يابنت يلي بالقصايد تغنين

[الغريب]

يابنت ياللي بالقصايد تغنين
جوزي عن الأشعار وش لك بالأشعار

خليك بالمطبخ وغسل المواعين
صعبه ترى يابنت تتغير الأدوار

خليه لاهل الشعر يابنت تكفين
وانتي لك البكله وروج وأستشوار

تدرين ولاكن مانتي بتدرين
ترى قصايدكم طماطم مع خيار

شعر مكسر خالي من المضامين
ذوق جماهير الشعر طعم الأمرار

والبيض عند الشاعرة أسمه التين
ولا شافت الجربوع تقول ذا فار

والشاعرة لو عمرها بالثمانين
تكذب وتعلن عمري بعمر الأزهار

تستخدم الميك اب وتكحل العين
واصغرهن اللي عمرها عمر سنجار

الشعر وين وشاعرات الغثا وين
طاحن بكبد الشعر لين الشعر ثار

...................................
الـــــرد

يالشايب اسحب كلمتك والعناوين
ترى كلامك ما دخل ضمن الاشعار

الشعر فن وذوق و إحساس وافين
الشعر نبض قلـــــوب ماله ابد دار

داااااره احاسيس القلوب الميامين
وللشاعرات (احساس) ماضنتي صار

وإذا تقول إنــــــا لغسل المواعيــن
انتم على غسل السيايــــر شطار

اعمارنا عمر الزهــــر بالبساتين
وقلوبنا تنبض احاسيس واشعار

وافعالنا تشهــــد لنا بالمياديــــن
نسيت يالشايب.. وإلا العقل طار؟؟

لولا البنات ماكان شكلك كذا زين
وحتى الشعر ماكان في داخلك ثار

لبيه ياحنا البنـــــــات المزايين
ولبى الشعر نكتبه من غير نحتار

اسمائنا متصدره بالدواويــــن
والظاهر انو شعركم مننا غار

م ن

[امل مفقود]

سلمت على الطرح
دام حضورك وَ عطائِك اللا محدود
لروحك آكاليل الورد.

[الغريب]

شاكر لكم
مرورركم المميز
حفظكم الله
امل مفقود

[احســـاس]

تسلم على النقل الجميل..
وانا اقول:

أنا اشهد ان البنت من اجلها ثار
الشعر والاحساس والذوق وافين

فيها حلا فيها غلا شوقها نار
وترو القلوب الخضر للغنج هاوين

خلك من الشايب وصار ما صار
ابو العلوم الغانمة والميامين


وسلامتك يالغالي

احســـاس

[همس الروح]

كل الشكر لك رحال على النقل وحسن الانتقاء

احترامي وتقديري لك 💐