مستني شوفتك

زي نبتة زرع

تترجى قرار الشمس

تحن ع الضيا

وتطلق سراحه

الساحر

white wizard

10-25-2021, 05:53 PM

بين ضجيج الآلات اجد نفسي بعيدا عن عالمكم، أعيش مع ذاتي المبعثرة، يستوي نبضي مع تواشيح العارفين، أستقطبُ مقاما موسيقيا أستدركُ من خلاله ما تبقى من إنسانٍ قديمٍ ارتبكت فيه أشجانا بهيجة، نعم للشجن بهجة لا يدركها _ سوى _ قياصرة الحِسّ.. لا يدركها _ سوى _ الذين يقتطفون سحاباتٍ طيبة يُظلّون بها العاشقين الثكالي، بين حائطيْن أحاول أنْ أفرّ من سطوة ذكرياتك المميتة، أحاول ألا أفكّر فيما سيأتي به الغدْ، أحاولُ أنْ أكون حياديا مع جميع الأحداث في زمنٍ رتيب "!

white wizard

10-25-2021, 06:20 PM

لا شئ يوجعنى
يا صديقتى
- سوى -
ذاك الرجل الساكن بين أنحائى
ذاك الرجل الذى
يحيى دائما من اجل الآخرين
يتأبط في رحلته الطويلة
بين جناحيه
نغم اغنية اه يا اسمراني اللون
وبعض الحنين -
ممزقٌ بين بين
ك مقترضٍ لما افنى ماله
جاء وقت الدين
رجلٌ يحمل بيده اليمنى
طرف جلبابه المتسع
ويعلق على كتفه الفأس-
ويحمل بيده اليسرى
( جاكت بذلته ) الأرستقراطية
والسيجار والكأس !

white wizard

10-25-2021, 06:27 PM

لن اهرب مطلقاً ، ف أنا اعلم جيدا ان الهروب لم يكن يوما هو الحل الناجز ،

فقط سوف يتلاشى ذلك الشخص بكل تعقيداته وستبقى فقط ودائما فلسفة الساحر

ياكش تولع

white wizard

11-19-2021, 12:20 AM

يا ضحكة هربت للقلب
والضلوع متاريس
ملاك اتولد
على ايدين إبليس ..
يا أرض يا شراقى
مرهون ضحك السواقى
على بُكا القواديس .
هي فؤاده
بقلب ابيض ووش نادي
وهو غصب عنه
كان عتريس

white wizard

11-20-2021, 07:10 AM

كاتم جوه قلبي

وعمري ما هبوحلك

وهفضل كتير مدبوحلك

معلش

لسه برضو مسموحلك

حُر

11-20-2021, 07:15 AM

كنت هنا

سأتابع

دمت بنقاء

white wizard

11-21-2021, 08:17 AM

نهاري يشقشق لما

تضحك شفايفك

واليل بطوله

واخدها بطوله

وبيفرد طوله

على شعرك .

white wizard

11-21-2021, 09:02 PM

يا امرأة ملامحها
سكنت بين حنايا الروح
أستميحُكِ شوقاً
سأستضيفُ ملامحكِ تلك الليلة
محاولة منّى لتجميل الحُلم.

white wizard

11-22-2021, 05:51 PM

ربما لا تعلمين ان

حُبك اتى في رواية حياتي

ك جملة اعتراضية

غالي الثمن

لذا سيبقى دائماً ممنوع من الصرف !!

white wizard

11-23-2021, 10:43 AM

خايف عليك
من سلامة النيٌة
والخوف مداس
على رقبه محنيه ..
فاكره انها عايشه
لكن وافتها المنيّه !

white wizard

11-25-2021, 12:14 AM

لو حصل والظروف غير الظروف

لو البدايات مختلفة مش ممكن هتخيل اني اختار احب حد غيرك ...

قربت منك لما حبيتك وبعدت عنك لاني حبيتك

ندى الورد

12-11-2021, 07:27 PM

فقدنا الساحر وقلمه الساحر

white wizard

12-15-2021, 09:57 AM

اهٍ يا امرأة ً
لم يكتب لي يوما احيا هواها
نقش بدفتر حياتي
ك قولٍ مأثورْ
مصباحٌ اتاني في عتمةِ ايامي
منزوعٌ من فتيلِه النور
ما فائدة ابداعٌ قد
ملأ أروقة المسرح
وقد انصرف الحضورْ
ما فائدة اتساع السماء
لعصفور يهفو للتحليق
بينما الجناحُ مكسور
عشق قد بسطه ذراع الهوى
بينما الكف مبتور
جنة بسطت فوق جزيرة
واستحال العبور!!!

white wizard

12-21-2021, 10:31 AM

وبعدهالك يا قلبي

ماتفضها سيره

تبدورها حب وشوق

تطرح بزور حيره

عشقت جرح الحبيب

وتقول عليه غيره

هو الي خلقه يا اخي

م كان خلق غيره

white wizard

12-21-2021, 10:32 AM

راح م القلوب الصدق

والكذب ليل ونهار

زمن الغلابه خلص

وجه زمن فجار

دنيا وليها العجب

اطيب ما فيها مرار

والكل صوته اندبح

والصرخه خارجه بنار

وناس ف لحظة زمن

منغير حبيب ولا دار

واخوات بتقتل بعض

ويقولوا دول كفار

white wizard

12-21-2021, 10:33 AM

ايوه انا شايف دمعتك

بس مش حاسس انها كانت بريئه

كمان مش شايف

انك لسه حبيبتي او حتى صديقه

وبعد ما سقط عنك قناعك

وبعد ما بان ليا خداعك

وبعد ما ظهرت منك طباعك

شوفت الحقيقه

هو انا معاكي ان النهايه

كانت سخيفه

مفيهاش تراجيدي ولا دراما

ومهاش ظريفه

بس عارفه فكرتني

بالمثل الي قال

هههه بعد اما مشيت مع كل البشر

جات لعندي انا وعملت شريفه

white wizard

12-21-2021, 10:33 AM

وصباحك فرح يا بلادي

صباح مخصوص

مهوش عادي

صباح امل بيوم افضل

صباح بالورد متعطر

ومتزين ريحان اخضر

وعود ياسمين مع الكادي

صباح فطير وعسل ابيض

يكون متسوي ع الهادي

صباحك فل يا بلادي

white wizard

12-21-2021, 10:34 AM

وادلعي براحتك

وابقي قابليني

دا العند زرع عفش

ما ينبته طيني

اسمعي لكلامهم كمان

واطلقي لغضبك عنان

وان شفتي مني اهتمام

اوحتى نظرة وسلام

ابقى تعالي لامؤاخذه

تفي على جبيني

هههه ايه القرف دا ههههه

white wizard

12-21-2021, 10:34 AM

يا شيخه صلي ع النبي

ف قلبك

هو انتي فكرك اني ممكن

اقول بحبك

طبعا محال

ولا هم كانوا قالولك

ان الساحر يعشق عيال

هههههه طبعا محال

هو صحيح الحمل

شكله جميل

وعيونه حلوه وكحيلة

لكنه يقدر يطلع جبال ؟

فاهمه يا حيله

هههههه

اقولك

صلي ع النبي ف قلبك ههه

white wizard

12-21-2021, 10:35 AM

لو كنتي فاكره اني
هعيش طول عمري احبك
تبقي غلطانه
عمر ما فيه لقمه
ممكن تشبع جوف
لو هيكولها بإهانة
ولا يحس ببل الريق
اللي روحه عطشانة
زي جنايني مزكوم
طول اليوم
بيشم ف وردة دبلانه

LioN KinG

12-21-2021, 10:40 AM

تسلمو علي هذا المشاركات الجميلة يعطيكم الف عافيه😍😍

white wizard

12-23-2021, 11:03 PM

اصبحتِ يا صغيرتي تتغلغلين

في اعماقي

بدون قصد

اصبحتُ أنا المجذوب السائح

بين احداقك

وانت الوِرد

كيف الخلاص منكِ

وانتِ تملكين بين اصابعك

صمام النبض

ان فاض الزمان على ضفافي

بأوجاعٍ تؤرقني

تكونين السد

ان ضاق على يومي وخاصمني

تنجبين بلا مساس

ينابيع الغد

إن اقسو تقابلين حماقاتي

بصبرٍ وود

كسماء تبدد بدمعتها

جمود الارض

تدلليني كطفل في مهده

متعلق بأم تحكي له

وتُجيد السرد

تستمعين بلا مللِ لسخافاتي

وتقبلين مبتسمة لكلماتي

من هذلٍ وجد

كيف الخلاص وقد

امسكتِ بتلابيب روحي

كطفلة تقبض على دميتها

فأحكمت القبض

الهمتيني رواية جديدة لحياتي

كنتِ انتي بطلتها

وجمهورها

ودور العرض

كيف استبيح لذاتي مع سواكِ

وفؤادي متعلق بك

كوشم الخد

كل النساء تنتقي من الزهور

عطورا تُزينها

وانتِ الوَرد

كل النساء يفتشن عن عشق

متناثر تحت اقدام الرجال

وانت الوَجد

كل النساء بحضرتك يا صغيرتي نوافلٌ

وانتِ الفرض

كلهن يا حبيبتي سواكِ

كمالةٌ للعد

white wizard

12-27-2021, 10:22 PM

أنا قلبي طيب

مش بتاع مصلحه

فيه ضحكه جايه

وضحكه تانيه مروحه

ساعات نبيه وساعات غبي

وساعات معلم وساعات صبي

وساعات بيطحن زي الرحى

وساعات بيسحر وساعات بيأسر

وساعات بلاقي سحره اتمحى

وساعات بحس انه فلاتي

ويقوم ليلاتي على دقة مُرة مِجَرّحه

white wizard

01-06-2022, 06:52 AM

مزحومة المشاعر فى حبك
وبرضو الزمن لسه جاير ...
ياترى مكتوب لها قربك
ولا تتحرق زى السجاير !!

white wizard

01-06-2022, 09:25 PM

يا طبيب القلب عزرا
مسني في قلبي داء
ارتمي في الجرح دهرا
واشتهي ذل البقاء
دلني إن كنت تعرف
أفي الهوى يجدي الدواء

white wizard

02-06-2022, 10:26 PM

ربما كنت أنا

الذبيح على ناصية هواكِ

تطالعين ملامحي ضاحكة

بينما ظلي مفضوحٌ باكِ

نعم لم أكن ذلك

الرجل الذي ترغبين

فاترُ الود برجوازي الحس

لص لحظتي أسير قافيتي

صوفي الوجع

كمن مسّه مس

اذا ما خيمت بالروح ذكراكِ

تصير كل أموري بالعكس

فيصبح هيامي بكِ رفيقا

ويمسي النبيذ سكرانا

داخل الكأس ...

اعلم أن قلبي لم يعد صالح للاستهلاك الادمي ، لن يجدي فيه رتق بعدما اهترئ من كثرة ما لاقاه ، اتمنى يا صغيرتي أن تلاقي سعادة تسكن قلبك الي الابد ... وداع

white wizard

02-07-2022, 11:00 AM

عجبت لك يا قلبي
واش بعدهالك بقى
كل اما تزرع بتربة خيالك
بذور لُقى تطرح شقى

white wizard

02-07-2022, 03:12 PM

كانت لحظة من عشقٍ

خالصٍ نُقشت على الورقْ

كانت شهاب اخترق

ليالي قلبي المظلمة

فجأة ثم مرقْ

كانت حلما آتاني في

يقظتي فلما صدّقته إنسرقْ

نارٌ أضاءت أعماقي

هرول إليها وجداني فانحرقْ

كانت أمنية نسجها

خيالٌ لشاعرٍ مختلقْ

white wizard

02-08-2022, 11:06 PM

برغم المسافات

ف قلبي في هواكِ ك الزُهاد

حين تتكشف لهم الحُجب

اذا ما نبتت بين ضلعيكِ

باكورة شجن

تحصدها جفوني دمعا

white wizard

02-11-2022, 12:50 PM

من اسبوع تقريبا كان فيه مشاكل ف تركيب شغل احنا عاملينه في بلد ف أوروبا الشرقية ، وكان لازم اسافر لان كان عاملين غرامة كبيرة جدا ع الشركة المهم هناك دخلت مطعم ومفيش حد عارف انجليزي علشان اتفاهم معاه ف جالي بنت اللي واقفه على الكاشير المهم ببص عليها كدا ، مش ممكن جمال رباني محصلش .. اول ما شوفتها روحت واقف مكاني 😂 طبعا اتعاملت مع بنات من المانيا وفرنسا زاروا المصنع بس هناك البنات حاجه تانيه خالص 🙈

هي بتكلمني وبتضحك ومعاها فوطة بتمسح الطرابيزة قلتلها انتي بتعملي ايه انتي متمسحيش انتي تقعدي هنا جنبي وانا باكل تفتحي نفسي وانا همسح انا 😂

المهم البنت قعدت المدير بيشاور لها فقلت لها تقوله أنها هتفضل معايا لحد اما اخلص

الزتونة بقى من القصة ، أن سدة النفس اللي عند الرجالة اللي هنا دي مش هم السبب فيها

طب وربنا الحريم بتوعنا السبب ، الحريم هناك مش ممكن على الرقة والحلاوة يا جدعان حاجه تخلي الدم يغلي ف النفوخ فورا 😂😂

white wizard

02-11-2022, 05:09 PM

هم لا يدركون يا خليلة الروح
وخزين البوح
بأنكِ استوطنت ِ
بين أضلعى
وبأنك ِ
باكورة شعورٍ
تستجدى وجداً
يتوضأ بأدمعى ...
هم لا يدركون
بأنك ِ
عينى ومسمعى ...
وبأنك ِ
تلك المسافة البعيدة
- اقتراباً -
بين أصابعى ...
وبأنك ِ - برغم ذاك الزخم
البشرى -
فقط معى ....!!

white wizard

02-19-2022, 10:34 AM

كلهم حولك يتمايلون
وأنتِ من تتوسطين الحلقة
مجاذيبُ أحداقٍ كاحتراقٍ
فما سَلِمَ عقلٌ من هذي الحدقة
وأنا شحّاذ قلوب محزون
يرجو من السُهدِ صدقه
سمراءُ اجهدت عُشّاقا
يجهش البكاء دونها عناقا
ك قمرين التقيا زمنا
ثم افترقا
كيف الخلاص منك وانت مني
ك جسد لما أتاه الدفء
تفصد عرقا

رسالة الى احداهن ياكش نحس على دمنا بقى شوية

ندى الورد

02-19-2022, 02:12 PM

سؤال ياحمد ياهندسه هو ليه احنا دايما كلامنا كله حزن وشجن احنا العرب بالذات

white wizard

03-09-2022, 11:42 PM

صَدقيني يا عزيزتي
الأمرُ سِيآنْ
سواء ألقيتُ
علي مسآمعكِ
بيآن الحُبِّ
أو لم أُلقِ البيآنْ ..
الأمرُ سِيآنْ
فـ لطالما استهوتكِ
مُسامرة الغُرباء
وأسكنتِ صبّكِ
النازح من بلاد الجفآء
العرآء
حتي صآرَ عنوان موطنهِ
- بلا عنوآنْ -
الأمرُ سِيآنْ
ما قيمة من استمدَّ
كِيانهُ من كِيآنكِ
وأنتِ ما بين
ربيباتِ الحضارةِ
صِرتِ بلا كِيآنْ ...
الأمرُ سِيآنْ
حينما ترتدي الحياة
ثوبَ الموتِ
حينما تُشنقُ
بشآراتِ السعادةِ
بـ حِبالِ الكبتِ
حينما يُعتقلُ البوحُ
خلف قضبآن الكتمانْ
صدّقيني
الأمرُ سِيآنْ !!

white wizard

03-11-2022, 02:17 AM

هم لا يدركون
بأنكِ ما زلت ِ
مسافرة ً بين أضلعى
وبأنك ِ
باكورة شعورٍ
تستجدى وجداً
يتوضأ بأدمعى ...
هم لا يدركون
بأنك ِ
عينى ومسمعى ...
وبأنك ِ
تلك المسافة البعيدة
- اقتراباً -
بين أصابعى ...
وبأنك ِ - برغم ذاك الزخم
البشرى -
فقط معى ....!!

ندى الورد

04-01-2022, 09:01 PM

28025
مبارك عليك الشهر بشمهندس

فقدناااك

white wizard

07-11-2022, 07:25 AM

يا ورد طارح منغير حتى

مترويه المي

عجيب وشك ملوش زي

كانن ف عب الأرض

وباعت السما الضي

white wizard

07-12-2022, 06:11 AM

عيناها بحرٌ والاجفانُ شُطْئان
كلما وَصَفتهم كلماتي تلعثَمتْ
تعلوها إبتسامةٌ على الثغرِ
أمّا يدها اليُمنى تبلسمتْ ...
وكل الملامح الصابئة
بديانة التجاعيدِ -
على وجههِا - أسلمتْ ...
حتى أنّ ربّةَ الجمال ِ
على جمالها - قُسّمتْ ...
كـ دُنيا يكاد يزهق
روحها نارٌ
وعلى حين غِرةٍ - نسّمتْ ...
لا أجد لها وصفا كافيا
يكفيها أنها كلما طأطأت رأسها ولها
سمتْ ....!!

white wizard

07-15-2022, 11:40 PM

بنكتب على ورق الورد
كلام ارق م الندى
ويوم ما ناخد رد
يا دوب ما نلقى
غير صدى

ندى الورد

07-16-2022, 05:59 AM

جميل

white wizard

07-16-2022, 02:52 PM

حمقآء تهرب من متن قصتي القصيرة لتلحق بهوامش روآية رتيبة!!!

white wizard

07-24-2022, 11:57 PM

من بين السطور عاوز اقولك
اني حبيتك
يمكن ماكانش من الحب
اللي انت عايزه
قليل الكلام
مش باين اهتمام
بس حبيتك
كانت لما تيجي سيرتك
شفايفي ترجف
م الفرحة
وعيوني بصورتك
سارحة
وف عز شغلى وانشغالي
عمري ف لحظة
ما نسيتك
ومش عارف ليه
برغم فراقنا وافتراقنا
عاوز اقولك
من بين السطور
اني حبيتك

white wizard

07-27-2022, 05:30 PM

حتى لو عاوزه ترجعي

انا مش عايز

جايز محبتكيش بالشكل

اللي يرضيكي

لكن تجرحي كرامتي

اهو دا اللي عمره

ما كان جايز

واهو يعني على راي المثل

عمر الشعرات ما تطلع ف ال.....

لو كانوا فيوم عزايز

ايه المثل ابن الكلب المقرف دا 😂😂😂😂😂😂😂😂 بس انا كدا مبسوط انا كدا رجعت الساااااحر 😂😂😂😂😂😂🙈😂🙈

white wizard

07-31-2022, 09:55 PM

تغمض عينيك

فتمر أطيافهم عنوة

على فؤادك الغض

وبرغم الوجع الساكن فيك

يزداد النبض

سحقا يا قلب اشقاني

لو تصبح مصدر أحزاني

ملعون الحب

white wizard

08-05-2022, 08:11 AM

الحب بطعم العسل
لكن معاه المُر
يدوقه كل البشر
وعمره ما كان حكر
والحب دايما خطر
بيقلب بأهه وقهر
حلاوته تفضل يوم
وعذابه طول العمر

الساحر،،

زاجل

08-06-2022, 09:35 AM

الساحر الابيض..
ازيك وازااي مصر اوم الدنيا وابوها😉

DvxIf1c79iw

white wizard

08-06-2022, 09:32 PM

عارفة برغم اني عمري تاني
ما هبوحلك
قلبي لسه مدبوحلك
معلش
لسه بردو مسموحلك

white wizard

08-08-2022, 06:23 PM

الفيس بوك جايب لي من الميموري كنت كاتب الكلام دا ، مقدرش أنكر اني حاليا نظرتي للامور مختلفة كتير عن زمان

الحكايه مهيش
لماضه
الحكايه اني صعب
بعد اما دوقت طعم العزه
هرجع تاني وابقى عبد
للبياده
مش هكون اسير لخوف
حتى ولو يشربوا من دمي
كل يوم ملو الكفوف
مش هكون عبد لشيطان
يقولي اما ناري تحرقك
واما تدخل جنتي تلقى
السعاده
بكره ياامي ف خرجتي
دقوا الدفوف
لما دمي يروي ارضي
م العطش تطرح الوف
تقول لكل الي طغى
واللي بغى والي خان
النار بتخبى
وتنطفي بنور
الاراده
وبردو الحكاية مهيش
لماضة!!

white wizard

08-12-2022, 11:37 PM

وهفضل زي مجذوب فيكِ
عمره ما وفى الندر
عايش منغيرك ومش عايش
مهو ايه قيمة
ملايين المشاهد
اللى برّه الكادر ..!!!؟؟

white wizard

08-13-2022, 12:12 AM

عيونها زي اللوز
والشعر سلاسل دهب
والشفة حلاوة الموز
وف الخد حُمرة عنب
لو تضحك ف انا الاراجوز
ولو تبرد ضلوعي الحطب

white wizard

08-26-2022, 07:51 AM

ومالك يا عتمه جايه
بتدمري المتاريس
وبتمحي فينا الامل
وفجره لسه عريس
وبتشترلنا الوجع
وبتبعينا رخيص
وياريت بتاخدي التمن
دا الي اشترانا خسيس
ما اتلم خايب الرجا
على شلة المتاعيس
ههههه وفؤاده بكل الرضا
اتجوزت عتريس

white wizard

08-27-2022, 11:08 AM

يا من ادخلني الحب
من اوسع الابواب
لو لم يختلف الذوق
ما اختلفت الاثواب
ان كان قربك الم
فبعدي عنك عذاب
اجرح في قلبي بنهم
فالجرح عندي ثواب

زاجل

08-27-2022, 11:12 AM

دلوقت مش خجلان خلاص..
واحلى تحيه للساحر الابيض ولمصر والناس الحلوه الاصيله ..
وخذ عندك

pCWLgJo6AVU
انا مش عارفني انا مش انا ..
انا so what هههه

عهود منسية

08-27-2022, 07:05 PM

كم يُتْعِبُ العشاق ....
سَبْر الأمنية .....
ولَكَم تقودني لمرابع
طيفكَ أغنية ...
بتنا أنا والقرب منك ....
متاهة ..!؟
من يستطيع فك تلك
الأحجية ....
والعهد بين وصالكم وقطيعتي
كالعهدِ بين الأسئلة ...
والتورية ...!؟
لُبُ السماحة في الغرام ...
حضورنا بين الورق ...
فوق صهوة ....
تسمية ...!
وحوافر الابداع دكت ...
جمودنا ...
ولغةُ التواتر مجدية ...

مساء الخير يا هندسة أخبارك
عساك دووم بخير وسهالة 🌷

white wizard

08-27-2022, 11:15 PM

همس الروح

06-27-2023, 08:03 AM

رب اغفر لي وتب عليَّ إنك أنت التواب الرحيم.

- ربنا آتنا في الدنيا حسنة وفي الآخرة حسنة وقنا عذاب النار.

- اللهم أتم علينا نعمتك، وأنزل في قلوبنا سكينتك، وانشر علينا فضلك ورحمتك يا أرحم الراحمين.

- اللهم آتنا في الدنيا حسنة وفي الآخرة حسنة وقنا عذاب النار.

- اللهم لا تحرمني العافية والرزق ولا تكلني إلى خلقك بل تفرد لي بحاجتي وتولني برحمتك.

- اللهم أنت ربي، لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك عليَّ، وأبوء بذنبي فاغفر لي، فإنه لا يغفر الذنوب إلا أنت.

اللهم امين يارب العالمين ❤️

كل عام وانت بخير

عيد سعيد عليك 🌹

white wizard

09-07-2023, 06:14 AM

لماذا كلما سلكتُ طريقاً دونكِ

ياخذني إليك باستدارةٍ ف انعطافِ

وكلما تخل كف يدي عن يديكِ

كفرت براحتي أطرافي

white wizard

09-07-2023, 06:31 AM

احيانا عدم ادراكنا لتشبعنا بالاخر
هو مايجعلنا نتمرد ونسلك طرقا
مختلفه
والتي تعيدنا من جديد لنقطه البدايه

الادمان انواع سيدتي أشدها قسوة ادمان القلوب حتى أنها تستعذب العذاب من كأس من تحب

white wizard

09-08-2023, 01:21 AM

كنت اظن انني انتزعته من
بين الحنايا
ولكن صورته استوطنت
حتى شظايا المرايا

white wizard

09-08-2023, 09:09 AM

ولسه حكايتك مبهمة

لكن جوايا معلمة

شايفك نجمة زاهية

من بين ضلام الليل

لوحة رسمها بيكاسو

لكنه نسي التفاصيل

white wizard

09-08-2023, 05:57 PM

يا امرأة
عيناها بحرٌ بلا شطئان
وفمها كهفُ اللؤلؤِ
والشفاه رمان
والخد م الجمرِ
والشعر ك التمرِ
لا تدري اهي أنسٌ
ام كانت من الجان

عهود منسية

09-11-2023, 02:37 PM

يا اهلا بمهندسة الحرف وجودك وحده فرح وربي

تسلم ربي يسعدك دووم

white wizard

10-22-2023, 09:29 PM

واه يا زمن

بنعيشه ربع فرحه وربع حزن

والباقي ف حضن الشجن

white wizard

10-22-2023, 09:31 PM

ثم جُرحٌ ف القلب وف الكرامة

ووجه ٌ عَبوسٌ بلا ابتسامة

وليل ٌ يحجب الصبح بظلامه

وشر ٌ يرجم الخيرَ بسهامه

أما آن يارب وقت ُالقيامة

white wizard

11-03-2023, 05:52 AM

لماذا كُلّما لا أكتبُ عنكِ
يضيعُ الوزنُ وتعاندني القوآفي ؟
وكلّما حاولتُ لملمتُ الفؤاد
لَهِجَ باسمكِ في بزخٍ وإسرافِ !
واذا سلكتُ طريقاً مبتعداً
يأخذني إليكِ بلا انعطافِ!!
وكلّما تخلّي كفّ يدي
عن يدكِ
كفرتْ به أطرافي !
وطنٌ انتِ
وما أشقى قلب
يعشق الاوطان م
ع التجافي

white wizard

11-07-2023, 11:03 PM

اليوم جميعنا فلسطينيون.
بينما من بأرض القتال
كـ لمباتِ النيون.
مهزومون يا غزّة...
لا نمتلك سوي المصمصة
تلتهمنا المخمصة
وعزّ عنا دمع العيون.
قلوبنا شتى
تجمعنا المهرجانات.
لكن وقت الشدة
لا نعرف من نكون!

زفرة قبل النوم

white wizard

11-08-2023, 08:55 PM

أنا اللي فاتح ف قلبي
سبعين راق
وبقبل كلام حبايبي
ولو حرّاق
ساعات بيعزف فرح
مع لحظة لُقى
وكتير يدندن شجن
لسنين عتاب وفراق

white wizard

11-11-2023, 01:34 AM

نعم احببت المارشيملو

حينما تسللت ليلا الي خلوتي
وقالت يا ساحري
الشوق اليك قاتلي
بصوت رخيمٍ كانه هدير
عين ماء دافئة تفجرت
في شراييني
احببت المارشيملو
حينما قالت احوبك
تخدلت اوصالي
وذابت اعضائي
كقطعة من جليد تركوها
في صحراء نجد
في يوم قائظ
اهٍ يا ربي
احصي عيوبي عيبا..عيبا
لا اعلم غيبا
ولكني اعرف الاتي
ان تذكرتها او هفت نسائمها
تلوح سماتي
أسير بين نبضها
وبعضي رحل بين بعضها
والقلب منها لم يستطع الافلاتِ
افتش عنها في نساء العالمين
افتش عنها حتى في ذاتي
استرجع همساتها
والتمس حروفها بين ابياتي
اهدتني شهيقها
وسلكت طريق الغياب
بالله خبروني وانا جليس المحراب
كيف النجاة من حر زفراتي

white wizard

11-12-2023, 10:02 AM

ايها الالم الراسخ بين احشائي

ايها اليل السرمدي الطويل ..

الا ترتاح يوما

فلم اعد اقوى على المزيد

فلم اعد اقوى حتى

على العويل ..

قد اصبحت الحقيقة عارية

ما عاد يجدي

فن التزييف والتفسير والتأويل ..

لم يبقى ثمّة رجال يخلعون قلوبهم

ويرسلوها نبضا عزيزا شريفا

لا يقبل الرشوة ولا التمويل ..

دمر الانسان والمكان

وبات الحزن لون غزة

والقدس والضفة والخليل ..

لا اريد ان ارى ذلك العالم البغيض

عالم يعلو فيه الباطل زهوا
والحق دوما هو الذليل ..

white wizard

11-12-2023, 12:52 PM

http://www.girls-ly.com/vb/storeimg/img_girls-ly1399128440_612.jpg

أنا أهوى فتاة شرقيه

عيناها موجٌ وبحور

والنظرة سهم من نور

تسكرُني من غير خمور

من شهد شفاهٍ ورديه

أنا اهوى فتاة شرقي
http://data2.whicdn.com/images/31694261/superthumb.jpg
https://i1.sndcdn.com/artworks-000143595107-98msr5-t500x500.jpg

الخد شقائق نعمان

والقد من غصن البان

والعَرق كمسكٍ وريحان

والصوت كنغمِ الاغنيه

أنا أهوى فتاة شرقيه
http://i.ytimg.com/vi/R62KmnSJe2c/hqdefault.jpg

الشَعْر كشِعرٍ بكتاب

تختالُ بسحر الاهداب

إن تضحك تُمحي الالباب

إن تحزن في القلب حِراب

وتفيضُ بالدمع عينيَّ

أنا أهوى فتاة شرقيه

http://2.bp.blogspot.com/-5sdBauqCFfA/UjMVdmGGaBI/AAAAAAAAF1g/c9gEBwtjP0s/s1600/%D8%B1%D9%88%D9%85%D8%A7%D9%86%D8%B3%D9%8A%D8%A9.j pg

تُسحرُني بحلو الكلمات

هي سكني عند الأزمات

تؤثرني بإنكار الذات

وأقول بصوتٍ وسُكات

ما كنتِ أبداً منسيه

أنا اهوى فتاة شرقيه ...

الساحــــــــــــــــــــ ـــر ...

white wizard

12-13-2023, 12:17 PM

كثيرا ما احدث نفسي عنك انكِ لست حبيبة ولكن تقهرني هي بهذه الاسئلة ..!!!

لماذا كُلّما لا أكتبُ عنكِ
ينكسرُ الوزنُ وتعاندني القوآفي ؟!
وكلّما حاولتُ ( عقلنة ) الفؤادِ
لَهِجَ باسمكِ في كرمٍ وإسرافِ !
وكلّما سلكتُ طريقاً - دونكِ-
يأخذني إليكِ باستدارةٍ فـ انعطافِ !
وكلّما تخلّي كفّ يدي
عن يدكِ كفرتْ بي أطرافي !
وطنٌ أنتِ
لكن هل تولد الأوطان
من رحمِ المنآفي !!؟؟

white wizard

12-21-2023, 01:11 AM

اعترافات ليلية ......

امممممم هل جف حبر القلم ام غادر الحب بلا رجعة ....

طبعا مداد اي شاعر هو الاحساس مهو حاجتين ملهمش تالت أما علاقة عاطفية بمراحلها بقى من شرارة ف شوق ف وجد ف انجراااف ثم هجر و..... الخ أو انك تكتب عن بلدك

موضوع كتابتي عن بلدي دا بقى نادر للاسف لأسباب كتير
أما عن الحب بقى ف هنا تقريبا كل الكتاب عندهم حالة انقسام ف الشخصية اولا الشخصية الافتراضية زي الساحر الابيض كدا ودي سهل جدا تحب وتفارق وعلاقتها بتكون آمنة وتعيش .. والشخصية الواقعية اللي لو ادخلت بتفسد كل شئ هههه

يعني الساحر الابيض دخل علاقة حب مع بنت البليدة اكتر من سبع سنوات اصلا مشفهاش ههههه اقسم بالله
.. لكن بردو الشخصية النسائية اللي تفرض دا لازم تكون حالة نادرة ودا كان موجود زمان حاليا معدوم نسبة تواجده .. اولا كانت شاعرة قلمها له سطوة حاليا مفيش الكلام دا صعب جدا تلاقي واحدة عندها شخصية أدبية مستقلة وقلم متحرر ثانيا كانت شخصية مثقفة جدا وذكية جدا .. مهندسة مدني بقى وشغالة ف مشاريع كبيرة ببلدها هههه يعني تقريبا استنساخ من اختنا عهود منسية ، هههههه

الشخصيات دي تقريبا اختفوا من الساحة مش عارف ليه نادرا لما تصادف حد بالثقل دا

اغرب علاقة كانت مع فتاة المارشيملو بنت المدينة وهنا بقى اللي قلت عليه من تدخل الشخصية الواقعية هههههه قفلت ف راسي وعاوز اتجوزها ودا طبعا نتيجة طبيعية أن الشخصية الحقيقية حبت ودا كان مستحيل بسبب عاداتهم.. وقررنا أننا نفترق ونستغل الاحساس دا ف الكتابة ، بس عملناها بطريقة ذكية للاسف أننا مينفعش بعد شهر نتقابل على النت تاني أنا طبعا برجع ف كلامي عادي إنما هي زيهم كلهم عندها تصميم وعند رهيب
وفعلا كتبت ف الشهر دا اجمل ما كتبته ف حياتي .. اعتذر اني احببتك .. وقولي فقط انك لا تحبيني وحاجات كتير جدا جدا ضاعت مع ضياع المنتدى اللي كنا فيه وفعلا هو شهر وبعدها تقريبا من اكتر من 10 سنوات إلى الآن ضاعت ههههههههههه

هييييح الظاهر اني بخرف من قلة النوم .. اقوم انام بقى

white wizard

01-28-2024, 12:10 AM

لا يحرك ذلك الفؤاد غير انثى استثنائية...
.
.
.
لم تزل ْ عيونك ِ تحوي
ذلك السر الكبير ...
حتي أنّ الرمش
إذ رف َّ
هلل الجمع بالتكبير ....!!

التوق

01-28-2024, 12:52 AM

white wizard@

في البداية أعتذر
على إقتحام عرين الأسد
ليس من باب الفضول
، إنما ياسيدي،
سحر الكتابة وسر الجاذبية
يكمن لديك قرأت
جميع الصفحات
ومابينها من سطور
ومن النارد أن أكتب
في مدونة الاخر
حفظاً على الخصوصية
والمساحة الشخصية للعضو
لكن هنا كان الأمر،
تملك أبجدية عجيبة
مضحكه، جداً ومعاني تميزت
بسرعة البديهة فعلا كما وصفك
قلمي أيها الساحر الأبيض
لا تنخدع بيريق الحروف
بل تنظر إلى جوهرها
وعمق المعنى بها
كالحب بين الواقع والخيال
والكاتب وتنصع المشاعر
ولا انسى من أطلقت سراحها
من قفص صدرك،
وكأنها قصيدة
أو رواية بعنوان
لا يحرك ذلك الفؤاد غير انثى استثنائية
هكذا هو الرجل العربي الأصيل
يختار مايليق بقلبه امرأة عربية
كافرس أصيلة تليق بسيدها

هذا كان بوح قلمي
وسطورك الملهمة
دام نبض قلمك شامخ وراقي
وبنت زايد لديه نظرة لا تخيب
اسعدها الله أينما كانت
تكون وتحياتي لأهل النيل
شعب مصر العريق
تحياتي لك ميريام 😍

white wizard

01-29-2024, 08:51 PM

112045

فتاة ٌ بلهجةٍ خليجية
تعتقُ الكلمات حتى
اذا لاح حرفٌ من ثغرها
تسلطنَ الكروان إنصاتا
وأقام وجدُ الكون صلاةً
ودخل النزاعُ في تسويّه
ما بين احداقها
أشجانٌ سِرّيّة
تصطف في عمق روحها
ك جندٍ في سٓريّة
تصادف في الفؤاد المهزوم
نبضةً طَريّة
وسيعةُ الحدقات
ما بين الحاجبين براحٌ وسيع
يطاولُ سماواتٍ عَليّه
مهرةٌ عربية
منصوبٌ فوق هامتها
كرمةٌ لا ينفد خيرها
من هنا ليوم القيامة
حتى أن أسير الحربِ
إذا رمق من طيفها علامة
شعر ب ( الحُريّه)!

الساحر ...

white wizard

01-30-2024, 12:56 AM

في الثالثة فجرا يهتف من داخلي صدى يقول

لم تعد تلك الأيام تستحق النضال

لا اظن أن وصل الروح بالروح باقيا

حتى ما تبقى فينا مزّقته النصال

حتى اتيت انتِ سيدتي

فكنتِ بلا قصدٍ ترياق

لقلبٍ اسكته العُضال

بهيةٌ شهية أنثى استثنائية

ولولا أني أصبحت اخاف عليك مني

ل أعلنت للناس اسمك باخر المقال

هيييييح قلم الساحر ينبض من جديد هههه اه يا خوفي ...

white wizard

01-31-2024, 12:32 AM

ف الثالتة فجرا
يرقص القلب طربا
تخضر الروح
وتتساقط نبة العشق
ف الصدر رطبا
لا توجد حياة بغير امرأة
محبوبة !!
تُحيل ظلمة الليل نورا
ونصنع من عرقها
المتساقط خجلا
عطرا !!!

هييييح يا الساحر هههههه حنانيك يا رجل

white wizard

02-01-2024, 03:45 AM

في الثالثة فجرا همسة لصاحبة السمو

بقولك ايه ..
ما تيجي نبعد
عن المنظره
ونخلي البساط احمدي
ونبطل مشي
ع المسطره ..
تعالي نشبّك ايدينا
ونمشي
في المدينه
ومعانا كوزين دُره ...!!

😀🤭🫣

white wizard

02-01-2024, 03:58 AM

112350
عمّال ارسمك
كل ليلة 50 صورة
مرة بضفاير سارحة
ومرة خصلة هربانة
من حصار الطرحة
ولما هاجي اقولك بحبك
الكلام جوايا لكن
الحروف مكسورة

white wizard

02-02-2024, 12:50 AM

112510
ف الثالثة فجرا

اتساءل يا سيدتي اين انتِ!!
ف انتِ لا تدركين
بأنكِ ما زلت ِ
مسافرة ً بين أضلعى
وبأنك ِ
باكورة شعورٍ
تستجدى وجداً
يتوضأ بأدمعى ...
لا تدركين
بأنك ِ
عينى ومسمعى ...
وبأنك ِ
تلك المسافة البعيدة
- اقتراباً -
بين أصابعى ...
وبأنك ِ - برغم هذا الزخم من حولي
فقط معى ..!!

white wizard

02-12-2024, 10:17 PM

وانا بشوف الفيديو دا حسيت اد ايه الجيل دا مظلوم أنه معاش ايام الدفا والبساطة اللي عشناها واحنا صغيرين

636Jq_txudI

white wizard

02-13-2024, 10:06 PM

كانت مغامرة حلوة شهر تقريبا مع تراجع ضغط الشغل وتحفيز البعض ليا على الكتابة ف دارت عجلة القلم وتجددت دوافع مداد الحروف لكن

للاسف خلاص خلص الحلا ههههه طار المحفز وانقطع المدد وهربت الرغبة وعاد ضغط العمل وما عاد غير مكاني هنا ف الفضفضات الزجلية ادخل بين الحين والآخر .. ايها الساحر الابيض ألقاك على خير يا صديقي القديم...

white wizard

02-26-2024, 02:39 PM

تقول أنا مثل الغيمة
تمر وبعدها بتفوت
ماتدري أنها امطرت
بقلبي وجد ووله لغرام
صوته ينسمع رغم السكوت
رقيقة وبريئة وجريئة
وعيونها بحر فيه
الحياة والموت !!!

عهود منسية

02-27-2024, 01:16 PM

أحللت قتلي..
فقطعت وصلي .؟!
وأبحت جعلي ثكلى غرامك ..!؟
فيا كل من لي؟!
لم الهجر قل لي
وما كان فعلي؟
لأنال خصامك
تكلم لعلي أبوء بفعلي
فذا كان عقلي بمرمى سهامك
وهل يجزى مثلى
بوابل نبلِ ؟
تضعضع كُلي بوقع كلامك
تظن بعزلي ؟
سيثلمُ نصلي؟؟
ويسهل فصلي
ليحُل سلامك ..؟؟
لقد كنت طفلي
بذراً بحقلي؟
وكم تحت ظلي
أنختَ حُطامك ..
قَطَّعت سُبُلي
وأنكرت بذلي
وقد حل محلي
بوقع صدامك
فيا كل أهلي
وصعبي وسهلي
وعلمي وجهلي حياتي امامك
تأنى بخذلي
ولا تطوي حبلي
وتُجْفِلُ رحلي
بطول ملامك
فلا الهجر سُأْلي ولا الغدر شُغلي
أنا منك وجْلي ..
فقل لي علامك ..؟!

كنت هنا 🤍