(جنون حبي لك وحياتي ملكك بقلمي امولـ❤️❤️

[امولـ]

✌️

[روح أنثى]

راح انتظرها بشغف

بالتوفيق 🌹

[امولـ]

راح انتظرها بشغف

بالتوفيق 🌹

باذن ﷲ بكتبها وانزلها بس ارتب افكاري وكيف اكتبها ❤️❤️❤️

[ندى الورد]

باذن ﷲ بكتبها وانزلها بس ارتب افكاري وكيف اكتبها ❤️❤️❤️

ررائع منتظرينك ياعسل

[الجوري]

بانتظار حروفك

[امولـ]

بنزل البارت الاول

[امولـ]

❤️❤️

[امولـ]

السلام عليكم ورحمة الله وبركاته ...

يارب انكم بخير رجعت بشيء جديد ورواية جديدة وان شاء الله تكون غير عن الاولى....

رواية حلوه بعنوان(جنون حبي لك وحياتي ملكك)...



البارت الاول..&&&

صحيت على صوت ازعاج وصراخ طبعا انزعجت لان مو

اول مره تصير لي دائم اصحى بازعاج استغربت الصوت

مازال قلت اروح اشوف قمت من سريري وفتحت الباب الا اشوف امي على الارض والدم حواليها واختي الصغيره تصارخ حضنتها والا اشوف الشرطة جات وبدت التحقيقات :-

الشرطي :-كيف صار كذا ومين الي قتلها .

انا:-والله ياحظرة الشرطي ماعرف صحيت والا اشوف امي ممددة واختي تصارخ مثل مانت شايف .

الشرطي:-غريبة ماتعرفين شيء واختك ماتقدر تفيدنا ممكن نسالها.

انا:-اختي صغيرة بكماء ماتتكلم بس تقدر تاشر لك

طبعا انا لفيت وسالتها بالاشارات وش صار وقالت لي كل شي.

الشرطي :-وش قالت مافهمت الاشارات وكيف فهمتي عليها ..

انا:-رديت عليه وقلت له(كلام اختي جنى):- قالت لي ان صحت الا تشوف احد يهاوش امي قربت ابي ااشر لاكن خبتني فجاءه اسمع صوت امي تصارخ بعدها طعنها وهرب بس.

الشرطي :-اوك اللحين روحي اجمعي كل اغراظك واطلعي من البيت علشان نكمل التحقيق هل عندك مكان تروحين له ..

انا:-رديت وقلت له اي عندي لاتشغل بالك اخذت اختي وطلعت اخذت اجرة ودليته على بيت ويوم وصلني عطيته اجرته ومشيت وصلت لباب البيت ودقيت الجرس خايفه ..



(اعرفكم في نفسي انا اسمي سلاف عمري ٢٨سنة

جنى اختي الصغيره عمرها ١١سنة بكماء مثل ماقلت لكم.)

»--انتضرت طويل بعدين انفتح الباب دخلت استغربت الهدوء وناديت باعلى صوت لاهل البيت الا كلهم ينزلون دفعة وحده ماعدا شخص واحد المهم استجمعت قوتي وتكلمت ...»انا جيتكم وابي منكم تجبرون بخاطري انا واختي وتخلوني اسكن معاكم لوقت يطلع قاتل والدتي ..



»جدي ابوناصر (محمد):-بعد كل السنين ذي وينك يابنتي وين اراضيك وشصار لامك تعالي اجلسي بجنبي وعلميني ...

.رحت له وجلست بحظنه انا وجنى وحكيت له كل الي صار معاي انتبهت لعيونه فيها دموع وحضني مره ثانيه

»جدتي ام ناصر (رقية ):-يالله يالدنيا مين قال ان زوجة ولدي تموت وتخلي وراه بنتين ﷲ يرحمها يارب ويسكنها الجنة بس لازم يابوناصر نعرف مين قتلها ونجازيه وناخذ حق ميثة منه والا ماراح اسامحك طول عمري .

»جدي ابوناصر(محمد):-اكيد ياحرمة بنعرفه ولو يروح لاخر دنيا بمسكه والله والي خلقني ومد فيني الروح لاوريه بس يطيح بايدي قالها وهو معصب وتركهم وصعد لغرفته..

»..طبعا كل ذا الكلام انقال قدام افراد العائله ومو فاهمين شيء فائز وسامر وغيداء ومناهل وفهد طبعا ذول حبيتهم من كلام امي عنهم علشان كذا صارو غالين على قلبي...&

..العم الاول فائز وزوجته حصة وولده سامر ..

العم الثاني فهد وزوجته وضحى وبناته غيداء ومناهل.
العم الثالث ناصر متوفي هو وزوجته وعندهم ولد بس مخطوف من صغره ..
»عمي فائز:-مستغرب الا صح يابنتي وين كنتو عايشين وكيف كنتو تدبرون حالكم ومن كان يصرف عليكم

والله يابنتي ماعرف وين رحتو ووين انتقلتو دورت عليكم لين تعبت اعذريني ..

»انا:-والله ياعم الاحوال كانت ماش امي قبل موتها اشتغلت في صالون للنساء وكان الراتب يادوب يكفينا بس الحمدلله عايشين وناكل بس الي كان ناقصنا العائلة بعد موت الوالد ماش حياتنا..

»كان بيرد بس سبقه عمي فهد :-ولايهمك يابنتي من اليوم اعتبرو انفسكم بيننا ونعوضكم على السنين الي عشتوها غيدءا ومناهل خذو بنات عمتكم واطلعو خلوهم يشوفون غرفهم واذا احتاجو شيء روح للمول ولاتقصرون معاهم ..

»غيداء ومناهل قالو بنفس الوقت:- ابشر يابوي التفتو لي ولاختي تعالو معانا نوريكم غرفكم ونتعرف عليكم يالله كم تمنيت يكون عندنا بنات عمة والا شرايك مناهل

طبعا مناهل كانت بعالم ثاني ...

رمت عليها الوسادة وصارخت بصوت عالي مناهل ياهو وين رحتي انتبهت مناهل وابتسمت لنا الا شوي تضربها على راسها بشويش ياهبلة كنتي بتفقعين راسي وجع ..

»مناهل:-ماعليكم من اختي المجنونه هي كذا من يومها

اجتماعيه المهم تشرفت فيكم واعذروني ماحب اتكلم كثير مع الوقت تتعودون علي وتحبوني ..

»انا كنت حاضنة جنى وابتسمت لها وقلت:-عادي ياعيني

مو مشكله الايام جاية وباذن ﷲ نكون احسن خوات .

__________¥¥¥¥_________¥¥¥¥¥¥________

في مكان ثاني وبيت ثاني ....

عائلة منصور طبعا ذي عائلة غنية حيل وعندهم خير ..

مكونة من الاب منصور عمره 88 سنة وزوجته

المها عمرها 78سنة وعيالها ..

اصيل البكر البطل عمره 28سنة جميل رياضي ويحب اخوانه وخواته حنون لكن بنفس الوقت عصبي ..

سامي العمر٢٣سنة عبيط ومسوي جو للعائلة

متوظف بشركة ابوه .

الصغير مراد عمره ١٠سنوات دلوع العائلة

تهاني اختهم الوحيده عمرها ٢١سنة

«»«»»«»

منصور:-كان يقرأ جريده ويشرب شاي هو والمها زوجته حبيبة قلبه «

:--(ام اصيل )المها تساله الا يا بو اصيل ماراح تروح للشركه والا غيرت رائك ..

«(ابو اصيل)منصور:-لا قررت اليوم ارتاح من الشغل واخليه على سامي واجلس بالبيت منها ارتاح ومنها اكون معاك

«المها :-ﷲ يعطيك الف عافيه ويخليك لنا اي ارتاح وانا بقوم اسوي لنا اكل ونجلس نسولف ونضحك ونتذكر ايام زمان ماراح اناخر قامت للمطبخ ...

«نزل اصيل من غرفته متكشخ وطالع جميل شاف ابوه

راح سلم عليه وباس راسه :-صباح الخير يالغالي اشوفك مارحت للشركه عسا ماشر ..

«ابو اصيل(منصور):-

لا حسيت حالي مرهق قلت اريح في البيت وانت وين رايح

«اصيل:- طالع عندي شغله بخلصها وبشوف صديقي تامر تامرني على شيء ...رد عليه ابوه وقال لا سلامتك

ﷲ يحفظك....طلع اصيل يخلص اشغاله ويقابل صاحبه تامر ...

«طبعا تهاني بعالم ثاني نائمة كله من السهر على النت

ياويلها من امها خخخخخخ مو بس هي حتى مراد خخخ

بس مراد علاقل لساته صغير عادي وناخذ كل الدلع في البيت...

مراد صاحي طبع الي بعمره ياانه يلعب او يمارس هوايات معينة الا مراد هوايته المفضله يحب الرسم ورسمه جميل هذا وهو صغير مستانس يبي يفرح امه وابوه برسمته الخاصه طبعا رسمهم مع بعض حاب يهديه اياها هدية...





نهاية البارت..»"»126016

[روح أنثى]

يا عيني على البارت الشيق
مميزة في سردك للقصة
أندمجت مع روايتك بشكل مو طبيعي
طريقتك في كتابتها ممتعة

أنتظر البارت الثاني بشغف أكبر ♥️

[جنون عآبثهة]

-




بدايه مشوقه و ممتعه
انتظر البارت الثاني 🌷🌷

[تذكار]

أستمتع فكري
بهذه الرواية الشيقة

أنتظر البارت التالي 🙂

[امولـ]

البارت الثاني::---



تامر :::-جالس بالكوفي ينتضر اصيل رفع جواله واتصل

وينك طولت ترا بخلي المكان واطلع ...

اصيل:::-بسم ﷲ الواحد مايتاخر وش فيك طلبت اطلب لي قهوة ساده المهم وش كنت تبي مني يوم كلمتني ..

تامر :::-صحيت مخنوق اتصلت فيك وش اسوي احبها قولي وش الحل ماتركت شيء ماسويته ومازالت زعلانه

اصيل:::-نجوى وش فيها ملكة زمانها ليه مارضت عليك يحق لها تامر يراضيها تدري وش نصيحتي اتركها بترضى لحالها ...

تامر:::-ماقدر تعرفني احبها وبجنون ماقدر اعيش من دونها تكفى قولي وش الي يرضيها واسويه لها انت عندكً خبرة والا ناسي كيف كانت علاقتك بنازك...

اصيل:::-ضل يناظره وعيونه شوي وتطلع من مكانه من عصبيته بس قدر يخفيها وابتسم له وقال ولابهمك ياتامر بكون وسيط بينكم وان شاء الله ترضى انبسط ولا عليك...



«في بيت الجد ابوناصر»

صحو الكل الي ياكل والي يجهز نفسه للدوام والي صاحي يرسم انتبهو الكل وقت نادهم جدهم ياعيالي تعالوووو نفطر :::: جاو كلهم لطاولة الفطور يضحكون ومستانسين الا يسالهم جدهم وين سلاف ياجنى ...

جنى:::-تتكلم بلغة الاشاره وتقول طلعت تقول انها مخنوقه حابه تتمشى شوي وبترجع ...فهمو عليها بعدين قال خلاص افطرو وانا بتصل عليها...

الجد ابو ناصر (محمد)::-

يتصل ويتصل انفتح الخط وينك ياسلاف الوووو طلعتي وماقلتي لي انتي بخير محتاجه شيء يابنيتي ..

سلاف:::-رديت عليه وقلت بخير ياجدي طلعت شوي اتمشى واشم هواء وراجعه لاتخاف انا اسفه والله طلعت وعطيت خبر ...

الجد ابوناصر (محمد):::-

ولايهمك المهم انتي بخير لاتتاخرين مسوين لك مفاجاه

تمام قفل الخط الحمدلله تطمنو بخير طلعت تغير جو وراجعه هلونا نسوي لها المفاجاه قبل ترجع....

««/// قامو كل العائله يجهزون لي مفاجاة الي ينفخ البلالين والي طلب لي الكيك والشموع والبنات مجهزين لي اغنية حلوة ...

""""""""

في نفس الكوفي كنت موجوده طلعت اتمشى ومنها

طلبت قهوتي المفضله شارده للذهن امشي الا اصطدم

بشخص رفعت راسي الا اشوف القهوة اطاحت وانسكيت عاى ملابس الشخص الي صدمت فيه ماعرفت وش اسوي طلعت منديل وامسحه واتاسف الا دف ايدي معصب....

«............خير وش الوقاحه ذي ماتشوفين وانت تمشين

وين عيونك والا عمياء اللحين وش اسوي خربتي لبسي

مسك ايدي اوجعني يهدددد اني ادفع جيت بدافع عن نفسي الا بايد تمسكه من وراء التفت الا ببوقس في وجههه .....

«هي انت انت ماتستحي تمد ايدك على بنت خير ان شاء الله مين سمح لك جاء بيقوم ويضربه لوى ايده وقال والله لو مو حنا بكوفي والناس تناضر لاكون كاسر ايدك وماسح بكرامتك الارض تركت ايده الا هرب وهو يتوعد ويهدد...

""""""""

سلاف:-شكرته على معروفه وجيت بعتذر على الموقف الا قال ماسويت الا الواجب بابنت الناس انتبهي لنفسك واتمنى مايتعرض لك استاذنك عطاني ظهره ومشى كان مع صاحبه ماشفت ملامحه زين طلعت من المول ركبت السياره كومار على البيت بسرعه ....حاظر انسة شغل السياره .......

طبعا هذا كان لقانا الاول وللاسف ماعرفته ولا حتى تكلمت معاه كثير ...

«« رجعت للبيت نزلت من السياره قربت من الباب فتحته الا اشوف المكان مظلم مشيت شوي الا تشتغل الانوار والبلالين تطيح علي والاغنية شغالهكلهم بصوت واحد كل عام وانتي بخير ياسلاف

هابي بيرثدي تو يو هابي بيرثدي تو يو هابي

بيرثدي ياسلاف هابي بيرثدي تو يو سنة

حلوه ياجميل سنة حلوه ياجميل من فرحتي بكيت

رحت حضنت جدي وجدتي واعمامي وغنيت معاهم ورقصنا وفتحت معهم الهدايا طبعا اعطيت كل شخص

قطعة من الكعك .....وانتهى احلى يوم يوم ميلادي .

""""""""""

""""""""""

في بيت منصور الساعه4:30 العصر ..

||كان منصور مشغول باوراق في ايده صار ينادي لاعلى صوت يحرمة وينك تعالي بسرعه ...

||| تجيه مسرعه زوجته هلا يارجال وش صاير ليه تنادي صاير شيء مستغربه من الفوضى الي في الغرفه كانت بتطيح لو مانتبهت ...

|||منصور :-الا ياحرمة ماشفتي اوراق مهمة محطوطة في ملف اسود كنت حاطها هنا بسرعة ياحرمة ساعديني وطلعيها المناقصة بتروح من ايدي لو مالقيتها ...

|||المها:-لا والله بس ولايهمك بدور لها وبلقاها ان شاء ﷲ قامت تدور لها بكل المكتب وتدور هنا وهنا تذكرت انها شالتها وحطتها فوق المكتب نست راحت بسرعة

تطلعها وتعطيها اياه ..

|||منصور :-اخذ الاوراق وطلع مستعجل وهو طالع انصل على الشركه جهزو كل الاوراق والمستندات انا جاي في الطريق وقفل اول ماوصل للمكتب استقبلوه وتم التوقيع على الاوراق وصاربينه وبين الشركه الثانيه شراكه ...



اما في مكان اخر وخصوصا بلد اجنبي ..

نيويورك امريكا ...

يعيش بطلنا الاخر الملاك مثل مايسمونه على امل بيوم التقي فيه ..

||||{عمار وسيم محبوب لدى الاجانب وبنفس الوقت انسان جنتل جماله غير عليه عيون مثل لون البحر عمره سنة 30سنة ...

ذكريات تروح وتجي على باله ذكريات ايام كانت سيئة له

من صغره الى ان اصبح كبير هل الوقت يداوي مامر فيه

طبعا عمار الكل يحبه ويحترمه لانه عرف كيف يفرض نفسه عليهم ..

___كان جالس يفكر ويفكر بفكرة كيف يطيح شخص بفخه خصوصا انه مرعب الكل بامريكا كاول عربي له هيبة جاته خطة رهيبه لتوريطه رفع جواله واتصل على مساعده..(الو اسمع جهزو نفسك بجي ونروح ندمره كلكم لاحد يتكاسل والا بحطكم مكانه)..قفل الخط

ونهض يجهز حاله ..

____في مكان من شكله مكان تجمع العصابات نزل بكامل اناقته ومعاه البوديقارد يمشي بكل ثقة خطواته

ترعب العدو فما بالك به اقترب من الباب وركله بقوه

واقتحم المكان شاف عدوه اللدود قدام عينه اقترب منه

وشاف كيف منهان بعد ماغدر فيه وارسل له شخص علاساس انه فاعل خير وجابه لعنده بكذا خطته نجحت ...

||||{بعد كل انواع التعذيب والضرب طاح من طوله واعترف له هذا كان مناه بطلنا يعترف بعد ماسمع اعترافه اخذه ورماه عند باب السجن وبلغ عليه واسجنًوه طبعا البلاغ كان من رقم غير معروف لاجل مايوصلون له مايبي يسبب له مشاكل مع الشرطه ...



نهاية البارت ::_

[روح أنثى]

مشكورة على طرحك للبارت كنت انتظره بشوق


من جد شيق وممتع

يعطيك ألف عافية 🌹

ننتظر اللي بعده

[الجوري]

سلمت الانامل غاليتي
تم نقل الرواية للقسم المخصص
وتعديل العنوان
بانتظار جديدك
دمت

[امولـ]

البارت الثالث



||||طبعا بخصوصي الحمدلله عائشه عند جدي ومرتاحه بس احس بضيقة لان ماعرفت مين قتل والدتي بس مصيره يطيح بايدي احس بعصبية بس مع الوقت اكيد بعرفه

:{الو السلام عليكم حضرة الشرطي ابي اسالك بخصوص قضية قتل والدتي هل عرفتم مين القاتل هل وصلتم لدليل }....

«$الشرطي المسؤول عن القضية(حاتم).::{وعليكم السلام اهلا سلاف لا للاسف ماعرفنا اب شيء بس في بعض الادلة تشير عليه راح نحاول نعرف وباذن ﷲ نخبرك مع السلامه وقفل الخط }...

«انا سلاف:_يارب ياكريم انك تساعدني واعرف الي حرمني انا وجنى من والدتي ان احرمه من لذة العيش واكسره يارب الايام بيينا اقولها وانا ادعي في صلاتي ....

«$خلصت صلاة ودعاء فتحت جهازي اشوف في اي لعبة او اي سوالف مالقيت شيء قفلته ونزلت اشوف احد جالس طلعت للحديقة عجبني الجو وامنظر اخذت كم صورة ونزلتها بصفحتي رفعت راسي شفت ضل شخص من بعيد ركضت اشوف اختفى شكيت بس قلت بعدين اتاكد ودخلت لداخل البيت ...



«{على دخولي صادف نزول عمي فائز كان طالع مستعجل مانتبه لوجودي بعدها نزل عمي فهد مثله

استغربت شفيهم ماعطيت الموضوع اهمية وطلعت فوق دقيت الباب على البنات فتحت الباب اشوفهم نايمين بعمق حزنت عليهم طلعت وقفلت الباب

نزلت الا اشوف سامر عطاني نظرة ودخل داخل البيت .......



«{طبعا امي الكبيره رقية_كانت تصلي الظهر وتدعي

جيت استاذنت ادخل سمعتها من داخل تقول تعالي

دخلت وقبلت راسها :-ﷲ يتقبل ياجدة اهم شيء دعيتي لي ... :-تبتسم وتحضني وتمسح على راسي

وتدعي لي انا ارتحت بحضنها يذكرني بحضن امي ..

«{اكيد يابنيتي مانسيتك من دعائي لا انتي ولا عيال واحفادي دائم ادعي لكم بكل صلاتي ان ﷲ يحفظكم ويبعد عنكم عيال السوء ومن يحاول ياذيكم }

خليتها تكمل صلاتها وطلعت .................



««عند عائلة اصيل »»

جاه خبر ان بيته انحرق راح يركض بسرعه لعل يقدر ينقذ اهله يوم وصل ماقدر ينقذهم ماتو اهله كلهم قدام عينه وهو يتفحص البيت شاف كبريت عليه

رائحة عاز عرف ان الحريق مدبر وان في احد له ايد

في مقتلهم اخذ جهازه واتصل على الشرطة وجاووو يحققون الصدفه تجمع بين اصيل والشرطي حاتم ....

«:::::::::_السلام عليكم انت اصيل الي اتصل علينا

«اصيل:_اهلا فيك وعليكم السلام اي انا اتصلت ابلغكم بحريق في فلتنا ولقيت الكبريت قريب من هنا ..

«الشرطي حاتم :_ماعليك باذن ﷲ نسوي تحريتنا ونحقق ونكتشف مين الي قام واحرق منزلك وعائلتك المشكلة ان حادثة الحريق ذكرتني بحادثة احقق فيها بس لاتشغل بالك باذن ﷲ نمسكه عن اذنك اقوم بتفحص المكان امر افراده يتفحصون ويصورون المكان وبعد الانتهاء انصرفو للمخفر ...



«بعد مرور اسبوعين من الحوادث الي صارت تم اكتشاف ان الرابط بينهم شخص واحد وحاب ينتقم

بس مشكلته قتل شخص مايعرفه مفكر انه من اهل اصيل الا هي والدتي ..»





في بيت الجد بوناصر:-

ياحرمة وينك ياعيالي مافي احذ بالبيت وينكم

وينكم نزلنا كلنا على صوته هلا ياجدي امرنا ليه تصرخ لاتتعب حلقك جاني خبر من الشرطه ابشركم لقو الي قتل امك ياسلاف ابشرك انا من الفرحة اغمى علي وصحيت عليهم الي يبكي والي يمسح دموعه انا اول ماصحيت حضنت جدتي :-الحمدلله ياجدة ﷲ كشف الي حرمني من امي انا وجنى الحمدلله يارب

:-جدتي تناضرني والفرحه على وجهها وتقول الحمدلله يارب بان والله مانتازل عنه الا بالموت شنق ...

:-انا قمت من حضنها واناضر بعيونها اكيد ياجدة

راح اخذ انتقامي منه بنفسي بس كيف ضليت افكر وافكر رحت لمخفر الشرطه وطلبت اشوفه وقلت له

ماراح ارتاح الا وانا اشوفك مشنوق واذكرك طلعت وانا الدموع بعيوني ..



««في مركز الشرطة :::-«»»»

|||«الشرطي (حاتم)»»:-تطمني ماراح يروح دمها هدر وبينشنق حبيت اطمنك وان شاء ﷲ روح امك ترتاح في قبرها ..{طبعا ابتسمت له وركبت السياره }..



من داخل السجن يشتكي الامران الوحده والخوف

___اخ بالغباء لو ماتركت وراي دليل ماكلن صادوني اخهههههه والا انا بنت تهددني اخ يالقهر ...(كلام القاتل من قهره )...

جاء السجان هي انت استعد وقت محاكمتك فتح الزنزانه واخذه بعد ماحط الاصفاد بايده الى المحاكمة

والقاتل يهوجس ويفكر كيف يخلص نفسه لكن مافي امل المكان من جميع الجهات مقفل حان وقت محاكمته ...



في صباح اليوم التالي نشروووو في الجرئدة خبر ...

(في مثل هذا اليوم وتاريخ ././قامت المحكمة بتسريح ونقله الى منصة الاعدام تم شنق القاتل م .حتى الموت لجريمة قتل شخص بغير حق ..



نهاية البارت .....

[امولـ]

ان شاء ﷲ يعجبكم 👍

[روح أنثى]

مشوق جداّ
هذا البارت
وتناسق الاحداث
جميل ورائع

تنتظر البارت القادم 🌹

[كاسيوبيا]

_



كبداية وأول لمحاتي لها
سلسة جميلة مشوقة
أنيقة الأجواء سيكون لي
رد وتعقيب على كل بارت
تحياتي لك غلاتي امولـ
🌹

[امولـ]

البارت الرابع »:-



:{بعد مرور اسبوع على كل الاحداث الي صارت من ضمنها اختفاء اصيل وصديقه تامر ومن ناحية حريق عائلة اصيل ....}



«نروح عند شخص جالس يفكر ويخطط كيف يرجع لبلده من دون مايتسبب بمشاكل لنفسه من العصابات خصوصا انا صار على راسه مكافأة من يبلغ عليه {عمار }البطل الي مايرتكب جرئمة بحق اي شخص بالعكس يدافع عن الاشخاص الي يحتاجون مساعدة..

««الو مارك اسمع ابيك تخلص لي كل الاجراءات قررت ارجع السعودية سامع اي وابيك تعرف هل

هو باقي متعصب ويهدد ام لا لاجل اعلمه قدره ..

الكلام كله بالعربي لان عمار مايتعامل بالانجلش الا للضرورة ....



««جاه اتصال من مارك يخبره انه خلص كل الاجراءات وانه يقدر يسافر بس لازم يجي ويخلص مع عدوه اللدود بعض طالبه بالاسم ترك كل شيء وراح يقابله »»....



عمار:-وينك اخرج وقابلني جيتك مثل ماطلبتني والا خايف تواجهني لانك عارف ماتقدر تهزمني اخرج ياليكس ..

اليكس:-اهلا وسهلا بك عمار لقد انتضرتك طويلا

يبدو أننا سنتمتع قليلا ماذا بك هل انت غاضب ام

هل انت سعيد لرؤيتي حان الان لكي انتقم منگ لان ادعك تعود الى بلادك ابداااا هجم عليه حاول خنقه.

«عمار:-او يبدو انك تريد ان اتخلص منك وارميك الى الكلاب الشارع تنهش من عضامك لا ساغير خطتي ساقوم بتعذيبك قليلا لاستمتع برؤيتك وانت تتعذب
لعل يهدا غضبي قام وخنقه وربطه وامر احد افراده بتعذيبه الى ان مات تحت ايده وبهذا انتهى امر اليكس الى الابد خرج والدماء ملطخه ملابسه وايده .

في السعوديه وخاصة الرياض :-

في بيت الجد بوناصر :-

كنا جالسين ونضحك ونسولف مراد يرسم وغيداء ومناهل طبعا معاي نشوف لنا المواقع والملابس

وعماني فائز وفهد معاهم سامر نزلت للمطبخ لاجل ناخذ سناكات الا اسمع الباب يدق قلت لهم طبعا راحت الخدامة تفتح الباب وانا طالعة على الدرج

التفت انصدمت من الشخص الي واقف عند الباب
««السلام عليكم اعتذر على الازعاج ادري جيتكم في وقت غلط مين فيكم الجد بوناصر حاب اتكلم معاه »»
««قام جدي يقول انا بوناصر اي خدمة ياولدي مين انت اقترب منه الشخص وكل مايقترب انا دقات قلبي مو طبيعيه متاكده ان لو يسمعونها العائلة كمية احراج »»
جاه وابتسم له وقاله انا اصيل تشرفت في معرفتك
««ناضر فيه جدي وحكى لي الشرف بس مافهمت وش حاب تتكلم عنه تعال معي للمكتب وانتو بعد ياعيال..راحو للمكتب وتركوني مصدومه..»»

««عند البنات شفيها طولت سلاف خليني اروح اشوف على دخولي :-بسم ﷲ شفيك يابنت جايه كان احد لاحقك ... بنات تخيلو من شفت تحت ...

كلهم نطو علي وبصوت واحد وش مين شفتي ..

_تخيلو تذكرون الشخص الي شفته بالكوفي ودافع عني... غيداء ومناهل:-اي نذكر وش فيه بسرعه تكلمي لاتخلينا على اعصابنا....

_تخيلو موجود تحت عند جدي واعمامي شنو ذي الصدفه بنات تتوقعون يعرفهم او وش وصله عندنا ...

_البنات احم احم الصراحه ماندري بس مصيره ينتشر الخبر ونعرف ننتضر ونشوف انا طبعا على اعصابي رائحة جاية وعصبو اجلسي دوختينا ...



««طبعا جدي بعد ماقرا عليه عمي فائز الاوراق

الي تثبت ان اصيل ولد عمي المخطوف يوم انخطف

كان مسميه عمي شاهين بس العائلة الي انقذته سمته اصيل الي هو منصور وبكذا يرجع اصيل لاحضان جدي وجدتي من فرحتهم عمي وجدي حلفو الا يذبحون الذبائح ويعزمون كل الاقارب ...

««جدي بوناصر وجدتي رقية :-اصيل في حضنهم

يبكي وجدتي تمسح على راسه وتقول يارب لك الحمد رجع العالي ولد الغالي ﷲ يرحمك ياناصر تشوف ولدك وضناك يارب لك الحمد بنات تعالو سلمو على ولد عمكم ....



««انا وغيداء ومناهل نزلتا نسلم في طريقتا كالعاده

شفنا سامر ونضرات الحقد ماعطيته اهمية قربت اسلم الا يقول :-اوه وش الصدفه ذي انتي نفس البنت الي بالكوفي والا انا غلطان ...انا انحرجت مره

:-اي ياولد العم انا هي نفسها شفت كيف الصدف ما شاء ﷲ ...يناضرني ويبتسم ويلف على جدتي ويقول

سبحان ﷲ مين كان يقول اني برجع لاحضانك بعد ماكنت مخدوع طول عمري خصوصا ان بعد موت الاب الي رباني انصدمت اني مو ولده بس الحمدلله ..



كلهم قالو الحمدلله يارب حياك في بيتك وبين اهلك كلام عماني سامر بعد ماكان ساكت تكلم وقال كلكم

صدقتو انه ولد عمي وش الدليل شوية اوراق ماتثبت شيء ..... عطاه جدي نظرة بمعنى انطم تكلم جدي وقتها وقال شفت تحليل Dna تطمن ولد عمك انقهر وسكت سامر ....

««انا والبنات نضحك عليه انتبه لنا سوينا نفسنا مشغولات بالجوال ماسكين نفسنا من الضحك .هه هه هه هه هه هه هه »».



««طبعا جاء الصبح وقت الدوامات هناك في المطار....»»

:-وصول عمار من امريكا الى بلاده السعوديه وهو طالع اخذ له تاكسي وهو بطريقه للبيت صدم فجاءة السواق نزل يشوف وش صاير انصدم عمار من الي شافه طبعا انا وقتها اهاوش السواق الغبي الي صدم سيارتي ...



««انا (سلاف):-هي انت وين عيونك ماتشوف الطريق

والا مفكر الطريق طريق اهلك نزل الشخص من السيارة وقرب يشوف الضرر قام طلع بوكه وحذف بوجهي فلوس ....:-اضن مافي اي خدش ولاتعلين صوتك ماجابته امه الي يعلي صوته علي دخل ايده

وطلع محفظته ورمى في وجهي فلوس وقال :-

««ذي فلوس لتصليح السيارة ولاتسوين فيها القوية

رماها وعيونه فيها نار »»..



««انا:-ههه هههه هههه ضحكتني مفكر ان انا بحاجة فلوسك نزلت بشويش والتقطت الفلوس من الارض وصرت قريبه منه اخذت الفلوس وحطيتها في ايده وقلت :-خذ فلوسك تحتاجها واتمنى مانتقابل مرة ثانيه ...

««يناضر فيني وعلى وجههه نظرة الغضب لو مامشت سيارتي كان ارتكب في السواق جريمة (هين يابنت الناس مصيرك تطيح بايدي وااشيل قناع الغرور والغطرسة من على وجهك هين قالها وهو يفرك ايده من القهر)....



رجعت للبيت وانا اضحك من الموقف الي صار الا اشوف العائلة تنتضرني واضح في شيء صاير انصدمت .........



نهاية البارت....

[ياسمين]

متشوقة للاحداث الجاية
ابدعت عجبتني بررغم مااقرأ روايات
بس روايتك خفيفة على القلب
تسلمي امول

[ندى الورد]

اموله يااموله
الرواية بدء الحماس فيها
احسنت ياعسل حبيتها
منتظرة الباقي

[امولـ]

متشوقة للاحداث الجاية
ابدعت عجبتني بررغم مااقرأ روايات
بس روايتك خفيفة على القلب
تسلمي امول

تسلمي ياعيني 💛

[امولـ]

««البارت الخامس»»

««

««دخلت للبيت واضحك الا اشوفهم كلهم ينتضروني مادري وش صاير تقدمت الا جاني
كف من جدي رفعت راسي مصدومه والدموع
بعيوني :-ليش جدي انا وش سويت ليش ضربتني
كف اول مره احد يمد ايده علي ليش وانا ابكي »»
««جدتي قولي له انا وش ذنبي يضربني تكفون علموني وش صاير قالت لي شوفي ناضرت وين ماتاشر انصدمت من الي جالس ويضحك مستمتع
بانتصاره علي »»

««ما شاء ﷲ فورا جيت خبرت اهلي واضح تبي تموت اليوم على ايدي مين قال اك ان حتى لو جيت تشكيني لهم بيتغير موقفي وقح جبان لو انت رجال ماجيت عندهم »»
««لفتني جدتي وعطتني كف ثاني انتبهي للسانك يابنت الرجال ضيفنا وش قلة الادب ذي هذه الاخلاق
الي امك علمتك اياها ...

««طبعا عمار مستمتع بانتصاره وقف وعطاني نظرة
تكلم وقال هذا الي يحط راسه براسي يندم وقدرت اوصل لبيتك لاتناضريني كذا انتي جنيتي على نفسك
:-تقدمت منه وعطيته كلمتين اسمعني مهما سويت ومهما حاولت والله وغلاة امي وابوي بترابهم ابكيك دم تركتهم وصعدت لغرفتي تاركتهم مصدومين من تصرفي-:

«« عائلتي طبعا كلهم تاسفو من عمار والي يقول امسحها بوجهنا البنت صغيرة وجاهلة وجدي جالس
يتعذر منه ويطلب انه ينسى اي شيء صار »»
««عمار تقدم لجدي وجدتي ومسك ايدهم لاتعتذرون انا ادري انها غير عنكم وانها صعب تتعاملون معاها انا مسامحها علشانكم والا كنت
بسمعها كلام يزعلها حصل خير تركهم وطلع من البيت »»

««فتحت باب غرفتي وصكيته بقوة من عصبيتي شوي وتجي غيداء تفتح الباب صارخت عليها فكرتها الخدامه اطلعي مابي اكل ومابي اشوف احد غيداء جات لي شفيك سلاف مين عصبك حضنتي غيداء تحاول تهديني احاول افكها ضلت حاضنتني هديت
قلت لها تخيلي تهاوشت مع واحد بالشارع
وكسرت مراية سيارته ويوم رجعت الا لقيت الكل منتضرني ياختي الي قاهرني انه يناضرني مستانس وانا انقهرت بس ماراح اسككت له »»
««غيداء :- خلاص اهدي باذن ﷲ الموضوع بينحل
وبينسون اهلنا اهم شيء لاتسوين شيء تندمين عليه »»
««انا :-القهر الي فيني مايطفيه الا ضرب او تكسير او تصفيق له اخ هين مصيري اشوفك واكسرك يامغرور»»

««اصيل كان نايم ويوم صحى انصدم بالجو متكهرب
رجع لغرفته اندق الباب قام اصيل يفتح الباب :-هلا فيك ياعم حياك.... :-عسا ماشو ياولدي ليه طلعت لغرفتك ومانزلت.... :-لا ولا شيء ياعم بس ماحبيت الجو طلعت بسرعه لغرفتي اللحين انزل لكم
««العم فهد:-على هواك ياولدي كلنا تحت ننتضرك ..
اصيل:-ولايهمك اللحين جاي ترك كل شيء بايده ونزل »»
««:_نزل اصيل لتحت وهو نازل كنت انا توني طالعه من غرفتي جات عيني بعينه وابتسمت هو طبعا انحرج قال صباح الخير "..
««انا :_صباح النور ان شاء ﷲ ارتحت بالنوم العذر والسموحه على المنظر الي شفته تحت بس انا
زيك انصدمت ماتوقعت انحط بكذا موقف وهذا
لقانا الثاني الي يصير في تاتش المهم انزل الفطور جاهز -:
««اصيل:-ولايهمك ماصار شيء اصلا تعتذرين عليه انا اصلا ...مانمت زين علشان كذا صحيت متاخر....
انا :-امم امم عادي اقول لك شيء بس ماتنصدم اولمرة شفتك فيها عجبني اسلوبك ودفاعك عني حبيت انكً حميتني بدون ماتعرف مين انا الصراحة من يومها وانا افكر فيك اعذرني على صراحتي بس ماقدر اكتمها (انا آحبگ)قلتها وجريت لغرفتي منحرجه ....
««اصيل :-مصدوم بس في نفس الوقت انبسط يوم سمع اعترافي وانا بعد احبگ عسى يجي اليوم الي تكوني لي قالها ونزل للصالة ...(اسرع اعتراف ههههه ههههههه )**
««عمي فهد وعمي فائز كانو يتناقشون مع بعضهم الي صار جاء سامر وجلس يقول حنا الي خليناها على
راحتها سكته عمي وقال مالك شغل فيها ماجات من عند امها علشان نحكرها انطم لاسمع لك صوت عصب سامر وسكت هاه شرايك يافهد وش الحل
برائك ..:-عمي فهد قال مانقدر نسوي شيء اللحين
نترك الموضوع لابونا وان شاء ﷲ يعطينا الحل ننتضر فقط..

««اقبل عليهم اصيل وسلم عليهم قال لهم كيفكم

ان شاء ﷲ بخير عمي فهد وفائز ردو عليه الحمدلله بخير وانت ان شاء ﷲ ارتحت بالنومة رد عليهم اصيل..



««الحمدلله بخير وارتحت بقوم افطر دخل للمطبخ سوى له فطور وافطر ورجع جلس معاهم التهى بالجوال »»

««على نزول الجد والجدة :-اسمعوا كلكم من اليوم

ورايح اي كلمة تنقال بحق سلاف اقطع لسان الي يتكلم واذا على الغريب بتحرى عن موضوعه ومن هو

بعدين انا اتصرف سامعين ردو كلهم عليه :-امرك يابوي شورك وهداية ﷲ اهم شيء رضاك ....

««جدي بوناصر:-ﷲ يرضى عليكم ياعيالي اي ابيكم كذا كلكم على ايد وحدة وماتسمعون لاي احد ولاتتركون الغريب يفرقكم ﷲ يسعدكم ....»»



«{اما عند عمار وهو بفيلا الخاصة فيه يضحك وابتسامته مالية وجهه يتذكر ملامح وجهي وانا

اناضره معصبة قطع تفكيره اتصال :-الو اي انا عمار

هلا فيك ياعم بوناصر الحمدلله بخير لاماله داعي تتصل تعتذر انا نسيت السالفه وش امرك ولايهمك

جاي في الطريق مع السلامه قفل الخط وركب سيارته

متوجه لفيلا جدي ...»}.

««{وصل ودخل بسيارته للفيلا رفع عينه الا يشوف

ضل احد يطل عليه من النافذة مو واضح ابتسم ونزل

قرع الجرس لتفتح له الباب الخادمة دخل وسلم على

جدي وجدتي وجلس :-جيتك مثل مانت اتصلت علي وطلبت مني امرني وش بغيت الجد:-والله ياولدي حاب اسالك انت مين اقصد ليه اغلب كلامك مو عربي انت اجنبي شيء.. عمار:-اها اي ياعم انا من ابو اجنبي وام سعوديه كنت عائش في امريكا لما توفو اهلي ضليت عائش لوحدي بعدين قررت ارجع للسعوديه واستقر فيها ...»}



««{الجد بوناصر :-ياهلا فيك والله تو مانورت السعوديه اي ياولدي مالك الا بلدك والله يرحم اهلك يارب واعتبرنا اهلك لايردك لسانك ياولدي اطلب اي شيء ناقصك والا بزعل منك بس في امور لازم افهمها منك »»}.

««{عمار:-باذن ﷲ ياعم اذا احتجت شيء طلبر منك بس ماضن انا احتاج عندي خير ومشكور انك فكرت فين وزين انك ترحمت على اهلي لان محد فكر فيهم

علبالهم انهم كفرو يوم راحو امريكا ﷲ يرحمهم انا استاذن وباذن ﷲ لنا لقاء »»}.

««{الجد بوناصر والجدة رقية :-ﷲ معك ياولدي وربي يحميك ويحفظك ابتسم لهم وطلع وهو طالع

كنت توني جاية من المول عطيته نظرة غضب ودخلت ضحك وكمل مشي للسياره حرك وطلع من البيت »»}..



««دخلت اتحلطم الا جدي وجدتي يسالوني :-شفيك يابنتي تتحلطمين عسا ماشر :-رديت عليهم لا ياجدي مافي شيء وانا جاية شفت شخص مزعج وراح تطمن قبلت راسهم وصعدت لغرفتي . :-ضحكو درو عن من كنت اتكلم ﷲ يهديها متى بتكبر وتخلي حركاتها قالت جدتي مع الوقت تترك حركاتها وان شاء ﷲ تركز تصرفاتها تطمن »»}.



نهاية البارت....

[روح أنثى]

البارت الرابع
وكمان البارت الخامس
كلهم فيهم
سلالة وتشويق
كالعادة
بانتظار القادم 🌹

[امولـ]

“„البارت السادس „“

مساء يوم المناسبة الساعه 2:30.......

«صحيت على صوت الجدة وهي تنادي الخدامة لاجل تجهز وترتب الاكلات والحلويات للمناسبة خصوصا انها عزيمة كبيره لاصيل طبعا انا وقتها كنت مقهورة من الغبي الي شفته امس بس نسيت اول .ماشفت اصيل واقف عند باب غرفته ويناظر فيني مستمتع بكل حركة اسويها خصوصا اني قاعده اتحلطم واحاول اعدل شعري الي طايح على وجهي رفعت راسي على ضحكة:- »»

||في شيء يضحك لاسمح ﷲ طبعا قرب مني وبحركة
رفع شعري وربطه ..:كذا بتقدرين تشوفين الدنيا ماتتطيحين.قالها وهو معطيني ظهره راجع للغرفه
«جيت برمي عليه المزهرية الا تصدم بالباب وتنكسر مقهورة»

||الجد والعم فائز يتناقشون بعض الامور اما عن عمي فهد ووبناته مع ولد عمي سامر طالعين للمو
نزلت اسال جدتي تقول طلعو يشترون شوي اغراض
انقهرت وقتها بس تصرفت طبيعي جلست وفتحت جهازي اطلب من المواقع لي بعد ما دفعت وصل لي طلبي رحت افتح الباب واخذت الطلب وطلعت اقيس ..

||في مكان عند شخص ودي اني ارسل له صاروخ يقتلهعمار ماسك جهازه ويكلم مارك خصوصا ان مارك ضل في امريكا بسبب جوازه منتهي لازم يجدده وينزل للسعوديه ...(الو مارك كيف حالك اخبريني مالجديد لديك)..:_(مرحبا عمار انا بخير لاتقلق لكن هناك بعض الامور سانهيها واكون عندك في السعوديه باذن ﷲ ).
(ماذا ماهي الامور اخبرني اذا كان بامكاني مساعدتك سافعل ):_(لاباس لاتقلق فقط جواز اليفر الخاص بي منتهي ساجدده واتب سريعالاتقلق الى اللقاء )اقفل الخط ...
||ساوره بعض الشك فصوت مارك لايطمن نفض راسه من الاوهام وذهب الى دورة المياه ياخذ له شاور ينعشه واخذ من عطره المفضل ورشه على جسده وعلى شعره لبس ساعته المفضله واخذ جهازه وركب سيارته مايدري وين بيروح كل الي في باله يطلع اذا فجاءة وجد نفسه امام بيت عائلة الجد بوناصر ابتسم بخبث....»

«اصيل مو عارف وش يسوي حاسس ان بيصير شيء
وبنفس الوقت خايف احساس غريب بس تجاهله
وجهز ملابسه ولبس جنز مع تيشيرت اسود ورفع شعره لورا طلع جميل حيل ونزل والكل مجتمع
العائلة مع بعض الجيران ...»

«تكلم واحد من الجيران ما شاء ﷲ ولدكم مزيون مين ذا وليه تونا نعرف عنه »
«الجد منصدم اذا الجيران مايقابلونا ابدا تكلم جدي وقال ذا ولد ولدي ناصر طبعا كان مخطوف ولقيناها
شاهين تقدرون تنادونه بشاهين او اصيل بس هو حاب اسم اصيل اكثر والا شرايك ياولدي ...ابتسمت له وقلت الي تشوفه ياجدي تبي شاهين نادني واذا تبي اصيل هم براحتك ...
«جدي يقول خلاص من اليوم اسمك اصيل وشاهين ننساه تمام لف علينا
«كلنا قلنا له تم الي تشوفه اسمه اصيل من اليوم
وهو بعيونا "جدي جالس مع الجيران يسولف الا الباب يندق فجاءة يدخل شخص غثيث»....

عمار:-السلام عليكم ياهل البيت انا اسف جاي في وقت غلط بس حبيت اوصل لشخص عندكم هنا رسالة ان غروره ذا لوين يبي يوصله سيارتي للمره الثانيه تنعدم ولازم تدفع لتصليحها والا باخذها للشرطة وهناك اخذ حقي منها قرب مني وعلى وجهه نظرة الخبث _:
«وقفت وضربته كف باقوى ماعندي وقلت له للاسف جيت للشخص الغلط لان اذا سيارتك انعدمت مو ذنبي وياليت تطلع بكرامتك لاطلعك مهان قلتها وعيوني بعيونه وماخفت »»
عمار:-ضحكتيني الصراحة ماجيت لهنا علشان اطلع وايدي فاضية ياتدفعين يالشرطة تنتضرك اتصل عليهم وجاوو „(السلام عليكم انت الي اتصلت علينا)
“«(وعليكم السلام اي انا وحاب اشتكي على البنت ذي كسرت سيارتي ورافضه تدفع اتمنى تاخذون معها كل الاجراءات اللازمه )...»
««سلاف :-انقهرت وجيت بتكلم سكتتني جدتي ناضرتها قالت خلاص ياحضرة الشرطي راح نصلح السيارة على حسابنا بس اتمنى ماتسبب لنا مشاكل حنا في مناسبة سعيده قال لها الشرطي انتضركم في المخفر وطلع بغيت اموت من القهر طلعت غرفتي وبديت اكسر في الاغراض »»
««انتهى اليوم بخير وماصار مشاكل بس صحينا على خبر مفجع جدي وجدتي كانو ساكتين مصدومين انا وغيداء ومناهل قربنا منهم الا نشوف الجرئدة في ايدهم اخذتها وقريتها
:(في مثل هذا اليوم تم العثور على جثة شخص بالقرب من البحر عجز المسعفون التعرف على شخصيته )كلنا خفنا خصوصا ان سامر طلع وماعاد رجع ياخوفي يكون هو الشخص المقصود »»
....قاطع خوفنا اتصال قرب عمي فائز ورد على الاتصال(الو السلام عليكم معانا العم فائز للاسف نخبرك بوجود ابنك في المستشفى اتمنى ان تاتي وتاخذ جثته ) عمي انهار ووطاح من طوله رحنا بسرعه للمستشفى وانصدمنا ان الجثه هو سامر من اغراضه الشخصية ....
««الكل في البيت بحالة حزن اما انا بصدمه صحيح ان سامر كان يكرهني ومايطيقني بس بكيت عليه من منظر عمي وعمتي من حزنهم عيونهم ذبلانة قمت وطلعت للحديقة شفت بوجهي اصيل سلم علي وقال لي شفيك مو هذا الشخص الي انتي واياه كره راح لعند ربي ﷲ يرحمه»»

«في اليوم الثاني عند اصيل والجد..»

««اما عند اصيل كان جالس مع جدي وجدتي الا يطلب منهم الزواج مني جدتي وقتها فرحت وجدي انبسط تكلم اصيل ياجد ابيك تفاتحها بالموضوع اخاف ترفض .
الجد :-ولايهمك بكلمها واشوف رائها وباذن ﷲ مايصير الا خاطرك طيب تركه وطلع لي دق الباب ..
««انا قمت وفتحت الباب وقلت تفضل جدي حياك جلست وجلس بجنبي جدي:- قال لي يابنتي اسمعيني
الصراحة في شخص طلبك مني وانا موافق بس الشور في النهاية لك ... سلاف:-انا نزلت راسي من الخجل وقلت له مين ذا الشخص ..
«جدي يناضرني ويقول الشخص هو اصيل وانا يابنتي ماعندي مانع وانتي غالية على قلبي استخيري وردي لي خبر»"
«ياجدي بستخير وبشوف وش ﷲ كاتب لي باس راسي وطلع انا وقتها بغيت اطير من الفرحه وقمت ارقص والعب بشعري من الفرحه رحت صليت صلاة الاستخاره وحسيت ان قلبي مرتاح بس صليت مرتين
علشان اشوف والحمدلله حسيت براحه اليوم الثاني
نزلت للصالة والكل مجتمعين استحيت
قربت من جدي وكلمته في اذنه وطلعت بسرعه لغرفتي ابتسم بوم شافتي هربت .»»
:-اسمعوني جميعا اصيل طلب مني سلاف وانا وافقت وباذن ﷲ الخميس الجاي الملكة الكل يتجهز سامعين ردو عليه ان شاء ﷲ وباذن ﷲ بيكون زواج الكل يتكلمون عنه تطمن يابوي»»

في مكان بعيد وعند شخص جالس والتفكير شاغل باله يفكر وبنفس الوقت قلبه يدق بسرعه هائلة
(عمار) علشان يتجاهل شعوره اخذ جواله وجاء بيتصل الا راح باله لبعيد وقت صار بينه وبيني مشكله كبيره ضحك بصوت عالي لدرجه طاح على ظهره .
:_انا الي ماحد تجرا وتحداني ومحد شغل بالي وتفكيري اطيح بغرام شخص وقح مثل ذيك البنت
(اخ ياقلبي لاتدق اهدا مستحيل اسمح لك تدق لاجلها) اخذت جوالي ومفاتيح سيارتي وطلعت ماعرف لوين بروح المهم مافكر فيها رحت للبحر اشك شوية هواءالا اشوفها من بعيد جذبني شكلها طبعا هي بعباءتهاالتفت وشافتني طبعا عطتني نظرة الكره ومشت لحقتها بس ماقدرت اوصل لها اخذت بدرب طريقي ورجعت للبيت ومن بومها ماعاد شفتها »»

«صحيت اليوم الثاني طلعت اخذ الجرائد ورحت وجلست على الكرسي الا اقرا خبر جذبني وقتها اقرا والدمع على خدودي ماتوقعت ان خبر مثل ذا يهزني
(عائلة الجد بوناصر تدعوكم الى حفل زفاف ابنتهم
سلاف على ابن عمها اصيل في اليوم الخميس ونرجو حظوركم وتناول الطعام ومشاركتنا الفرحه في تمام الساعه 9:30 وشكرا )
««انا ماعرفت وش اسوي اخذت جوالي واتصلت بمارك لاشعوريا .الو مارك كيف حالك انا لخير لاتقلق اريد منك ان تحجز لي على اول موعد للسفر الى امريكا لاتسالني مالامر فقط نفذ »»اقفلت الخط
وذهبت الى حزم امتعتي بس قبلها اخذت درب طريقي الى منزلهم »»
عند وصولي لم استطع انا اقف احسست ان الارض لاتريدني لكن وقفت واستجمعت شجاعتي وطرقت الجرس لتخرج لي الخادمه اريد ان تخبري العائلة انني هنا ذهبت تخبرهم وعادت تقول لي ان ادخل
:-اقتربت اليهم وقلت السلام عليكم انا اعتذر لمجيئي لكن اردت ان اعتذر لكم واودعكم فانا ذاهب الى امريكا للابد اقترب مني الجد ووضع يده على كتفي
:-هلا فيك ياابني وش الكلام ذا ليش بتسافر فجاءة
رديت عليه وقلت المعذرة بس ماقدر اعيش هنا
جيت اعتذر اليكم والى ابنتكم اتمنى ان تقبلو اعتذاري انتبه لي وانا نازلة ...
««وش المفاجأة ذي انت هنا وش تسوي لايكون في مشكلة جديده والا جاي تهددني ابتسم وانا كملت كلامي تكلم وش جابك رد علي وقال لا مافي شيء جديد صدمني كلامه يوم قرب مني وجلس على ركبته »»
:-وقال لي انا اسف ماكنت اعرف انك انسانة طيبة
كنت حاقد عليك بس اكتشفت اني غلطان انا اسف اتمنى تسامحيني وانا راجع لامريكا وماعاد بتشوفيني رديت عليه ورفعتها لفوق وقلت اوقف انت رجال ماينحنى لبنت حتى لو كانت انا تطمن ماني حاقده بس ماخذه منك موقف بس ولايهمك انا مسامحتك تقدر تسافر وانت متطمن ابتسم لي وقال :-هذا العشم منك ومن اهلك اشوف وجهك بخير "

«ركب سيارته وراح للمطار وسافر طبعا وقتها جاني خبر انه سافر لاجل مايواجهني خبرني مساعده انه

يحبني وقتها دعيت له من قلبي ان ﷲ يرزقه السعاده وين ماكان »»



نهاية البارت...

[امولـ]

«البارت السابع»

«بعد مرور اسبوع من مغادرة عمار السعودية ورجوعه لامريكا طبعا بيصير في بيتنا زواج بس حاسة ان في شيء بيصير »

«صحيت من نومي على اشعة الشمس وصوت العصافير فجاءة اشوف اتصال من رقم رديت الا

اسمع صوت شخص مالوف لي :-الو هلا مين معاي

:-كيفك سلاف انا اسف على الاتصال المفاجي حبيت

اسلم عليك واتاكد اذا مسامحتني اكيد عرفتيني انا عمار.

:-اي مسامحتك بس استغربت كيف اخذت رقمي

بس واضح صوتك مو تمام في شيء لاسمح ﷲ ..

:-لا تطمني مافي شيء بس حبيت اكلمك واشوف اذا

مسامحتني لان ماعرف وش الايام مخبيه لي بخاطرك سلاف ...

:-ﷲ يسامحك دنيا واخرة لاتقول كذا ﷲ كريم وماتدري يمكن الايام الجاية تكون سعيدة لك ..

:-الله كريم يارب وشكرا وصلي سلامي لاهلك وباذن

ﷲ اذا الايام كفيله نتقابل بكون شخص ثاني وماياذي احد..

قفلت الاتصال ونزلت لتحت اشوف البيت هادي استغربت وين العائلة مختفيه مالهم حس قمت

ادورهم لقيتهم بالحديقة كلهم مجتمعين استانست

يغيرون جو جيت ومعاي شوكلا قعدت امزح واضحك مع البنات واعمامي يسولفون مع جدي وجدتي الا بدخول اصيل معاه اغراض :-السلام عليكم ما شاء الله مجتمعين الحمدلله انكم طلعتو تغيرون جو احسن من الجو الكئيب داخل البيت ...

:-وعليكم السلام ياهلا اي الحمدلله طلعنا نغير جو ونسولف وناسة تعال ياوليد اجلس معانا ...

:-لا استانسو بطلع لغرفتي اغير واخذ شاور وانزل معاكم طلع لغرفته في طريقه صدم بالمزهرية وانكسرت قام رتب المكان وجاء يلم المزهرية المكسورة ...

««عند مناهل وغيداء جالسين يشوفون ملابس واكسسوارات في المواقع جيت مسرعة وجلست معاهم :-بنات تخيلو مين اتصل علي انصدمت والله

تركو الي في ايدهم ويسالون مين يابنت رديت عليهم

:-عمار تخيلو اتصل علي وصوته خوفني حسيت انه مو تمام المشكله انا سامحته بس مادري احس في شيء...

:-لا ان شاءالله مايكون في شيء مجرد تهيات منك انسي وتعالي نشوف وش نطلب لزواجك في اشياء حلوه ..

:-تذكرت اني على وشك الزواج استحيت ورحت اشوف وش يعجبني في المواقع اخترت لي فساتين واكسسوارت مع شنط ولقيت لي ميكاب حلو يناسب بشرتي ..



««في مكان بعيد خصوصا نيويورك امريكا »»

||عمار ومادراك ماعمار من يوم سافر وهو مو على طبيعته كانه انسان ثاني مو عمار الي الكل يعرفه

الشخص الي فرض احترامه وقوته حاليا شكله تغير

وصار جسمه نحيل وكله بالبيت مايطلع الي يشوفه

يقول تارك له شيء مهم الي خلاه كذا كان جالس ويفكر في امور كثيره بمستقبله قاطعه اتصال من

««الجد بوناصر :-الو ياهلا كيفك الحمدلله بخير والله

كنت جالس افكر الا شفت اتصالك طمني عليك ياجد

ان شاءالله بخير وعائلتك ..

:-سلام كيفك عمار ان شاءالله بخير الحمدلله كلنا بخير اتصلت اتطمن عليك والله كان ودي انك في السعودية

لاجل تحضر زواج سلاف واصيل خيرة طمني كيف امورك ..

:-الحمدلله انا بخير واموري تمام بس منشغل شوي

وان شاء ﷲ بس اخلص واكون متاح ارجع على اول طيارة واذا ماقدرت اعذرني ياعم استاذنك وقفل الخط ..

||««يوم الاربعاء الساعة 6:30 المغرب الكل قاعد

ينسق ويجهز كل مستلزماته الا بدخول اصيل وهو

وضعه كان مو طبيعي قام الجد يساله شفيك ياولدي

عسا مافي شيء مضايقك :-ياجدي انا غيرت رائي في

الزواج ..

:-عطاه الجد نظرة وقال ليش غيرت رائك عسى ماشر وش فيك انت الي طلبتها مني وانا عطيتك علمني وش صاير ...

:-ياجد انا تسرعت واحس اني أخطيت بقراري ولاتسالني ليش لان انا ماقدر اقول لك السبب اخاف

عليك جاء بيطلع لغرفته مسكته جدتي وقالت له ..

«وش تقصد بكلامك وشنو الي تخاف على جدك منه تكلم صدمها بكلامه يوم وراها مقطع فديو لسلاف

«شوفي حقيقة بنتكم الي انا كنت بخطبها شوفو بعيونكم يوريهم المقطع والجد والحدة بحالك صدمه »»

«انا وقتها يوم شفت المقطع ضحكت من هبال اصيل

وغباه ضحكت من تفكيره المنحط فيني وكيف فورا صدق شيء ماصار بس مسكت نفسي اشوف وش بيصير واذا زاد الوضع عن حده تكلمت لان انا اعرف نفسي مستحيل اسوي شيء يكسر عائلتي مو انا

..(طبعا المقطع فيه صور واشياء مو زينه والي فبركها يبي

يدمرني )...

««جات لعندي جدتي وكانت شوي وتضربني كف الا مسكت ايدها وقلت لها قبل تشكيني فيني خليني ابرر لكم لان مو انا الي اغلط ومو انا الي العب بذيلي لان مو تربيتي كذا .. ((المقطع ذا مفبرك والشخص الي سواه وحده وثقت فيها وغدرت فيني لاني ماخليتها تلعب فيني قامت وفبركت لي المقطع ))

طبعا لان هي عرفت انكم بتصدقون ضمنت نفسها

لكن والله ماسامحها ولو انها باخر مكان اجيبها واذلها »»

..انصدمو عائلتي من كلامي وكيف كنت واثقه وانا اتكلم قال لي جدي حنا ماشكينا حبينا نتاكد لاجل مانظلمك

بس ليه صار لك كذا لف على اصيل وهاوشه وقال

اذا هذه بدايتها تشك اجل وش بتكون

نهاية علاقتك معاها ماعندنا بنات للزواج وانتول عمها بتضل اما ان تتزوجها انسى رما

عليه الكلام وطلع هو وجدتي لغرفتهم انا وقتها

كنت بنهار مسكت نفسي لاجل ماخليه

يتشمت فيني عطيته نظرة وطلعت لفوق...



في امريكا وخصوصا مكتب عمار مجتمع مع موظفينه

وهو بالاجتماع وردت له رسالة رفعها الا سشوف رقم يعرفه زين قرا محتواها كالاتي .......

{مرحبا عمار كيفك انا سلاف اسفه للازعاج ممكن من وقتك شوي اذا كنت فاضي رد علي }

بعث لي رسالة محتواها {اهلا بك سلاف الحمدلله انا

بخير اسف انا حاليا باجتماع اذا اصبحت فاضي ارسلت لك اوك }

رديت عليه:-{اوك انتضر رسالتك باي }..... قراها وابتسم ورجع لاجتماعه ...

ويوم خلص الاجتماع اخذ جهازه وارسل لي رسالة

{مرحبا لقد انتهيت من اجتماعي مالامر هل هناك شيء مضايقك}

جاه رد {اولا كيف حالك اريد ان تساعدني في امر ممكن }

{وش الامر ولماذا طلبتي مني ماطلبتي من اهلك

اذا الامر سهل بمقدوري انفذه لك واحله لك بدون مشاكل }

{ابي تبحث لي عن بنت اعرفها هربت لامريكا وغيرت كل ارقامها وحساباتها في التواصل ابي اوصل لها بتي طريقة اسمها لميس كانت صديقتي بس غدرت فيني

ياليت ياعمار اكيد نفوذك بيساعدني ارجوك }

{ابشري ولايهمك باذن ﷲ اجيبها لعندك وراح اسوي كل الي يمكني القاها وراح ارد لك خبر اوك لاتخافي هنا انا عندي كثير ناس يساعدوني لاتحاتين }



«{مر يومين وكانها سنة بالنسبة لي لوقت جاتني رسالة خلتني اطير من الفرحه وكان ﷲ استجاب لي

فتحتها الا اشوف مقطع فديو وافتحه واشوف كيف

لميس مهانة ومعذبه لدرجة ان بالمقطع تبكي وتترجى انه يسامحها غضبه وحقده خلاه يعذبها

لوقت تعتذر وتقول {انا اسفه ياسلاف ارجوك سامحيني ماعرف وش صار لي وقتها وفبركت لك فديو وارسلته لاصيل انا اسفه واتمنى ان تسامحيني}»

««كنت جالسه في الحديقة وحاطة السماعة باذني

الا اشوف شخص جاي من بعيد الصراحة بالاول خفت وتخبيت وراء الجدار وطليت بنص وجهي

ماشفت احد استغربت متاكده شفت احد جاي صوبي اسرعت وركضت لداخل البيت الا اشوف

منظر الدماء مالية البيت خفت وركضت ادور عائلتي الا اشوفهم كلهم طايحين وجيت احركهم انصدمت من الدم والطلقات على اجسادهم اتصلت بالاسعاف ووصلت فيهم للمستشفى اخذهم الدكتور يفحصهم وشوي طلع لي الدكتور الا يقول

:-عظم ﷲ اجرك في اهلك كلهم توفو انا انهرت واغمى علي »»

«{ضليت ساعة منصدمه واتذكرهم كلهم مره وحده

جدي وجدتي واعمامي وغيداء ومناهل وجنى اختي الصغيره صرخت باعلى صوت ودموعي على خدي وحلفت الا اعرف مين الي قتلهم وانتقم منه رجعت للبيت واخذت اقلب في غرفة جدي الا اشوف ظرف مكتوب خاص جدا فتحته انصدمت من المكتوب:-(لاتحاول تهرب انت وعائلتك

اقدر اجيبكم لو انتو في اخر مكان في العالم مكتوب بالدم )....

||««{رحت اراجع الكميرات الا اشوف شخص لابس اسود باسود وموباين الوجه حفظت المقاطع وطلعت بسرعه للشرطة ابيهم يساعدوني اول ماوصلت للمركز مالقيت الشرطي ضليت انتضر وجاني الحارس يقول روحي لبيتك تاخر الوقت ركبت السيارة

ورجعت للبيت واول مانزلت الا اشوف الشرطة حاوطت البيت :-خير ليه محاوطين البيت وش فيه

بدال ماتدورون على الي قتل عائلتي جيتو تقفلون على بيتي بسلاسل جبت بفكها دفني وقال الشرطي :-

{اتمنى انك ماتتدخلين والا ضميناك الى عائلتك لان

جريمة قتل عائلتك كبيره انتبهي لازم تضلين قدام عينا لوقت نعرف مين الي قضى على عائلتك كلها سامعه اخذت نفسي وهربت }.......



«نهاية البارت »...

[امولـ]

/البارت الثامن/



«يبدو ان السعادة الي كنت اتمناها اختفت ذهبت مع موت عائلتي والفرح اختفى بس مو سلاف الي تسكت وباخذ حقي وانتقامي منه بس مين هو اموت واعرف المشكله مو طالع لي بالكاميرا الا من خلف وكله سواد»



«طبعا بعد كل ذي الاحداث اتصلو علي الشرطه لقضية قتل اهلي ويوم رحت للاسف صدمتي كانت حيل قوية بالشخص الي كان مقابلني ماتوقعت اني بيوم من الايام التقي فيه »



:-شنو الصدفه ذي الي جمعتنا

بعد ذي السنين وش جابني على بالك .
مستغربه والله الشخص الي ضرني اشوفه قدام عيني قربت طبعا منه وضربته كف بكل قوتي ...



|{اهلا والله يامرحبا اخيرا طحتي

بايدي محد قال لك تضريني شفتي كيف الدنيا دواره هربتي ورجعوك غصب عنك كيف السجن لميس ان شاء الله عاجبك هذا مصير الشخص الي ياذيني يطيح في شر اعماله }



لميس :- ماكنت متوقعه ان قلبك قاسي نسيتي ايامنا الحلوه والعشرة

هذا وانا صديقتك كيف هنت عليك



سلاف :- انتي الي جنيتي على نفسك

والا نسيتي المقطع الي فبركتيه وارسلتيه للشخص الي كان بيخطبني وخربتي حياتي تحملي مو انا الي تسكت عن حقها قربت منها

كنت ابي احضنها بس تذكرت خيانتها لي عطيتها ظهري وطلعت وقبل ماطلع قلت لهم تصرفو معاها بالي تشوفونه مناسب اهم شيء تاخذ جزاتها »



«طبعا بعد مقابلتي لها رجعت لبيتي مفطورة القلب حطيت في بالي اني احجز واسافر اي مكان اهم شيء انسى الحزن رحت وحجزت على امريكا طبعا عندي فوبيا من المرتفعات بس عادي»



«هبطت الطيارة بامان على اراضي امريكا مادري وين اروح تذكرت شخص رفعت جوالي وارسلت

«وينه وينه ايوا هذا هو ضغطت رسالة {مرحبا كيف حالك انا اعتذر للازعاج لكن انت الشخص الوحيد الذي اعرفه هنا اريد مقابلتك انا بالمطار وماعرف وين اروح انتضرك عمار }

{جاتني منه رسالة اهلا فيك متى وصولك اللحين اجي انتضريني

اخذ سيارته واسرع للمطار }



{اول ماشفته سعيت باسرع ماعندي كنت راح احضنه نسيت انه شخص مو من الاهل سلمت عليه بايدي }

:-{مرحبا كيف حالك مر وقت طويل لاخر مرة رايتك فيها هل تذكر ابتسم لي وصافحني }

{ركبت معاه السيارة واخذني حجز لي شقة وتطمن علي وراح اما انا اخذت لي شاور يهدي نفسي ورميت جسمي على السرير ونمت }



{{بعد مرور من الزمن طبعا انا تزوجت والحمدلله عائشه حياتي

ومبسوطة نسيت كل احزاني صحيح اني تزوجت مامعي احد من اهلي بس الحمدلله ربي رزقني بانسان ينسيني كل همومي }}

{انا وعمار جبنا بنت وولد طبعا بعد

معاناة كثير في حملي بس الحمدلله

انجبتهم طبعا هم توام ميلاف وتميم واستقرينا في امريكا للابد }



بكذا اكون ختمت قصتي معاكم

صحيح ماكانت قصة جميله لكن

نهايتها سعيده اتمنى ان تكون الرواية اعجبتكم مع حبي وتقديري

لكم والسلام عليكم ورحمة ﷲ وبركاته .....



تمت الرواية بحمد ﷲ

محدثتكم :-امولـ

25/1445 1/2024 July

[امولـ]

خليت النهاية سعيده ومافي اي احداث ❤️❤️❤️❤️ان شاء ﷲ يعجبكم البارت وباذن ﷲ ارجع برواية حلو او يمكن كتابات من تاليفي وشكرا

[هدوء]

متابع بصمت ..

ونحن هنا على موعد مع القلم حيث يستريح
بقربك ويبدأ بنزف حبره على ورق شفاف
يعانق الاوانه السحاب ..

سنكون دونا بالقرب مشرفتنا

[امولـ]

متابع بصمت ..

ونحن هنا على موعد مع القلم حيث يستريح
بقربك ويبدأ بنزف حبره على ورق شفاف
يعانق الاوانه السحاب ..

سنكون دونا بالقرب مشرفتنا

شكرا لك باذن ﷲ بس يكون بالي مو مشغول برجع بشيء جديد ❤️❤️❤️

[جنون عآبثهة]

-




امولـ
روايه جميلة استمتعت بقرائتها
يعطيك العافيه وتسلم اناملك عليها
وننتظر جديدك بشووق
دمتِ🌷🌷

[امولـ]

-




امولـ
روايه جميلة استمتعت بقرائتها
يعطيك العافيه وتسلم اناملك عليها
وننتظر جديدك بشووق
دمتِ🌷🌷

باذن ﷲ ❤️❤️❤️❤️ يمكن تكون بالفصحى بس يكون معي شريك يهتم بالفصحى ❤️❤️❤️