وضع صامت

[محمد سعد]

عايش علي طول وضعك صامت
وبقيت علي طول مابتتكلمش
سرحان طول وقتك كده ساكت
بتقع و تقوم وما تتعلمش
لونك بقي ليه ديما باهت
مصدوم ليه بس ؟ ماتتعشمش
قوم كمل خليك كده ثابت
الناس و الدنيا ما بترحمش

والميزه في قلبك انه كتوم
و انه كمان برضو بيستحمل
ومعيش روحك ف البدروم
و ﻻ عمرك قولت انا مستتقل
حمل اﻻيام والدنيا ف يوم
مع ان الدنيا بتسبهبل
واملنا بقي اسمه المرحوم
والحاضر دبح المستقبل

و برغم ما فيك ف جراح وانين
لكن عمرك ما بتستسلم
بيبان شكلك من بره حزين
لكن جواك راضي ومسلَم
ربك علي طول موجود بيعين
و الأيام ديما بتعلم
#محمدسعد

[ندى الورد]

الله الله لهجة عاميه جميله

وكلها موسيقى

نخليها على ربنا وعمره ماايخذلنا

اعجبتتي ورااقت لي محمد تقبل مروري

[همس الروح]

الراقي محمد سعد
أنا حاولت اكتب بالعامية لم اوفق
سلمت يداك وسلم قلمك الجميل
احترامي وتقديري لك ولقلمك 💐

[جاروط]

هي الحياة البسيطة لكل الغلابه
صورتها في كلمات جميلة و سهله
🌺🌺🌺🌺🌺
تسلم أناملك
🌹🌹🌹
يعطيك العافية يارب 😍

[محمد سعد]

الله الله لهجة عاميه جميله

وكلها موسيقى

نخليها على ربنا وعمره ماايخذلنا

اعجبتتي ورااقت لي محمد تقبل مروري


منوراني ديما يا ندي
متشكر جدا لمرورك
تحياتي

[محمد سعد]

الراقي محمد سعد
أنا حاولت اكتب بالعامية لم اوفق
سلمت يداك وسلم قلمك الجميل
احترامي وتقديري لك ولقلمك 💐


اهلين اختي همس
العاميه طريقه سهله وبسيطه وممتعه
وممكن تسمعي لشعراء كتير بالعاميه
زي احمد فؤاد نجم و الابنودي و عم صلاح جاهين
اكيد هتتعلمي تكتبي بالعاميه

موفقه باذن الله
تحياتي ليكي

[محمد سعد]

هي الحياة البسيطة لكل الغلابه
صورتها في كلمات جميلة و سهله
🌺🌺🌺🌺🌺
تسلم أناملك
🌹🌹🌹
يعطيك العافية يارب 😍

فعلا مفيش ابسط من الدنيا
لو عيشناها بالرضا و التوكل علي الله
الله يسلمك
ونورتني بردك
تحياتي

[هدوء]

تسلم على الخاطرة الجميلة استاذ محمد
سلم احساسك

[الاكليل]

مهما تكون نفسك مكسورة
عمر الناس ما بطبطب الا
لو عاوزة حاجة مستورة
مصلحة بتجر مصلحة
والدماغ بهز بس الروح
باين لها مرصودة
تنام وتصحي ع كوابيس
ويوم ترضى بالمقسوم
هو الفخ اللي إتعمل
بأول إمتحان علشان
ترضى بكل الظنون المسنونة

اخاف اكمل
اتكلم صيني بعدين 😀
قولت اجرب العامية
معاك يارائع
وسامحني ع التكسير
رائعة