LioN KinG
05-20-2024, 12:16 PM
كنت بضحك على الكاتب الكبير محمد طارق، لما قرأت اقتباس ليه نصه"نحن لانملك رفاهية الانهيار "وقفت عندها: إزاي يعني منملكش الرفاهيه دي م إللي عايز ينهار ينهار براحته إللي زهق من الدوشه يقفل تليفونه ميروحش شغله يرمي كتبه وينام، ينام وبس. لحد دلوقتي عرفت إننا بالفعل مش بنملك غير رفاهيات محدودة ومن إللي مش بنملكه الانهيار، يعني هتقومي تطبخي وأنت كارهة الحياة عشان فيه غيرك لازم ياكلوا، هتقوم تذاكر وأنت طاقة الاستيعاب عندك قد تكون صفر لكن لازم تنجح، مش هتقفل تلفونك عشان لو احتاجوك ف البيت يلاقوك. هتبطل تصيح كمان عشان كل واحد فيه إللي مكفيه. هتبدأ تتخلى عن حاجات تمسكك بيها كان أكبر من تمسكك بنفسك وده ليه؟! عشان من سياسة الرفاهيات المتاحه أن كثرة التشبث بتدي للحاجات كامل السلطة إنها تفلتك، ف نجرب نفلت إحنا، ومنعاملش الحاجات على إن وجودها مسألة حياة وعدمها موت.
طيب مينفعش أنهار عشان خلاص مش قادر!! يعني منبوذ، مكروه إحساس الفشل بقا طاغي وخلاص أيقنته، بعد ده كله مينفعش أنهار !
= ينفع عادي خالص، نقفل كل البيبان المفتوحه ونتجنب المحاولة ونرجع للاوضة الضلمه بتاعت" أنا موصلتش لحاجه من إللي حلمت بيه"بس عشان إحنا مش بنملك رفاهية الانهيار محدش هيساهم في ترميم مابعد انهيارك، ف ياتنهار وتقوم ترمم نفسك بنفسك،
يا تنشف وتكمل.
طيب مينفعش أنهار عشان خلاص مش قادر!! يعني منبوذ، مكروه إحساس الفشل بقا طاغي وخلاص أيقنته، بعد ده كله مينفعش أنهار !
= ينفع عادي خالص، نقفل كل البيبان المفتوحه ونتجنب المحاولة ونرجع للاوضة الضلمه بتاعت" أنا موصلتش لحاجه من إللي حلمت بيه"بس عشان إحنا مش بنملك رفاهية الانهيار محدش هيساهم في ترميم مابعد انهيارك، ف ياتنهار وتقوم ترمم نفسك بنفسك،
يا تنشف وتكمل.